Guardian and Angel Bloemfontein

12/06/2026

🏇Goeiemôre! Vrede vir jou en ñ Rustige naweek.

'Geloof, vóór vrees'
📖Jak.2:26
"ñ Liggaam wat nie asemhaal nie, is dood. So is die geloof wat nie tot dade kom nie, ook dood."
❤️‍🔥 As jy in Jesus Christus glo, behoort jy jou geloof uit te leef in álles wat jy sé, doen en d**k. Anders is jy niks anders as ñ lewende lyk nie.
🥹Swaarkry, siekte, alles wat ons pla, maak ons te bang om iets te doen buite ons eie grense. 🤔Dit is goed vir jou, ómdat dit jou wys en leer, presies hoé afhanklik jy van God se hulp is.
🕊️God het ons gemaak om goed te doen- ons sal dit net regkry deur met Jesus se oë, na die wêreld om ons te kyk. 🤺Sit geloof en vertroue, vóór jou vrees!

Vat jou gebed buite toe. Sit jou gebeds versoek en vergifnis vra, dit buite jou laste in jou gedagtes. Weg van jou vrese en jou ongeloof.
Oord**k en skryf eerlik neer, wat jou gees en gedagtes so vashou.
Bid oor elke saak. Dalk jou gewete oor iets of wat ookal jou vashou. Goed wat verhinder dat jy vry en gemaklik kan voel.
🏋️‍♀️Gaan doen dan iets daaraan. Jy KAN!!
Met Jesus se krag en Sy liefde is jy in staat om dit reg te kry.🙌🏻
📖Efes.2:10 en Kor.1:8,9 = vir jou.

Ons moet nie op onsself vertrou nie maar op God.
🍃🕊️Geliefdes, ons tyd is nie in ons hande nie.
Jesus is Die Lig, Waarheid en Die Lewe.
Alles wat ons vashou in ons gedagtes, ook jou kwaad, en verlede se seerkry, het Jesus reeds vir ons oorwin.
'As jy nie weet waarheen jy oppad is in die lewe nie;
Kan jy enige pad vat, jy sal daar uitkom.'.
📖Die beste is, gebruik die Bybel en kies die Woord. Volg Jesus se voorbeeld.
Doen wat Die Woord vir ons sê.
Negatiewe keuses maak jouself kragteloos. Oorwinning in ons gedagtes is ñ keuse wat jyself kan beheer.
Ek los die goed wat my terughou om gelukkig te lewe.
Jesus wag dat ons die ougoed, die swartsakke met slegte goed neersit.

"Kyk, Ek maak àlles nuut-
Die ou dinge is verby." sê God.🙌🏻
🎼Raak die Heer aan, Hy gaan hier verby.
Hy is nooit te besig om jou te help. Hy wag nou om jou en my te bevry."
❤️‍🔥Jy is baie spesiaal, Jesus sê vir ons:
"Volg jy MY"
Veilig loop saam met Jesus.
Groete, Shalom
❣️🍃🕊️

11/06/2026

Maak Vir My ’n Weg, Here......

"Ek sal voor jou uit trek en die ongelyke plekke gelyk maak." – Jesaja 45:2.

Daar kom tye in ons lewe wanneer ons voor toe deure staan.

Jy bid, jy wag, jy probeer verstaan, maar dit voel asof daar geen uitweg is nie.

Dan roep jou hart uit:

"Maak vir my ’n weg, Here!"

’n Treffende voorbeeld hiervan is die verhaal van Jonatan
1 Samuel 14.

Die Israelitiese leër was vasgekeer deur die Filistyne.

Alles het hopeloos gelyk.

Maar Jonatan het nie op die hindernis gefokus nie, hy het op God gefokus.

Hy het vir sy wapendraer gesê:

"Niks verhinder die Here om ons deur baie of deur min te verlos nie."

Met geloof het hy teen ’n steil rotswand uitgeklim en God het vir hom ’n wonderbaarlike oorwinning gegee.

