Assist Albania Center

07/07/2026

REAGIM PUBLIK

Pamjet e dhunës së ushtruar ndaj një vajze nga bashkëmoshataret e saj në Fier janë thellësisht shqetësuese. Po aq alarmues sa vetë akti i dhunës është filmimi dhe shpërndarja e tij në rrjetet sociale, duke e kthyer vuajtjen dhe poshtërimin e një të reje në spektakël. Kjo nuk është thjesht një “zënkë mes vajzash”, por një shenjë e normalizimit të dhunës, mungesës së empatisë dhe përdorimit të teknologjisë si mjet për të thelluar dëmin ndaj viktimës.

Raste të tilla na detyrojnë të pyesim nëse po i dëgjojmë të rinjtë përpara se konfliktet të përshkallëzohen dhe nëse familja, shkolla dhe institucionet po identifikojnë në kohë sinjalet e bullizmit, kërcënimit dhe presionit të grupit. Viktima duhet të mbrohet, të mbështetet dhe t'i garantohet privatësia, ndërsa ndaj të miturve të përfshirë në dhunë nevojitet jo vetëm reagim institucional dhe ligjor, por edhe ndërhyrje e specializuar psikosociale dhe edukative.

Të mos e shpërndajmë videon !
Të mos e kthejmë dhunën në spektakël !

Parandalimi i dhunës fillon shumë më herët se ndërhyrja e policisë – fillon duke i dëgjuar, edukuar dhe mbështetur të rinjtë në kohë.

16/06/2026

Në kuadër të projektit “Harmonia e Trashëgimisë: Eksplorimi i Durrësit përmes Kinemasë, Muzikës dhe Historisë”, Qendra Assist Albania Center, me mbështetjen e Ministrisë së Turizmit, Kulturës dhe Sporteve, ka ndërmarrë një nismë për të identifikuar dhe promovuar vendet/zonat e Durrësit që kanë shërbyer si skena të filmit shqiptar.

📽️ A mbani mend filma shqiptarë të xhiruar në Durrës?
📍 Njihni vende, objekte apo histori që lidhen me këto xhirime?
💭 Keni kujtime apo dëshmi që meritojnë të ruhen dhe të ndahen?

Ju ftojmë të bëheni pjesë e këtij rrugëtimi duke ndarë mendimet, kujtimet dhe sugjerimet tuaja në komentet e këtij postimi ose në inbox të faqes sonë.

Së bashku, le të sjellim në jetë historinë e Durrësit përmes filmit dhe të ndërtojmë itineraret e para të filmit shqiptar në këtë qytet! ✨

09/06/2026

Në kuadër të projektit “Edukimi dhe Fuqizimi i të Rinjve kundër Krimit”, të mbështetur nga Agjencia për Administrimin e Pasurive të Konfiskuara dhe Sekuestruara (AAPSK), Assist Albania Center zhvilloi një aktivitet ndërgjegjësues me nxënësit e shkollës së mesme “Besnik Sykja”, me synimin për të forcuar ndërgjegjësimin, përgjegjësinë qytetare dhe rolin aktiv të të rinjve në parandalimin e kriminalitetit dhe promovimin e një mjedisi më të sigurt për të gjithë.

Gjatë takimit, nxënësit u angazhuan në diskutime të hapura mbi sfidat me të cilat përballen të rinjtë sot, rëndësinë e respektimit të ligjit, ndikimin e zgjedhjeve individuale në jetën e tyre dhe mënyrat se si secili mund të kontribuojë në ndërtimin e një komuniteti më të përgjegjshëm dhe më të sigurt. Përmes shkëmbimit të ideve dhe përvojave, të rinjtë dëshmuan interes dhe gatishmëri për të qenë pjesë aktive e ndryshimeve pozitive në shoqëri.

03/06/2026

📚👧👦 1 Qershori – Dita Ndërkombëtare e Fëmijëve në Shkollën "Murat Toptani" 👧👦📚

Në kuadër të projektit “Siguria e Para: Mbrojmë komunitetin tonë shkollor”, u zhvilluan sesione edukative dhe ndërgjegjësuese me nxënësit e Shkollës 9-vjeçare "Murat Toptani", duke shënuar njëkohësisht edhe atmosferën e veçantë të 1 Qershorit – Ditës Ndërkombëtare të Fëmijëve.

Gjatë takimeve, nxënësit u përfshinë në diskutime interaktive mbi sigurinë në mjediset shkollore, parandalimin e bullizmit, përdorimin e sigurt të internetit dhe rëndësinë e respektit e bashkëpunimit mes bashkëmoshatarëve. Përmes aktiviteteve të përshtatura për moshën e tyre, fëmijët patën mundësi të shprehin mendimet, shqetësimet dhe idetë e tyre për krijimin e një mjedisi më të sigurt dhe më miqësor në shkollë.

Këto aktivitete synojnë të fuqizojnë fëmijët me njohuri dhe aftësi praktike për të identifikuar rreziqet, për të kërkuar ndihmë kur është e nevojshme dhe për të kontribuar aktivisht në ndërtimin e një komuniteti shkollor të sigurt për të gjithë.

