Die winkels neem en verkoop enige skenking. Fondse word aangewend vir gemeenskapsprojekte en studiefondse vir behoeftige studente. Welkom by Solidariteit Helpende Hand (SHH) se amptelike Facebook-blad. SHH is 'n niewinsgerigte organisasie wat gemeenskappe met opvoeding, opleiding en ontwikkeling ophef. Ons fokus op kinders, ouer persone, persone met gestremdhede en gesinne in nood en rol projekte en programme reg oor Suid-Afrika uit. As jy kru taal gebruik of rassistiese of onvanpaste opmerkings maak, of as jy ander boelie, teister of intimideer, sal jy van die blad verban word. Ons waardes
1. Ons beskerm die privaatheid en persoonlike veiligheid van ons verbruikers, veral begunstigdes. Ons maak nie die identiteit van of inligting oor enigiemand wat hulp soek aan die publiek bekend nie. Ons laat geen hulpversoeke, kommentaar of boodskappe deur derde partye toe nie.
2. Beskerm jouself. Moenie persoonlike inligting aanlyn deel nie.
3. Beskerm ons kinders. Moenie foto’s van kinders op ons kommentaarafdeling plaas of met ʹn persoonlike boodskap vir ons stuur nie.
4. Tree eties en verantwoordelik op. Moenie wanvoorstellings van enigiets of -iemand maak nie.
5. Toon respek vir ander se menings en verskille soos kultuur, geslag, ras, kleur, geloof, godsdiens, etnisiteit, seksuele oriëntasie, geslagsidentiteit, nasionale oorsprong, burgerskap, ongeskiktheid en huwelikstatus.
6. Die volgende is streng verbode:
- Negatiewe kommentaar oor SHH en enige van sy werknemers en vrywilligers
- Haatspraak
- Aanhitsing tot geweld
- Rassisme
- Seksisme
- Laster
- Kru taal
- Aanstootlikhede
- Pornografie
- Strooipos ("spam")
- Bemarking van jou produk of diens
SHH verskaf nié die volgende nie:
- Statutêre maatskaplike dienste, insluitend die beveiliging van kinders
Ons gee wel raad en verwys mense na geregistreerde Kinderbeskermingsorganisasies wat statutêre dienste lewer.
- Finansiële bystand met verbands- of huurkoste, elektrisiteitsrekeninge, die herstel van wonings, trek- of reiskoste, mediese aangeleenthede, begrafnisdienste en borgskappe
- Behuising
