01/06/2026
SOK Sirkeldag 2026 was op 'n heerlike, sonnige wintersdag by die Suurvelder op Patensie. Die agtergrond van die kwekery om ons het gesorg vir 'n feestelike atmosfeer. Ons Tuin tot Tafel Marktafel het gekreun het onder die vars produkte, ingemaakte vrugte en groente, blombolle en tuisgebak. 4 Entrepreneurs uit die omgewing het stalletjies gehad om by te dra tot die atmosfeer. Ons hoofspreker was Stacey Klein Snakenborg, verborge aan ECPTA (Natuurbewaring) en sy het kom gesels oor die bewaringstaak in die Baviaanskloofgebied. Ilze Oosthuysen, een van ons bestuurslede, is nou betrokke by die Vloedhulp in die Vallei ná die ontsettende vloede wat ons vroeg in Mei getref het. Sy het 'n voorlegging gedoen met foto's van die vloed en ook van die vragte donasies wat uit alle oorde aan die Vallei geskenk is. Humansdorp het amper skoonskip gemaak met die gelukkige trekkings! Nadat ons heerlik geëet het, het ons beoordelaars, Alta en Koekie inligting gegee oor die Kongres- en Konferensieartikels vir 2027. Baie dankie aan almal wat saamgewerk het om dit 'n heerlike dag te maak. Ons sien julle in Hankey vir Konferensie 2027!
