Hartenbos Bejaardesorgdiens

17/08/2026

’N BOEK KAN ’N WÊRELD VAN VERSKIL MAAK!

Het jy boeke wat al lank in die kas lê en net stof vergader? Moenie dit weggooi nie – skenk dit aan Hartenbos Versorgingsoord!

Ons is besig om ons boekrakke te vernuwe met nuwe leesstof en makliker leesbare boeke, sodat elke inwoner ’n boek kan vind wat by hom of haar pas.

En selfs al is ’n boek nie geskik vir ons rakke nie, kan dit steeds ’n verskil maak – deur projekte te ondersteun of verkoop te word om fondse in te samel vir die inwoners en Oord se behoeftes.

✨ Daardie boek wat vir jou in die pad is, kan vir iemand anders ’n bron van vreugde, herinneringe en ontspanning wees!

Skenk vandag jou ongewenste boeke en help ons om ’n warmer, meer geliefde tuiste vir ons inwoners te skep.

Kontak die Oord: 044 695 2386
WhatsApp ons: +27 79 751 2529
📍 Boeke kan afgegee word by:
Graaff-Reinetlaan 1, Hartenbos

Elke boek maak ’n verskil. Elke skenking beteken iets.

06/08/2026

Skryf in en neem deel aan ons soektog na die Blokraaikampioen. Vet pret en wonderlike pryse. Of jy 'n ou hand is, of 'n beginner wat net wil pret hê - almal is welkom! Bel die kantoor by 044 695 2386 of whatsapp 079 751 2529 vir meer inligting of om in te skryf.

31/07/2026

Ons is opsoek na blokraai-meesters, groentjies of geleentheids-raaiers om die Blokraaikampioen te vind!
Die inskrywings is oop vir almal - wyd en syd is welkom en word genooi. Indien jy vêr is - skryf in aanlyn en neem deel! Kontak die kantoor by 044 695 2386 of whatsapp ons by +27 79 751 2529 om meer inligting te kry of in te skryf.

14/07/2026

Vrydag hou ons basaar!!! Kom maak 'n draai vir heerlike eetgoed, handwerk of snuffel by die wit olifant. Ons sien uit daarna om almal te sien!!

09/07/2026

Ons maak reg vir die Basaar!! Onthou om die dag aan te teken - ons staan reg met heerlike kerrie en rys, poedings, pannekoek, toebroodjies en vele meer.
En indien enige iemand nog verdwaalde wit-olifant items het - julle is meer as welkom om by ons te kom afgee🤗elke item is welkom.

26/06/2026

Merk die dagboek, omsirkel die kalender!! Ons hou Basaar by Hartenbos Bejaardesorgdiens op 17 Julie 2026. Heerlike eetgoed, pannekoek, gebak en handwerk beskikbaar.

11/06/2026

💙 'n Huldeblyk aan die harte wat sorg. 💙

Vanjaar het ons ons Internasionale Verpleegsters Dag later gevier weens die ongure weer en inwoners wat siek was - wat so eie aan die beroep was dat ons moes lag en kopskud. Maar waardering het nie 'n vervaldatum nie.

Vandag sê ons opnuut: Dankie.

Dankie aan elke verpleegkundige en versorger wat met geduld, deernis en opregte liefde elke dag 'n verskil maak. Julle doen soveel meer as net 'n beroep – julle bring hoop, vertroosting, veiligheid en 'n sagte hand wanneer dit die nodigste is.

Dit was ook vir ons besonders om hierdie geleentheid te deel met van ons inwoners wat self in hulle lewens as verpleegpersoneel gedien het. Hulle het hul roeping uitgeleef deur ander te versorg en dra steeds 'n nalatenskap van omgee en opoffering saam met hulle.

By Hartenbos Versorgingsoord vier ons nie net die werk wat gedoen word nie – ons vier die mense agter die uniforms, die warm harte agter die vriendelike glimlagte en die stille helde wat dikwels sonder erkenning hul alles gee.

Aan elke verpleegkundige, versorger en voormalige verpleegkundige in ons gemeenskap: Ons sien julle. Ons waardeer julle. En ons is opreg dankbaar vir julle onmisbare diens.

❤️ Julle maak elke dag Hartenbos Versorgingsoord 'n plek waar sorg en menswaardigheid hand aan hand stap.

07/06/2026

Die tyd vlieg! Dis amper weer basaar!! Indien jy huis skoonmaak en items het wat jy nie weet wat om meer te doen nie, of te veel blokkies gebrei het👀👀of selfs net 'n bydrae wil lewer - kontak ons gerus by 044 695 2386 of maak 'n draai by die ons te Graaff-Reinetlaan 1, Hartenbos. Dankie aan al die wonderlike mense wat met hulle bydraes en donasies elke geleentheid uitmuntend maak!

03/04/2026

Die inwoners was vandag deur die paashaas bederf😉🐇🐇🐇
Dankie aan Feedem vir hulle moeite en omgee.

03/04/2026

'n Geseënde Paasfees vir almal. Mag ons almal elke dag die moed hê om voort te gaan en die beste vir ons inwoners, personeel en geliefdes te gee.

Have a blessed Good Friday
Today, on Good Friday, we reflect on the ultimate act of courage.

Courage is often seen in big, bold moments — but today reminds us of a deeper kind of courage. The courage to endure pain, to stand firm in love, and to make a sacrifice for others.

Jesus showed this courage on the cross. Not because it was easy, but because of love. And God the Father had to send His son to earth for us to be forgiven and be able to spend eternity with Them one day.

At Badisa, we see glimpses of this same courage every day:
In those who show up
In those who speak up.
In those who ask for help.
In those who choose change, even when it’s hard.

Today, we pause and remember:
Courage is love in action.