25/09/2026
دقيقة من كتاب | الحياة المنطلقة نحو الهدف
لو شوفت حياتك بعين ربنا… إيه اللي هيتغيّر؟
الطريقة اللي بنشوف بيها الحياة بتحدد الطريقة اللي بنعيش بيها.
لو شايف الحياة سباق، هتفضل مستعجل. لو شايفها معركة، هتفضل بتحاول تكسب. ولو شايفها مجرد فرصة للاستمتاع، هتجري ورا كل حاجة تفرّحك.
لكن الكتاب المقدس بيدعونا نشوف الحياة بعين ربنا.
الحياة امتحان…مش بمعنى إن ربنا مستنيك تغلط، لكن إن كل موقف ممكن يكون فرصة ينضج فيها إيمانك وشخصيتك. المشكلة ممكن تختبر إيمانك، الانتظار يختبر صبرك، والشخص الصعب ممكن يكشف محبتك.
والحياة كمان أمانة…وقتك، مواهبك، علاقاتك، فلوسك، والفرص اللي قدامك… كلها حاجات ربنا حطها في إيدك لفترة علشان تستخدمها بأمانة.
ولو نفسك تعيش حياتك بوعي أكبر لقصد ربنا،سجّل دلوقتي في كورس «الحياة المنطلقة نحو الهدف» وابدأ تكتشف إزاي تعيش كل يوم بقصد.
https://forms.gle/gMf9okFXhuXZw9gn7
يمكن السؤال مش بس: "أنا عايز إيه من الحياة؟"
لكن الأعمق هو: "يا رب، إنت عايزني أعيش الحياة اللي ائتمنتني عليها إزاي؟"
لما نشوف الحياة بعين ربنا… حتى التفاصيل الصغيرة بيبقى ليها معنى.
لو حياتك "امتحان وأمانة"… إيه أكتر حاجة حاسس إن ربنا ائتمنك عليها في الفترة دي؟
وقتك؟ موهبتك؟ علاقاتك؟ ولا فرصة معينة؟
اكتبها في الكومنتات… وخلي إجابتك بداية إنك تعيشها بأمانة أكتر.
