PCY Makinabang - Our Lady of the Most Holy Rosary Parish

Directions Contact the organization

PCY Makinabang - Our Lady of the Most Holy Rosary Parish THE OFFICIAL FACEBOOK PAGE OF PCY MAKINABANG - OUR LADY OF THE MOST HOLY ROSARY PARISH

OKTUBRE 21, 2026 || PAGDIRIWANG SA KAPISTAHAN NI SAN PEDRO CALUNGSODSa diwa ng pananampalataya at debosyon, maringal na ...
22/10/2026

OKTUBRE 21, 2026 || PAGDIRIWANG SA KAPISTAHAN NI SAN PEDRO CALUNGSOD

Sa diwa ng pananampalataya at debosyon, maringal na ipinagdiwang ang Banal na Misa sa karangalan ni San Pedro Calungsod, ang batang martir at huwaran ng katatagan sa pananampalataya, noong ika-21 ng Oktubre 2026. Sinundan ito ng isang prusisyon bilang pagpaparangal sa Kaniyang kabanalan at bilang pagpapahayag ng taimtim na debosyon ng sambayanan sa Kaniyang banal na pamamatnubay.

Nawa'y magsilbing inspirasyon sa bawat isa ang buhay ni San Pedro Calungsod — isang kabataang buong tapang na nag-alay ng sarili sa paglilingkod sa Diyos at sa pagpapalaganap ng Mabuting Balita. Sa Kaniyang panalangin at pamamagitan, nawa'y higit pang tumibay ang ating pananampalataya at maningas ang ating pag-ibig kay Kristo.


💙🤍

OKTUBRE 22, 2026 || KAPISTAHAN NI SANTA MARIA SALOMEPANALANGINO maluwalhating Santa Maria Salome, tapat na alagad ni Hes...
21/10/2026

OKTUBRE 22, 2026 || KAPISTAHAN NI SANTA MARIA SALOME

PANALANGIN

O maluwalhating Santa Maria Salome, tapat na alagad ni Hesukristo at saksi sa Kaniyang paghihirap at muling pagkabuhay, ipanalangin Mo kami sa harapan ng Panginoon.

Turuan Mo kaming maging matatag sa pananampalataya, masigasig sa paglilingkod, at tapat sa pagsunod sa kalooban ng Diyos sa kabila ng mga pagsubok ng buhay. Nawa'y sa pamamagitan ng Iyong panalangin, makamtan namin ang biyaya ng pagtitiis, pag-ibig, at kabanalan, upang kami rin ay maging mga saksi ng Mabuting Balita ni Kristo.

Amen.


💙🤍

OKTUBRE 22, 2026 || KAPISTAHAN NI SAN JUAN PABLO IIPANALANGINNawa’y sa pagdiriwang namin ng Iyong kapistahan, O San Juan...
21/10/2026

OKTUBRE 22, 2026 || KAPISTAHAN NI SAN JUAN PABLO II

PANALANGIN

Nawa’y sa pagdiriwang namin ng Iyong kapistahan, O San Juan Pablo II, higit naming maunawaan ang kahalagahan ng pagmamahal, kapayapaan, at pagpapatawad.

Gabayan Mo ang Simbahan, lalo na ang Santo Papa, mga pari, mga relihiyoso, at mga kabataang patuloy na naghahanap ng landas tungo kay Kristo. Tulungan Mo kaming mamuhay nang may pag-asa sa gitna ng mga pagsubok at buong tapang na ipahayag ang Mabuting Balita, upang sa bawat araw ay higit naming mapalapit ang aming mga puso sa Diyos.

Amen.


💙🤍

OKTUBRE 21, 2026 || KAPISTAHAN NI SAN PEDRO CALUNGSODPANALANGINO maluwalhating San Pedro Calungsod, huwaran ng katapanga...
20/10/2026

OKTUBRE 21, 2026 || KAPISTAHAN NI SAN PEDRO CALUNGSOD

PANALANGIN

O maluwalhating San Pedro Calungsod, huwaran ng katapangan at katapatan sa ating Panginoong Hesukristo, buong pagpapakumbaba kaming dumudulog sa Iyong banal na pamamatnubay.

Ipanalangin Mo kami upang kami ay maging matatag sa pananampalataya, masigasig sa paglilingkod, at matapang sa pagpapahayag ng Mabuting Balita. Nawa'y matularan namin ang Iyong wagas na pag-ibig sa Diyos at ang Iyong buong pusong pag-aalay ng buhay para sa Kaniya.

Sa pagdiriwang ng Iyong kapistahan, patnubayan Mo ang aming pamayanan, lalo na ang mga kabataan, upang maging mga buhay na saksi ni Kristo sa salita at gawa.

