ShB "SHARRI"

05/06/2026

Një video nga aktiviteti i fundjavës kaluar, që ishim në vargmalet Maganik të Malit Zi.

Shikim të këndshëm

The climb to peak Trešteni, with 1980m not so high, but with some o...

03/06/2026

Të nderuar,
Aktiviteti për këtë javë, më 07.06.2026, do të jetë maja e Vërtopit 2555m/lmd dhe pastrimi i shtegut per ne maje.

Nisja do të bëhet të dielën në orën 08:00, tek ura e Marash*t.

Të interesuarit duhet të lajmërohen deri më 06.06.2026, të shtunën në ora 10:00, në numin e telefonit: +383 44 216 216

Udhëheqës do të jenë:
Osman Uka

Të gjithë pjesëmarrësit duhet të jenë me kohë në vendin e nisjes.
Përgatitja fizike dhe mendore është përgjegjësi individuale.

Organizatorët mbajnë të drejtën të ndryshojnë planin nëse është e nevojshme.
Jeni të mirëseardhur – ju mirëpresim.

01/06/2026

Me 30-31 Maj 2026 realizuam me sukses ngjitjen në majen Trešteni me 1980m lartësi në Mal të Zi.
Të Shtunën, pas një rruge të gjatë, arritëm tek shtëpia malore “Planinarski Dom Maganik”, ku e kaluam natën në një ambient tepër të mirë me shoqëri.
Të Dielën, në mëngjes herët rreth orës 04:20 filluam ngjitjen për në maje.
Itinerari ishte filimisht në rrugë deri te stanet Poljana, aty mandej u kyçëm në shtegun i cili na qonte për në maje. Lëvizja nëpër ata gurë dhe në atë terren ishte sfiduese!
I gjithë terreni ishte shumë karstik, vende-vende i pjerrët me shkëmbinj të mprehtë, me çarje të mëdha e të thella. I gjithë grupi, arritëm me sukses ta tngjesim majën.
Maja vet, ishte tjetër nivel!
Formacione të tilla shkëmbore në ato madhësi dhe forma, janë të rralla...
Për shkak të borës që kishte ende atje lart, nuk vazhduam për në majën Mededi dhe u kthyem kah i njejti shteg si në ngjitje.
Ka qenë një ditë sfiduese dhe impresionuese në një nga vargmalet më të izoluara në Mal të Zi.

Të dhënat teknike;
- Distanca: gjithsej 23km,
- Disniveli: rreth 950m,
- Pjesëmarrës: 18 veta,
- Kohëzgjatja: rreth 13h,
- Udhëheqësit: Nit Gashi, Osman Uka dhe Remzi Ajdini.

27/05/2026

Të gjithë besimtarëve të besimit Islam, ua urojmë Festë e Kurban Bajramit.

Shëndet e mbarësi në familjet tuaja.

26/05/2026

Të nderuar,

Aktiviteti për këtë fundjavë do të jetë ngjitja në majet: Trešteni 1980m dhe Međeđi 2139m në vargmalet Maganik të Malit Zi.

Nisja do të bëhet të shtunën, me 30.05.2026 në ora 08:00 nga furra 'Tejeci', përballë stacionit të autobusave, me relacion: Prizren — Pejë — Rozhajë — Kolašin — Shtëpia malore 'Planinarski Dom Maganik'.
Ndërsa ngjitja në të dyja majet do të bëhet të dielen.

Të interesuarit për pjesëmarrje në këtë aktivitet dyditor, duhen të lajmërohen më së voni deri të premten në ora 12:00, tek udhëheqësit e grupit:

• Osman Uka: +383 44 216 216
• Nit Gashi: +383 49 104 493 (mesazh, via WhatsApp)

Ju kërkojmë:
që të jeni me kohë në vendin e nisjes dhe të keni dokumentet e nevojshme me vete për kalimin e kufirit.
Gjithashtu, duhet të keni veshmbathje adekuate për terren të egër malor me kushte verore dhe ushqim të mjaftueshëm për darkë në mbrëmjen e së shtunës në shtëpinë malore si dhe për ditën e diele gjatë aktivitetit.

Paisjen obligative që duhet t’a keni me vete është helmeta e bjeshkatarisë.

Përgatitja fizike dhe psiqike është përgjegjësi individuale i secilit dhe organizatorët kanë drejtë t'a ndryshojnë planin!

JENI TË MIRËSEARDHUN, JU MIRËPRESIM!

