O'zbekiston sog'liqni saqlash xodimlari kasaba uyushmasi RK, Буюк Турон кўчаси 41 А-уй (2026)

09/10/2026

ҚАДИМИЙ ВА ҲАМИША НАВҚИРОН САМАРҚАНДДА ХАЛҚАРО СПОРТ МУСОБАҚАСИ: НАМАНГАНЛИК ҲАМШИРА ЎЗБЕКИСТОН ШАРАФИНИ ҲИМОЯ ҚИЛАДИ
Маълумки, 2025 йил ноябрь ойида Тошкент шаҳрида «Ўзбекистон Республикаси Соғлиқни сақлаш вазири ҳамда Ўзбекистон Соғлиқни сақлаш ходимлари касаба уюшмаси Республика Кенгаши раиси кубоги учун» спорт мусобақасининг республика босқичи ўтказилган эди. Унда фахрли биринчи ўринни қўлга киритган Чуст туман тиббиёт бирлашмаси туғруқхона бўлими ҳамшираси Собирова Маҳмуда Адҳам қизи халқаро спорт мусобақасида иштирок этиш ҳуқуқини қўлга киритди.
Қувонарлиси, Маҳмуда жорий йилда Самарқанд шаҳрида бўлиб ўтадиган Марказий Осиё мамлакатлари соғлиқни сақлаш ходимлари ўртасидаги халқаро спорт мусобақасида Ўзбекистон Республикаси тиббиётчилари номидан иштирок этади. Бу нафақат унинг шахсий ютуғи, балки Наманган вилояти соғлиқни сақлаш тизими ва касаба уюшмаси фаолияти учун ҳам катта қувонч ва фахрдир.
Маҳмуда Собирова республика миқёсидаги саралаш мусобақаларида ҳам ўзининг маҳоратли эканини намоён этиб, стол тенниси бўйича биринчиликни қўлдан бермади. Унинг ушбу натижалари халқаро майдонда юртимиз шарафини ҳимоя қилиш имкониятини яратди.
Марказий Осиё мамлакатлари ўртасидаги ўзаро манфаатли ҳамкорликни ривожлантириш, соғлиқни сақлаш тизими вакиллари ўртасида дўстлик алоқаларини мустаҳкамлаш борасида амалга оширилаётган ишлар алоҳида аҳамиятга эга. Бу йил тиббиёт ходимлари ўртасидаги нуфузли халқаро спорт мусобақаси илк бор ўтказилиши билан ҳам аҳамиятлидир. Мусобақа 14–15 октябрь кунлари қадимий ва ҳамиша навқирон Самарқанд шаҳрида бўлиб ўтади.
Ушбу халқаро спорт тадбири соҳа вакиллари ўртасида соғлом турмуш тарзини тарғиб қилиш, жисмоний фаолликни ошириш, дўстона муносабатларни мустаҳкамлаш ҳамда мамлакатлар ўртасидаги ҳамкорликни янги босқичга олиб чиқишга хизмат қилиши шубҳасиз.
Мусобақада Ўзбекистон, Қирғизистон, Қозоғистон, Мўғулистон ва Тожикистон вакилларининг иштирок этиши режалаштирилгани ҳақидаги маълумотлар халқаро спорт тадбирининг географик қамрови кенгайиб бораётганини кўрсатади.
Наманган фарзанди, Чуст туман тиббиёт бирлашмаси туғруқхона бўлими ҳамшираси Собирова Маҳмуда Адҳам қизининг халқаро мусобақада иштирок этиши вилоятимиз аҳли учун ҳам катта шарафдир.
Наманган вилояти Соғлиқни сақлаш бошқармаси ҳамда Ўзбекистон Соғлиқни сақлаш ходимлари касаба уюшмаси Наманган вилояти Кенгаши Маҳмуда Собированинг халқаро мусобақада муносиб иштирок этишига ишонч билдиради. Унга стол тенниси баҳсларида омад, куч-ғайрат ва зафарлар тилаб қолади! Халқаро майдонча юртимиз байроғини баланд кўтариб, фахрли ўринларни эгаллашига ишонч билдиради.

