17/11/2026
მტკვრის ნაპირებთან ისტორია თიხასავით იძერწება, ძველი ქუჩების ქვა კი საუკუნეთა ჩურჩულს ინახავს. თბილისში სხვა ჰაერია, სხვა სითბო და მადლი, აქ სხვადასხვა ენა ერთ მღელვარე გულში ინთება. ელიას გორაზე აღმართული წმინდა სამება, სომხური ეკლესია, მეჩეთის ქვის გუმბათი, სინაგოგის სინათლე, სოლოლაკის კლასიკური სადარბაზოები და მეიდანსა თუ შარდენზე ფეთქავი ცხოვრება ერთ დიდ, საერთო ამბავს ყვება. ძველ უბნებში, გოგირდის აბანოების ორთქლსა და იტალიურ ეზოებში წარსული დღემდე ცოცხლად სუნთქავს. აქ ყავის სუნი და ძველი დროის სევდა ბუნებრივად ერწყმის ეზოებიდან გამოსულ სიცილსა და მეზობლის მისალმებას. ეს ქალაქი მუდამ იტევდა ყველას და ყველაფერს თავისი დიდი, თბილი გულით. აგურის კედლებზე მიდგმული ჭრელი აივნებიდან გადმოფენილი ყვავილები, მტკვრის პირას გადმოკიდებული სახლები და კულტურათა ეს მრავალფეროვნება ჩვენი საერთო საყრდენია. სულ ერთია, საიდან ხარ, თუკი ეს ქალაქი გიყვარს, ის შენს ტკივილსაც იფერებს და ბედზეც დედასავით გელაპარაკება. მრავალსაუკუნოვანი, სევდიანი და ამაყი, სხვადასხვა ენაზე მოლაპარაკე, მაგრამ მაინც ერთიანი თბილისი ჩვენი საერთო სახლია, სადაც წარსულიც და მომავალიც ძველი ხიდების ქვეშ შეყვარებულებივით სამუდამოდ ეხვევა ერთმანეთს.
სწორედ ამ მრავალფეროვნებისა და ურთიერთპატივისცემის სიმბოლოდ, 16 ნოემბერს თბილისის საკრებულოში ტოლერანტობის საერთაშორისო დღე საზეიმოდ აღინიშნა.
თბილისის საკრებულო / Tbilisi City Assembly
Eva Babalashvili
Merab Chanchalashvili