طبيب الخير

20/04/2026

في لحظة من لحظات الوفاء النادرة "كلية صيدلة عين شمس دفعة 2006" قرروا يعملوا صدقة جارية على روح زملائهم المتوفين (أمينة عبد السلام شعلان ونهلة محمود المحلاوي).

وجمعوا مبلغ 185,000جنيه لصالح مشروع الصدقة الجارية في جمعية طبيب الخير. المبلغ دا هيوفر جهاز صدمات كهربائية في مستشفى باب الشعرية الجامعي "سيد جلال".

الجهاز دا هيساهم في علاج آلاف المرضى بالمجان لأنه بيساعد في الإنعاش القلبي للمرضى اللي قلبهم بيتوقف أو بيحصلهم اعتلال في نظم القلب، وهيكون بلا شك صدقة جارية في ميزان حسنات أمينة ونهلة ودفعتهم كلها ❤️

انت كمان تقدر تتبرع لمشروع الصدقة الجارية من خلال وسائل التبرع في أول تعليق
أو ممكن تبعتلنا رسالة على 010 90080122 لو عايز تعرف معلومات أكتر

18/03/2026

📍المكان:
مستشفى قصر العيني وهي أحد أكبر المستشفيات الجامعية اللي بتستقبل وبتعالج آلاف المرضى بالمجان.

📅 التاريخ:
15/3/2026

☑️ الحدث:
تسليم 3 أجهزة صدمات كهربائية - DC Shock لمستشفى المنيل قبلي ضمن مشروع Code Blue اللي تم تطبيقه حديثاً في المستشفى.

🚨 Code Blue Project
المشروع دا هو أحد أهم أنظمة الطوارئ في المستشفيات، ووجوده بيعمل فارق كبير جداً في اللحظات الحرجة اللي بيتوقف فيها قلب المريض.
المشروع بيهدف لتجهيز فريق متخصص اسمه (فريق الإنعاش) اللي بيتوجه فور إطلاق إنذار ال Code blue لمكان المريض في ثواني معدودة عشان يعمله إنعاش قلبي.
فريق الإنعاش بيكون فيه دكاترة رعاية مركزة وتخدير وتمريض وطبعاً أهم حاجة في عملية الإنعاش القلبي هو (جهاز الصدمات الكهربائية للقلب) اللي بيوجه صدمة كهربائية محسوبة للقلب عشان ترجع نظم القلب بشكل طبيعي وتضمن استمرار تدفق الدم للمخ وباقي الأعضاء.
عشان كدا في طبيب الخير قررنا نساهم في المشروع ونتبرع بـ 3 أجهزة صدمات كهربائية.

🙏🏻 شكراً لكل اللي اتبرع لمشروع الصدقة الجارية في جمعية طبيب الخير وساعدنا نوصل للحظة دي، ونكون سبب في شفاء آلاف المرضى اللي بيتعالجو في المستشفيات الجامعية بالمجان
⬅️ لسة محتاجين أجهزة تانية هنوفرها في الرعايات المركزة والأقسام الحرجة في المستشفيات الجامعية زي مستشفى الدمرداش وقصر العيني ومستشفى سيد جلال.

اعرف اكتر عن مشروع الصدقة الجارية الحالي من خلال اللينك:
https://tabeebelkheir.org/.../product.../medical-devices/
أو ابعتلنا على رقم 010 90080122 عشان نبعتلك تفاصيل المشروع

وهتلاقي وسائل التبرع في اول تعليق ⬇️

12/03/2026

📍المكان:
مستشفى سيد جلال الجامعي وهي أحد أكبر مستشفيات جامعة الأزهر وبتستقبل وبتعالج آلاف المرضى بالمجان.

📅 التاريخ:
3/3/2026

☑️ الحدث:
تسليم جهاز تنفس صناعي (Ventilator) لرعاية الطوارئ، عشان يساهم بشكل فعال في علاج الحالات الحرجة اللي بتدخل الرعاية كل يوم.

جهاز التنفس الصناعي هو أحد أهم الأجهزة اللي منقدرش نستغنى عنها في الرعايات المركزة، لأنه بيعمل كرئة بديلة للحالات اللي بتدخل الرعاية عندها فشل تنفسي بسبب التهاب رئوي أو حالات الربو الحاد أو أمراض عصبية زي الصرع والشلل الدماغي.

في الحالة دي جهاز التنفس الصناعي هو نفس المريض، والسبيل الوحيد للحفاظ على حياته لحين تحسن حالته وعودة الرئة للعمل بشكل طبيعي، وعدم وجود عدد كافي من أجهزة التنفس الصناعي في الرعاية بيعرض حياة مرضى كتير للخطر.

