08/03/2026
Professional Health Association (PHA) pati kënaqësinë të marrë pjesë në Konferencën Ndërkombëtare për Dhimbjen, të mbajtur në Tiranë më 6, 7 dhe 8 mars 2026, e organizuar nga Shoqata Shqiptare e Dhimbjes në bashkëpunim me MAYA. Ky aktivitet mblodhi profesionistë shëndetësorë, studiues dhe ekspertë nga rajoni dhe më gjerë për të diskutuar zhvillimet më të fundit në menaxhimin e dhimbjes akute dhe kronike.
Në cilësinë e bashkëpunëtorit, PHA kontribuoi me dy prezantime shkencore:
“Forcimi i praktikave të menaxhimit të dhimbjes postoperative: një studim pesëvjeçar observues nga Kosova”
“Perceptimi i infermierëve lidhur me dhimbjen kronike në kujdesin parësor shëndetësor”
Këto prezantime sollën të dhëna dhe përvoja nga Kosova, duke theksuar rolin kyç të profesionistëve shëndetësorë në vlerësimin, trajtimin dhe përmirësimin e menaxhimit të dhimbjes, si dhe rëndësinë e bashkëpunimit multidisiplinar në sistemin shëndetësor.
Pjesëmarrja në këtë konferencë shërbeu gjithashtu si një mundësi e rëndësishme për shkëmbim përvojash, krijim të bashkëpunimeve të reja profesionale dhe promovim të praktikave të bazuara në evidencë.
PHA mbetet e përkushtuar të kontribuojë në rritjen e kapaciteteve profesionale dhe avancimin e praktikave moderne të menaxhimit të dhimbjes, në mënyrë që pacientët të kenë qasje në trajtim cilësor dhe dinjitoz.
