SHAK "Elena Gjika-Dora d'Istria"

17/08/2026

Po ua rikujtojmë: Afati për të konkuruar në KONKURSIN LETRAR është deri më 31 gusht 2026.

Aktiviteti i radhës…

13/08/2026

13/08/2026

13 gusht 2026
Suharekë

SHAK “Elena Gjika – Dora d’Istria” organizoi takimin letrar, ku u promovuan tri libra të autorit Beqir Cikaqi: librin me poezi për fëmijë "E fëmijëve është bota", përmbledhjen poetike "Idil dhe mall" dhe romanin "Përballë fatit".
Beqir Cikaqi ka ndërtuar ndër vite një opus të pasur krijues, me dhjetëra libra të botuar në zhanre të ndryshme, duke dëshmuar vazhdimësi, seriozitet dhe përkushtim ndaj letërsisë. Veprat që u promovuan sot pasqyrojnë dimensione të ndryshme të botës së tij krijuese: pafajësinë dhe ëndrrat e fëmijëve, ndjeshmërinë dhe mallin e poezisë, si dhe sfidat njerëzore që shtjellohen në roman.
Të pranishëm në këtë aktivitet ishin familjarë të autorit, miq të tij, lrijues letrar nga vise të ndryshme, dashamirë të fjalës së shkruar artistike dhe përfaqësues të institucioneve lokale e qendrore.
Për librin për fëmijë “E fëmijëve është bota”, profesori dhe poeti z. Ilam Berisha, në cilësinë e recensentit paraqiti një vlerësim të tij dhe më pas nxënëset e SHFMU “28 Nëntori”, Alberita Gallapeni dhe Saranda Cikaqi, deklamuan poezi nga libri.
Ndërsa për librin tjetër me poezi “Idil dhe mall” e paraqiti vështrimin e tij Sherif Gashi. Nga ky libër deklamoi tri poezi z. Naser Vrella.
Për romanin “Përball fatit” foli recensenti i librit Xheladin Mjeku. Një fragment nga romani e deklamoi Refki Tafaj.
Më pas e morën fjalën edhe disa nga të pranishmit, të cilët ngrohtësisht e përshëndeten autori e këtyre tri librave, Beqir Cikaqin, për të cilin kishin fjalë miradije për punën e tij si mësues e krijues letrar.
Takimin letrar e moderoi Sherif Gashi.
Për pjesëmarrësit e këtij takimi letrar u shtrua një koktej nga Drejtorie për Kulturë, Rini, Sport dhe Mërgatë në shenjë respekti për mërgatën dhe autorin Beqir Cikaqi
Urojmë që këto libra të gjejnë sa më shumë lexues, të lexohen, të diskutohen dhe të zënë vendin që meritojnë në bibliotekat tona, sepse libri vazhdon të mbetet ura më e fuqishme që lidh brezat, ruan kujtesën dhe pasuron shpirtin. Duke i uruar autorit shëndet, mbarësi dhe frymëzim për vepra të reja, u përmbyll ky takim letrar.

07/08/2026

SHAK "Elena Gjika-Dora d'Istria" në kuadër të aktiviteteve vjetore ka edhe ORËN LETRARE TË MËRGATËS. Këtë vit promovon tri librat e radhës të poetit e shkrimtarit Beqir Cikaqi. Më këtë rast ftojmë të gjithë krijuesit letrar dhe dashamirët e fjalës artistike që të jenë pjesë e këtij promovimi.

01/08/2026

Diafest 2026

24/07/2026

Aktiviteti i radhës…

30/06/2026

Komuna e Suharekës hap aplikimet për artistët e mërgatës në Diafest 2026

Drejtoria për Kulturë, Rini, Sport dhe Mërgatë në Komunën e Suharekës ka hapur aplikimet për artistët me prejardhje nga Suhareka, të cilët jetojnë dhe veprojnë në mërgatë dhe kanë krijimtari muzikore.

Artistët e interesuar mund të aplikojnë për t’u bërë pjesë e programit artistik të Diafest 2026, duke dërguar këngët e tyre për shqyrtim.

