Huis PJ Strauss

25/08/2026

Vanoggend het Huis PJ Strauss inwoners se harte warm geklop! Ons plaaslike man van staal, Attie Heyns, het ons besoek en kom vertel van sy wedervaringe tydens die Washie 100 Miler wedloop wat hy suksesvol voltooi het. Attie het ook die tjek van die fondsinsameling aan Huis PJ Strauss oorhandig, wat deur Louis Marais en Marthinus de Villiers ontvang is.

Daar was verder ‘n lekker verrassing toe Attie “Die Beiteltjie” deur N.P. van Wyk Louw voorgedra het. Dit was ‘n besondere herinnering dat klein dade ‘n groot impak kan hê.

Weereens dankie Attie vir jou onbaatsugtige hart en liefde vir jou medemens!

Huis PJ Strauss sien uit daarna om die fondse wat ontvang is ten volle aan te wend om ‘n gedeelte van ons gebou te verf. Enigiemand wat graag verder by die verfprojek betrokke wil raak, kan vir Louis Marais kontak by 023 312 2308.

01/08/2026

IN DIE SAKKIE 🏆

Attie het sopas die Washie 100 Miler voltooi in 20ure 28min 15sek en was die 23ste atleet oor die eindstreep! 💪🏅

Welgedaan Attie! Al jou voorbereiding, opofferings, deursettingsvermoë en positiewe gesindheid het vrugte afgewerp! Ons is baie trots op jou met alles wat jy vermag het! Dankie dat jy hierdie groot uitdaging aangepak het om 'n verskil te maak vir Huis PJ Strauss en Huis Maudie Kriel!

Die fondsinsameling is nog oop tot 3 Aug 2026:
https://www.backabuddy.co.za/campaign/100-myl-vir-huis-pj-strauss-huis-maudie-kriel

Baie dankie aan elkeen wat reeds 'n bydrae gemaak het, elke donasie maak 'n verskil!

31/07/2026

Die wedloop het begin!

📍 Volg Attie se vordering regstreeks by:
https://tracking.sportraxs.com/574/1430/leaderboard.

31/07/2026

DIE GROOT DAG!

Attie begin vandag (31 Julie 2026) om 17:00 vanuit Cathcart hardloop in die Washie 100 Miler wedloop.

Atlete het slegs 26 uur om die 160km wedloop te voltooi.

Die voorste atlete word môreoggend (1 Augustus 2026) tussen 05:00 en 11:00 in Oos-Londen verwag. Atlete wat nie teen 06:00 die halfpadmerk bereik nie, sal ongelukkig uit die wedloop onttrek word. Die finale afsnytyd om die wedloop te voltooi, is 19:00 môreaand.

📍 Volg Attie se regstreekse vordering hier:
https://tracking.sportraxs.com/574/1430/leaderboard.

📲 Daar is ook 'n WhatsApp-kanaal, Washie 100, waar gereelde opdaterings oor Attie se vordering gedeel sal word.

Attie, baie sterkte! Ons almal in Ceres gaan jou luidkeels aanmoedig!

(Indien jy nog wil bydra tot die 100 Myl vir Huis PJ Strauss en Huis Madie Kriel, doen dit hier: https://www.backabuddy.co.za/campaign/100-myl-vir-huis-pj-strauss-huis-maudie-kriel)

28/07/2026

Vanoggend het Huis PJ Strauss vir Attie Heyns 'n spesiale afskeid gegee. Sterkte met die Washie 100 Miler, en weet dat 'n hele gemeenskap jou elke tree ondersteun! 💪🏃🏼‍♂️🏆

24/07/2026

EEN WEEK OOR!

Oor net 7 dae pak Attie Heyns die legendariese Washie 100 Miler aan. Dit is ’n ongelooflike uitdaging van 100 myl (160 km)!

Die bewusmaking wat geskep word deur die “100 Myl vir Huis PJ Strauss en Huis Maudie Kriel”-fondsinsameling is verstommend! Daar is reeds R79 124 ingesamel wat gelyk verdeel gaan word tussen die twee tehuise. Hierdie fondse gaan 'n groot impak hê vir die inwoners van die tehuise en almal daaraan verbonde.

‘n Opregte dankie aan elke persoon wat reeds bygedra het. Julle ondersteuning, aanmoediging en omgee beteken ongelooflik baie! Indien jy ook deel wil wees van hierdie besondere projek, is daar nog tyd om ’n bydrae te maak. Kom ons gee vir Attie die ekstra motivering om die eindstreep te haal!

https://www.backabuddy.co.za/campaign/100-myl-vir-huis-pj-strauss-huis-maudie-kriel

10/07/2026

DOELWIT VERBY GESTEEK

Binne slegs twee weke is 'n wonderlike bedrag van R54 688 ingesamel vir Huis PJ Strauss en Huis Maudie Kriel, 9% meer as die aanvanklike doelwit van R50 000! Opregte dank aan elke persoon wat reeds bygedra het!

Op 31 Julie 2026 pak Attie Heyns die uitdagende Washie 100 Miler aan ter ondersteuning van hierdie twee besondere organisasies.

Die fondsinsameling bly oop tot 1 Augustus 2026 en kan daar nog skenkings gemaak word. Alle fondse wat ingesamel word sal gelykop verdeel word tussen Huis PJ Strauss en Huis Maudie Kriel.

https://www.backabuddy.co.za/campaign/100-myl-vir-huis-pj-strauss-huis-maudie-kriel

Elke skenking is outomaties deel van 'n gelukkige trekking om KJH VERSUS hardloop sokkies te wen! 🧦

Indien jy 'n anonieme skenking wil maak, kontak gerus vir [email protected] om ook deel te wees.

Op 31 Julie 2026 gaan ek die Washie 100 Miler aanpak, 'n uitmergelende ultramarathon van 160 kilometer vanaf Cathcart in die Oos-Kaap tot by Oos-Lond...

10/07/2026

🙏🙏🙏

02/07/2026

CERES FONDSINSAMELING OP DIE LUG

Die 100 Myl vir Huis PJ Strauss & Huis Maudie Kriel fondsinsameling staan vanoggend op 62% van die doelwit! Hoe wonderlik dat so baie mense hierdie inisiatief ondersteun!

📻 Skakel vanmiddag 17:30 in op RSG, net na die hooftrekke, vir 'n insetsel hieroor! 🔊

As jy nog 'n bydrae wil maak, doen dit sommer nou by: https://www.backabuddy.co.za/campaign/100-myl-vir-huis-pj-strauss-huis-maudie-kriel

Elke skenking is outomaties deel van 'n gelukkige trekking om KJH VERSUS hardloop sokkies te wen! 🧦

Indien jy 'n anonieme skenking wil maak, kontak gerus vir [email protected] om ook deel te wees.

Op 31 Julie 2026 gaan ek die Washie 100 Miler aanpak, 'n uitmergelende ultramarathon van 160 kilometer vanaf Cathcart in die Oos-Kaap tot by Oos-Lond...

26/06/2026

100 Myl vir Huis PJ Strauss & Huis Maudie Kriel 🏃🏼‍♂️

💸 Skenk nou by:
https://www.backabuddy.co.za/campaign/100-myl-vir-huis-pj-strauss-huis-maudie-kriel