Mërgata e Pozheranit

Mërgata e Pozheranit Faqja e Mërgimtarëve Pozheranas

Nga Gjeneva drejt vizioneve të reja për Pozheranin Sot, në Gjenevë, Kryesia e Shoqatës “Mërgata e Pozheranit” zhvilloi p...
05/10/2026

Nga Gjeneva drejt vizioneve të reja për Pozheranin

Sot, në Gjenevë, Kryesia e Shoqatës “Mërgata e Pozheranit” zhvilloi punimet e radhës, në përputhje me planin vjetor të punës, me fokus në projektet që janë aktualisht në zhvillim dhe në angazhimet e planifikuara për vitin.

Gjatë takimit u diskutuan edhe projekte të reja për fshatin. Tri prej tyre kaluan në fazën e fizibilitetit, ndërsa u caktuan grupet punuese dhe koordinatorët përgjegjës për secilin projekt.

Ndërkohë, për dy projekte të rëndësishme – ndërtimin e pritoreve të autobusëve dhe rregullimin e zonës së parkingut prapa Shkollës Fillore – u procedua drejt fazës së planifikimit financiar për realizimin e tyre.

Fryma e bashkëpunimit dhe mbështetja e vazhdueshme e mërgatës sonë po na hapin rrugën drejt vizioneve të reja për Pozheranin. Në ditët në vijim, pas përfundimit të planifikimeve financiare, do t’i bëjmë publike më në detaje projektet dhe hapat konkretë drejt realizimit të tyre.

Shoqata “Mërgata e Pozheranit” mbetet e përkushtuar që çdo euro e dhënë nga bashkatdhetarët, si nga diaspora ashtu edhe nga bashkëfshatarët tanë në vendlindje, të orientohet me përgjegjësi dhe transparencë për krijimin e një ambienti dhe një rrethi më të mirë për Pozheranin.

Andaj, u bëjmë thirrje të gjithë bashkatdhetarëve të cilët, për arsye subjektive, ende nuk e kanë përfunduar mbështetjen e tyre vjetore sipas planit, që ta realizojnë atë. Kjo është shumë e rëndësishme për një planifikim më të saktë financiar dhe një realizim më të sigurt të projekteve tona.

Një falënderim i veçantë për çdo bashkatdhetar që ndau nga koha, mundi dhe buxheti i tij për të mbështetur zhvillimin e fshatit tonë.

Bashkë për Pozheranin – nga mërgata, për vendlindjen!

Një urë miqësie mes Vitisë dhe Saint-Julien-en-Genevois!Kryesia e Shoqatës “Mërgata e Pozheranit” mori pjesë me kënaqësi...
21/09/2026

Një urë miqësie mes Vitisë dhe Saint-Julien-en-Genevois!

Kryesia e Shoqatës “Mërgata e Pozheranit” mori pjesë me kënaqësi në aktivitetin e organizuar nga Shoqata “Iliria”, me rastin e binjakëzimit të Vitisë me Saint-Julien-en-Genevois.

Një moment i veçantë miqësie, bashkëpunimi dhe krenarie shqiptare.

Falënderojmë Shoqatën “Iliria” për mikpritjen dhe këtë organizim të rëndësishëm.

20/09/2026

Të dashur bashkëvendas dhe mërgimtarë të Pozheranit, kudo që jeni!

Ndoshta nuk jemi të gjithë aktivë çdo ditë. Dikush shkruan, dikush vetëm lexon, dikush merr pjesë në aktivitete, ndërsa dikush tjetër është më i heshtur. Por heshtja nuk do të thotë indiferencë.

Ajo që na bashkon është vendlindja jonë – Pozherani.

Sot kemi nevojë që mërgata jonë të jetë më e organizuar dhe më aktive. Shoqata “Mërgata e Pozheranit” është mundësia jonë për të qenë bashkë, për të ndihmuar njëri-tjetrin dhe për të mbështetur projekte e iniciativa për komunitetin tonë.

Anëtarësia vjetore është 120 € – vetëm 10 € në muaj.

Mos ta shohim vetëm si pagesë, por si kontribut dhe përkushtim ndaj vendlindjes sonë.

Nëse secili prej nesh jep pak, së bashku mund të bëjmë shumë.

