04/08/2026
Me sukses u organizuan dy trajnime në fermë, të dedikuara për promovimin e praktikave të qëndrueshme bujqësore dhe forcimin e kapaciteteve të fermerëve për t’iu përshtatur ndryshimeve klimatike.
🌿 Trajnimi i parë – Roli i bletarisë në avancimin e bujqësisë rigjeneruese
I mbajtur në hapësirat e Bletarisë ‘Etniki’, trajnimi u fokusua në rolin e bletarisë në ruajtjen e biodiversitetit, përmirësimin e pllenimit dhe promovimin e praktikave të bujqësisë rigjeneruese. Pjesëmarrësit u njohën me praktika të qëndrueshme të bletarisë dhe rëndësinë e pjalmuesve në sistemet moderne bujqësore.
🌱 Trajnimi i dytë – Bujqësia organike: zgjidhje inovative dhe të gjelbra për bujqësi të qëndrueshme
I zhvilluar në plantancionet e serrat e Familjes Islamaj, trajnimi trajtoi metodat inovative të prodhimit organik, teknikat miqësore me mjedisin, menaxhimin e shëndetit të tokës dhe zgjidhjet e gjelbra për rritjen e qëndrueshmërisë dhe konkurrueshmërisë së prodhimit bujqësor.
Përmes prezantimeve, diskutimeve dhe shkëmbimit të përvojave praktike, pjesëmarrësit fituan njohuri konkrete për zbatimin e praktikave të qëndrueshme bujqësore dhe forcimin e rezistencës ndaj ndryshimeve klimatike.
Këto trajnime në fermë përfaqësojnë një hap të rëndësishëm drejt fuqizimit të fermerëve dhe promovimit të një bujqësie më të gjelbër, inovative dhe të qëndrueshme në Kosovë.
Ky aktivitet u realizua në kuadër të projektit “Akademia nga Ferma në Tryezë për Ballkanin Perëndimor të Gjelbër – E Ardhmja Jonë e Përbashkët Evropiane”, financuar nga Bashkimi Evropian.
Farm to Fork Academy