Hinihiling namin ito sa pamamagitan ni Hesukristo, kasama ng Ama at ng Espiritu Santo, magpasawalang hanggan.

San Pedro Calungsod, martir ng pananampalataya, ipanalangin Mo kami.

Amen.


💙🤍

OKTUBRE 17, 2026 || CAKE RAFFLE FOR A CAUSEBuong galak na inihahandog ng Parish Commission on Youth - Makinabang ang Cak...
17/10/2026

OKTUBRE 17, 2026 || CAKE RAFFLE FOR A CAUSE

Buong galak na inihahandog ng Parish Commission on Youth - Makinabang ang Cake Raffle for a Cause bilang bahagi ng aming adhikaing patuloy na palaganapin ang diwa ng pagkakaisa, pagkakawanggawa, at paglilingkod.

Sa bawat ticket na inyong tatangkilikin, hindi lamang kayo nagkakaroon ng pagkakataong manalo ng isang masarap na cake, kundi nakikiisa rin kayo sa isang makabuluhang layunin para sa ating mga kabataan.

💙🤍

OKTUBRE 16, 2026 || PABATID AT PAANYAYABuong galak at pananampalataya po naming inaanyayahan ang bawat isa na makiisa sa...
15/10/2026

OKTUBRE 16, 2026 || PABATID AT PAANYAYA

Buong galak at pananampalataya po naming inaanyayahan ang bawat isa na makiisa sa gaganaping Triduo at Pagdiriwang ng Kapistahan ni San Pedro Calungsod sa darating na ika-18 hanggang ika-21 ng Oktubre, 2026.

Sama-sama nating parangalan ang ating banal na patron na nag-alay ng Kaniyang buhay alang-alang sa pananampalataya kay Kristo. Nawa’y maging inspirasyon sa bawat kabataan ang Kaniyang katapangan, katapatan, at walang pag-aalinlangang paglilingkod sa Diyos.

ISKEDYUL NG TRIDUO AT KAPISTAHAN

UNANG ARAW NG TRIDUO
Petsa: Oktubre 18, 2026
Oras: Bago ang Banal na Misa sa ganap na ika-5:30 ng hapon

Mamumuno:
• SPCY San Isidro Labrador
• SPCY Sagrado Corazon de Jesus

IKALAWANG ARAW NG TRIDUO
Petsa: Oktubre 19, 2026
Oras: Bago ang Banal na Misa sa ganap na ika-6:30 ng umaga

Mamumuno:
• SPCY Banal na Krus
• SPCY Kamahal-mahalang Puso ni Hesus

IKATLONG ARAW NG TRIDUO
Petsa: Oktubre 20, 2026
Oras: Bago ang Banal na Misa sa ganap na ika-6:30 ng umaga

Mamumuno:
• SPCY San Padre Pio
• SPCY Santa Barbara

ARAW NG KAPISTAHAN
Petsa: Oktubre 21, 2026
Oras: Bago ang Banal na Misa sa ganap na ika-5:30 ng hapon

Mamumuno:
• SPCY Makinabang
• Parish Altar Servers
• PCY Makinabang Officers & Coordinators

PRUSISYON SA KARANGALAN NI SAN PEDRO CALUNGSOD

Matapos ang pagdiriwang ng Banal na Misa sa araw ng kapistahan, ang lahat po ay malugod naming inaanyayahang makiisa sa banal na prusisyon bilang pagpapahayag ng ating pananampalataya at debosyon kay San Pedro Calungsod.

Halina’t sama-sama nating ipagdiwang ang buhay at kabanalan ng isang kabataang naging saksi ni Kristo hanggang sa kahuli-hulihang sandali ng Kaniyang buhay.

San Pedro Calungsod, patron ng kabataan at huwaran ng pananampalataya, ipanalangin mo kami!


💙🤍

OKTUBRE 15, 2026 || PAANYAYAInaanyayahan po namin ang lahat ng kabataan na makiisa sa makabuluhang gawaing ito bilang pa...
14/10/2026

OKTUBRE 15, 2026 || PAANYAYA

Inaanyayahan po namin ang lahat ng kabataan na makiisa sa makabuluhang gawaing ito bilang pagbibigay-pugay sa mga banal na naging huwaran ng kabanalan at tapat na pagsunod sa kalooban ng Diyos. Sama-sama nating ipamalas na tayong mga kabataan ay may mahalagang papel sa pagpapalaganap ng pananampalataya at pagpapanatili ng mga tradisyong Kristiyano.