Аббос МАМАДАЛИЕВ
Ўзбекистон Соғлиқни сақлаш ходимлари касаба уюшмаси Наманган вилояти Кенгаши раиси, "Соғлиқни сақлаш аълочиси"

07/10/2026

Касаба уюшма раиси фаолиятини самарали ташкил этиш бўйича ўқув-семинар
Жорий йил 6 октябрь куни Ўзбекистон касаба уюшмалари Федерациясининг Андижон вилояти кенгаши мажлислар залида Санитария-эпидемиологик осойишталик ва жамоат саломатлиги қўмитасининг Андижон вилояти бошқармаси шаҳар ва туман бўлимлари бошланғич касаба уюшма ташкилотлари раислари учун “Касаба уюшма раиси фаолиятини самарали ташкил этиш” мавзусида ўқув-семинар ўтказилди.
Тадбир Ўзбекистон Соғлиқни сақлаш ходимлари касаба уюшмаси Республика кенгаши ижроия қўмитасининг 2025 йил 29 декабрдаги 1-58 “С”-сонли қарори асосида ташкил этилган бошланғич касаба уюшма ташкилотлари фаолиятини янада самарали йўлга қўйиш мақсадида ташкил этилди.
Ўқув-семинарда Ўзбекистон Соғлиқни сақлаш ходимлари касаба уюшмаси Андижон вилояти кенгаши раиси Арзиев Анваржон Мамаджонович ҳамда вилоят кенгаши мутахассислари иштирок этди.
Семинар давомида касаба уюшмаси ташкилотлари фаолиятини Устав ва амалдаги меъёрий-ҳуқуқий ҳужжатлар асосида ташкил этиш, касаба уюшмаси аъзолик бадалларини тўғри тақсимлаш, бюджет маблағларидан мақсадли ва самарали фойдаланиш, бухгалтерия ҳисобини юритиш ҳамда ҳужжатларни расмийлаштириш тартиби бўйича тушунчалар берилди.
Шунингдек, меҳнат соҳасида ижтимоий шериклик, жамоа шартномаларини Меҳнат кодекси талабларига мувофиқлаштириш, ходимларнинг мурожаатларини кўриб чиқиш, меҳнат муҳофазаси соҳасида жамоатчилик назоратини ташкил этиш масалаларига алоҳида эътибор қаратилди.
Тадбир иштирокчиларнинг савол-жавоблари, фикр ва мулоҳазалари асосида қизиқарли ва мазмунли ўтди. Семинар якунида бошланғич касаба уюшма ташкилотлари раисларининг фаолиятини янада самарали ташкил этиш юзасидан амалий тавсиялар берилди.

30/09/2026

🌷 1 октябрь — Устоз ва мураббийлар куни

Бугун Норин тумани тиббиёт техникумида 1 октябрь — Устоз ва мураббийлар куни муносабати билан байрам тадбири кўтаринки руҳда, кўтаринки кайфият ва самимий эҳтиром билан ўтказилди.

Тадбир давомида ёш авлодга таълим ва тарбия беришдек шарафли ҳамда масъулиятли вазифани сидқидилдан бажариб келаётган фидойи устоз ва мураббийлар самимий муборакбод этилди.

Байрам муносабати билан техникум ўқитувчиларига байрам совғалари топширилиб, уларнинг меҳнатига чуқур ҳурмат ва миннатдорлик изҳор этилди.

30/09/2026

1-oktyabr – O‘qituvchi va murabbiylar kuni munosabati bilan sport musobaqalari o‘tkazildi

Yurtimizda 1-oktyabr – O‘qituvchi va murabbiylar kuni keng nishonlanishi munosabati bilan, jamiyatda sog‘lom turmush tarzini targ‘ib qilish hamda xodimlar o‘rtasida hamjihatlikni mustahkamlash maqsadida “Kasaba uyushmalari bilan – sog‘lom hayot va do‘stlik sari!” shiori ostida sport musobaqalari bo‘lib o‘tdi.

Tibbiyot xodimlari o‘rtasida tashkil etilgan ushbu musobaqa sportning stol tennisi, shaxmat va shashka turlari bo‘yicha yuqori saviyada o‘tkazildi. Bahslar adolatli va murosasiz kechishi uchun erkaklar va ayollar o‘rtasida alohida-alohida toifalarda tashkillashtirildi.

Musobaqa davomida Stol tennisi bo‘yicha ishtirokchilar o‘zlarining chaqqonligi va tezkor reaksiyasini namoyish etgan bo‘lsalar, Shaxmat va shashka taxtasi atrofida kechgan bahslarda chuqur mantiqiy fikrlash, zakovat va strategik mahorat namoyon bo‘ldi.

