https://www.facebook.com/110773168366342/

Huis Magnolia ACVV-Dienstak

Home
South Africa
Cape Town
Huis Magnolia ACVV-Dienstak

Gelëe in Bellville is Magnolia, huis vir Bejaardes. Die Tehuis is ‘n ACVV dienstak en is 60 jaar oud!

Die fasiliteit maak voorsiening vir 85 selfversorgende bejaardes wat in woonstelle/kamers woon asook 18 persone in ‘n Versorgingseenheid.

12/10/2026

∙∙ Gelukkige verjaarsdag aan ons bestuurder, Megan! ∙∙

Vandag vier ons nie net nog ’n lewensjaar nie, maar ook die besondere mens wat jy is.

Dankie vir jou omgee, jou geduld en die warmte waarmee jy Huis Magnolia elke dag lei. Jou toewyding en liefde vir ons inwoners maak ’n verskil wat dalk nie altyd in groot dinge gesien word nie, maar beslis in die klein oomblikke gevoel word.

Mag hierdie nuwe lewensjaar vir jou gevul wees met vreugde, mooi herinneringe, gesondheid en baie redes om te glimlag. Mag jy vandag self ’n bietjie van al die liefde ontvang wat jy so maklik aan ander gee.

08/10/2026

∙∙Ons Jaarverslag is nou beskikbaar! ∙∙

By Huis Magnolia is elke jaar gevul met besondere oomblikke, groei, herinneringe en stories. Ons is trots om ons jaarverslag met ons inwoners, families en gemeenskap te deel.

Lees meer oor die afgelope jaar, ons hoogtepunte en alles wat by Huis Magnolia gebeur het.
https://heyzine.com/flip-book/20810e559f.html

06/10/2026

∙∙ Huis Magnolia is trots op twee baie spesiale inwoners! ∙∙

Huis Magnolia is besonders trots op twee van ons inwoners (broer en suster) wat onlangs hul verjaarsdae gevier het.
Mnr. Gert Kotze het op 30 September sy 96ste verjaarsdag gevier, terwyl sy suster Mev. Yda Killian haar 95ste verjaarsdag gevier het.

Dit is ’n besondere voorreg om sulke kosbare mylpale saam met hulle te kan vier. Ons is dankbaar om hulle deel van die Huis Magnolia-familie te hê en wens hulle nog baie mooi en geseënde jare toe.

Namens die Beheerraad, personeel en mede-inwoners van Huis Magnolia, wens ons Gert en Yda ’n baie gelukkige en geseënde verjaarsdag toe. Mag hierdie verjaarsdae en elke dag wat voorlê, gevul wees met die warmte van die son, die geluk van glimlagte, die klank van lag, die gevoel van liefde en die vreugde van goeie moed.

Baie geluk, Gert en Yda!
Mag julle besondere band as broer en suster nog vir baie jare vir ons almal ’n inspirasie wees.

05/10/2026

∙∙Ons jaarvergadering. Ons lied. Ons Huis. ∙∙

Vrydag se jaarvergadering is op ’n besonderse noot afgesluit - met die Huis Magnolia-lied. ’n Lied wat meer is as net woorde en musiek.

Om saam te wees, saam te leef en saam herinneringe te maak.

02/10/2026

∙∙64 jaar. En steeds ’n huis vol hart. ∙∙

Gister het Huis Magnolia sy 64ste verjaarsdag gevier - en wat is ’n verjaarsdag sonder iets lekkers om saam te geniet? Met heerlike skons, goeie geselskap en mekaar was dit ’n eenvoudige, maar besonderse viering van 64 jaar se herinneringe, vriendskap en saamwees.

Vandag het ons ook ons jaarlikse algemene vergadering gehou, aangebied deur ons voorsitter van die Beheerraad, mev. Nelson.

Maar vandag was daar nog ’n baie spesiale oomblik: een van ons personeellede is vereer vir 30 jaar se lang en getroue diens aan Huis Magnolia. Dertig jaar van omgee, diensbaarheid, herinneringe en deel wees van die lewe van soveel mense.

Dit is maklik om ’n gebou 64 jaar oud te noem.
Maar 64 jaar van mense, stories, liefde en saamwees - dít is wat Huis Magnolia werklik vier.

Op nog baie jare saam.

21/09/2026

∙∙ ’n Besoek om te onthou! ∙∙

Dunatos Private Remedial School het verlede week vir ons by Huis Magnolia kom kuier - en wat ’n besonderse besoek was dit! Die koor het vir ons inwoners pragtig opgetree en die leerders het boonop vir elkeen ’n spesiale pakkie gebring.

Baie dankie aan elke leerder en onderwyser van Dunatos Private Remedial School vir julle tyd, moeite en liefde. Ons waardeer julle opreg!

15/09/2026

∙∙ ’n Braai met Bokgees 🏉🔥∙∙

Saterdag het van ons inwoners die kole aangesteek en saam gebraai in aanloop tot die rugby. Goeie kos, lekker geselskap en natuurlik ’n bietjie rugbygees het gesorg vir ’n heerlike middag!

11/09/2026

∙∙ Warm hande, warm harte. ∙∙

Die breigroep van Huis Magnolia het onlangs van hulle pragtige handgemaakte breiwerk aan Bokradio geskenk.

Elke item is met liefde gebrei, en ons weet sommer dat die kinders wat hierdie warm geskenke ontvang, se harte net so warm en bly sal wees. Baie dankie aan ons Huis Magnolia-breigroep vir julle tyd, liefde en vrygewigheid.

En ’n groot dankie aan Bokradio wat die breiwerk kom haal het en dit verder gaan versprei aan die kinders wat dit nodig het. Saam kan ons ’n bietjie meer warmte in iemand se wêreld bring. ❤️

07/09/2026

∙∙Baie geluk! 🎂 ∙∙

Baie geluk met jou verjaarsdag, liewe Tertia! 🎉🌷

Mag hierdie nuwe lewensjaar gevul wees met mooi oomblikke, baie liefde, lag en alles wat jou hart gelukkig maak.

Dankie vir die warmte, omgee en spesiale mens wat jy is. Ons hoop jy word vandag behoorlik bederf en dat die jaar wat voorlê net soveel vreugde bring as wat jy aan die mense rondom jou gee.

03/09/2026

∙∙ Lentedag 🌸∙∙

Gister het ons Lentedag gevier – en wat kan nou lekkerder wees as lekker braaivleis, ’n varsgebraaide braaibroodjie en natuurlik ’n heerlike nagereg om die dag af te rond?

Baie dankie aan almal wat gehelp het om die dag so spesiaal te maak.
Julle moeite en liefde word opreg waardeer!

Address

Baxter Street, Bellville
Cape Town
7530

Website

facebook.com

Alerts

Be the first to know and let us send you an email when Huis Magnolia ACVV-Dienstak posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Huis Magnolia ACVV-Dienstak:

Want your organization to be the top-listed non profit organization in Cape Town?