Solidariteit Helpende Hand: #HOOP

19/10/2026

Vandag begin ons met die toekenningsproses van Mpumalanga-Hoëveld en KZN Sentraal, asook Mpumalanga Laeveld-en KZN Noord-Streek vir verdienstelike studente vir 2027.

Een van die wonderlikste projekte van , maar ook een wat jou diep laat dink en altyd diep in jou hart krap. Ons lees die versoeke van jongmense met drome en ideale. Ons kyk na die studiekostes, bereken en herbereken, en dink mooi oor waar en hoe ons kan help.

Hierdie mense, is iemand se kind. Iemand wat graag wil leer, groei en 'n verskil maak, maar wat dalk net daardie bietjie hulp nodig het om sy of haar droom te verwesenlik.

Dit is nie net somme en syfers nie. Dit is emosionele, verantwoordelike saamdink.
Ons kan dalk nie almal help nie, maar vir elke student wat ons wel kan help, kan dit die begin van 'n heel nuwe toekoms wees.

En dít is waarom ons dit doen.

skep vennote van befondsing vir leemtes in Helpende Hand - Deel van die Solidariteit Beweging

Saam kan jy verskil maak, kontak ons!

Annemarie Hugo-van Heerden
Michael Smith
Retha Steenkamp
Yolandi Theron


Solidariteit Helpende Hand Mpumalanga Laeveld-en KZN Noord-Streek
Solidariteit Helpende Hand Mpumalanga-Hoëveld en KZN-Sentraal Streek

13/10/2026

Baie sterkte aan al ons matrieks met die eindeksamen wat vandag afskop! Helpende Hand staan bankvas agter julle!
Hou koers. Hê hoop. Vertrou op jou kennis.
“Ek is tot alles in staat deur Christus wat my krag gee.”
- Filippense 4:13

10/10/2026

KRUGERDAG

Vandag herdenk ons die geboortedag van president Paul Kruger — wat ’n besondere mens.
So, wat maak mens met die erfenis wat aan ons toevertrou is?

Erfenis is nie net die stories van gister nie.
Dit is in ons geloof, ons taal, ons kultuur, ons gesinne. Ons kan praat oor die krag van ons gemeenskap, maar ons moet daardie krag sigbaar maak in die lewens van mense wat vandag ondersteuning, hoop en ’n tweede kans nodig het.

Erfenis leef nie net voort in monumente, grafte en geskiedenisboeke nie, maar wat ons vir mekaar beteken.

Mag Krugerdag ons herinner dat ons nie net erfgename van ’n geskiedenis is nie, maar ook bouers van ’n toekoms.

Ons onthou waar ons vandaan kom.
Ons bou voort op wat waardevol is.
En ons skep hoop vir dié wat ná ons kom.

10/10/2026

N HART VOL DANKBAARHEID!

Ons -gholfdag ten bate van Solidariteit Helpende Hand Ons Plek Kleinfontein was soveel meer as net ’n dag op die gholfbaan, dit is wat gebeur wanneer mense saamstaan met ’n gedeelde doel en harte wat omgee.

Die ondersteuning was ongelooflik, en die veiling het uitsonderlike resultate opgelewer! 🙌

Aan elke speler, borg, skenker, ondersteuner en helper: BAIE, BAIE DANKIE! Julle het elkeen ’n aandeel gehad in die sukses van hierdie dag. ’n Spesiale dankie aan Liam Black wat opgetree het, en ons staatmakers Charl de Wit, en Sarel van Heerden vir jul onmisbare hulp en ondersteuning!

Ons is nog besig om die finale syfers bymekaar te kry, maar een ding weet ons reeds: wanneer mense saamstaan, word HOOP ’n werklikheid!

Dankie dat julle vir ons saak en ons kinders, soveel liefde, tyd en befondsing getoon het.

Hier is ’n paar mooi oomblikke van die dag!


Carlene Du Toit
Verdi Snyman
Annemarie Hugo-van Heerden
Hannes Noeth
Solidariteit Helpende Hand Ons Sentrum
Solidariteit Helpende Hand Mpumalanga-Hoëveld en KZN-Sentraal Streek
Helpende Hand - Deel van die Solidariteit Beweging

05/10/2026

Ons eer vandag Onderwysers wat gee vir ons kinders, ons toekoms!

Vandag is Wêreldonderwysersdag, 'n dag waarop ons elke onderwyser vier. Dankie vir julle opofferings. Dankie vir wie julle is. Dankie dat julle die volgende generasie opvoed.

03/10/2026

Vandag is ons by Solidariteit Helpende Hand Opleidingsinstituut 'n kosbare funksie - "Vroue wat Versorg en Versterk" by Better Boys Boutique.

Hier word "Opleiding gebied vir mense wat weet hoe om iemand se waardigheid te beskerm. Mense wat lig in die tonnel vir jou inbring, en saam met jou daar gaan sit. /Dr Ella Swart of te wel Marlee vd Merwe



DrElsha Hermann
Delmei Delport
Isabel Faurie
Sandra Noppe Taljaard
Dawie Roodt
JayDeeKay Beauty
Annemarie Hugo-van Heerden

02/10/2026

Kom deel HOOP by ons Gholfdag saam met Liam Black Vrydag, 9 Oktober by Witbank Golfclub ten bate van ons kinders.