Kunning ikkinchi yarmida yakuniy natijalar e’lon qilinib, har bir yo‘nalish bo‘yicha, yuqori o‘rinlarni egallagan g‘olib va sovrindorlar O‘zbekiston sog‘liqni saqlash xodimlari kasaba uyushmasi Farg‘ona viloyat kengashi tomonidan munosib taqdirlandilar.

30/09/2026

💥E’TIROF VA EHTIROM

🎓 USTOZ VA MURABBIYLAR KUNI MUNOSABATI BILAN TAQDIRLANDI

1-oktabr — O‘qituvchi va murabbiylar kuni munosabati bilan O‘zbekiston Sog‘liqni saqlash xodimlari kasaba uyushmasining Sirdaryo viloyati kengashi tomonidan Guliston Abu Ali ibn Sino nomidagi Jamoat salomatligi texnikumi o‘qituvchisi, Kasaba uyushmasi qo‘mitasi raisi G.T. Qosimova munosib taqdirlandi.

🏅 G.T. Qosimovaning kasaba uyushmasi yo‘nalishidagi samarali faoliyati, mehnat jamoasi a’zolarining iqtisodiy-ijtimoiy va huquqiy manfaatlarini himoya qilish borasidagi xizmatlari, shuningdek, ta’lim-tarbiya sohasidagi fidoyiligi va kasbiy faoliyatidagi munosib mehnati viloyat kasaba uyushmalari kengashi tomonidan e’tirof etildi

🌸 Ustozga ehtirom — kelajakka ehtirom!

✨ G.T. Qosimovani ushbu e’tirof bilan samimiy muborakbod etib, kelgusi faoliyatida ulkan muvaffaqiyatlar, mustahkam sog‘lik, oilaviy farovonlik va yangi yutuqlar tilaymiz!

30/09/2026

1 октябрь — Устоз ва мураббийлар куни муносабати билан Республика Шошилинч тиббий ёрдам илмий маркази Тошкент вилоят филиалида кўп йиллар давомида самарали меҳнат қилиб, ўзининг бой тажрибаси, касбий маҳорати ва фидойилиги билан жамоа ривожига муносиб ҳисса қўшиб келаётган устоз ходимларни тақдирлаш маросими бўлиб ўтди.

Тадбир давомида узоқ йиллик меҳнат фаолияти, ёш мутахассисларга сабоқ ва йўл-йўриқ бериб келаётгани, касбга садоқати ҳамда жамоадаги фаол иштироки билан алоҳида намуна бўлиб келаётган устоз ходимларга самимий миннатдорлик билдирилиб, эсталик совғалар ва дам олиш сиҳатгохига йўлланма билан тақдирланди.

Тақдирлаш маросимида устозларнинг меҳнати ва ҳаётий тажрибаси ёш авлод учун беқиёс мактаб экани, уларнинг касбий ва инсоний фазилатлари жамоа учун доимо қадрли экани алоҳида таъкидланди.

30/09/2026

Sanepidqo‘mita Samarqand viloyat boshqarmasida 1-oktabr — Ustoz va murabbiylar kuni munosabati bilan bayram tadbiri tashkil etildi.

Tadbirda boshqarma rahbariyati, uzoq yillardan buyon sanitariya-epidemiologiya va jamoat salomatligi sohasida samarali mehnat qilib kelayotgan faxriy ustozlar, tajribali mutaxassislar hamda boshqarma xodimlari ishtirok etdi.

Tadbir avvalida ustoz va murabbiylarning jamiyat hayotidagi o‘rni, ularning yosh avlodni tarbiyalash, kasbiy bilim va tajribalarni keyingi avlodga yetkazish borasidagi beqiyos xizmatlari alohida ta’kidlandi.

Ta’kidlanganidek, ustoz — nafaqat bilim beruvchi, balki insonning hayot yo‘lini belgilashga ko‘maklashuvchi, uning qalbida ezgulik, mas’uliyat, mehnatsevarlik va Vatanga sadoqat tuyg‘ularini shakllantiruvchi ulug‘ insondir. Ayniqsa, ko‘p yillar davomida bir sohada fidokorona mehnat qilib, o‘zining boy tajribasini yosh mutaxassislarga o‘rgatib kelayotgan ustozlarning xizmatlari tahsinga loyiq.