‼️ MAHALAGANG PAALALA SA REGISTRATION ‼️

REGISTRATION PERIOD
- Mula ika-15 hanggang ika-21 ng Oktubre, 2026 lamang.

WALANG DUPLICATION ( FIRST COME, FIRST SERVED BASIS)
Hindi maaaring magkaroon ng magkaparehong santo o santa sa mga kalahok.

WALANG ENTRY NA NAGSASABUHAY KAY HESUS AT SA MAHAL NA BIRHENG MARIA
- Ang mga paglalarawan ay dapat nakatuon sa mga banal na kinikilala at pinararangalan ng Simbahan, alinsunod sa mga itinakdang panuntunan ng gawain.

Mga kabataan, ito na ang pagkakataon upang maipakita ang inyong pagkamalikhain, pananampalataya, at pagmamahal sa ating Banal na Simbahan. Huwag palampasin ang pagkakataong maging bahagi ng makabuluhang pagdiriwang na ito!

Makiisa, makilahok, at maging saksi sa kabanalan! 🙏🏻



💙🤍

SETYEMBRE 27, 2026 || GENERAL ASSEMBLY BASIC ECCLESIAL COMMUNITY (BEC) SESSIONPinangunahan ni Sis. Caroline Balauan ang ...
14/10/2026

SETYEMBRE 27, 2026 || GENERAL ASSEMBLY

BASIC ECCLESIAL COMMUNITY (BEC) SESSION

Pinangunahan ni Sis. Caroline Balauan ang BEC Session na naglalayong ipaliwanag ang kahalagahan ng Basic Ecclesial Community (BEC) sa pagpapatatag ng pananampalataya at pagpapaunlad ng pagkakaisa sa loob ng isang komunidad.

Matapos ang talakayan, isinagawa ang isang BEC activity upang higit na maunawaan at maisabuhay ng mga kalahok ang diwa ng sama-samang pakikilahok, pananalangin, at paglilingkod.

Sa pamamagitan ng gawaing ito, binigyang-diin ang mahalagang papel ng bawat isa sa pagbuo ng isang komunidad na nagkakaisa sa pananampalataya at naglilingkod alinsunod sa mga aral ni Kristo.

💙🤍

SETYEMBRE 27, 2026 || GENERAL ASSEMBLY FORMATION AND DISCUSSIONPinangunahan ni Bro. Alvin Romano, PCY Coordinator, ang F...
14/10/2026

SETYEMBRE 27, 2026 || GENERAL ASSEMBLY

FORMATION AND DISCUSSION

Pinangunahan ni Bro. Alvin Romano, PCY Coordinator, ang Formation and Discussion na nakatuon sa pagpapaliwanag ng kahulugan at kahalagahan ng opisyal na logo ng samahan, gayundin ng mga simbolong bumubuo rito.

Sa pamamagitan ng talakayang ito, higit na naunawaan ng mga kalahok ang pagkakakilanlan, mga pinahahalagahan, at layuning kinakatawan ng bawat simbolo.

Ang gawaing ito ay nagsilbing pagkakataon upang higit na mapalalim ang pagkilala ng bawat miyembro sa kanilang tungkulin at pananagutan bilang bahagi ng samahan.

💙🤍

SETYEMBRE 27, 2026 || GENERAL ASSEMBLY WELCOMING OF NEW MEMBERS AND ROLL-CALLBilang bahagi ng General Assembly, isinagaw...
13/10/2026

SETYEMBRE 27, 2026 || GENERAL ASSEMBLY

WELCOMING OF NEW MEMBERS AND ROLL-CALL

Bilang bahagi ng General Assembly, isinagawa ang Welcome Remarks, Welcoming of New Members, at Roll Call upang pormal na buksan ang programa at kilalanin ang mga dumalo sa pagtitipon.

Ang Welcome Remarks ay pinangunahan ni Bro. Jerome Fernando, Vice President for Internal Affairs, samantalang pinangunahan naman ni Bro. Ralph Andrei Santoyo, PCY Vice President for External Affairs, ang pagtanggap sa mga bagong miyembro.

Ang bahaging ito ay nagbigay-diin sa kahalagahan ng pakikiisa, pagtutulungan, at pagkakaroon ng iisang layunin sa paglilingkod sa Simbahan at sa kapwa.

💙🤍

Address

Makinabang, Baliwag City
Baliuag
3003

Opening Hours

9am - 5pm

Website

Alerts

Be the first to know and let us send you an email when PCY Makinabang - Our Lady of the Most Holy Rosary Parish posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to PCY Makinabang - Our Lady of the Most Holy Rosary Parish:

Shortcuts

Share

Category