🙏🏻 شكراً لكل اللي اتبرع لمشروع الصدقة الجارية في جمعية طبيب الخير عشان نوصل للحظة دي، ونكون سبب في شفاء آلاف المرضى غير القادرين.

⬅️ لسة محتاجين أجهزة تنفس تانية هنوفرها في الرعايات المركزة والأقسام الحرجة في المستشفيات الجامعية زي مستشفى الدمرداش وقصر العيني ومستشفى سيد جلال.

اعرف اكتر عن مشروع الصدقة الجارية الحالي من خلال اللينك:
https://tabeebelkheir.org/.../product.../medical-devices/
أو ابعتلنا على رقم 010 90080122 عشان نبعتلك تفاصيل المشروع

وهتلاقي وسائل التبرع في اول تعليق ⬇️

11/03/2026

📍المكان:
مستشفى سيد جلال الجامعي وهي أحد أكبر مستشفيات جامعة الأزهر وبتستقبل وبتعالج آلاف المرضى بالمجان.

📅 التاريخ:
10/3/2026

☑️ الحدث:
تسليم 11 سرنجة محاليل كهربائية (Syring Pumps) لرعاية الطوارئ ورعاية القلب واستقبال الطوارئ، عشان تساهم بشكل فعال في علاج الحالات الحرجة اللي بتدخل كل يوم الأقسام دي.

الـ Syring Pump هي أحد أهم الأجهزة الطبية في الرعايات المركزة، لأنها بتستخدم لإعطاء الأدوية والسوائل للمرضى بدقة فائقة وبمعدل منتظم يسهل التحكم فيه، ودا بيحسن من كفاءة الإجراءات الطبية بتتعمل للمريض، وبيقلل الأخطاء البشرية اللي ممكن تحصل نتيجة إعطاء جرعة زائدة أو جرعة ناقصة من الدوا.

🙏🏻 شكراً لكل اللي اتبرع لمشروع الصدقة الجارية في جمعية طبيب الخير عشان نوصل للحظة دي، ونكون سبب في شفاء آلاف المرضى غير القادرين.

⬅️ لسة محتاجين سرنجات تانية هنوفرها في الرعايات المركزة والأقسام الحرجة في المستشفيات الجامعية زي مستشفى الدمرداش وقصر العيني ومستشفى سيد جلال.

اعرف اكتر عن مشروع الصدقة الجارية الحالي من خلال اللينك:
https://tabeebelkheir.org/.../product.../medical-devices/
أو ابعتلنا على رقم 010 90080122 عشان نبعتلك تفاصيل المشروع

وهتلاقي وسائل التبرع في اول تعليق ⬇️

05/03/2026

03/03/2026

لما طفل بيدخل الرعاية المركزة عشان حصله فشل تنفسي أو التهاب رئوي حاد، لازم في أسرع وقت نحطه على جهاز تنفس صناعي عشان نستبدل وظيفة الرئة بتنفس صناعي خارجي (Mechanical ventilation)، عشان نضمن وصول الأكسجين للمخ وجميع أعضاء الجسم ونحافظ على حياته لحين علاج المرض الأساسي وعودة وظائف الجهاز التنفس لطبيعتها.

أطفال كتير بتدخل رعاية الأطفال في مستشفى سيد جلال الجامعي بمشاكل في التنفس، ووجود أجهزة التنفس الصناعي بتساهم بشكل كبير في شفائهم والحفاظ على حياتهم.

عشان كدا جمعية طبيب الخير هتوفر 2 جهاز تنفس صناعي في رعاية الأطفال و4 أجهزة في رعاية الطوارئ ضمن مشروع الصدقة الجارية في الجمعية.

الأجهزة دي بتخدم سنوياً آلاف المرضى غير القادرين اللي بيتعالجو في مستشفى سيد جلال الجامعي بالمجان.

تكلفة الجهاز الواحد 350,000 جنيه والتكلفة الإجمالية 2,100,000 جنيه.

تقدر تتبرع بسهم صدقة جارية قيمته 500 - 1000 - 5000 جنيه لصالح الأجهزة، أو ممكن تتبرع بأكتر أو أقل من كدا على حسب رغبتك.