Jonatan het ontdek wat ons ook moet leer:

Waar geloof opstaan, begin God paaie bou.

Miskien staar jy vandag ’n finansiële berg in die gesig.

Miskien lyk jou gesondheid, huwelik of toekoms onseker.

God het nog nooit ’n probleem ontmoet wat groter as Sy krag is nie.

Hy sien reeds die oplossing terwyl jy nog net die hindernis sien.

Wanneer jy nie ’n pad kan sien nie, beteken dit nie daar is nie een nie, dit beteken net God is nog besig om dit vir jou oop te maak.

Moenie moed verloor nie.

Hou aan bid.
Hou aan glo.
Hou aan stap in gehoorsaamheid.

Die God wat vir Jonatan ’n weg gemaak het waar dit menslike onmoontlik was, is dieselfde God wat vandag voor jou uitgaan en vir jou deur sal kom.

Gebed:
Here, ek sien nie altyd die pad vorentoe nie, maar ek vertrou U.

Maak vir my ’n weg waar dit lyk of daar nie 'n weg is nie.

Amen.🩶

09/06/2026

09/06/2026

🌻☕Môre geliefdes, vrede vir ons almal.
📖Ps.9:10
'Vir die mens wat in gevaar verkeer, is Die Here ñ toevlug,
ñ skuilplek in tye van nood.🙌🏻
👟👟Stap ñ paar tree saam met 'Ron' wat hoop verloor het, terug in sy lewe, tot by sy getuienis.

🥹"Help my om te verstaan, dan sal ek stilbly, sê my waar ek verkeerd gedoen het."
Job 6:24

Dié Woorde het my aan Ron laat d**k, toe hy broos en verlore, gehawend op straat gesit het..Op sy kitaar het ñ koortjie my laat stilstaan..
Later het ek langs hom gaan sit en Job se woorde hierbo, onthou.
🪾🍂Naak eerlik soos ñ winterboom het die selfverwyt, seer en pyn, sy siel oorstroom.
😩Ek het my kinders en my vrou baie, 'vernalatig'
Ek het verby die kraal geloop van Jesus. Daar sien ek my moeder bid en my groot familie troos my vrou en kinders wat vir my wag.
Mevrou, ek is ñ straatgat, sonder ñ lewe..ek het niks oor van my selfrespek en geloof nie.

Toe't ek myself weer vang, toe is ek oud en verby my lewe op 47jaar!
💔Dit is harde d**kgoed uithaal, om hier te sit met ñ engel, wat kom omgee het oor my, die koudkry straat musikant.
Dis harde werk om nie te lieg vir jou, mevrou. Jy kyk verby my. Ekke bewe en worry of jy my gaan glo.
Wie glo of gee om as jy op ñ straat sit en speel, soos ñ boemelaar?

Ek is moeg en d**k aan my tyd by die....
orkes waar ek in die kore ook gehelp het.
Hoekom het jy vandag hier kom sit, jy luister net en jy vat my hand. Wie stuur jou?
Hoe kom ek weer uit die gemors van 1jaar op straat?

💔Help my dat ek kan verstaan, seblief mevrou?
📖🙏🏻Soek hulp en beskerming by Die Here, soek gedurig Sy teenwoordigheid. D**k aan die magtige dade wat Hy gedoen het, aan die wonders, aan die reddings dade op Sy bevel! 1Kron.16:11,12

🩶Ron, jy is tot alles in staat deur Jesus wat vir jou krag gee.
Jy is afgetakel na liggaam en gees daarom is Ps.91 vir jou.
Hoor wat Vader God sé:
"Wanneer jy, Ron, My aanroep, sal Ek jou gebed verhoor, in sy nood sal Ek by hom wees. God sal jou red uit hierdie sondige, verkeerde keuse van lewe, Hy sal jou weer in ere herstel. Vertrou altyd op die Here. God sal jou nooit alleen los nie!
😢U laat dit so maklik klink, sal die Here my vergewe, sal my vrou en kinders en my moeder, my aanvaar?'

