24/10/2023
Kulan ay soo qaban qaabiyeen Guddiga Ergo Elders ayaa maanta lagu qabtey Xarunta Safaaradda Somaliyeed ee Pretoria.
Kulankan ayaa aad loogu lafa gurey sidii looga fal celin lahaa falalka guracan ee lagu beegsanayo Ganacsiyada yar yarka ah ee Somaalidu ku leedahay Locationada ama township yada. Dadyow isku sheegey iney metelayaan Xisbiga ama ururka Dudula Operation ayaa hor boodaya dadka doonaya iney xiraan ganacsiyada soomaaliyeed ee ku yaala goobo kala duwan ee gobolka Gauteng. Shaqsiyaadka ka socda Ururka aan kor kusoo xusney ayaa qaarkood yihiin kuwo kaligood sharciga iyagu fulinaya halka qaar kale ay la socdaan saraakiil ka mid ah hey'adaha amniga, faya dhowrka iyo caafimaadka. Si kastaba ha ahaatee, dadyowgan waxaa hadafkoodu yahay iney xiraan ganacsiyada ajaanibta iyadoo aan loo fiirineynin iney heystaan sharciyaddii loo baahnaa iyo in kale.
Ka dib markii ay ganacsatu soo macluumaad muhiim ahaa oo ku saabsanaa howlaha aan soo xusney, waxaa la isla gartey in si wada jir ah loo wajaho duufaanadda qalalaase ee hadda jire iyadoo la kaashanayo hey'adaha ay quseyso ee dowladda.