Tadbirda Sanepidqo‘mita Samarqand viloyat boshqarmasi boshlig‘i Latif Rustamov uzoq yillardan beri sohada faoliyat yuritib kelayotgan ustoz va tajribali xodimlarga samimiy minnatdorchilik bildirib, ularning ko‘p yillik mehnati, kasbga sadoqati va soha rivojiga qo‘shayotgan munosib hissasini e’tirof etdi.

— Sizlarga bo‘lgan cheksiz hurmat va ehtiromimizni oddiy so‘zlar bilan ifodalash qiyin. Zero, ustoz — inson qalbiga ilm va ma’rifat nurini olib kiradigan, ezgulikka chorlaydigan, hayot yo‘lida to‘g‘ri yo‘nalish ko‘rsatadigan, shogirdining kamolini o‘zining eng katta baxti deb biladigan ulug‘ va sharafli zotdir. Sizlarning ko‘p yillik mehnatingiz, hayotiy tajribangiz va kasbiy saboqlaringiz bugungi k***a sohamizda faoliyat yuritayotgan ko‘plab mutaxassislar uchun katta maktab bo‘lib xizmat qilmoqda, — dedi boshqarma boshlig‘i Latif Rustamov.

Shuningdek, tadbir davomida sanitariya-epidemiologik osoyishtalikni ta’minlash, aholi salomatligini muhofaza qilish, yuqumli kasalliklarning oldini olish, sanitariya madaniyatini yuksaltirish hamda jamoat salomatligini mustahkamlash yo‘lida uzoq yillar davomida samarali faoliyat yuritib kelayotgan fidoyi xodimlarning mehnati alohida e’tirof etildi.

Bayram tadbiri doirasida sohada ko‘p yillik tajribaga ega, o‘zining mas’uliyatli mehnati va tashabbuskorligi bilan jamoa hurmatiga sazovor bo‘lgan xodimlarga tashakkurnomalar hamda kasaba uyushma qo’mitasining esdalik sovg‘alari tantanali ravishda topshirildi.

30/09/2026

Ustoz va murabbiylar ulug‘landi

Respublika shoshilinch tibbiy yordam ilmiy markazi Samarqand filialida 1-oktabr — Ustoz va murabbiylar kuni munosabati bilan tantanali tadbir bo‘lib o‘tdi.

Unda filial direktori, tibbiyot fanlari doktori Rustam Nadirovich Kadirov ustoz va murabbiylarning uzoq yillardan buyon inson salomatligini muhofaza qilish borasidagi mehnatlarini chuqur hurmat bilan e’tirof etdi.

Ustoz va murabbiylarga filial ma’muriyati hamda kasaba uyushmasi qo‘mitasi tomonidan bayram sovg‘alari ulashildi.

25/09/2026

Ўзбекистон соғлиқни сақлаш ходимлари касаба уюшмаси Қорақалпоғистон Республика Кенгашнинг навбатдан ташқари мажлиси ўтказилди.

Ўзбекистон соғлиқни сақлаш ходимлари касаба уюшмаси Қорақалпоғистон Республика Кенгашининг навбатдан ташқари III мажлиси ўтказилиб, унда Ўзбекистон соғлиқни сақлаш ходимлари касаба уюшмасининг Қорақалпоғистон Республикаси Кенгаши раисини сайлаш ҳамда Ўзбекистон соғлиқни сақлаш ходимлари касаба уюшмасининг Қорақалпоғистон Республикаси Кенгаши ва раёсат аъзолари таркибига ўзгартириш киритиш тўғрисидаги масалалар кўриб чиқилди.

Мажлис ишида Ўзбекистон соғлиқни сақлаш ходимлари касаба уюшмаси Республика Кенгаши раиси Ф.Ханапияев, Ўзбекистон касаба уюшмалари Федерациясининг Қорақалпоғистон Кенгаши раиси У.Жалменов, Қорақалпоғистон Республикаси Соғлиқни сақлаш вазири ўринбосари Т.Сарбаевлар иштирок этдилар.

Мажлисда муқобиллик асосида, кўпчилик овоз билан Қорақалпоғистон Республикаси соғлиқни сақлаш вазирлиги “Инвестицияларни жалб қилиш ҳамда давлат ҳусусий шериклик ва аутсорсингни ривожлантириш шўъбаси” бош мутахассиси Палуаниязова Замира Айтжановна Қорақалпоғистон Республикаси Кенгаши раиси этиб сайланди.