Ron, ons struikel almal in baie opsigte. Jy is gelukkig nie ñ verslaafde nie. Dit is genade. Laat jou kommer aan die Here oor, Hy sal vir jou vorentoe sorg.

🥹🙏🏻Jy het berou en bely dat jy op eie insig gehandel het. Jesus het vir jou verkeerde keuse reeds betaal.
🙏🏻....Ek voel sterk en vry. Jesus het gehoor en my skoon gewas en nuut gemaak.
Mevrou ek verstaan omdat ek gehoor en ervaar het, dat Jesus by my is. Ek is terug!! in die kraal! 🙌🏻✝️🕊️

Gaan vra vergifnis ook by jou gesin en bid en vertrou saam vir ñ mooi gesonde,
toekoms. 🙌🏻🙌🏻
🌻Maande gelede, is Ron terug in die orkes. Help hy weer met koor en straatdienste saam met sy gesin.

"Kyk, EK maak alles nuut, sé God."

🤍Met sy woorde, sluit sy getuienis,
"❤️‍🔥🎼🪇🥁🎻🎺
"Ons gesin, sing die,
'die dooies weer lewentig!" 🎤
🙏🏻Hemel Vader, daar is baie siele met ñ storie om ons bewus te maak van U Woord.
Soos die Skrifte in Ron se storie, wat inpas by ons eie lewens verhaal.
Dankie dat U Woord die Waarheid, die lig is en dat U Woord, vir ons nuwe hoop en lewe gee.
Dankie Jesus, dat U elkeen van ons by ons naam ken en ons adres het. Dankie dat ons nooit alleen is nie. Dankie dat U ons telkemale, terug bring in die kraal, by U.
Die Here is ook my Herder. Daarom ken ek geen vrees nie. .Aan U behoort die Koningkryk, Mag en Heerlikheid. Tot in ewigheid. Amen.🙌🏻🙌🏻✝️🕊️
Mooidag en geseënde reis, oppad na die Hemelstad!
💌🍃🕊️
SHALOM

08/06/2026

🌾🐓Goeiedag geliefdes. Vrede en blydskap week vir jou.
✝️Jesus sê; "Dit sê EK vir julle, sodat julle vrede kan vind in MY.
In die wêreld sal julle dit moeilik hê; maar hou moed:
EK het die wêreld klaar oorwin." 🙌🏻
📖Johannes 17
Nadat Jesus dit gesê het, het HY na die hemel op gekyk en gesê:
🙏🏻"Vader, die tyd het gekom. Verheerlik U Seun, (Jesus) sodat die Seun U kan verheerlik.
U het vir My immers die volmag oor die hele mensdom gegee, om aan almal wat U vir Hom gegee het, die ewige lewe te gee." 🙌🏻🙌🏻
En dit is die ewige lewe: dat hulle U ken; Die enigste ware God, én Jesus Christus, wat deur U gestuur is.
"Ek (Jesus) het U Vader, op die aarde verheerlik (bly gemaak)
deur die werk te volbring wat U vir My gegee het om te doen."

Geliefdes, jy wat glo dat God vir Jesus gestuur het. .hoor wat Jesus bid vir elkeen van ons wat Jesus aangeneem het.
✝️🙏🏻Jesus bid tot Vader God: vers 9:
"EK bid vir hulle. Ek bid nie vir die wêreld nie, maar vir dié wat U vir My gegee het, ómdat hulle aan U ( Vader God) behoort.
Almal wat aan U behoort, behoort aan MY.
Heilige Vader, bewaar hulle in U Naam, die Naam wat U My gegee het, sodat hulle net soos Ons een kan wees."🙏🏻

❤️‍🔥Kinders van God, lees asb die hele gebed wat Jesus vir ons wat glo, gebid het. Dit laat my baie veilig voel.
Jy is ingesluit by Jesus se gebed.
✝️Direk nadat Jesus vir ons gebid het, het Hy met Sy dissipels na die tuin gestap, waar Hy gevange geneem is.
Mag jy Jesus se gebed onthou vir jou eie lewe.
Onthou altyd, jy is losgekoop en behoort aan God.🙌🏻
Mooi week met liefde in jou hart en in jou mond. Wys Jesus se gebed vir jou geliefdes.

