SHVK Enologjia

12/08/2026

HAP I RËNDËSISHËM PËR PROMOVIMIN E VERËS🍷 DHE TURIZMIT NË KOSOVË 🇽🇰

Shoqata e Prodhuesve të Verërave të Kosovës "ENOLOGJIA" zhvilloi takimin e parë me prodhuesit e verërave, anëtarë dhe jo-anëtarë të shoqatës pas nënshkrimit të Memorandumit të Mirëkuptimit (MoU), me Swisscontact, në kuadër të projektit GROW.

Në takim morën pjesë përfaqësues të Swisscontact dhe të Zyrës së Turizmit në Rahovec, duke dëshmuar rëndësinë e bashkëpunimit ndërmjet sektorit privat, institucioneve dhe partnerëve zhvillimorë.

Kryetari i shoqatës Labinot Shulina theksoi se ky takim shënon fillimin e implementimit të projektit, i cili synon krijimin e një Katalogu Kombëtar të Prodhuesve të Verërave dhe zhvillimin e një platforme elektronike gjithëpërfshirëse.

Përmes këtyre dy mekanizmave synohet që verërat e Kosovës, kantinat, prodhuesit dhe destinacionet tona atraktive turistike të promovohen në mënyrë të organizuar dhe profesionale, duke i bërë më të qasshme për turistët rajonalë dhe globalë.

Një katalog. Një platformë. Një vizion i përbashkët për verën dhe turizmin e verërave të Kosovës.

Ky projekt është një hap konkret drejt krijimit të një ekosistemi të integruar të verës dhe turizmit, ku çdo prodhues, kantinë dhe destinacion mund të bëhet pjesë e një promovimi të përbashkët kombëtar.

Nga Rahoveci – drejt tregut rajonal dhe global! 🇽🇰🍷

04/08/2026

Labinot Shulina Kryetar i shoqatës "ENOLOGJIA" mori pjesë në sesioni e II të Forumit Ekonomik Rahoveci 2026 – Bashkëpunimi ekonomik ndërmjet bizneseve vendore dhe mërgatës në fokus, i cili forum u organizua nga FARDI-Forumi Anadrini.

Ndër të tjerët kryetari i shoqatës "ENOLOGJIA" Labinot Shulina, morri pjes si panelist për debatimin e temës:
"TRANSFORMIMI I POTENCIALIT EKONOMIK TË DIASPORËS DHE KAPACITETEVE E BIZNESEVE LOKALE NË PARTNERITETE KONKRETE DHE TË QËNDRUESHME".

Në fund të forumit u nënshkrua deklarata e përbashkët, ndërsa shoqata "ENOLOGJIA" pranoi çertifikatë falenderimi për kontributin e dhënë në këtë forum.
Faleminderit FARDI për mundësinë!

25/07/2026

Faleminderit Rahoveci24.com

🚨E jashtëzakonshme: Turisti nga Kosova vizitoi kantinën franceze dhe has tek Rahoveci në librin e prezantuar "Wine Exploreres", pra venarët e Rahovecit po promovohen kudo në Francë krejt kjo falë një pune masive nga kryetari i shoqatës së venarëve, Ruzhdi Haxhijaha

Rahoveci vazhdon të dëshmojë se është një nga trevat më të rëndësishme të verës në rajon. 🍷

Në librin ndërkombëtar “Wine Explorers – Le 1er tour du monde du vin”, i cili eksploron historitë dhe traditat e verës në mbarë botën, i është kushtuar një hapësirë e veçantë edhe Kosovës, me fokus në Rahovecin – zemrën e vreshtarisë kosovare.

Publikimi paraqet historinë e vreshtave të Rahovecit, traditën shekullore të kultivimit të rrush*t dhe potencialin e madh të kësaj zone për prodhimin e verërave cilësore.

Sipas të dhënave të prezantuara në botim, Kosova posedon mijëra hektarë vreshta, ndërsa Rahoveci mbetet qendra kryesore e kësaj industrie, me një trashëgimi që lidhet ngushtë me identitetin dhe kulturën e qytetit.

📍 Nga vreshtat e Anadrinisë deri te shishet që prezantohen në tregjet ndërkombëtare, Rahoveci vazhdon ta shkruajë historinë e vet si një destinacion i rëndësishëm i verës.

🍷 Rahoveci – aty ku tradita, toka dhe vera bashkohen.

20/07/2026

04/05/2026

Sot, më 04.05.2026 në përputhje me statutin e Shoqatës së Prodhuesve të Verërave ENOLOGJIA, u mbajt me sukses takimi i rregullt i Kuvendit të Shoqatës.

Gjatë këtij takimi të rëndësishëm, përveç diskutimeve mbi zhvillimin dhe sfidat e sektorit të verarisë, u realizuan zgjedhjet e brendshme te rregullta, me q'rast u bë zgjedhja e Kryetarit të ri dhe e Kryesisë së re të Shoqatës.

Kuvendi i shoqatës unanimisht i zgjodhi:
1. Labinot Shulina, Kryetar
2. Ismet Haxhimurati, Nënkryetar
3. Ruzhdi Haxhijaha, antarë i bordit
4. Fejzullah Berisha, antarë i bordit
5. Nasip Shehu, antarë i bordit

Urojmë që udhëheqja e re të sjellë energji, bashkëpunim dhe zhvillim të mëtejshëm për industrinë e verës.
Urime e suksese! 🍷