EDUCO

15/05/2026

🌿 667 ditë monitorim të vazhdueshëm të cilësisë së ajrit në zyrat e EDUCO

Që nga dita e parë, në zyrat e OJQ EDUCO kemi vendosur një monitorues të cilësisë së ajrit për të ndjekur në kohë reale gjendjen e ajrit në qytetin tonë.

Pas më shumë se 2 viteve monitorim të pandërprerë – plot 667 ditë, kemi krijuar një bazë të rëndësishme të dhënash për cilësinë e ajrit në Prizren. 🌍💨

📊Shumica e ditëve kanë qenë në kategori të ajrit të mirë dhe mesatarisht të pastër, periudhat më problematike vazhdojnë të jenë muajt e dimrit, ndërsa aktualisht cilësia e ajrit është në nivele shumë të mira dhe ajri konsiderohet i pastër për aktivitetet e përditshme. 🌱☀️

📡 Sensori është dhuruar nga FLOSSK Free Libre Open Source Software Kosova dhe mundëson matjen e:

pastërtisë dhe kualitetit të ajrit,
temperaturës,
shpejtësisë së erës,
si dhe probabilitetit të reshjeve të shiut.

05/05/2026

Një aktivitet i realizuar në kuadër të Konferencës së Turizmit dhe Mikpritjes – KonTur III, është pasqyruar në një artikull të publikuar nga CE Report.
Aktiviteti synoi të kontribuojë në dokumentimin dhe promovimin e Trashëgimie në një kontekst bashkëkohor.

Ky aktivitet është realizuar me mbështetjen e Ministria e Kulturës dhe Turizmit.

🔗 Artikullin e plotë mund ta lexoni këtu:
https://www.cereport.eu/news/culture/89860

16/02/2026

Një vit i mbushur me projekte Kulturore, iniciativa edukative dhe bashkëpunime, tashmë të përmbledhura në raportin tonë vjetor. Gjatë vitit 2025 kemi vazhduar të punojmë për fuqizimin e të rinjve, promovimin e Trashëgimisë Kulturore dhe krijimin e hapësirave të reja për dialog dhe kreativitet në komunitet.

🔗 Lexoni raportin e plotë këtu:
https://ojqeduco.org/wp-content/uploads/2026/02/RAPORTI-VJETOR-2025.pdf

Faleminderit të gjithëve që kanë qenë pjesë e këtij viti me ne 🤍

26/01/2026

25/01/2026

21/01/2026

Turizmi i qëndrueshëm dhe eko-turizmi si faktorë kyç të zhvillimit ekonomik do të jenë në fokus të prezantimit të Prof. Dr. Kushtrim Dreshajt, me temën “Roli i turizmit të qëndrueshëm dhe eko-turizmit në zhvillimin ekonomik.”

Prof. Dr. Kushtrim Dreshaj është profesor i rregullt në Universitetin për Biznes dhe Teknologji (UBT), në Fakultetin e Turizmit. Ai është Koordinator i Programit dhe Bartës i programit Turizëm në UBT, si dhe Doktor i Shkencave në fushën e Turizmit. Angazhimi i tij akademik dhe shkencor është i fokusuar në zhvillimin e qëndrueshëm të turizmit dhe politikat bashkëkohore të zhvillimit ekonomik.

📅 23 janar 2026 | 11:00
📍 Muzeu i Nënës Terezë, Prizren
🎓 KonTur III | Konferenca e Mikpritjes dhe Turizmit

21/01/2026

“Midis përjetimit dhe konsumit: vëzhgime mbi turistin e shekullit XXI” do të jenë në fokus të prezantimit të Gjeni Krasniqit, i cili do të trajtojë hulumtimin e tij të realizuar në Prizren.

Gjeni Krasniqi është nga Prizreni dhe ka përfunduar studimet bachelor në Menaxhment të Turizmit në vitin 2022. Pas përfundimit të studimeve, është certifikuar si guidë lokale në Prizren. Aktualisht punon si ciceron në Muzeun Arkeologjik të Rajonit të Prizrenit, ku angazhohet në interpretimin dhe promovimin e trashëgimisë kulturore dhe historike të qytetit.

📅 23 janar 2026 | 11:00

📍 Muzeu i Nënës Terezë, Prizren

🎓 KonTur III | Konferenca e Mikpritjes dhe Turizmit

20/01/2026

Teknologjia dhe inovacioni si mjete për zhvillimin e turizmit kulturor do të jenë në fokus të prezantimit të MSc. MA. Senad Orhani, PhD(c) me temën “Inovacion teknologjik për turizëm kulturor dhe historik – Smart Prizren.”

MSc. MA. Senad Orhani, PhD(c) është profesor dhe asistent universitar me përvojë të gjerë akademike dhe arsimore në disa institucione të arsimit të lartë dhe të mesëm në Kosovë. Ai është i angazhuar në mësimdhënie në Universitetin e Prizrenit, Universitetin e Pejës, Universitetin e Prishtinës dhe Universitetin e Gjakovës, në fusha që lidhen me edukimin, mjedisin, ekonominë, turizmin dhe shkencat natyrore. Puna e tij fokusohet në ndërthurjen e teknologjisë, edukimit dhe zhvillimit të qëndrueshëm.

📅 23 janar 2026 | 11:00
📍 Muzeu i Nënës Terezë, Prizren
🎓 KonTur III | Konferenca e Mikpritjes dhe Turizmit