🙏🏻Regverdige Vader, soos Jesus gebid het, laat ons wat glo, U Naam verder bekend maak. .Sodat die liefde wat U aan ons bewys het Jesus, ook aan ander wat nie glo, sal oordra.
Aan U liefde en goedheid is daar geen einde nie. Amen.
Shalom 💌🍃🕊️

05/06/2026

Dankie Tannie Aniki🌾🌱Môre geliefdes, vrede en geseënde naweek.
✝️As God ploeg in ons harte, in ons Spyt wees, is God van plan om te saai in jou lewe.
Vrees God sodat jou binneste spyt, sonder vrees kan wees..want God maak jou dan vry van die vrees vir mense.
🥹Spyt is ñ slegte las. Ek deel die kosbare 'besoeker' met jou.

Bring jou eie Spyt 'besoeker, na God.
🙏🏻Gebed..is om by Vader God uit te kom, nie by die antwoord nie.
Redes oor spytvoel, wat te laat is, is agter jou. Vergewe en leer daaruit.
😢Ou spreekwoord:
As God sê: "Vandag,"
sê die duiwel:
"Môre."
Geliefde, kom vry van skuldgevoel.
📖Jes.66:13 sal jou troos en laat groei!🙌🏻
Jy is spesiaal. Onthou die glimlag in jou spieël!😇
💌🍃🕊️Aniki SHALOM

04/06/2026

🪾🍂🥶❤️‍🔥 Vrede vir ons almal!
Goeiemôre!!
📖Matteus 18
'Jesus roep ñ kind'
✝️Jesus sê: "As julle nie verander en soos kindertjies word nie, sal julle BESLIS nie in die Hemel kom nie." (3)

(:6) "Elkeen wat een van die kindertjies wat in My glo, van My afvallig maak, vir daardie een sal dit beter wees om in die diep see te verdrink..".
(afvallig is om swak voorbeeld te wees vir die kinders)

Die Woord sê dat daar dinge kom in jou lewe, in die wêreld, wat jou weg hou van goeie voorbeelde vir jou kinders. Jou eie verkeerde keuses as ñ grootmens.
✝️Nou sé Jesus in vers 7, "Dat sulke dinge kom, máár wee die mens, die een deur wie dit kom!" (Die struikeling by ñ kind laat veroorsaak)

🤺Waarskuwings
Vers 10
✝️Jesus sê: "Julle moet nóóit een van hierdie kinders minag nie, want EK verseker julle dat hulle ENGELE in die HEMEL, GEDURIGDEUR by My Hemelse Vader is!"
📖Vers 14: " Dit is nie die wil van Die Vader dat één van hierdie kinders, verlore moet gaan nie."
💔Waak teen die voorbeelde wat ons stel, wat buite God se wil is bv.. Vloek, lieg, rusies, steel, verslawing, drank misbruik, rook, kind verneder met woorde, verwaarloos, ignoreer, wreed dreig, misken en mishandel. P***o, 'grooming, seksuele misbruik,
Jou kind nie oppas en beskerm en van Jesus leer nie.
🫣Ons kids blootstel aan plekke waar die ouers 'kuier'?
Die kind se emosies en vrese nie ken nie omdat ons nie met aandag, luister na hul hartjies nie!
😰Kinders gee moed op omdat hulle ouers nie tyd en aandag gee nie. Soms is hulle te bang om oor iets te praat. Bang vir die ouer se reaksies!?Hulle begin drink en rook, waar daar met maats gedeel word, terwyl ouers te besig is om self te 'kuier'??