ابعتلنا على رقم 010 90080122 عشان تعرف تفاصيل أكتر عن المشروع
وهتلاقي وسائل التبرع في اول تعليق

28/02/2026

لما قلب طفل بيقف فجاة في الرعاية المركزة، بيكون قدامنا ثواني معدودة عشان نرجع قلبه تاني ينبض قبل ما يتوفى لا قدر الله، أو يحصله تلف دماغي يسببله إعاقة دائمة بسبب نقص الأكسجين الحاد.

ووجود جهاز الصدمات الكهربائية جنب الطفل ساعتها مش بيكون رفاهية، ولكن بيكون عامل مؤثر جداً في إننا نلحق الطفل دا ونعمله إنعاش قلبي في ثواني معدودة.

وعشان كدا تبرعك لأجهزة الصدمات الكهربائية اللي جمعية طبيب الخير بتوفرها للمستشفات الجامعية هيكون صدقة جارية أثرها عظيم جداً في حياة أطفال كتير.

هنوفر 3 أجهزة صدمات كهربائية
- جهاز صدمات في رعاية الأطفال بمستشفى سيد جلال
- جهاز صدمات في رعاية السكتة الدماغية في مستشفى الدمرداش
- جهاز صدمات في رعاية القلب في مستشفى الدمرداش

الأجهزة دي بتخدم سنوياً آلاف المرضى غير القادرين اللي بيتعالجو في المستشفيات الجامعية بالمجان.

تكلفة الجهاز الواحد 175,000 جنيه والتكلفة الإجمالية 525,000 جنيه.
تقدر تتبرع بسهم صدقة جارية قيمته 500 - 1000 - 5000 جنيه لصالح الأجهزة، أو ممكن تتبرع بأكتر أو أقل من كدا على حسب رغبتك.

ابعتلنا على رقم 010 90080122 عشان تعرف تفاصيل أكتر عن المشروع
وهتلاقي وسائل التبرع في اول تعليق

25/02/2026

بفضل ربنا ثم تبرعاتكم بنعلن بكل سعادة عن اكتمال مبلغ جهاز الغسيل الكلوي اللي جمعية طبيب الخير هتورده لوحدة الملك فهد لغسيل الكلي بمستشفى قصر العيني.

الجهاز هيرفع من قدرة الوحدة ويضيف من 3 ل 4 جلسات غسيل يومياً بتتعمل للمرضى اللي بيتعالجو في الوحدة بالمجان.

شكــــــــــــــــــــــــــــــــــــراً من كل قلبنا لكل حد اتبرع بمبلغ كبير أو صغير، وكان سبب في تخفيف آلام مرضى الفشل الكلوي اللي بيتعالجوا في وحدة الملك فهد.

تم التعاقد على الجهاز وسيتم توريده للوحدة في أقرب وقت مع جهاز آخر تم اكتمال تبرعه من فترة ⌛
وهنبلغكم بالتفاصيل أول ما الجهازين يتم توريدهم

وحابين نفكركم إننا حالياً بنجمع لأكبر مشروع صدقة جارية جمعية طبيب الخير هتعمله في مستشفى الدمرداش ومستشفى سيد جلال.

ابعتلنا على رقم 010 90080122 عشان تشارك في المشروع ومتفوتش الثواب العظيم دا في شهر الخير 💖

24/02/2026

تبرعاتكم بتوصل لمستحقيها وبتدخل السرور على أسر الحالات في رمضان

بنفكركم إننا لسة مكملين تجميع تبرعات لشنط رمضان عشان نغطي احتياجات كل أسر الحالات الحرجة في الجمعية

شنطة رمضان السنة دي تشمل:
- 2.5 كيلو لحمة لكل حالة.
- قسيمة مشتريات من كازيون بقيمة 2,000 جنيه، عشان نسهل على الحالات ونديهم حرية اختيار المنتجات اللي بيحتاجوها فعلاً.

لو عايز تشارك في ثواب إفطار أسرة في رمضان، اتبرع بسهم شنط رمضان اللي بيبدأ بـ 250 جنيه، أو اختار مبلغ التبرع اللي يناسبك سواء أقل من كدا او اكتر.

ابعتلنا رسالة واتس اب على رقمنا 010 90080122
والحق شارك في الثواب قبل ما المبلغ يكتمل 💖

20/02/2026

كل عام وانتم بخير بمناسبة حلول شهر رمضان المبارك 🌙☪️
السنة دي في شهر الخير هنعمل أكبر مشروع صدقة جارية في أهم 3 مستشفيات جامعية في القاهرة وهم مستشفى الدمرداش والقصر العيني ومستشفي باب الشعرية الجامعي "سيد جلال"

#شهرالخير