Шунингдек, кенгаш мажлисида Қорақалпоғистон Республикаси Кенгаши ва раёсат аъзолари таркибига бир қатор ўзгартиришлар киритилди.

Куннинг иккинчи яримида Ўзбекистон соғлиқни сақлаш ходимлари касаба уюшмаси Республика Кенгаши раиси Ф.Ханапияевнинг касаба уюшма ташкилотлари фаоллари билан учрашуви ўтказилиб, унда касаба уюшмасига аъзоликнинг афзалликлари, Ўзбекистон соғлиқни сақлаш ходимлари касаба уюшмаси X Қурултойида белгиланган вазифалар ижроси ва келгусида устувор вазифалари, ходимларнинг ижтимоий-иқтисодий, ҳуқуқий ҳимояси, муассасаларда тузилган жамоа шартномалари, уларнинг ижроси натижасида ҳар бир ходимга сарфланган маблағлар, шунингдек Республика Кенгашида фаолият юритаёган меҳнат инспекторлари ишлари ҳақида кенг турда маълумотлар берилди ва касаба уюшмалари ташкилотларининг асосий вазифаларини белгилаб берди.

25/09/2026

“Zakovat” intellektual o‘yini o‘tkazildi

“O‘zbekiston — 2030” strategiyasini, “Mahallani rivojlantirish va jamiyatni yuksaltirish yili”da amalga oshirishga oid davlat dasturi ijrosini ta’minlashga ko‘maklashish bo‘yicha O‘zbekiston Sog‘liqni saqlash xodimlari kasaba uyushmasi Samarqand viloyat kengashining dasturi ijrosini ta’minlash hamda “1-oktyabr — O‘qituvchi va murabbiylar kuni”ni keng nishonlash maqsadida O‘zbekiston Sog‘liqni saqlash xodimlari kasaba uyushmasi Samarqand viloyat kengashi tomonidan Samarqand davlat tibbiyot universiteti, universitet qoshidagi akademik litsey hamda Abu Ali ibn Sino nomidagi jamoat salomatligi texnikumlari o‘qituvchi-xodimlari o‘rtasida “Zakovat” intellektual o‘yini o‘tkazildi.

“Zakovat” intellektual o‘yinida Samarqand davlat tibbiyot universiteti, universitet qoshidagi akademik litsey hamda Abu Ali ibn Sino nomidagi jamoat salomatligi texnikumlaridan jami 11 ta jamoa ishtirok etib, o‘zaro bellashdilar.

Tadbirni O‘zbekiston kasaba uyushmalari Federatsiyasi Samarqand viloyat Kengashi raisi o‘rinbosari A.A.Abdusaidov, Samarqand davlat tibbiyot universitetining Yoshlar masalalari va ma’naviy-ma’rifiy ishlar bo‘yicha birinchi prorektori E.Tangirov hamda O‘zbekiston Sog‘liqni saqlash xodimlari kasaba uyushmasi Samarqand viloyat kengashi raisi G‘.H.Rustamovlar ochib berdilar.

“Zakovat” intellektual o‘yinini “Zakovat intellektual klubi” nodavlat notijorat tashkilotining viloyat bo‘limi hakamlari boshqarib bordilar.

“Zakovat” intellektual o‘yini qizg‘in va mazmunli tarzda o‘tkazildi. O‘yin yakunlariga ko‘ra, faxrli 3-o‘rinni Payariq Abu Ali ibn Sino nomidagi jamoat salomatligi texnikumi jamoasi, 2-o‘rinni Samarqand davlat tibbiyot universiteti jamoasi, faxrli 1-o‘rinni esa Kattaqo‘rg‘on Abu Ali ibn Sino nomidagi jamoat salomatligi texnikumi jamoasi egalladi.

G‘olib jamoalar ishtirokchilariga tashkilotchilar tomonidan qimmatbaho esdalik sovg‘alari topshirildi.

Monday	09:00 - 18:00
Tuesday	09:00 - 18:00
Wednesday	09:00 - 18:00
Thursday	09:00 - 18:00
Friday	09:00 - 18:00

O'zbekiston sog'liqni saqlash xodimlari kasaba uyushmasi RK

09/10/2026

07/10/2026

30/09/2026

30/09/2026

30/09/2026

30/09/2026

30/09/2026

30/09/2026

25/09/2026

25/09/2026

Address

Opening Hours

Telephone

Website

Alerts

Contact The Organization

Shortcuts

Share

Listing takedown request