🤺God se Engele, is jou en my kinders se oppassers. Die Engel van elke kind, gaan daagliks na God met 'nuus'. . wat met ons kind gebeur het deur die dag.
Die ouer sal die straf kry, ook die ander volwasse mense, wat jou kind laat struikel. (Struikel is onder andere, die kind volg verkeerde voorbeelde en word verwaarloos)
😢Ouers, geliefdes, ek wens jy kon sien hoe lyk ñ 'gestruikelde'. . kind wat nie die gevare geleer het van dwelmiddels nie. Wat ná die eerste 'pull' en eerste 'dop' wat hul gevat het..en daardeur hul, valse 'vryheid' gevoel het, van die pull en dop?. Daarna, bly hulle soek het..na daardie 'beter' gevoel??
😵‍💫Kinders jonger as 10j oud, op straat dronk en besig met rook? Wat misbruik word deur ander?
⁉️Waar is dié ouers?
Dit help nie om die kind te verskree, te straf as jy daarvan hoor nie! Help eerder dat die kinders hul ouers se omgee voel, hoor en sien.
Ons moet daagliks weet waar hulle is, ken jy hulle vriende en hul ouers?
⚠️Wees ouers wat omgee, wat weet waar hul kinders is. Wees ñ nugter voorbeeld, wat jou kind nie sal laat struikel nie!
🥹Skokkende getalle in die land van jongkinders, wat verkrag en misbruik word.
Terwyl kids buite kuierplekke speel, word hulle dronk ens ens.
Ouers wat laat kuier, 'vergeet' hul slapende kinders daar?
Geliefdes, 💓'Moord' is ook liggaamlik en, geestelik, sonder om te sterf!
📖Lees die Skrif in jou Bybel. Dit maak my hartseer om te d**k, hoeveel kinders, op ñ einde van elke maand, struikel as gevolg van ouers se voorbeelde?
💔Wat sou ons kinders, se Engel gaan oordra het aan God?
"Julle moet nooit een van jou eie en ander se kinders min-ag nie!"

🥹My hart is onrustig, hartseer en opstandig teenoor ouers, oppassers, versorgers ens. wat kinders minag en op hul eie laat grootword..sonder liefde, verstaan en veiligheid.
😢Stukkende lyfies, geslaan en misbruik. Dronk en hartseer. Leeg en verlore omdat ouers afwesige ouers is?
💔🙏🏻Jesus, my Here en my God, laat U wil geskied in elke ouer en kinder hart. Heilige Gees van God, verlos die ouers en kinders van die verkeerde, van struikeling.
Dankie dat U sal lig gee waar kinders verwaarloos, en ook gevange gehou word. Dankie dat U elke kind en ouer, sal verlos van hul eie verkeerde keuses.
Here my God, laat elke kind wat ontvoer is, en die kinders wat self weg geloop het, veilig terugkom. Vader, seën elke helper en verhoor elke noodroep, in Jesus Heilige Naam. Amen.
🙌🏻✝️🕊️
Kom ons luister na God se waarskuwings, kom ons help mekaar en bid vir wysheid. Bid asb vir honderde kinders oor die wêreld wat gesteel is. Van babas tot groot. Pas jou kinders op en hou jou oog ook op ander se kinders.

🙏🏻Here ons tree bemoedig voort, met vaste vertroue op U Woord en U beloftes.
Dankie dat U ons vergewe waar ons deur onkunde en eie begeertes, ons kinders laat struikel het. Seên elke gesin met dit wat U vir ons, volgens U wil sal seën. In Jesus Naam. Amen.
Shalom 🙌🏻🍃

03/06/2026

☀️💌🕊️Goeiemôre geliefde vrede, geloof en hoop is soos, Ps.4:9 lees, vir jou.