Të gjitha këngët e pranuara do të vlerësohen nga Komisioni Organizativ Profesional i Diafest 2026, i cili do të bëjë përzgjedhjen e pjesëmarrësve.

Afati i fundit për dorëzimin e këngëve është 10 korrik 2026, deri në orën 16:00.

Këngët mund të dërgohen përmes emailit në adresën: [email protected], ose fizikisht me USB në Drejtorinë për Kulturë, Rini, Sport dhe Mërgatë në Komunën e Suharekës.

Artistët e përzgjedhur do të njoftohen pas përfundimit të procesit të vlerësimit.

Për informata shtesë, të interesuarit mund të kontaktojnë në numrin: +383 44 810 082.

15/06/2026

NË VEND TË PËRGJIGJES ZNJ. MIRVETE KABASHI LEKU

Zonja Mirvete Kabashi Leku qenka hidhëruar se poezia e saj “Dua” është botuar në librin “Kujtesa e lirisë” nga SHAK “Elena Gjika – Dora d’Istria”. Ajo më tej thekson se Shoqata p***a diçka kundër saj.
Për hir të së vërtetës dua të sqaroj se znj, Mirvete Kabashi Leku ka qenë gjithmonë e mirëpritur në Shoqatë. Ajo, edhe pse nuk jeton dhe vepron në Suharekë, ka qenë e përfshirë, si poete e Prizrenit, në shumë numra të revistës letrare me poetë të komunës së Suharekës, pra në “Brerore lirie”. Bile ka marrë pjesë edhe në Konkurset letrare të cilat Shoqata i ka organizuar për poetë e poete të komunës së Suharekës. Shoqata përkundër kësaj e ka pranuar znj. Mirvete si pjesë të saj, pasi ajo vjen nga një fshat i komunës së Suharekës. Besoj veprimet e Shoqatës tregojnë se znj, Mirvete as edhe njëherë nuk ka qenë e injoruar nga Shoqata dhe njerëzit që e udhëheqin Shoqatën.
E tash, si ka ndodhur ky keqkuptim?
Znj. Mirvete ka qenë pjesë edhe e “Pranverës poetike” 2026. Atëherë më ka shkruar se e ka dërguar një poezi për këtë aktivitet që e zhvillon Shoqata. Poezia nuk kishte ardhur në email të Shoqatës. Ajo thotë se ka provuar disa herë dhe nuk ka mundur ta realizojë dërgimin e poezisë. Pastaj poezinë ia ka dërguar z. Berat Batiu. Berati e ka dërguar te SHAK “Elena Gjika – Dora d’Istria”. Kështu poezia e znj. Mirvete është botuar në revistën letrare “Pranvera poetike”. Tash, prapë, thotë se ka dërguar poezi për aktivitetin “Kujtesa e lirisë”, por në e-mail të Shoqatës nuk ka dërgesë të saj. Ajo na shkruan disa herë dhe e kontrolloj të gjithë e-mailet e ardhura në adresë të Shoqatës nga znj. Mirvete Kabashi Leku. Aty gjej vetëm një poezi të dërguar. Pasi nuk kishte dërgesë tjetër, kujtoj se kjo qenka poezia e saj për këtë aktivitet të Shoqatës. Më vonë, nga reagimi i znj. Mirvete, kuptoj se poezia qenka e viti 2025. Me shumë keqardhje i kërkoj falje znj. Mirvete dhe rekomandoj që poezia të mos botohet. Poezia hiqet nga botimi, por për fat të keq mbetet në përmbajtje të librit “Kujtesa e lirisë”.
Përfundim:
1. Askush në Shoqatë nuk ka asgjë kundër znj. Mirvete Kabashi Leku.
2. Znj. Mirvete ka qenë e pranueshme gjithmonë në të gjitha aktivitetet e Shoqatës
3. Znj. Mirvete e di mirë se kështu i kam shkruar edhe asaj personalisht
4. Nëse është bërë ndonjë gabim në dërgesë dhe në pranim, gabimi është imi dhe i znj. Mirvete.

Me shumë respekt,
Sherif Gashi, menaxher i projektit