Projekti “Siguria e Para: Mbrojmë komunitetin tonë shkollor” zbatohet nga Assist Albania Center me mbështetjen e Programit të Qeverisë Suedeze “Forcimi i Policimit në Komunitet në Shqipëri ”.

⚠️, , , ,

Toether, we build safer schools and stronger communities. 💙🏫✨

02/06/2026

22/05/2026

📍Vijuam sesionet ndërgjegjësuese dhe edukative me nxënësit e shkollës 9-vjeçare “Vasil Shanto”, në Njësinë Administrative nr. 5 me fokus sigurinë online dhe rolin e komunitetit në mbrojtjen e të miturve.

Gjatë diskutimit, nxënësit ndanë shqetësime reale që përjetojnë çdo ditë në rrjetet sociale: raste bullizimi online, hapje faqesh fallco për tallje apo për të vendosur bashkëmoshatarët në situata të vështira dhe poshtëruese.

Ajo që u vu re më shumë ishte heshtja. Shumë prej tyre përjetojnë situata të rënda online, por kanë frikë të flasin — frikë nga gjykimi, nga mosbesimi apo nga mënyra si mund të perceptohen nga të tjerët.

Për këtë arsye, në takim përdorëm metodën e të shkruarit të mendimit, si një hap i parë drejt shprehjes së emocioneve dhe shqetësimeve që shpesh mbeten të pathëna. Ndonjëherë, një fletë letre bëhet vendi i parë ku një i mitur gjen guximin për të treguar çfarë po përjeton.

Siguria online nuk lidhet vetëm me teknologjinë. Lidhet me dëgjimin, besimin dhe krijimin e hapësirave ku fëmijët ndihen të sigurt për të folur.

Aktivitetet zhvillohen në kuadër të projektit “Siguria e Para: Mbrojmë komunitetin tonë shkollor”, mbështetur nga programi SCPA, Forcimi i Policimit në Komunitet në Shqipëri dhe Qeveria Suedeze. 🇸🇪

09/05/2026

Siguria e komunitetit dhe specifikisht siguria e fëmijëve krijon një të ardhme ndryshe.

Në kuadër të projektit "Siguria e para: Të mbrojmë komunitetin tonë shkollor", mbështetur nga programi , kemi vijuar punën në shkollën At Zef Pllumbi, pranë fëmijëve, pranë mendimeve dhe njohurive që ata kanë mbi konceptet dhe mjetet e sigurisë, e specifikisht sigurisë online, krijuam një mjedis psikologjik për një zgjerim dhe plotësim të dijeve që ata kanë për komunikimet online.

Sa më pranë kuptueshmërisë së fëmijëve për konceptet, sistemin online, mekanizmat e mbrojtjes dhe referimit, aq më afër plotësimit të nevojave reale të tyre.

Assist Albania Center do të vazhdojë misionin ndaj fëmijëve për të kontribuar sa më shumë në të ardhmen e psikologjisë së tyre dhe në një jetë më të sigurtë!

Program: "Strengthening Community Policing in Albania" - SCPA
,

04/05/2026

Deklaratë Publike Mbi Ngjarjen në Durrës

Save the Children në Shqipëri është thellësisht e tronditur nga humbja tragjike e dy fëmijëve dhe shpreh ngushëllimet më të sinqerta për familjet e tyre dhe gjithë komunitetin. Gjithashtu, lutemi për shërim të plotë për fëmijën që po lufton me jetën në spital.
Kjo ngjarje nuk është thjesht një aksident, por një tragjedi e paralajmëruar, në një komunitet ku shqetësimet për sigurinë rrugore janë shprehur vazhdimisht dhe nuk janë adresuar.
Fëmijët duhet të jenë të sigurt në çdo hapësirë publike, duke i ofruar mbrojtje, jo rrezik. Asnjë fëmijë nuk duhet të humbasë jetën apo të rrezikohet për shkak të papërgjegjshmërisë apo mungesës së veprimit nga institucionet.
Ne bëjmë thirrje për një hetim të plotë dhe transparent të kësaj ngjarjeje, si dhe për marrjen e masave konkrete për të garantuar sigurinë e fëmijëve në komunitet, përfshirë forcimin e kontrolleve ndaj drejtimit në gjendje të dehur dhe përmirësimin e infrastrukturës rrugore në zonat e banuara.
Siguria e fëmijëve nuk mund të jetë kompromis — ajo kërkon veprim të vazhdueshëm dhe efektiv.

03/05/2026

01/05/2026

Sot, më 1 Maj 🌿

Assist Albania Center shpreh mirënjohjen për të gjithë ata që çdo ditë japin kontributin e tyre me punë, përkushtim dhe sakrificë 💼

Kjo ditë na kujton rëndësinë e dinjitetit në punë, të drejtave të punëtorëve dhe solidaritetit 🤝
Së bashku mund të ndërtojmë një shoqëri më të drejtë dhe me më shumë mundësi për të gjithë.

Gëzuar 1 Majin! ✨