15/01/2026
Goeiedag,
Dit is vir ons ’n groot voorreg om u uit te nooi om lid te word van die Versekeringsinstituut van die Vrystaat (IIFS).
Indien u voorheen ’n lid was, hoef u slegs die jaarlikse lidmaatskapfooi te betaal om weer ’n lid in 2026 te wees. Aangeheg is die aansoekvorm.
Voltooi dit asseblief en stuur dit terug aan my, waarna ek die nodige faktuur aan u sal uitreik. Indien u reeds ’n lid was, hoef u nie weer die vorm te voltooi nie, tensy daar veranderinge in u inligting was.
Die IIFS is ’n organisasie sonder winsbejag. Ons geldige BEE- en COR sertifikate is ook aangeheg.
IIFS Visie:
Ons visie is om samewerkende verhoudings tussen alle rolspelers binne die versekeringsbedryf te bevorder. Dit sluit in:
Die fasilitering van kommunikasie tussen makelaars, versekeraars, assessors, verliesaanpassers en ander relevante partye oor aktuele onderwerpe.
Die aanbied van opleidings- en informatiewe sessies.
Die bevordering van gesonde sosiale interaksie tussen hierdie rolspelers om groter begrip en aanvaarding van elke party se rol in die bedryf te kweek.
Die bevordering van belangstelling in die versekeringsbedryf onder jonger generasies deur spesifieke aksies, sessies en geleenthede aan te bied.
IIFS Missie:
Ons streef daarna om ons visie te verwesenlik deur middel van:
Sosiale geleenthede.
Bedryfsverwante opleidings- en inligtingsessies.
Interaktiewe kommunikasie.
Ons sien daarna uit om u as deel van die IIFS-familie te verwelkom!
Indien u enige navrae het, is u welkom om Zuné Ferns [email protected] of Frans Henning [email protected] te kontak.
IIFS groete
