AfriForum Langenhovenpark

19/08/2026

Stem vir AfriForum as Bloemfontein se beste Woonbuurtforum/Buurtwag!

Met talle suksesvolle buurtwagaksies, arrestasies en gemeenskapsveiligheidsinisiatiewe wys AfriForum Bloemfontein keer op keer dat ons ’n daadwerklike verskil in die Bloemfontein-gemeenskap maak.

Ons buurtwaglede is op straat, in woonbuurte en in die gemeenskap besig om hul tyd en energie vrywillig aan ’n veiliger Bloemfontein te wy.

Help ons om dié harde werk te erken – bring jou stem uit vir AfriForum Bloemfontein!

👉 Besoek www.bestofbloem.co.za en stem vir AfriForum as jou beste Woonbuurtforum/Buurtwag.

Jou gemeenskap. Jou veiligheid. Jou stem.

01/08/2026

AfriForum het vandeesweek in ’n dringende skrywe aan Sello More, munisipale bestuurder van die Mangaung Metropolitaanse Munisipaliteit, dié metro tot verantwoording geroep oor die buitensporige verhogings wat sedert die instelling van die 2026/2027-tariewe op sommige inwoners se munisipale rekeni...

01/08/2026

Dalena Beyers (Afrikaans) Die Mangaung Metropolitaanse Munisipaliteit mag nie voortgaan met die verkoop of langtermyn verhuring van 153 munisipale eiendomme nie, aldus ’n skikking wat buite die hof met AfriForum bereik is. Volgens hierdie skikking is ’n interdik nou van krag wat enige verdere ve...

01/08/2026

AfriForum se nege Bloemfontein-buurtwagte het tydens die organisasie se massapatrollie wat die afgelope Vrydag- en Saterdagnag (24 en 25 Julie) aangepak is, meer as 2 100 km afgelê en 36 uur se patrollietyd voltooi. Altesaam 74 deelnemers en 40 voertuie het aan dié grootskaalse veiligheidsoperasie...

29/07/2026

29/07/2026

AfriForum is Donderdag in die hof oor die verkope van Naval Hill en ander terreine in Bloemfontein.

AfriForum ’n hofaansoek ingedien teen die Mangaung Metropolitaanse Munisipaliteit se beoogde vervreemding en verkoop van verskeie munisipale eiendomme, waaronder Tempe-lughawe en die Franklin-natuurreservaat op Naval Hill.
AfriForum versoek onder meer dat die proses in sy geheel stopgesit moet word sodat die verkoop of verhuring van hierdie eiendomme nie plaas mag vind alvorens die regte prosesse nie gevolg is nie.
Wys jou ondersteuning met ’n bydrae: www.regshulpfonds.co.za

28/07/2026

DRIE VERDAGTES VIR VERDERE ONDERSOEK GENEEM NA VINNIGE REAKSIE OP VERMEENDE KOPERPYPDIEFSTAL

AfriForum911 se Reaksie-Eenheid het Maandagaand (27 Julie) vinnig gereageer nadat 'n versoek om bystand op 'n plaaslike GPF WhatsApp-groep ontvang is rakende 'n vermeende koperpypdiefstal by 'n woning in Ryno Kriel Laan, Universitas.

Met aankoms op die toneel is vier verdagtes in die veld agter die woning opgespoor en deursoek. Geen gesteelde goedere is aanvanklik in hul besit gevind nie.

Nadat beeldmateriaal van die perseel ondersoek is, het dit geblyk dat een van die verdagtes wat op CCTV waargeneem is, se kleredrag ooreengestem het met dié van 'n vierde verdagte wat intussen verdwyn het nadat die groep deursoek is.

Die Suid-Afrikaanse Polisiediens (SAPD) het die drie oorblywende verdagtes vir verdere ondersoek geneem. Mata Security en SecuriForce het ook ondersteuning op die toneel gebied.

AfriForum spreek sy waardering uit teenoor die SAPD, die betrokke sekuriteitsmaatskappye en die gemeenskap vir hul vinnige optrede en samewerking. Sulke gesamentlike optrede dra by tot veiliger woonbuurte en verbeter die vermoë om misdaad doeltreffend te bekamp.

Sluit vandag aan by jou plaaslike AfriForum Buurtwag vandag deur te registreer op die skakel, https://sluit-aan.afriforum.co.za?campaign=RoepToepCMO&leadSource=610005839