جمعية طبيب الخير

  • Home
  • جمعية طبيب الخير
Call Directions Website Contact the organization

جمعية طبيب الخير طبيب الخير هي جمعية خيرية مُشهرة رسميًا برقم 9107 لسنة 2013، هدفنا (الإغاثة الطبية لكل محتاج)

آلاف المرضى بتدخل طوارئ الباطنة بمستشفى الدمرداش بنزيف داخلي أو انسداد معوي أو مشاكل حرجة في الأعضاء الداخلية زي الكبد أ...
03/10/2026

آلاف المرضى بتدخل طوارئ الباطنة بمستشفى الدمرداش بنزيف داخلي أو انسداد معوي أو مشاكل حرجة في الأعضاء الداخلية زي الكبد أو الطحال أو الكلى، وطبعاً دا بيسببلهم آلام شديدة ومضاعفات طبية خطيرة.

سرعة التشخيص في اللحظة دي مش رفاهية، ولكنها ضرورة عشان يتم اتخاذ الإجراء الطبي اللازم مع المريض، عشان نحافظ على حياته ونمنع عنه أي تدهور.

عشان كدا جمعية طبيب الخير هتوفر جهاز موجات صوتية (سونار) في طوارئ مستشفى الباطنة، عشان يساعد في شفاء آلاف المرضى بالمجان.

اعرف تفاصيل أكتر عن الجهاز واتبرع من هنا
https://tabeebelkheir.org/ar/donations/demerdash-uls-001

أو ابعتلنا على رقمنا 01090080122 لو عايز تعرف تفاصيل أكتر.


ثلاث مرات كل أسبوع، وساعات طويلة بين الألم والانتظار. دي مش مجرد جلسة علاج عادية، دي معركة حقيقية بيخوضها مريض الفشل الك...
22/09/2026

ثلاث مرات كل أسبوع، وساعات طويلة بين الألم والانتظار. دي مش مجرد جلسة علاج عادية، دي معركة حقيقية بيخوضها مريض الفشل الكلوي عشان يفضل عايش وسط أهله.

الأصعب من التعب نفسه هو ألم الانتظار وقلق إن الدور يتأخر. وعشان نخفف الوجع ده، هنوفر جهاز غسيل كلوي جديد لوحدة الغسيل الكلوي بمستشفى الدمرداش.

الجهاز هيخدم عدد كبير من مرضى الفشل الكلوي اللي بيعملو جلسات غسيل في الوحدة بشكل منتظم، وهيرفع كفاءة الوحدة ويزود قدرتها على خدمة مرضى أكتر بالمجان.

أي مبلغ هتتبرع بيه لجهاز الغسيل الكلوي هو مش مجرد تبرع، ولكن جلسة علاج بانتظام لمريض محتاجها، ودور بيقرب بدل ساعات الانتظار والتعب.

ابعتلنا على رقمنا 01090080122 عشان تعرف تفاصيل أكتر عن المشروع أو شوف وسائل التبرع في أول تعليق


📍المكان:رعاية السكتة الدماغية في قسم الأعصاب بمستشفى سيد جلال الجامعي📅 التاريخ: يوم الإثنين 24/8/2026☑️ الحدث:تسليم 2 شا...
19/09/2026

📍المكان:
رعاية السكتة الدماغية في قسم الأعصاب بمستشفى سيد جلال الجامعي

📅 التاريخ:
يوم الإثنين 24/8/2026

☑️ الحدث:
تسليم 2 شاشة مراقبة علامات حيوية (Monitor) للقسم، عشان تساعد الفريق الطبي في متابعة حالة المرضى المحجوزين في الرعاية على مدار 24 ساعة .

