21/08/2026
Oda e Ndërmarrësve Zejtarëve të Prizrenit në mbështetje të zejtarëve të sektorit të metalpunës
Kryetari i Odës së Ndërmarrësve Zejtarëve të Prizrenit, z. Afrim Tejeci, së bashku me anëtarët e Kryesisë, z. Dia Latifi dhe z. Enver Morina, vizituan kompaninë Eurometal, të udhëhequr nga z. Njazi Musliu, njëherësh përfaqësues i Shoqatës së Metalpunuesve të Kosovës.
Gjatë këtij takimi u diskutua gjerësisht për zhvillimet e fundit lidhur me Ligjin e Zejtarisë, si dhe për sfidat dhe nevojat e sektorit të metalpunës në Kosovë.
Me sugjerimet, përvojën dhe angazhimin tonë të palodhur, synojmë që zejtarët e Kosovës të përfaqësohen denjësisht dhe të kenë një zë më të fuqishëm në proceset vendimmarrëse.
Biseduam gjithashtu për nevojën e aftësimit dhe trajnimit të punëtorëve me njohuri dhe shkathtësi të reja, si dhe për mundësitë e bashkëpunimit me partnerët tanë, Handwerkskammer Koblenz Gjermani.
Sektori i metalpunës, sikurse shumë sektorë të tjerë të zejtarisë, ka nevojë për përkrahje institucionale, investime në aftësim profesional dhe staf të kualifikuar.
🇽🇰 Kosova do të përfitonte shumë nga krijimi i një Ode Zejtare Nacionale!
🔹 Trajnime dhe certifikime Një Odë Zejtare Nacionale do të mundësonte programe profesionale për të rinjtë që dëshirojnë të ndjekin zanate të ndryshme.
🔹 Zanatet janë burim i qëndrueshëm i punësimit ,Një Odë Zejtare funksionale do t’u krijonte të rinjve mundësi që zejtarinë ta zgjedhin si rrugë të jetës dhe zhvillimit profesional, duke nxitur punësimin dhe vetëpunësimin.
🔹 Përfaqësim më i fuqishëm Zejtarët do të kishin një institucion që mbron interesat e tyre dhe i përfaqëson në mënyrë të organizuar para institucioneve.
Ky është një moment kyç për të ardhmen e zejtarisë në Kosovë. Ne mbetemi të përkushtuar që, së bashku me zejtarët dhe partnerët tanë, të sjellim ndryshime pozitive dhe të qëndrueshme në këtë sektor të rëndësishëm për ekonominë e vendit.
📩 Email: [email protected]
📞 Tel.: +383 48 119 273
AftësimiProfesional Punësimi Vetëpunësimi Kosova 🇽🇰
