Wonderboom-Suid Gemeente

11/10/2026

Buig of Brand:
Geloof sonder kompromie

Die wêreld pas geweldige druk op ons om by wêreldse standaarde aan te pas. Volgens die Bybel moet ons kies tussen 'n vriend van God wees, of 'n vriend van die wêreld. Ons kan nie beide tegelyk wees nie.

Ons kyk na gelowiges in die Bybel wat die aanslae van die wêreld trotseer het en hoedat God hulle gehelp het.

Ds Johan van As gesels vanuit Daniel 3, Handelinge 4 en ander Skrifgedeeltes.

https://www.youtube.com/watch?v=ZhRirIYUQ0s

04/10/2026

Van 'n gees van vrees na 'n gees van oorwinning.

Talle mense sukkel met vrees, angs en spanning. Ons kan hierdie negatiewe emosies beheer en oorwin as ons leer om volkome op die Here te vertrou. Pieter Viljoen gebruik talle Bybelse voorbeelde wat ons kan help om 'n lewe van oorwinning te lewe.

Van 'n gees van vrees na 'n gees van oorwinning.Talle mense sukke...

13/09/2026

"Hom wat woon in die doringbos"

Moses som die totale Evangelie op met hierdie verwysing na God as "Hom wat woon in die Doringbos" in Deuteronomium 33 : 16

Ds Johan van As gesels oor Moses se ontmoeting by die brandende doringbos (Eksodus 3: 1 - 18) en sy roeping.

In sy eie oë was Moses 'n mislukking na die moord van die Egiptenaar en sy vlug na Midean. God het egter sy potensiaal raakgesien en hom gebruik om die Israeliete uit Egipte te verlos. Jy het sekerlik ook onontdekte of onbenutte potensiaal wat God wil en kan gebruik?

"Hom wat woon in die Doringbos"Moses som in Deuteronomium 33 : 16...

06/09/2026

Siende Blind en Horende Doof

Melissa Mc Donald gesels vanuit Johannes 9 : 1 - 41 oor die blinde man wat deur Jesus genees is, asook die verskillende reaksie van die omstaanders. Sommiges sien en glo, ander verwerp Jesus ondanks die getuienisse. Vandag het ons steeds die probleem dat party nie bereid is om die waarheid te ondersoek en te glo nie - dit is tot hulle eie nadeel.

30/08/2026

Waarom 'n Doringkroon?

Die soldate wat Jesus voor sy kruisiging gemartel het, het gedink hulle maak 'n bespotting van Hom deur Hom met 'n doringkroon te kroon. Daar steek baie meer in hierdie gebeure as wat ons dink. Ds Johan van As gesels oor die Bybelse betekenis van die gebeure.

Waarom 'n Doringkroon?Die soldate wat Jesus voor sy kruisiging ge...

23/08/2026

Lewensredders of Toeskouers

Jesus gesels in die bergrede oor die impak wat ons lewe op die lewe van ander kan maak. Hy sê: Julle is die Sout vir die aarde wêreld en die Lig vir die wêreld. Ds Johan van As gesels oor die lewensveranderende impak van Jesus se woorde.

Lewensredders of ToeskouersJesus gesels in die bergrede oor die i...

16/08/2026

Meer as genoeg genade ...

Ds Attie Nel gesels oor die baie sterk geloof van die Kanaanitiese vrou wat vir Jesus kom vra het om haar dogter te genees. Sy wou nie "nee" as 'n antwoord aanvaar nie. Die Skriflesing is Matteus 15: 21 - 28

Meer as genoeg genade ...Ds Attie Nel gesels oor die baie sterk g...

09/08/2026

Vrygemaak!

Ons is vrygemaak om diensbaar te wees.

Ps 116 vertel die verhaal van iemand wat 'n geweldige krisis oorleef het en vol dankbaarheid is teenoor die Here.
Hy worstel met die vraag: Hoe sal ek die Here vergoed vir al sy weldade aan my? Ds Johan van As gesels oor die lewensveranderende implikasies van God se genade vir ons.

Ons is vrygemaak om diensbaar te wees.Ps 116 vertel die verhaal v...

02/08/2026

Die ontkruid tussen die koring

Ds. Attie Nel gesels oor Matteus 13:24–30, 36–43. Jesus verduidelik God se genade op 'n nuwe manier in hierdie gelykenis.

Waarom het die boer nie die ontkruid laat uittrek toe hy besef daar is onkruid tussen die koring? Omdat die koring saam uitgetrek sou word, en om die koring kans te gee om te groei.

Die ontkruid tussen die koringDs. Attie Nel gesels oor Matteus 13...

26/07/2026

Jou lewe hou vir jou en jou nageslag seën of straf in.

God het met Abraham 'n verbond gesluit en vir hom gesê: "in jou en jou nageslag sal al die volke van die aarde geseën wees" (Gen 28: 14). Dit het beteken dat die Messias, die Verlosser van die wêreld, uit sy nageslag sou kom.

Die verbondslyn het deur die jare 'n paar vreemde draaie gemaak. Nie almal in die verbondslyn was perfekte gelowiges of het die heeltyd 'n mooi lewe geleef nie. Nogtans het God hulle gebruik om sy wil te laat geskied.

God wil vandag steeds mense gebruik om sy wil uit te voer, selfs al is nie almal van ons volmaakte gelowiges nie. God wys hierdeur sy liefde en genade vir ons as onvolmaakte mense.

Kyk saam met Ds Johan van As na die pad wat God met ons stap, en die implikasies vir ons nageslag.