الجهاز بيقيس العلامات الحيوية للمريض زي الحرارة وضغط الدم ونسبة تشبع الأكسجين ونسبة ثاني أكسيد الكربون في الدم ومستوى الوعي وغيرها.
وطبعاً دي مؤشرات مهمة جداً، ومتابعتها بشكل مستمر بيساعد الفريق الطبي من دكاترة وتمريض في اتخاذ الإجراءات الطبية الضرورية لكل مريض لحد ما حالته تستقر ويخرج من الرعاية المركزة.

🙏🏻 شكراً لكل اللي اتبرع وساعدنا نوصل للحظة دي ونكون سبب في شفاء آلاف المرضى غير القادرين، وجاري تسليم باقي الأجهزة.

🙏🏻 وشكراً شركة Medval ICU-OR على جهودهم الكبيرة في توريد الجهاز للقسم، وتدريب الطاقم الطبي عليه.


📍المكان:مستشفى سيد جلال الجامعي وهي أحد أكبر مستشفيات جامعة الأزهر وبتستقبل وبتعالج آلاف المرضى بالمجان.📅 التاريخ:24/08/...
17/09/2026

📍المكان:
مستشفى سيد جلال الجامعي وهي أحد أكبر مستشفيات جامعة الأزهر وبتستقبل وبتعالج آلاف المرضى بالمجان.

📅 التاريخ:
24/08/2026

☑️ الحدث:
تسليم 5 سرنجات محاليل كهربائية (Syring Pumps) لرعاية الطوارئ، عشان تساهم بشكل فعال في علاج الحالات الحرجة اللي بتدخل القسم كل يوم.

الـ Syring Pump هي أحد أهم الأجهزة الطبية في الرعايات المركزة، لأنها بتستخدم لإعطاء الأدوية والسوائل للمرضى بدقة فائقة وبمعدل منتظم يسهل التحكم فيه، ودا بيحسن من كفاءة الإجراءات الطبية اللي بتتعمل للمريض، وبيقلل الأخطاء البشرية اللي ممكن تحصل نتيجة إعطاء جرعة زائدة أو جرعة ناقصة من الدوا.

🙏🏻 شكراً لكل اللي اتبرع وساعدنا نوصل للحظة دي ونكون سبب في شفاء آلاف المرضى غير القادرين، وجاري تسليم باقي الأجهزة.


📍المكان:رعاية السكتة الدماغية في قسم الأعصاب بمستشفى الدمرادش الجامعي📅 التاريخ: يوم الأحد 23/8/2026☑️ الحدث:تسليم 2 شاشة...
05/09/2026

📍المكان:
رعاية السكتة الدماغية في قسم الأعصاب بمستشفى الدمرادش الجامعي
📅 التاريخ:
يوم الأحد 23/8/2026
☑️ الحدث:
تسليم 2 شاشة مراقبة علامات حيوية (Monitor) للقسم، عشان تساعد الفريق الطبي في متابعة حالة المرضى المحجوزين في الرعاية على مدار 24 ساعة .

الجهاز بيقيس العلامات الحيوية للمريض زي الحرارة وضغط الدم ونسبة تشبع الأكسجين ونسبة ثاني أكسيد الكربون في الدم ومستوى الوعي وغيرها.

وطبعاً دي مؤشرات مهمة جداً، ومتابعتها بشكل مستمر بيساعد الفريق الطبي من دكاترة وتمريض في اتخاذ الإجراءات الطبية الضرورية لكل مريض لحد ما حالته تستقر ويخرج من الرعاية المركزة.

🙏🏻 شكراً لكل اللي اتبرع وساعدنا نوصل للحظة دي ونكون سبب في شفاء آلاف المرضى غير القادرين، وجاري تسليم باقي الأجهزة.

🙏🏻 وشكراً شركة Medval ICU-OR على جهودهم الكبيرة في توريد الجهاز للقسم، وتدريب الطاقم الطبي عليه.

لسة محتاجين دعمكم وتبرعاتكم لمشروع الصدقة الجارية بجمعية طبيب الخير ، عشان نقدر نوفر أجهزة أكتر ونساهم في علاج آلاف المرضى في المستشفيات الجامعية.


