Bodiredi bja Moswane M Sam

31/08/2026

Thabampshe, Ga-Masemola📍

23/08/2026

Mollo o tuke ka mehla Part 2: Re ka tšwetśa mollo pele bjang?

23/08/2026

Mollo o tuke ka mehla Part 1 : Testamente ya Kgale

08/08/2026

28/07/2026

Bapetša bophelo bja gago le morero wa Modimo

Mogau le khutšo go lena ka moka ka leina la Morena le Mophološi wa rena, Jesu Kriste.

MATEU 6:33
[33] Lena sa pele le šomele mmušo wa Modimo le tše Modimo a nyakago gore le di phethe, gomme tše dingwe tšeo ka moka o tla le okeletša ka tšona.

Ge maphelo a rena a sepelelana le morero wa Modimo, dilo ka moka di thoma go hwetša modulo a tšona.

Rephela bjang Morerong?

1. Leboga mpho ya bophelo

Pele Jesu a bolela ka go tsoma Mmušo, O ile a botšiša gore: MATEU 6:25 “Ke ka lebaka leo ke le botšago gore le se ke la balabala mabapi le dijo le dino le diaparo tše le di hlokago bophelong. Ga ke re bophelo bo bohlokwa go phala dijo? Mmele le wona ga ke re o bohlokwa go phala diaparo?

Bophelo ka bo bjona ke mpho e kgolo ya Modimo. Batho ba bantši ba fetša maphelo a bona ba duma ge nkabe ba ka ba lefelong le lengwe, motho yo mongwe goba ba e-na le selo se sengwe.

Go e na le go leboga ditšhegofatšo tša lehono, ba bušetša morago lethabo go fihla gosasa. Eupša morero o thoma ka tebogo. Dafida ore:

DIPSALME 118:24 NSO51
[24] Ke lona letšatši le Morena a le dirilego; a re hlalaleng re thabe ka lona.

Ge o leboga bophelo:
• O tlogela go ipapetša.
• O tlogela go ngongorega.
• O thoma go lemoga botse bja Modimo.

Letšatši le lengwe le le lengwe le hlaba ke bohlatse bja gore Modimo o sa na le morero ka wena.

2. Dumela gore Modimo o šetse a tseba dinyakwa tša gago

Jesu o re gopotša gore Tatago rena wa Legodimong o šetše a tseba seo re se hlokago. Modimo ga a makatšwe ke boemo bja gago.

O a tseba:
• Dinyakwa tša gago tša ditšhelete.
• Mathata a lapa la gago/geno
• Leomo la gago la bophelo
• Ditoro tša gago.
• Bokamoso bja gago.

Ka dinako tše dingwe re tshwenyega ka gobane re bota maano a rena go feta dikholofetšo tša Modimo.

Diema 3:5–6 e ruta:

[5] O tshephe Morena ka pelo ya gago ka moka. O se ke wa tshepha kwešišo ya gago. [6] O gopole Morena dilong tšohle tše o di dirago, gomme yena o tla go lokišetša ditsela.

3. Nyaka mmušo wa Modimo pele ga dilo ka moka

Go nyaka Mmušo go bolela go dumelela Modimo gore e be Kgoši karolong yenngwe le yenngwe ya bophelo bja gago.

Go ra gore go botšiša gore:

• Morena, thato ya gago ke eng?
• Morena, o nnyaka kae?
• Morena, nka go direla bjang?

Mmušo ga se selo seo re se dumelelanago le dithulaganyo tša rena. E ba mokgwa wa rena wa bophelo.

Ge Modimo e le wa pele:
• Diphetho tša rena di a fetoga.
• Dikamano tša rena di a fetoga.
• Dilo tšeo di tlago pele tša rena di a fetoga.
• Semelo sa rena se a fetoga.

Mmušo ga se mabapi le bodumedi. E mabapi le pušo ya Modimo dipelong tša rena.

4. Ipapetše le Morero wa Modimo ka bophelo bja gago

Se sengwe le se sengwe seo Modimo a se hlotšego se na le morero.

O bopilwe ka morero wa Modimo. Jeremia 29:11 e re gopotša gore:

JEREMIA 29:11 NSO51

[11] Gobane megopolo ye ke le gopolago ka yona, ke a e tseba. O realo Morena. Ke megopolo ya molao, ga se ya bošula; ke ya gore ke le nee tše di tlago, tše le di holofetšego.

Batho ba bantši ba lapile ka gobane ba phegelela pitšo ya motho yo mongwe go e na le morero wa Modimo ka maphelo a bona ka noši.

Morero o tliša khutšo.
Morero o tliša tlhahlo.
Morero o nea tlhalošo gaešita le nakong ya dihla tše thata.
Ge o utolla gore ke ka lebaka la eng Modimo a go hlotše, o tlogela go kitimiša sebaka se sengwe le se sengwe gomme o thoma go phegelela dikabelo tšeo Legodimo le go filego tšona.