Mos të presim që dikush tjetër ta bëjë. Le ta bëjmë së bashku!

Bëhu anëtar. Aktivizohu. Fto edhe një bashkëvendas.

Sepse Pozherani nuk mbahet gjallë vetëm me kujtime, por me njerëzit e tij.

Mërgata e Pozheranit – të bashkuar edhe larg vendlindjes!

ARON PIRA — NJË JETË E RE E SHUAR, NJË DHIMBJE E PAKUFISHMEKa lajme që të tronditin shpirtin dhe të lënë pa fjalë.Me dhi...
03/09/2026

ARON PIRA — NJË JETË E RE E SHUAR, NJË DHIMBJE E PAKUFISHME

Ka lajme që të tronditin shpirtin dhe të lënë pa fjalë.

Me dhimbje të thellë morëm lajmin e kobshëm për ndarjen nga jeta të bashkëvendasit tonë, Shoqata Mërgata e Pozheranit shpreh ngushëllimet më të sinqerta për ndarjen tragjike nga jeta të mërgimtarit tonë të ri, Aron Pira.

Aroni, në moshën vetëm 18–19 vjeç, u nda nga jeta aksidentalisht, duke lënë pas një familje të pikëlluar, të afërm, miq dhe një komunitet të tërë që sot e ndien rëndë këtë humbje.

Në një moshë kur jeta sapo kishte nisur të hapte dyert e saj, kur ëndrrat ishin përpara dhe e ardhmja pritej me shpresë, kjo jetë u ndërpre tragjikisht.

Malli për Kosovën dhe dëshira për t’u kthyer në vendlindje janë ndjenja që i njeh çdo mërgimtar. Por askush nuk e mendon se një kthim i dëshiruar mund të shndërrohet në një lamtumirë të përjetshme.

Aron, u ktheve në vendlindje, por jo ashtu siç e kishim dëshiruar të gjithë.

Sot, dhimbja e familjes Pira është dhimbje e të gjithë Pozheranit. Është dhimbje e mërgatës sonë, kudo që ndodhet.

Në emër të Shoqatës Mërgata e Pozheranit, bashkëndjejmë thellë me familjen Pira, të afërmit, miqtë dhe të gjithë bashkëvendasit tanë në këtë humbje të rëndë.

Zoti i dhëntë familjes forcë e durim për ta përballuar këtë dhimbje të madhe.

U prehtë në paqe shpirti i Aronit.
Kujtimi për të qoftë i përjetshëm.

Ngushëllime të sinqerta familjes Pira dhe gjithë Pozheranasve.

Me keqardhje të thellë morëm lajmin për ndarjen nga jeta të bashkëvendasit tonë Bastri Aniqi.Me këtë rast, Shoqata “Mërg...
01/09/2026

Me keqardhje të thellë morëm lajmin për ndarjen nga jeta të bashkëvendasit tonë Bastri Aniqi.
Me këtë rast, Shoqata “Mërgata e Pozheranit” shpreh ngushëllimet më të sinqerta familjes të bashkëatdhetarit tonë, Bastri Aniqi.

Bastriu ishte një njeri i përkushtuar ndaj familjes, miqve dhe rrethit ku jetoi e veproi. Ai u rreshtua edhe në radhët e Shoqatës “Mërgata e Pozheranit”, duke qenë pjesë e komunitetit tonë dhe e përpjekjeve tona për të ruajtur lidhjet dhe vlerat e vendlindjes.

Me respekt do ta kujtojmë për mirësinë, përkushtimin dhe kontributin e tij në mesin e bashkëatdhetarëve që jetojnë në Zvicër.

Në këto momente të dhimbshme, jemi pranë familjes Aniqi, të afërmve dhe miqve të të ndjerit.

U prehtë në paqe!
Ngushëllime të sinqerta familjes dhe të gjithë atyre që e njohën dhe e deshën.

Shoqata “Mërgata e Pozheranit”

Kur Pozherani hesht, ndihet malli…Këto ditë, Pozherani duket ndryshe…Kafeteritë që deri dje ishin plot zëra, buzëqeshje,...
18/08/2026

Kur Pozherani hesht, ndihet malli…

Këto ditë, Pozherani duket ndryshe…

Kafeteritë që deri dje ishin plot zëra, buzëqeshje, takime e biseda të mërgimtarëve, sot kanë mbetur të zbrazëta. Rrugët janë qetësuar, kafenetë kanë humbur gjallërinë, ndërsa pas çdo dere ndihet një mall i vogël për ditët që sapo kaluan.