أطفال كتير بتتولد بمشاكل في القلب، زي ضيق الشريان الرئوي أو الشريان الأورطي ⚠️ودا للأسف بيسببلهم مضاعفات صحية خطيرة جداً...
03/09/2026

أطفال كتير بتتولد بمشاكل في القلب، زي ضيق الشريان الرئوي أو الشريان الأورطي ⚠️

ودا للأسف بيسببلهم مضاعفات صحية خطيرة جداً زي ارتفاع ضغط الدم وتضخم عضلة القلب، دا غير إن الضيق الشديد في الشرايين بيسبب نقص في تدفق الدم للرئة والأطراف وبالتالي بيأثر بشدة على حركة الطفل وبيخليه يتعب جداً من أقل مجهود وبيبدأ جسمه يضعف مع الوقت.

العلاج بيكون من خلال تدخل محدود بالقسطرة التداخلية بنركب من خلاله دعامة في الجزء الضيق من الشريان عشان نوسعه ويرجع الدم يتدفق من خلاله بشكل سليم للرئة ولكل أنحاء الجسم.

الدعامة دي بتركب في جسم الطفل وبيعيش بيها بقية حياته وبتكون سبب في انه يكبر بشكل سليم زي بقية الأطفال ويعيش حياته بشكل طبيعي جداً، لكنها في نفس الوقت غالية جداً وتكلفة الدعامة الواحدة بتوصل ل 85,000 جنيه.

عشان كدا تبرعك لمشروع الدعامات هيساعدنا نوفرها بشكل فوري لكل طفل محتاجها في وحدة القسطرة القلبية في مستشفى أطفال الدمرداش، لأن التأخير وقوائم الانتظار ممكن تعرض الطفل لمضاعفات صحية خطيرة.

تقدر تتبرع بسهم يبدأ من 500 جنيه لحد 85,000 جنيه (تكلفة الدعامة الكاملة)، أو ممكن أقل من كدا أو أكتر لو تحب.
وكل جنيه هتتبرع بيه هيكون سبب في إن طفل يكبر ويعيش حياته بشكل سليم ويكون صدقة جارية في ميزان حسناتك.

ابعتلنا على رقمنا 01090080122 عشان تعرف تفاصيل أكتر عن المشروع أو شوف وسائل التبرع في أول تعليق


📍المكان:وحدة السكتة الدماغية في قسم الأعصاب بمستشفى الدمرادش الجامعي📅 التاريخ: يوم الأحد 23/8/2026☑️ الحدث:تسليم جهاز صد...
25/08/2026

📍المكان:
وحدة السكتة الدماغية في قسم الأعصاب بمستشفى الدمرادش الجامعي

📅 التاريخ:
يوم الأحد 23/8/2026

☑️ الحدث:
تسليم جهاز صدمات كهربائية للقلب (Defibrillator)، عشان يضمن إن الفريق الطبي جاهز في أي لحظة حرجة يحصل فيها إضطرابات في نظم قلب أي مريض محجوز في الوحدة، أو يحصله لا قدر الله سكتة قلبية.

جهاز الصدمات بيوجه صدمات كهربائية محسوبة بدقة لقلب المريض، عشان يساعد في استعادة نظم القلب بشكل سليم، ويمنع وفاة المريض لا قدر الله، وكل دا طبعاً بيحصل في ثواني معدودة ⌛

🙏🏻 شكراً لكل اللي اتبرع وساعدنا نوصل للحظة دي ونكون سبب في شفاء آلاف المرضى غير القادرين، وجاري تسليم باقي الأجهزة.

🙏🏻 وشكراً شركة Medval ICU-OR على جهودهم الكبيرة في توريد الجهاز للقسم، وتدريب الطاقم الطبي عليه.

لسة محتاجين دعمكم وتبرعاتكم لمشروع الصدقة الجارية بجمعية طبيب الخير ، عشان نقدر نوفر أجهزة أكتر ونساهم في علاج آلاف المرضى في المستشفيات الجامعية.