Ke rume ka gore, ge Modimo a le pele:

• O bula mejako yeo go se nago motho yo a ka e tswalelago.
• O fa bohlale bakeng sa ditiragalo ka moka
• O fana ka seo o se hlokago e le ka kgonthe.
• O fa khutšo lenakong ya mathata.
• O laela dikgato tša gago.
• O tlaleletša ka se sengwe le se sengwe seo re se hlokago go phethagatša morero wa gagwe.

Amen

15/07/2026

Nakong ya meetse-fula : Eba ka gare ga Areka

GENESE 6:14
[14] Ipetlele leselawatle ka dikota tše di tiilego; o dire diphapoši ka go lona mme o le manege ka moti ka ntle le ka gare.

GENESE 7:1
[1] Morena a re go Noa: “Tsena ka leselawatleng le ba lapa la gago ka moka; ke bone gore ke wena o nnoši lefaseng ka moka yo o dirago se se lokilego.

Bophelo bo tletše ka meetse-fula. Go na le meetse-fula a malwetši, go hloka mošomo, mathata a ditšhelete, thulano tša malapa, go lahlegelwa ke meloko le bakgotse.

Kanegelo ya Noa e re ruta therešo ye bohlokwa: p**a e ile ya na godimo ga bohle, ka yona nako tšeo Noa le lapa la gagwe ba be ba le ka gare ga areka.

Ke nyaka go ruta ka tiragalo ye, ke lebeletśe dintlha tše hlano:

1. P**a e nela Baloki le Bakgopo

GENESE 7:11-12
[11] ... methopo ka moka ya lewatle le legolo ka fase ga lefase ya thiboga, mme dithibo ka moka tša mafula a legodimo tša bulega, [12] gomme p**a ya tšhologela lefaseng matšatši a masome a mane le mašego a ona.

P**a ga se ya kgetha gore e nela kae. Ya wela ntlong ya Noa le dintlo tša ba kgopo. E be e akaretša dithaba, meedi, mašemo le metse.

Ka mo go swanago lehono:
• Modumedi a ka lwala.
• Modumedi a ka lahlegelwa ke mošomo.
• Modumedi a ka lebana le mathata a ditšhelete.
• Modumedi a ka itemogela manyami.

MATEU 5:45

[45] ....Tatagolena wa legodimong, yo a hlabišetšago baloki le bakgopo letšatši go swana, le p**a a e nešetšago ba ba dirago tše di lokilego le ba ba dirago tše mpe.

Madimo le dip**a ke karolo ya bophelo.

2. Phapano e be e le Areka

Mo Noa abego a le gona, go be go ena le p**a e swanago, eupša yena obe ale ka gare ga areka.

Ka ntle ga areka, meetse-fula a be a hlola tshenyegelo.

Ka gare ga areka, meetse-fula a be rotośetśa Noa godimo, maemong a mafsa.

Meetse-fula ao a ilego a senyetśa ba bangwe , a ile a phagamišetša Noa godimo.

Maemo a gago a ka swana le a batho ka moka, eupša moemo a gago a semoya a hlola phapano.

3. Modimo o lokišitše Noa pele ga Meetse-fula

Modimo o ile a laela Noa gore a age areka nako e telele pele lerothi la mathomo la p**a le ka na, pele le maru a ka thiba.

Tumelo e relokišeletša pele mathata a fihla, ra tlwaela go:

• Thapelo
• Go kwa Modimo
• Bokgethwa
• Lentšu la Modimo

Tše ke didirišwa tša moya tšeo re agago areka ya rena ka tšona lehono. Batho ba bantši ba nyaka Modimo feela ka morago ga ge meetsefula a thomile, eupša Noa o ile a sepela le Modimo pele ga meetsefula.

4. Modimo a tswalela mojako

GENESE 7:16 Ka morago ga fao Morena a tswalelela Noa ka gare.

Polokego ya Noa e be e se ka gobane a be a kgona go swaraletša/tswalela mojako, Modimo ka boyena o ile a tswalela mojako.

Tšhireletšo ya rena ga e ka matla a rena eupša e ka lebaka la potego ya Modimo.

Ge Modimo a tswalela mojako go dikologa bophelo bja gago, ga go meetse-fula ao a ka senyago seo a kgethilego go se šireletša.

5. Meetse-fula a na le bofelo

Meetse-fula a ile a tšea matšatši a mantši, eupša ka morago a ema.

GENESE 8:1
[1] Modimo o ile a gopola Noa....

Modimo ga a ke a lebala batho ba gagwe.

Ka morago ga meetsefula :

• Fase go ile gwa oma,
• kgwerano e mpsha ya thoma,
• le mathomo a maswa.

Potšišo ke gore: Na o tla ba ka gare ga areka ge meetse-fula a etla?

Lehono, areka e re šupa go Kriste. Bao ba mmotago le go mokwa ba šireleditšwe, le ge mafula a bophelo a galefile go ba dikologa.

O ka no ba o ekwa modumo wa mafula, o bona p**a, eupša ge e ba o le ka arekeng ya Modimo, mafula a tla go rotośetśa godimo.