25/05/2026

Këtë të diel, realizuam me sukses ngjitjen në Gurin e Nuses (1847m/lmd) dhe malin e Zepës (1991m/lmd) (Mirditë-Shqipëri).
Ngjitja u bë nga fshati Shëngjin ku terreni i kësaj zone karakterizohet me shtigje malore, pyje të dendura, pjesë shkëmbore dhe pamje panoramike mahnitëse.
Koha ishte me diell gjë që në majë na mundësoi që të kënaqemi me kafen e kryetarit të shoqatës-Osmanit duke i shijuar pamjet përreth që i ofron ky vend duke përfshirë Malin e Munellës, Masivin e Korabit, Alpet Shqiptare, Malin e Skënderbeut etj.
Në kthim grupi shfrytëzoi një pushim për freskim me nga një pije në Bujtinën - Trofta jonë (vend i ngrohtë dhe tepër relaksues) e falenderojmë pronarin për mikpritjen!

ShB Sharri ju mirëpret në aktivitetet e ardhshme!

Distanca: 17.5 km
Disnivel: 1460m
Pjesëmarrës në këtë aktivitet: 23
Udhëheqës: Osman UKA, Fahmija DRDA,Remzi. Ajdini

21/05/2026

Të nderuar,
Aktiviteti për këtë javë, më 24.05.2026, do të jetë ngjitja në Malin e Zepës, Mirditë – Shqipëri.

Mali i Zepës ndodhet në verilindje të Mirditës dhe arrin lartësinë 1965 m mbi nivelin e detit. Ai ngrihet mbi luginën e lumit Fan i Vogël dhe dallohet për reliev të pasur, shtigje të vjetra bjeshkatare, pyje, pllaja dhe pamje të gjera panoramike. Një nga pikat më të veçanta të kësaj zone është Guri i Nuses, monument natyre në rreth 1700 m lartësi, i lidhur me një legjendë të vjetër të banorëve vendas. Ecja në këtë mal ofron ndërthurje të bukur të natyrës, historisë dhe trashëgimisë malore të Mirditës

Nisja do të bëhet të dielën në orën 06:00 nga stacioni i autobusave, tek furra "Tejeci", me relacion: Prizren – Fan - Shëngjin.

Të interesuarit duhet të lajmërohen deri më 23.05.2026, të shtunën në ora 10:00, në numrin e telefonit: +383 44 216 216

Udhëheqës do të jenë:
Osman Uka
Fahmija Drda

Të gjithë pjesëmarrësit duhet të jenë me kohë në vendin e nisjes dhe të keni dokumentet e nevojshme për kalimin e kufirit!

Përgatitja fizike dhe mendore është përgjegjësi individuale.
Organizatorët mbajnë të drejtën të ndryshojnë planin nëse është e nevojshme.

Jeni të mirëseardhur – ju mirëpresim.

18/05/2026

Maja e Bajrakut, 2092m

Me datën 17.05.2026 u realizua me sukses aktiviteti i planifikuar për ngjitjen e majes Bajrakut (Pashallore), 2092m.
Ngjitja u bë nga fshati Delloc, përkatësisht stanet e Mushtishtit duke e përjcellur shtegun kryesor i cili kalonte kah ana veriore e majës.
Të gjithë arritëm me sukses ta ngjesim majën dhe atmosfera e grupit ishte shumë e mirë.
Ky aktivitet u realizua nga ShBA”Maja e Bajrakut” për nderë të 1-vjetorit të themelimit të tyre.
I urojmë suksese në të ardhmen me gjitha të mirat për shoqatën.

Faleminderit dhe shihemi në aktivitetet tjera.

14/05/2026

Në kuadër të aktiviteteve për “Prizreni - Qytet Evropian i Sportit 2026”, ShB Sharri së bashku me drejtoreshën e Drejtoria për Kulturë, Rini dhe Sport - Komuna e Prizrenit, Ajlin Shishko Hajdari realizoi aktivitetin e ngjitjes në Via Ferrata "Panorama" Prizren.

Ky aktivitet promovon sportin, dhe potencialin e jashtëzakonshëm për zhvillim të turizmit malor në komunën tonë.

Do të vazhdojmë edhe më tej, të promovojmë bjeshkatarinë,sportin e ngjitjes, dhe aktivitetet tjera në natyrë në Komuna e Prizrenit.

Falenderojmë drejtoreshën dhe stafin e saj për pjesëmarrje dhe mbështetje të aktiviteteve tona!