08/10/2026
МЭДЭЭ:
🌱 ЯЛГААТАЙ ХЭРЭГЦЭЭ, ЯЛГААТАЙ ХӨГЖЛИЙН ЗАМ СУРГАЛТ БОЛЖ ӨНДӨРЛӨЛӨӨ.
“Асах Гэрэл Баясал” төв нийгмийн хариуцлагын хүрээнд багш, мэргэжилтэн, асран хамгаалагчдад зориулсан сургалтыг зохион байгууллаа.
Хүүхэд бүр өөрийн гэсэн онцлог, хэрэгцээ, суралцах арга барилтай. Тэднийг зөв ойлгож, хөгжлийг нь дэмжихийн тулд зөвхөн нэг арга барил бус, олон мэргэжлийн уялдаа холбоо, нотолгоонд суурилсан арга зүй, бодит орчинд хэрэгжих дэмжлэг шаардлагатай байдаг.
Энэ хэрэгцээнд үндэслэн “Асах Гэрэл Баясал” төвөөс зохион байгуулсан сургалтад нийт 35 багш, мэргэжилтэн, 23 асран хамгаалагч хамрагдлаа.
📚 Сургалтаар юуны талаар ярилцав?
Сургалтын агуулга нь хүүхдийн хөгжлийг олон талаас нь дэмжихэд чиглэсэн, тухайлбал:
🔹 ABA Therapy – зан үйл, суралцах болон функциональ ур чадварыг хөгжүүлэх арга зүй
🔹 Speech Therapy – хэл яриа, харилцааны чадвар
🔹 Occupational Therapy – өдөр тутмын үйл ажиллагаа, бие даах чадвар, мэдрэхүйн зохицуулалт
🔹 Sport/Physical Therapy & Adaptive Physical Activity – хөдөлгөөн, бие бялдрын хөгжил
🔹 AAC – Communication Board, BIT Board гэх мэт харилцаа хязгаардагдмал үед хэрэглэж болох нэмэлт харилцааны дэмжлэг
🔹 NET (Natural Environment Teaching) – хүүхэд өөрийгөө чөлөөтэй илэрхийлэх орчинд ур чадварыг хөгжүүлэх арга
🔹 Нийгэмших, анги бүлгийн оролцоо, ерөнхийлөх чадварыг дэмжих зэрэг өргөн хүрээний агуулгыг хамарлаа.
💬 Сургалтын үеэр оролцогчдын зүгээс асуусан асуултууд бидэнд нэг чухал зүйлийг харууллаа.
Багш, мэргэжилтнүүдийн зүгээс:
“Олон хүүхдийн дунд ялгаатай хэрэгцээтэй хүүхэд орхигдохоос хэрхэн сэргийлэх вэ?”
“Аутизмтай хүүхэдтэй өмнө нь ажиллаж байгаагүй багш ангидаа хэрхэн зөв дэмжлэг үзүүлэх вэ?”
“Хүүхэд хичээлд оролцохгүй, уйлах, зугтах үед хэрхэн ажиллах вэ?”
“Хүүхэдтэй ганцаарчилсан болон үе тэнгийнхэнтэй нь хамтарсан бүлгийн сургалтыг хэрхэн зохион байгуулах вэ?”
“Ярианы чадвар маш хязгаарлагдмал хүүхдэд дохио, бусад хэрэгсэл ашиглаж болох уу?”
“Юу ч сонирхохгүй байгаа хүүхдийн оролцоог хэрхэн нэмэгдүүлэх вэ?”
“Мэдрэхүйн хэрэгцээтэй хүүхдэд цэцэрлэг, сургуулийн орчинд ямар дэмжлэг үзүүлэх вэ?”
“Сүүдэр багшийн сургалт, дэмжлэг авах боломж бий юу?”
“Сургуульдаа болон цэцэрлэгтээ багшийн сургалт, дэмжлэг авах боломж бий юу?”
зэрэг өдөр тутмын бодит нөхцөлд тулгарч буй олон асуултыг хөндлөө.
Эдгээр асуултуудыг нэгтгээд бид доорх дүгнэлтэнд хүрч байна.
🏫 Цэцэрлэг, сургуульд хүүхэд бүрийг дэмжих хэрэгцээ нэмэгдэж байгаа ч багш, мэргэжилтнүүдэд практик мэдлэг, арга зүй, мэргэжлийн зөвлөгөө, дэмжлэгийн тогтолцоо хангалттай хүрч чадахгүй байна.
Энэ нь багш нарын хичээл зүтгэл дутмаг гэсэн үг биш.
Харин ялгаатай хэрэгцээтэй хүүхэдтэй ажиллахад багшид өөрт нь ч мөн адил мэргэжлийн дэмжлэг, сургалт, зөвлөмж, багийн хамтын ажиллагаа шаардлагатай гэдгийг харуулж байна.
Тиймээс сургалтад оролцсон багш, мэргэжилтнүүдээс “багш нарт зориулсан ийм төрлийн сургалтыг тогтмол зохион байгуулж өгөөч” гэсэн хүсэлт олон ирсэн юм.
🤝 Бидний хүсэж буй өөрчлөлт
Хүүхдийг зөвхөн тусгай төвд хөгжүүлэхээс гадна, цэцэрлэг, сургууль, гэр бүл, нийгмийн орчинд нь ур чадварыг нь дэмжих тогтолцоо хэрэгтэй.
Үүний тулд:
Багшид → мэдлэг, арга зүй
Хүүхдэд → хувь хүнд тохирсон дэмжлэг
Эцэг эхэд → зөв мэдээлэл, чиглэл
Сургууль, цэцэрлэгт → мэргэжлийн зөвлөгөө, дэмжлэгийн тогтолцоо
Хүүхдэд → оролцох, суралцах, хөгжих боломж
хэрэгтэй байна.
“Асах Гэрэл Баясал” төв цаашид ч нийгмийн хариуцлагын хүрээнд багш, мэргэжилтэн, асран хамгаалагчдын мэдлэг, чадавхыг нэмэгдүүлэх, хүүхэд бүрт тохирсон дэмжлэгийг түгээхэд өөрийн хувь нэмрээ оруулахыг зорьж байна.
Хүүхэд бүр өөр.
Харин хүүхэд бүр суралцах, хөгжих, оролцох боломжтой байх ёстой. 💛
Бидний зохион байгуулсан сургалт олон асуудлын гарц, шийдлийн эхлэл болоосой гэж хүсч байна. Мөн Монголын олон үрсэд хэрэгтэй чухал мэдлэг, мэдээллийг түгээж байдаг төвийн зөвлөх Basak Topchuoglu болон хамтран ажилладаг Algı Özel Eğitim Kurumları сургуульд талахсанаа илэрхийлье.
#АсахГэрэлБаясал
#ЯлгаатайХэрэгцээЯлгаатайХөгжлийнЗам
#НийгмийнХариуцлага
#ХүүхэдБүрийнХөгжил