Want elke kind verdien opvoedkundige ondersteuning, versorging en voedingsprogramme.
Solidariteit Helpende Hand Ons Plek Kleinfontein

Annemarie Hugo-van Heerden
Carlene Du Toit
Verdi Snyman
Solidariteit Helpende Hand Mpumalanga-Hoëveld en KZN-Sentraal Streek

22/09/2026

🇺🇸 ’n Paar eerste indrukke uit Amerika…

My reis in Amerika is nog nie verby nie, maar daar is reeds ’n paar dinge wat my diep laat dink oor gemeenskap, geloof, instellings en nalatenskap.

Een van die besondere ervarings tot dusver was my besoek aan Museum of the Bible in Washington D.C. As Christen het dit my persoonlik diep geraak om die antieke boekrolle, manuskripte en die bewaring van die Bybel se geskiedenis te beleef.

Vanuit die lens van Solidariteit Helpende Hand: het ek dit ook deur ’n ander hoek beleef.
Dit het my weer laat besef dat wat ’n gemeenskap oor geslagte heen behou en bou, uiteindelik deel word van sy nalatenskap.

Die invloed van die Bybel en Christelike geloof op die wêreld is enorm — in kuns, wetenskap, taal, literatuur, denke en soveel ander terreine. Dit is nie net ’n geloofsverhaal nie; dit is ook ’n verhaal van hoe idees, waardes en kennis deur geslagte bewaar en oorgedra word.

Toe ek Arlington cemetery Washington DC besoek het, het ek dieselfde beginsel op ’n ander manier beleef: ’n diep respek vir geskiedenis, vir mense wat voor jou gekom het en vir dit wat aan volgende geslagte oorgedra word.

Dit laat my dink aan die kern van :

Ons werk gaan nie net oor wat ons vandag kan doen nie. Dit gaan oor wat ons vandag bou, sodat iemand môre daarop kan voortbou.

Kinders. Opleiding. Vaardighede. Gemeenskappe. Instellings. Verhoudings.

Elke geslag ontvang iets.
Elke geslag het ’n verantwoordelikheid om iets te bou.
En elke geslag behoort iets sterker aan die volgende geslag oor te dra.

Ek is nog op reis en weet daar lê nog baie ontmoetings en gesprekke voor. Nalatenskap en verhoudingsbou gebeur nie vanself nie. Dit word doelbewus gebou.

Groot dank Lizelle J Van Rensburg en Jacques Janse van Rensburg vir dit wat jul en die gemeente Hope Christian Church vir so hartlike ontvangs!

skep vennote van befondsing.

Hannes Noeth
Annemarie Hugo-van Heerden

07/09/2026

Vivo Boerebemarkingsdag - WAAR JONGMENSE HOOP GEE

Wat ’n naweek!

Ons het behoorlik warm gekry, weggewaai en toe yskoud geword met die skielike koue, en natuurlik, het die Springboks gewen!!

Maar deur dit alles het ons iets baie kosbaars gekry: Goeie gesprekke, nuwe verhoudings en stories van mense wat jou weer in die toekoms laat glo.

Solidariteit Helpende Hand: het tussen boere, besighede en gemeenskappe beweeg.

Ons het saam geproe aan heerlike gebak, en is selfs elkeen bederf met ’n sak aartappels van ’n boer — aartappels van uitstaande gehalte!

Maar dit was veral die jongmense wat my hart geraak het.

Daar was die gulhartigste jongman en jongmeisie wie se tafel behoorlik gekreun het onder die sourdough-brode en koekies wat hulle self gebak het. Ek kon dit eenvoudig nie weerstaan nie!

En toe ontmoet ek Shannon en Danielle van Olivia Mae — hierdie is ’n jong entrepreneur met groot drome, met ’n duidelike visie en ’n diep liefde vir God. Sy skep juwele met mosterdsaadjies en gebruik haar werkswinkels om nie net mense te leer om iets met hul hande te skep nie, maar ook om oor geloof en Sy genade te praat.

Dít gee my hoop...

Jongmense wat inspring.
Jongmense wat met liefde werk.
Jongmense wat iets van hul eie bou.
Jongmense wat met vreugde en geloof na die toekoms kyk.

Miskien is dit die mooiste deel van my werk, om hierdie mense raak te loop en te besef dat HOOP reeds daar is. Ons moet dit net raaksien, aanmoedig en help groei.

Van ’n sak aartappels tot ’n tafel vol varsgebakte brood. Van ’n juweel met ’n mosterdsaadjie tot ’n gesprek oor geloof.

Klein dinge. Groot betekenis. En baie HOOP!


www.hoopvirhoop.co.za

Dankie VIVO Boeremark, vir ’n besonderse naweek en vir elkeen wat ons deel gemaak het van julle stories.

04/09/2026

VIVO BOEREMARK | VERHOUDINGS WAT SAAM BOU

Vandag is ons by die Vivo Boeremark saam met Studietrust, Helpjag, die Limpopo-streek en .

Hier ontmoet ons mense wat die hartklop van ons gemeenskappe ken: boere, entrepreneurs, besighede en gemeenskapsleiers.

Want volhoubare gemeenskappe word nie alleen gebou nie. Dit gebeur wanneer mense hul kennis, hulpbronne en invloed saamspan om ’n verskil te maak.

Ons bou verhoudings.
Ons skep geleenthede.
Ons belê in jongmense.
Ons bou saam aan HOOP.

Boere en besighede is nie net deel van ons gemeenskappe nie – hulle is vennote in die bou van ’n sterker toekoms.

Solidariteit Helpende Hand Limpopo Streek
Annemarie Hugo-van Heerden Carol Ankiewicz Karlynka Stafford Annelize Truscott