14/10/2026
Vizitë e Klubit të Gazetarëve “Haki Braha” në Ferizaj në selinë e Degës VI të Neredimes të Shoqatës “ELITA”
Sot, patëm kënaqësinë të mirëpresim në zyrat e Degës VI të Neredimes të Shoqatës “ELITA” në Ferizaj, kryetarin e Klubit të Gazetarëve “Haki Braha” në Ferizaj, z. Afrim Kurti, së bashku me stafin e tij.
Fillimisht, mysafirët u pritën nga përfaqësuesit e Degës VI të Neredimes: z. Naim Sylejmani, përfaqësues i selisë qendrore të Shoqatës “ELITA”; z. Imri Azemi, kryetar i degës, dhe z. Herton Hoxha, sekretar i saj, të cilët u njohën me misionin, veprimtarinë dhe strukturën organizative të Shoqatës “ELITA”. Gjatë takimit ata diskutuan edhe për aktivitetet e Degës VI të Neredimes, si dhe me planet dhe objektivat e saj për të ardhmen.
Në fokus të diskutimeve ishte edhe mundësia e bashkëpunimit ndërmjet Klubit të Gazetarëve “Haki Braha” dhe Shoqatës “ELITA”, me qëllim forcimin e partneritetit dhe realizimin e aktiviteteve të përbashkëta. Në këtë kuadër, u shpreh gatishmëria që në të ardhmen e afërt ky bashkëpunim të formalizohet përmes nënshkrimit të një marrëveshjeje bashkëpunimi.
Ky takim përbën një hap të rëndësishëm drejt forcimit të bashkëpunimit ndërinstitucional, shkëmbimit të përvojave dhe zhvillimit të nismave të përbashkëta, në funksion të përmbushjes së misionit dhe objektivave të të dyja organizatave.
Bashkëpunimi, komunikimi dhe angazhimi i përbashkët janë çelësi i suksesit të qëndrueshëm!