Ge p**a e thoma go na:

• Dula bogoneng bja Modimo.
• Bota ditshepišo tša Gagwe.

DIPESALOME 46:1-3
[1] Modimo ke setšhabelo sa rena le maatla a rena; ke komana madulaabapile mabakeng a mathata.
[2] Ka gona, le ge lefase le ka šikinyega, le dithaba tša kgeregela ka garegare ga lewatle;
[3] le ge mawatle a ka rora a galefile, le dithaba tša thothomedišwa ke kgalefo yeo, re ka se tšhoge.

Thapelo:

Tate , re leboga ge o re gopotšitše gore madimo ke karolo ya bophelo, eupša ga o ke o tlogela bana ba gago ba se na botšhabelo.

Re thuše go dula go wena, go go tshepa, nakong le ka morago ga ledimo le lengwe le le lengwe.

Tiiša tumelo ya rena gore ge dip**a dietla, re hwetšwe re bolokegile ka arekeng ya gago.

Ka leina la Jesu, Amene.

07/07/2026

DIEMA 13:11
[11]Lehumoletlakalefela le a notlega; go ata la mokgobakadiatla.

MMOLEDI 10:7
[7] Ke bone balata ba nametše pitsi, bakgoma ba akga dinao wa bahlanka.

Go tšwa lapeng la bahumi go ka oketša sebaka sa gore o atlege, empa ga se netefatšo ya gore o tla atlega!

Ngwana yo a belegwego ka lapeng le le humilego o thoma bophelo ka dibaka tšeo ba bangwe ba se nago le tšona. Thuto e botse, tlhahlo, dinetweke le thekgo ya tša ditšhelete dika nea motheo o tiilego wa katlego. Tše ke ditšhegofatšo tšeo di swanetšego go lebogwa le go laolwa ka bohlale.

Lega go le bjalo, Beibele e ruta gore ditšhegofatšo dika lahlega ka go hloka tsebo, bootswa, boikgogomošo le go hloka tlhokomelo. Motho yo a abelwago mahumo eupša a hloka bohlale mafelelong a ka lahlegelwa ke dilo ka moka. Katlego ya ka mo go sa felego e tla ka go hlokomela kabelo ya gago ka bohlale le go botega.

Ka lehlakoreng le lengwe, ngwana yo a godišeditšwego bodiiding ga a ahlolelwe gore a dule a diila. Ka mafolofolo, bohlale, tayo, tumelo le kamogelo ya Modimo, motho yoo a ka phagama. Mangwalo a bontšha kgafetšakgafetša Modimo a phagamiša bao ba ikokobeditšego le go fa mogau go bao ba mo nyakago ka potego.

Ka gona, o se ke wa nyatša mathomo a gago, o se ke wa ba yo a sa šetšego kabelo ya gagwe. Lehumo ga se tiišetšo ya katlego, le bodiidi ga se kahlolo ya bophelo ka moka. Seo mafelelong se lego bohlokwa ke kamoo re arabelago ka gona go dibaka tšeo Modimo a re fago tšona. A re nyakeng bohlale, re šomeng ka mafolofolo, re tshepe Modimo.

Amene

05/07/2026

Ditlhohlo tśe badumedi, kudu baswa ba kopanago le tšona mengwageng ye, go lebeletšwe diphetogo tśa thekinolotši.

28/06/2026

Tseba gore o eme kae, o metše eng, o eme le mang!

21/06/2026

Lerato la Ntate!

Luka 15:11-32, kanegelo ya Morwa wa lehlaswa, yeo e bontšhago gabotse lerato le go se fele pelo ga ntate. Kanegelo ye e fa dithuto tše ditseneletšego ka ga tebalelo, go se fele pelo le lerato leo le se nago mabaka.

Dintlha tše bohlokwa re ka itutago tšona ka ntate wo ke tše:

1. Lerato le le se nago mabaka

Tate yo go bolelwago ka yena o emela lerato la Modimo leo le se nago mellwane. Go sa šetšwe diphošo tša morwa wa gagwe, lerato la tate le dula le sa fetoge. Se se re ruta go rata bana ba rena ntle le maemo, seo se bontšha lerato la Modimo go rena.

2. Go Kgotlelela bana

Tate o letela ka go se fele pelo gore morwa wa gagwe a boe, a bontšha bohlokwa bja go se fele pelo go godišeng bana. Re swanetše go fa bana ba rena sebaka sa go ithuta le go gola, re tshepa gore ba tla hwetša tsela ya bona ya maleba lefaseng le.

3. Tebalelo le Poelano

Ge morwa a boa, tate o mo amogela ka matsogo a bulegilego. Tiro ye ya tebalelo ke kgopotšo ye maatla, ere gopotša gore bana bahloka tlhahlo ya batswadi, menyako ya ntate e swanetše go phela e bulegile, go tsenega, gore bana baithute.

Kealeboga!

Are tšeang mohlola ka ntate wo, ka go ba le lerato, go se fele pelo le tebalelo, re ka godiša bana ba rena le go ba hlahla go ya bophelong bjo bo kgotsofatšago.