الجهاز صدقة جارية على روح أ. د. عبد الناصر عوض جبل، نسأل الله أن يتغمده بواسع رحماته، وأن يجعل هذا العمل صدقة جارية في ميزان حسناته


حالات كتير بتدخل قسم جراحة المسالك البولية في مستشفى سيد جلال بحصوات في الكلي أو الحالب. الحالات دي بتعاني من آلام شديدة...
23/07/2026

حالات كتير بتدخل قسم جراحة المسالك البولية في مستشفى سيد جلال بحصوات في الكلي أو الحالب. الحالات دي بتعاني من آلام شديدة جداً، لحد ما يتعملها تفتيت للحصوات بالموجات التصادمية (ESWL).

الإجراء الطبي دا ناجح جداً ويعتبر حل فوري للحصوات وبيرجع بعده المريض يمارس حياته بشكل طبيعي جداً. ولكن في تحديين بيواجهو الأطباء في عمليات التفتيت دي:

الأول هو إن الموجات التصادمية دي بتسبب آلام حادة للمريض وبالتالي لازم يكون المريض متخدر بشكل كامل أو على الأقل واخد مواد مهدئة قوية.

والتاني هو أن أي حركة للمريض أثناء العملية، ممكن يؤدي لزحزحة بؤرة تركيز الموجات من الحصوة إلى أنسجة الكلية نفسها، وتسبب للمريض نزيف أو تلف في الأنسجة.

وعشان كدا جهاز التخدير اللي جمعية طبيب الخير هتوفره في مستشفى سيد جلال، هيكون ليه دور مهم جداً في عمليات التفتيت، وهيساهم في شفاء آلاف المرضى من غير القادرين اللي بيعانوا من آلام شديدة بسبب حصوات الكلى أو الحالب.

دور الجهاز هو إعطاء المواد المهدئة أو المخدرة للمريض إذا لزم الأمر، أو لو كان المريض طفل لا يمكن السيطرة عليه أثناء عملية التفتيت. وكمان بيوفر تنفس صناعي للمريض لو احتاج أثناء عملية التفتيت.

تبرعكم لجهاز التخدير هياعدنا نوفره للمستشفى في أسرع وقت، وهيكون سبب في شفاء آلاف المرضى اللي بيتعالجو في يالمستشفى سنوياً بالمجان.

اعرف تفاصيل أكتر عن الجهاز من خلال اللينك:
https://tabeebelkheir.org/ar/donations/%D8%AC%D9%87%D8%A7%D8%B2-%D8%AA%D8%AE%D8%AF%D9%8A%D8%B1-%D8%A8%D9%88%D8%AD%D8%AF%D8%A9-%D8%AA%D9%81%D8%AA%D9%8A%D8%AA-%D8%A7%D9%84%D8%AD%D8%B5%D9%88%D8%A7%D8%AA-%D8%A8%D9%85%D8%B3%D8%AA%D8%B4%D9%81/

أو ابعتلنا على رقم 010 90080122 عشان نبعتلك تفاصيل مشروع الصدقة الجارية

وهتلاقي وسائل التبرع في اول تعليق ⬇️


في لحظة من لحظات الوفاء النادرة "كلية صيدلة عين شمس دفعة 2006" قرروا يعملوا صدقة جارية على روح زملائهم المتوفين (أمينة ع...
20/04/2026

في لحظة من لحظات الوفاء النادرة "كلية صيدلة عين شمس دفعة 2006" قرروا يعملوا صدقة جارية على روح زملائهم المتوفين (أمينة عبد السلام شعلان ونهلة محمود المحلاوي).

وجمعوا مبلغ 185,000جنيه لصالح مشروع الصدقة الجارية في جمعية طبيب الخير. المبلغ دا هيوفر جهاز صدمات كهربائية في مستشفى باب الشعرية الجامعي "سيد جلال".