Mërgimtarët tanë u kthyen në vendet ku jetojnë e punojnë, duke lënë pas kujtime, përqafime, miq, familjarë dhe një copëz të zemrës së tyre në Pozheran.

Faleminderit për çdo takim, çdo buzëqeshje, çdo kafe të pirë bashkë dhe çdo moment që e bëtë vendlindjen të ndihet përsëri e plotë.

Tani, kur karriget kanë mbetur bosh dhe kafeteritë janë qetësuar, e kuptojmë edhe më shumë se sa shumë vlerë ka prania juaj.

Pozherani ju pret gjithmonë me dyer të hapura dhe me zemër plot.
Sepse Pozherani nuk është vetëm vendi ku kemi lindur – është vendi ku gjithmonë kthehet malli.

Mirupafshim, mërgimtarë!
Na mungoni që tani… dhe mezi presim t’ju shohim përsëri në Pozheran.

14/08/2026

Ftesë për Kuvendin Punues të Shoqatës “Mërgata e Pozheranit”

Të nderuar anëtarë të Shoqatës “Mërgata e Pozheranit”,

Ju ftojmë të merrni pjesë në Kuvendin Punues Vjetor të Shoqatës, i cili do të mbahet:

E diel, 16 gusht 2026
Ora 19:00
Ambientet e Shkollës së Mesme “Kuvendi i Manastirit”, Pozheran

Ftesa u drejtohet të gjithë anëtarëve me të drejtë vote, si dhe Kryesisë Ekzekutive, me qëllim të prezantimit dhe shqyrtimit të punës së Shoqatës gjatë vitit të kaluar, si dhe të raporteve vjetore.

📋 Rendi i ditës:

1. Formimi i Kryesisë së Punës së Kuvendit
2. Raporti i punës njëvjeçare të Shoqatës
3. Raporti financiar vjetor
4. Verifikimi dhe miratimi i procesverbalit
5. Të ndryshme

Ky Kuvend është një moment i rëndësishëm për të reflektuar mbi punën e bërë, për të raportuar me transparencë dhe për të diskutuar së bashku për të ardhmen e Shoqatës.

Pjesëmarrja dhe kontributi i secilit anëtar janë të rëndësishme për mbarëvajtjen dhe forcimin e Shoqatës sonë.

Ju mirëpresim!

Shoqata “Mërgata e Pozheranit”
Bashkë për Pozheranin, bashkë për mërgatën!

Aty ku vlera dhe rruga e dijës nisën!Aty vlerësimi dhe mirënjohja kthehet!Shkolla e parë shqipe. Pozheran
05/08/2026

Aty ku vlera dhe rruga e dijës nisën!
Aty vlerësimi dhe mirënjohja kthehet!

Shkolla e parë shqipe. Pozheran

03/08/2026

Ky është Pozherani, kjo është Diaspora!

03/08/2026

Faleminderit për gjithësecilin nga ju!

Festa ishte dhe do te jetë një ditë e shënuar në kalendarin e qdo mërgimtari dhe bashkqytetari të Pozheranit, kjo është shpresa, kjo është dëshira dhe vullneti i mijëra të pranishmëve mbrëme.

Ne u jemi mirënjohës për pranin tuaj dhe ndjenjën e vendlindjes që dhuruat për ne.

Dita e Diasporës është dhe do të jetë dita e lidhjes në mes nesh.

Andaj, nga sot regjistrojeni në kalendarin tuaj të dielen e parë të muajit gusht 2027 për takimin e radhës. 01 Gusht 2027

Atë që nuk mundem ta realizojmë mbrëmë do e kemi në agjendë për herën e ardhshme dhe na mbetet të bëhëmi më shumë dhe më të organizuar.

Ju faleminderit Pozheran!

Address

Vitina

Website

Alerts

Be the first to know and let us send you an email when Mërgata e Pozheranit posts news and promotions. Your email address will not be used for any other purpose, and you can unsubscribe at any time.

Shortcuts

Share

Category