Duke e pasur NJERIUN në fokus, ARASTA, përgjithësisht, aktivitetin e saj do ta shtrijë në sferën kulturore, edukative dhe bamirëse. Me anë të kësaj synohet që shoqata të jetë derë e mundësive për mirësi dhe urë ndërmjet shtresave të ndryshme të shoqërisë sonë. Ruajtja e kulturës autoktone, përpjekja për të edukuar breza të rinj mbi bazat e përgjithshme të etikës, përafrimi i bashkësive që kanë dal
lime mes vete do të jenë ndër vlerat që do t’i proklamojë dhe çështje me të cilat do të preokupohet shoqata ARASTA. Veprimtaria e ARASTA-s do të bazohet në realizimin e projekteve të hartuara varësisht nga nevojat e qytetarëve. Aktivitetet që do të realizohen nga shoqata ARASTA do të jenë në frymën a bashkëpunimit me të gjitha subjektet relevante, qofshin institucione shtetërore, organizata joqeveritare apo edhe persona fizikë që duan të ofrojnë kontribut në të mirën e përgjithshme të vendit tonë. Kjo do të fuqizojë edhe më tej rolin dhe pozicionin e shoqërisë civile në Prizren.
