Die Voortrekkers se Kernwaardes is gedeelde persepsies wat ons grense definieër en ons keuses bepaal. Dit omskryf die houding, ingesteldheid, optrede en karakter van die beweging. Die Voortrekkers staan vir:
Moderne Afrikanerskap
Positiewe Burgerskap
Konsekwente Christenskap
Die wese van Die Voortrekkers omskryf wat die beweging primêr in wese is en wat ons doen. Die Voortrekkers is 'n kultuurbew
eging wat die moderne Afrikaner, in besonder sy jeug, bemagtig om as positiewe Burgers en konsekwente Christene suksesvol te wees in hul roeping tot diens. Met "suksesvol" word bedoel dat elkeen sy volle potensiaal sal bereik deur effektiewe persoonlike leierskap. Die visiestelling van Die Voortrekkers beskryf die medium- tot langtermyn doelwitte. Die Voortrekkers se toekomsbeplanning bestaan uit twee dele:
Toekomsplan 2017 is die vier-jaar-plan en Toekomsblik 2020 die langer termyn vooruitsig wat met Kongres van 2005 geformuleer is. Die Voortrekkers se 10 doelstellings is universele, nie-kulturele, nie-geografiese beginsels waaraan ons, ons lewens anker. Die Voortrekkerkode word direk uit hierdie doelstellings geformuleer. Om die geloof in God Drie-enig te vestig;
Om op alle terreine ‘n Bybels-Christelike lewe te lei;
Om hantering van gesag te ontwikkel;
Om die Afrikanerkultuur oor te dra en uit te bou en om ons kultuurerfenis te waardeer en te bewaar;
Om uit die verlede van die Afrikaner te neem wat goed is en daarop te bou vir die toekoms;
Om ons omgewing waar te neem, te waardeer en te bewaar;
Om tot goeie landsburgers te ontwikkel;
Om leierseienskappe uit te bou en te vestig;
Om gewoontes van oplettendheid, ondersoek, waardering, selfstandigheid en selfdissipline te ontwikkel;
Om ingesteldheid van diensgerigtheid en diensvaardigheid aan te kweek.
