Dirkie Uys Voortrekkers

04/06/2026

Heerlike oggend saam met Laerskool Anton van Wouw by hulle Opedag. Almal kon lekker roosterkoek en gebraaide malvalekkers geniet. Die avontuurlustiges kon met toue klim teen ‘n “krans” en voel hoe lekker dit is om in jou eie te te slaap.
Vermoedelik het die personeel dit meer as die kinders geniet!

24/04/2026

🌍📚 Wêreldboekedag – 23 April 📚🌍
Op 23 April vier ons Wêreldboekedag, ’n dag wat ons herinner dat boeke eintlik klein portale na groot avonture is. Boeke laat ons leer, lag, droom en soms sommer hardop sê: “wow!” ✨
Vandag se vraag:
Hoeveel boeke moet mens per week lees? 🤔
Antwoord: 6/7✋🤚😆🤣
Registreer hier en word vandag ‘n Voortrekker: https://registrasie.voortrekkers.co.za
Kontak ons gerus vir meer inligting oor Die Voortrekkers:
📧 [email protected]
📞 012 329 6011

18/04/2026

Vanaand was 'n baie spesiale aand vir al die Dirkie Uysers met die inlywingsfunksie. Van die kleinste Gr R tot offisiere en heemrade.
Die PD's en Verkenners het hulle onderskeie beloftes met eer afgelê en 'n hoekie van hulle sertifikate gaan brand as deel van die Voortrekker tradisie.
Ons sê dankie aan nuwe offisiere en heemrade wat ook ingelyf is vir hulle dienswerk.
Na afloop van al die inlywings is daar erkenning gegee aan offisiere vir jare diens. Wat 'n voorreg om offisiere te hê wat sóveel jare opoffer, van 10 jaar en baie langer.
Ons gebiedsleier, Kobus van der Merwe, het sy juk ontvang vir 40 jare diens terwyl Malan le Roux en Karin Stoffberg albei hulle jukke ontvang het vir 50 jaar getroue diens.
Die Gr 7's het pragtige vlagseremonies aangebied om so 'n mooi aand perfek af te rond.

12/03/2026

Dirkie Uys Voortrekkers Gesinskamp
Magaliesberg Jeugkampterrein
6-8 Maart

Net meer as ’n uur buite Pretoria word ons deur die mooiste groen landskap verwelkom. Hier, in die hart van die Magaliesberg se unieke berg-ekosisteem, was oop grasvelde, bosveldbome, inheemse woude, glyklippe en waterpoele ons speelterrein vir die naweek. Baie lag, hope pret, speel-speel leer en nuwe ontdekkings in die natuur was alles op die spyskaart.

Die jongste groep maats het spesiale aktiwiteite geniet: Graad R–1 (Druppels) het nuwe eienskappe van water ontdek, terwyl Graad 2–4 veldkook gedoen en geleer het om plaatkoekies en springmielies op ’n veldstoof te maak. Hulle het selfs hul eie worsbroodjies en roosterkoek oor die kole gaargemaak.

Graad 5–6 het kreatief gewerk deur hul eie bordesakke van denim-materiaal te ontwerp en te maak. Graad 7 het die natuurskoon verken as deel van hul voorbereiding vir Voorslag.

Ons Verkenners het hul vaardighede opgeskerp en ontwikkel tot ware, professionele kettieskieters.

Die naweek het weer gewys hoe kosbaar dit is wanneer gesinne saam tyd in die natuur deurbring.

Baie dankie aan elke ouer, leier en deelnemer wat die naweek moontlik gemaak en ondersteun het. Ons het almal nuwe energie gekry en weer diep asem in die natuur geskep.

27/02/2026

Baie dankie Kanonkop Voortrekkers vir hierdie gawe opsomming, ons deel dit graag met ons lede.

🌟 ABC Toekennings – Wat beteken dit alles? 🌟
Het jy al gewonder hoe die ABC-punte werk? Hier’s ’n vinnige en maklike verduideliking 👇

Elke keer wat ’n Voortrekker ’n aksie bywoon, verdien hy/sy punte 🏕️🔥
Dit sluit in:
👉 Spanaksies
👉 Kommando-aksies
👉 Gebiedsaksies
👉 Kampe
👉 Kentekens
👉 …en nog baie meer!

🎯 Alles tel, maar daar is maksimum punte (buffers) per tipe aksie.
👉 Jy kan tot 110 punte per jaar verdien – en dit is glad nie maklik nie!

📊 Belangrik om te weet:
✔️ Jou punte bou oor jare op – jy begin nie elke jaar van voor af nie.
✔️ Jou totale punt bepaal watter ABC jy kan bereik.

🎖️ ABC-kleure en Lourierkranse:
Die ABC’s volg die Voortrekker-kleure:
🔸 Silwer ABC met ’n Oranje Lourierkrans
🔸 Dan Groen, en so vorder dit aan…
✨ Tot by Silwer ABC met ’n Goue Lourierkrans

Dan verander dit na:
🥇 Goue ABC, en die Lourierkranse begin weer van vooraf.

🏆 Die hoogste prestasie:
👉 Goud/Goud – ’n Goue ABC met ’n Goue Lourierkrans

Dit is ’n reuse prestasie en wys ware deursettingsvermoë, betrokkenheid en Voortrekker-trots 💙🔥

Hou aan bou aan jou punte – elke aksie maak saak! 💪🌿

01/02/2026

Sluit aan by Dirkie Uys Voortrekkers!
Deystraat, Brooklyn

Spanbyeenkomste...

Penkoppe en Drawwertjies
(Laerskoolleerders)
🗓 Maandae
⏰ 17:00–18:00
📍 By die Spansentrum
Deystraat, Brooklyn

Verkenners
(Hoërskoolleerders)
🗓 Woensdae
⏰ 17:00–18:00
📌By die Spansentrum
Deystraat, Brooklyn

21/11/2025

Voortrekkers onthou.

Vandag deel ons ’n kosbare stukkie geskiedenis — ’n foto wat ons terugneem na 19 September 1962, toe twee jong seuns, Charl Meyer en Conrad Cockcroft, standerd 2-klasmaats was by Laerskool Anton van Wouw in Nieuw-Muckleneuk, Pretoria.
Die foto is met ’n ou Box Brownie kamera geneem, nie in hoë resolusie nie, maar vol karakter en herinneringe. Conrad, lid van die Anton van Wouw-kommando, het dit met ons gedeel as ’n mooi herinnering aan waar sy Voortrekkerpad begin het.
Dankie, Conrad, dat jy hierdie besonderse foto en storie met ons deel. Dit herinner ons weer daaraan dat Voortrekkervriendskappe dikwels ’n leeftyd hou.

Hou Koers!

Kontak ons gerus vir meer inligting oor Die Voortrekkers:
📧 [email protected]
📞 012 329 6011

10/05/2025

Inlywingsaand 🌹

17/04/2025

Die Graad 9 Verkenners van Dirkie Uys het gister meer geleer oor die ontstaan van Paasfeestradisies en die simboliese koppeling aan Jesus se opstanding. Daarna is die spansentrum fyngekam vir paaseiers wat die storie van die Emmausgangers vertel. Maar hoe op aarde het die Paashaas 'n eier op die wawiel in die spansentrum gekry?

12/04/2025