11/06/2026
FORCIMI I LIDHJES MES ARSIMIT PROFESIONAL DHE TREGUT TË PUNËS NË SEKTORIN AGRO-USHQIMOR!
Në kuadër të projektit CultiVETing – Work Package 5, Task 5.3, gjatë periudhës 1–4 qershor u organizuan një sërë aktivitetesh me qëllim forcimin e lidhjes ndërmjet arsimit profesional dhe tregut të punës në sektorin agro-ushqimor.
🔹 Më 1 qershor, u mbajt sesioni i parë informues në SHMP “Bahri Haxha” në Vushtrri.
🔹 Më 2 qershor, në SHMAT “Abdyl Frashëri” në Prishtinë, u organizuan Panairi i Punës dhe Sesioni Informues, duke sjellë së bashku nxënësit, të diplomuarit e rinj, mësimëdhënësit dhe përfaqësuesit e bizneseve nga sektori agro-ushqimor.
🔹 Më 4 qershor, u mbajt sesioni i tretë informues në SHMLP “Selajdin Mullaabazi-Mici” në Rahovec.
Aktivitetet krijuan një platformë të rëndësishme për informim, orientim në karrierë dhe rrjetëzim profesional. Gjatë tyre u prezantuan trendet dhe nevojat e tregut të punës, aftësitë e kërkuara nga punëdhënësit, mundësitë e punësimit dhe të praktikës profesionale, si dhe perspektivat për sipërmarrje në sektorin agro-ushqimor.
Përmes diskutimeve dhe takimeve direkte me bizneset, pjesëmarrësit patën mundësi të krijojnë kontakte të vlefshme dhe të informohen mbi mundësitë konkrete për zhvillimin e karrierës së tyre.
Këto aktivitete janë pjesë e përpjekjeve të vazhdueshme për të afruar arsimin profesional me nevojat reale të tregut të punës dhe për të fuqizuar të rinjtë drejt mundësive të reja në sektorin agro-ushqimor.
Organizuar nga: Rrjeti i Organizatave për Zhvillim Rural të Kosovës (RrOZHRK/NORDK)
Mbështetur nga:
• SHMAT “Abdyl Frashëri”, Prishtinë
• Agjencioni për Përkrahjen e Punësimit në Kosovë (APPK)
• SHMP “Bahri Haxha”, Vushtrri
Shih linqet me posht:
https://www.facebook.com/share/p/1Ns677Zikm/
https://www.facebook.com/share/p/1GLADmcRsB/
https://www.facebook.com/share/p/18qQ5Arcfj/
https://www.instagram.com/p/DZKFZD8CAfW/?igsh=NjdtaDRrNDU3bWVo