الجهاز دا هيساهم في علاج آلاف المرضى بالمجان لأنه بيساعد في الإنعاش القلبي للمرضى اللي قلبهم بيتوقف أو بيحصلهم اعتلال في نظم القلب، وهيكون بلا شك صدقة جارية في ميزان حسنات أمينة ونهلة ودفعتهم كلها ❤️

انت كمان تقدر تتبرع لمشروع الصدقة الجارية من خلال وسائل التبرع في أول تعليق
أو ممكن تبعتلنا رسالة على 010 90080122 لو عايز تعرف معلومات أكتر

📍المكان:مستشفى قصر العيني وهي أحد أكبر المستشفيات الجامعية اللي بتستقبل وبتعالج آلاف المرضى بالمجان.📅 التاريخ:15/3/2026☑...
18/03/2026

📍المكان:
مستشفى قصر العيني وهي أحد أكبر المستشفيات الجامعية اللي بتستقبل وبتعالج آلاف المرضى بالمجان.

📅 التاريخ:
15/3/2026

☑️ الحدث:
تسليم 3 أجهزة صدمات كهربائية - DC Shock لمستشفى المنيل قبلي ضمن مشروع Code Blue اللي تم تطبيقه حديثاً في المستشفى.

🚨 Code Blue Project
المشروع دا هو أحد أهم أنظمة الطوارئ في المستشفيات، ووجوده بيعمل فارق كبير جداً في اللحظات الحرجة اللي بيتوقف فيها قلب المريض.
المشروع بيهدف لتجهيز فريق متخصص اسمه (فريق الإنعاش) اللي بيتوجه فور إطلاق إنذار ال Code blue لمكان المريض في ثواني معدودة عشان يعمله إنعاش قلبي.
فريق الإنعاش بيكون فيه دكاترة رعاية مركزة وتخدير وتمريض وطبعاً أهم حاجة في عملية الإنعاش القلبي هو (جهاز الصدمات الكهربائية للقلب) اللي بيوجه صدمة كهربائية محسوبة للقلب عشان ترجع نظم القلب بشكل طبيعي وتضمن استمرار تدفق الدم للمخ وباقي الأعضاء.
عشان كدا في طبيب الخير قررنا نساهم في المشروع ونتبرع بـ 3 أجهزة صدمات كهربائية.

🙏🏻 شكراً لكل اللي اتبرع لمشروع الصدقة الجارية في جمعية طبيب الخير وساعدنا نوصل للحظة دي، ونكون سبب في شفاء آلاف المرضى اللي بيتعالجو في المستشفيات الجامعية بالمجان
⬅️ لسة محتاجين أجهزة تانية هنوفرها في الرعايات المركزة والأقسام الحرجة في المستشفيات الجامعية زي مستشفى الدمرداش وقصر العيني ومستشفى سيد جلال.

اعرف اكتر عن مشروع الصدقة الجارية الحالي من خلال اللينك:
https://tabeebelkheir.org/.../product.../medical-devices/
أو ابعتلنا على رقم 010 90080122 عشان نبعتلك تفاصيل المشروع

وهتلاقي وسائل التبرع في اول تعليق ⬇️

Address

عمارة 4 ب بعمارات رابعة الاستثماري/طريق النصر/مدينة نصر (شقة 63) الدور السادس

Opening Hours

Monday 10:00 - 17:00
20:00 - 23:00
Tuesday 10:00 - 17:00
20:00 - 23:00
Wednesday 10:00 - 17:00
20:00 - 23:00
Thursday 10:00 - 17:00
20:00 - 23:00
Sunday 10:00 - 17:00
20:00 - 23:00

Telephone

+201277653336

Alerts

Be the first to know and let us send you an email when جمعية طبيب الخير posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to جمعية طبيب الخير:

Shortcuts

  • Want your organization to be the top-listed non profit organization?

Share