📝"Ian kom asb huistoe."
Ma sal móre aand 8h hier vir jou wag"

🥹Die moeder het uit radeloosheid en hartseer, by ñ Mall, op hul advertensie-bord dié nota opgeplak.
Haar seun van 15j, was al 2maande 'weg'.
🫢Die aand toe sy by die afgespreekte tyd daar kom.. was daar ñ hele paar jongmanne wie se naam, Ian is!
😢Almal het gehoop dat dit hul eie moeders se boodskap was.
Moeders wat hulle met liefde en vergifnis, soos die verlore seun in die Bybel, sou terug verwelkom.
🤗😥Daar was blydskap en trane. Die regte Ian se moeder het 7 jongmanne, na haar huis toe gevat. Hulle versorg en hul ouers voorberei om met Jesus se liefde, Sy genade en guns, hul seuns terug te neem.
✝️Geliefdes, God laat soms toe dat rampe Sy kinders tref. Hy help hulle élke keer as hulle by Hom, om hulp aanklop! 🙌🏻🙌🏻
📖Job 5:18-19
"Dit is Hy wat wonde toedien, maar Hy verbind hulle weer. Wat seer slaan, maar Hy maak weer met Sy eie hand gesond.
Al tref ñ ramp jou ses of sewe keer, Hy sal jou red!"

✝️🕊️🙌🏻🙌🏻
Jesus dankie vir genade dat U die nood en trane van elke ouer ken.
U weet waar die wegloop kinders is.
Laat U wil, U lig, in hul siele deur U Heilige Gees, hul terugstuur.
Jesus hul Herder, laat hul terugkom by U in die Veilige kraal.
Die gemis en vrees in hul harte, die kwaadwees en varkhok lewe, prysgee.
🙌🏻Dankie dat die ouers U Woord verstaan en nooit sal ophou glo en vertrou op U Woord.
Ses of sewe keer se:
" verdwaal". .U sal hulle weer red!
🙏🏻Jesus, Verlosser, dankie dat U elke seerkry ouer en kind, vrygekoop het en onder U Bloed beskerm. Amen. 🙌🏻✝️🕊️
Shalom

02/06/2026

Krake in die lewe

“En Hy het vir my gesê: My genade is vir jou genoeg, want my krag word in swakheid volbring. Baie liewer sal ek dus in my swakhede roem, sodat die krag van Christus in my kan woon.” II KORINTHIËRS 12:9 AFR53

• Wanneer ’n kruik breek en weer aanmekaar gesit word, lyk dit nooit weer soos tevore nie. Die krake en merke bly sigbaar.
• Baie mense kyk na die krake in hulle lewe — die seer, teleurstellings, mislukkings en uitdagings — en d**k hulle is beskadig en onbruikbaar. Maar God sien dit anders.
• Die Here gebruik juis mense wat al deur moeilike tye gegaan het. Hy gebruik ons nie ten spyte van ons krake nie, maar dikwels juis daardeur.
• As jy ’n lig binne ’n gekraakte kruik plaas, skyn die lig deur elke kraak. Dieselfde gebeur in ons lewe. God se lig, liefde, genade en heerlikheid skyn dikwels die helderste deur die plekke waar ons gebreek was.
• Geliefde, moenie skaam wees oor die krake in jou lewe nie. Laat God se lig deur hulle skyn, sodat ander Sy goedheid, genade en krag in jou kan sien. Wat jy as swakheid sien, kan God gebruik om Sy heerlikheid te openbaar.

Gebed: Here, dankie dat U my nie weggooi wanneer ek gebreek of swak voel nie. Dankie dat U genade vir my genoeg is en dat U krag in my swakheid volbring word. Laat U lig deur elke kraak in my lewe skyn, sodat ander U goedheid, liefde en genade kan sien. Gebruik my lewe tot eer van U Naam. In Jesus se Naam bid ek. Amen. 🙏🏻

Shalom 🕊️