Solidariteit Helpende Hand Oos-Rand Streek

30/08/2026

Sara

’n Gelowige Vrou

Iemand het eenkeer gesê: "Agter elke uitmuntende man is daar 'n uitmuntende vrou." Hoewel ons nie alles van

Sara af weet wat ons graag sou wou nie, het die Skrif meer oor haar te sê as oor feitlik enige ander vrou. Haar man, Abraham, is die vader van die gelowiges, maar sy is ook 'n voorbeeld van geloof in God. Soos Abraham was sy ook uit die Galdeërs, na wie die Skrif verwys as " die wrede, woeste nasie" (Hab. 1:6). Die Galdeërs het later bekend geword as die Babiloniërs (die hedendaagse Irak). Sy is met Abraham getroud voordat die reis na Kanaän begin het (Gen. 11:31).

Hulle was nie Israeliete nie, want Israel (Jakob), hulle kleinseun, was nog nie gebore nie. Hulle was ook nie Jode nie; die naam sou kom van Juda, hulle agterkleinseun.

Nogtans het God hulle geroep en hulle het gehoorsaam, en deur hulle het Hy 'n nuwe volk tot stand gebring: die volk van God.

As ons hierdie week kyk na Sara se lewe, sien ons, nes by Abraham, 'n gebrekkige en onvolmaakte soeke na God, maar nogtans 'n geloof wat groot genoeg was om in Hebreërs 11 die "heldegalery" van die Ou Testament te haal.

En ons sal lesse leer uit haar lewe wat ons sal help in ons eie pogings om God te volg.

28/08/2026

Die Solidariteit Helpende Hand Ons Plekke naskoolsentrums en kleuterskole skep ‘n veilige hawe vir ons kinders. Hier word hulle opgevoed en ontwikkel.

Die -projek skep vir gemeenskappe die geleentheid om betrokke te raak, deur maandeliks donasies.

Een brood. Een kind. Een toekoms. Stuur ‘n “brood” huis toe.

Jou ondersteuning is broodnodig:

https://helpendehand.co.za/donasie-aan-ons-plekke-en-sentrums/donasie/

27/08/2026

Die Solidariteit Opleidingsinstituut loop ‘n pad met diegene wat ‘n verskil in hul eie lewe en ander s’n wil maak. Op dié manier ontwikkel ons gemeenskappe.

26/08/2026

Die Solidariteit Helpende Hand Opleidingsinstituut streef daarna om wêreldgehalte versorgers op te lei wat gereed is vir die uitdagings van die toekoms en 'n groot bydrae kan lewer om gehaltesorg aan te vul.
Leer meer hier oor die Solidariteit Helpende Hand Opleidingsinstituut: https://helpendehandopleiding.co.za/

24/08/2026

🌊❄️ POLAR PLUNGE – DIE UITDAGING IS AAN! ❄️🌊

📅 24 Oktober 2026

Maak jou reg vir ’n uitdaging wat jou gaan laat ril, lag en jou moed toets! 🥶💦

Hierdie jaar staan Oos-Rand en Pretoria-Oos teenoor mekaar! 💪🔥
Wie se mense gaan die koue trotseer? Wie gaan die meeste moed hê? En natuurlik… WIE GAAN AS DIE UITEINDELIKE WENNER UIT DIE STRYD TREE? 🏆😱

Kom beleef die opwinding, ondersteun jou streek en wees deel van hierdie ongelooflike uitdaging! 🙌

💙 Oos-Rand, is julle reg?
Kom ons wys Pretoria-Oos waarvan ons gemaak is! 😎💪

📞 Vir meer navrae:
Mariolette: 067 871 0135
Zane: 083 449 7218

📲 Volg Oos-Rand se Facebook-blad vir meer inligting en opdaterings:
👉 https://www.facebook.com/HelpendeHandOosRandStreek

🌊 24 Oktober – die ys is koud, maar die gees is warm! 🔥
Oos-Rand vs Pretoria-Oos – LET THE PLUNGE BEGIN! 🥶🏆

24/08/2026

24/08/2026

VAN WELSYN NA WERKSYN – SAAM VAT ONS HANDE + 1

’n Hartlike dankie aan elkeen van ons wonderlike vrywilligers!

Dankie dat julle daar was. Dankie vir julle tyd, julle moeite, julle energie en die bereidwilligheid om saam met ons ’n verskil te maak. Elke hand wat help, elke glimlag, elke gesprek en elke uur wat julle gee, maak ’n groter verskil as wat julle dalk besef.

Julle is nie net vrywilligers nie – julle is ’n belangrike deel van die hart en krag van ons streek. Sonder mense wat bereid is om hul hande uit te steek en saam te werk, sou soveel van ons projekte en drome nie moontlik wees nie.

Ons kyk met groot opgewondenheid na die pad wat voorlê.
’n Pad waarop ons saam hande kan vat, saam kan bou en saam kan groei – ’n pad waar ons nie net van welsyn na werksyn beweeg nie, maar waar ons mense bemagtig, hoop skep en geleenthede help bou.

Want wanneer ons saamwerk, is daar krag.
Wanneer ons saamstaan, is daar hoop.
En wanneer ons saam hande vat, kan ons ’n gemeenskap verander.

’n Spesiale dankie aan Hannes Noëth, +1 Uitvoerende Direkteur van Solidariteit Helpende Hand, vir die leiding wat hy tydens die kongres gegee het en vir die inspirasie waarmee hy ons vorentoe lei.

Ons wil ook graag elke +1 Helpende Hand-personeellid bedank wat agter die skerms en voor die skerms gewerk het om die kongres moontlik te maak. Dankie vir elke reëling, elke detail, elke uur en elke bietjie moeite. Julle harde werk het hierdie kongres moontlik gemaak en ons waardeer elkeen van julle opreg.

Dankie aan elkeen van julle vir julle betrokkenheid en geloof in dit wat ons saam probeer bereik. Ons waardeer julle meer as wat woorde kan sê en sien met groot verwagting uit na alles wat nog voorlê.

Van welsyn na werksyn – saam vat ons hande, saam bou ons aan ’n sterker toekoms.

Baie, baie dankie aan elke vrywilliger en elke personeellid!
Julle maak die + 1 verskil.

24/08/2026

Werksyn bo welsyn. Ondersteun Solidariteit Helpende Hand hier: https://helpendehand.co.za/sm-donasie/

23/08/2026

Maria en Marta
Sien wat ewig is
Ons ken Maria en Marta, twee susters van die dorpie Betanië, hoofsaaklik as die susters van Lasarus. Ander onthou Jesus se uitroep: "Marta, Marta ..." (Luk. 10:41), en dink aan iemand wat haastig, selfs gespanne rondskarrel.
Hoewel hierdie twee volgelinge van Jesus ons 'n paar dinge kan leer oor angstig besig wees, selfs besig wees met dinge van die Here, is daar baie meer wat ons by hulle kan leer oor groei in ons verhouding met Jesus, oor werklik luister na sy Woord, en dan hierdie Woord uitleef in aktiewe geloof.
Hierdie vroue kan ons ook die verskil leer tussen dit wat ewigheidswaarde het en wat van minder belang is vir die ewigheid. Hulle kan ons baie wys oor die Here se geduld met sy dissipels en oor hoe Hy die volheid van sy planne ten uitvoer bring. Hulle kan ons 'n paar dinge wys oor die verskil tussen tyd en tydsberekening. Soos Maria en Marta sou uitvind, is Jesus die meester van volmaakte tydsberekening. Hierdie twee volgelinge van Jesus leer ons ook heelwat oor egte aanbidding, die soort aanbidding waarin Jesus behae het.