07/10/2026
OJQ Elita ka përfunduar me sukses realizimin e projektit “Rinia në ekuilibër”, së bashku me ekipin punues, duke zhvilluar aktivitete me të rinjtë për rëndësinë e mirëqenies emocionale, përballimin e stresit dhe ndikimin e teknologjisë në jetën e tyre.
Përmes këtij projekti synuam të rrisim vetëdijen e të rinjve për sfidat me të cilat përballen çdo ditë dhe të promovojmë një rini më të informuar, më të vetëdijshme dhe më të balancuar.
Me këtë rast, shprehim falënderimet tona të sinqerta për Komunën e Suharekës, përkatësisht Drejtorinë për Kulturë, Rini, Sport dhe Mërgatë, për mbështetjen dhe mundësinë e realizimit të këtij projekti me rëndësi për të rinjtë.
Një falënderim i veçantë i dedikohet ekipit punues për angazhimin, përkushtimin dhe bashkëpunimin gjatë gjithë procesit të realizimit, si dhe institucioneve shkollore dhe të gjithë të rinjve që u bënë pjesë e këtij projekti.
Besojmë se investimi në rini është investim në një të ardhme më të shëndetshme dhe më të mirë për shoqërinë tonë.
OJQ ELITA – së bashku për një rini më të fortë, më të shëndetshme dhe në ekuilibër!
