Akademia e Drejtësisë

07/10/2026

𝐍𝐣𝐨𝐡𝐣𝐚 𝐝𝐡𝐞 𝐞𝐤𝐳𝐞𝐤𝐮𝐭𝐢𝐦𝐢 𝐢 𝐯𝐞𝐧𝐝𝐢𝐦𝐞𝐯𝐞 𝐭𝐞̈ 𝐡𝐮𝐚𝐣𝐚 𝐠𝐣𝐲𝐪𝐞̈𝐬𝐨𝐫𝐞 𝐝𝐡𝐞 𝐚𝐭𝐲𝐫𝐞 𝐭𝐞̈ 𝐚𝐫𝐛𝐢𝐭𝐫𝐚𝐳𝐡𝐢𝐭

Më 07 Tetor 2026, Akademia e Drejtësisë në kuadër të Programit për Trajnime të Vazhdueshme është duke realizuar trajnimin me temë “Njohja dhe ekzekutimi i vendimeve të huaja gjyqësore dhe atyre të arbitrazhit”.

Trajnues i angazhuar në këtë trajnim është: z. Mahir Tutuli, Kryetar i Gjykatës Komerciale.

Trajnimi ka për qëllim të sqaroj saktësisht rëndësinë dhe procedurën e njohjes dhe përmbarimit të vendimeve të arbitrazhit si ato vendore ashtu edhe të huaja duke ndihmuar gjyqtarët të unifikojnë praktikat e njohjes dhe përmbarimit të këtyre vendimeve.

Gjatë trajnimit u përdoren metoda të kombinuara të shpjegimit, duke zhvilluar diskutim interaktiv, prezantim të çështjeve përmes rasteve, diskutim për rastet dhe përmbledhje e konkluzave për çështjen e diskutuar, në mënyrë që të arrihen në tërësi objektivat e këtij trajnimi.

Përfitues të këtij trajnimi ishin: Gjyqtarët e Gjykatës Komerciale dhe bashkëpunëtorët profesional.

06/10/2026

𝐓𝐫𝐚𝐣𝐧𝐢𝐦 𝐢 𝐭𝐫𝐚𝐣𝐧𝐮𝐞𝐬𝐯𝐞 𝐬𝐢𝐩𝐚𝐬 𝐦𝐞𝐭𝐨𝐝𝐨𝐥𝐨𝐠𝐣𝐢𝐬𝐞̈ 𝐬𝐞̈ 𝐃𝐨𝐫𝐚𝐜𝐚𝐤𝐮𝐭 𝐩𝐞̈𝐫 𝐓𝐫𝐚𝐣𝐧𝐮𝐞𝐬 𝐭𝐞̈ 𝐀𝐤𝐚𝐝𝐞𝐦𝐢𝐬𝐞̈ 𝐬𝐞̈ 𝐃𝐫𝐞𝐣𝐭𝐞̈𝐬𝐢𝐬𝐞̈

Më 06 dhe 07 tetor 2026, Akademia e Drejtësisë është duke realizuar trajnimin për trajnues me temë “Metodologjia sipas Doracakut për Trajnues të Akademisë së Drejtësisë”.
Qëllimi kryesor i këtij trajnimi është avancimi i njohurive dhe aftësive të trajnuesve në projektimin, planifikimin dhe realizimin e trajnimeve efektive, duke u fokusuar në disa aspekte kyçe të procesit të trajnimit, përfshirë:

🔸Projektimin e trajnimeve, përmes njohjes me metodat dhe parimet e hartimit të programeve trajnuese, duke marrë parasysh nevojat specifike të pjesëmarrësve, objektivat e të nxënit dhe sfidat që mund të paraqiten gjatë realizimit të trajnimit;
🔸Angazhimin aktiv të pjesëmarrësve, përmes përdorimit të teknikave dhe metodave bashkëkohore të të nxënit, si dhe lehtësimit efektiv të diskutimeve dhe ndërveprimit ndërmjet pjesëmarrësve;
🔸Vlerësimin e trajnimeve dhe dhënien e komenteve konstruktiv, me qëllim matjen e efektivitetit të trajnimit dhe përmirësimin e vazhdueshëm të procesit të të nxënit dhe të performancës së trajnuesve.

Një komponent i rëndësishëm i trajnimit është edhe zhvillimi i aftësive praktike të pjesëmarrësve përmes prezantimeve dhe ushtrimeve praktike, duke u mundësuar atyre të marrin komente konstruktiv nga instruktorët dhe kolegët. Kjo qasje synon të forcojë aftësitë prezantuese, komunikuese dhe lehtësuese të trajnuesve, si dhe të përmirësojë performancën e tyre gjatë realizimit të trajnimeve.
Trajnimi, i organizuar nga Akademia e Drejtësisë, përbën një hap të rëndësishëm në zhvillimin dhe forcimin e kapaciteteve profesionale të trajnuesve të sistemit të drejtësisë. Përmes avancimit të kompetencave metodologjike dhe praktike të trajnuesve, ky aktivitet kontribuon në rritjen e cilësisë, efektivitetit dhe ndikimit të programeve trajnuese të Akademisë së Drejtësisë.

06/10/2026

𝐊𝐫𝐢𝐦𝐞𝐭 𝐞 𝐋𝐮𝐟𝐭𝐞̈𝐬

Më 06-07 tetor 2026, Akademia e Drejtësisë në bashkëpunim me UNDP në kuadër të Programit për Trajnime të Vazhdueshme, nëpërmjet projektit rajonal “Mbështetje nga BE-ja, për ndërtimin e besimit në Ballkanin Perëndimor”, janë duke realizuar trajnimin me temë “Krimet e luftës”.
Trajnues të angazhuar janë: z. Afrim Shala, gjyqtar në Gjykatën Supreme të Kosovës, z. Ilir Morina, prokuror në Prokurorinë Speciale si dhe z. Mathias Holvoet, profesor në Universitetin e Amsterdamit për të Drejtën Penale Ndërkombëtare.
Qëllimi i këtij trajnimi është avancimi i njohurive profesionale në fushën e së drejtës penale ndërkombëtare, me fokus në trajtimin juridik të krimeve të luftës, krimeve kundër njerëzimit dhe gjenocidit, si dhe në zbatimin e standardeve ndërkombëtare dhe legjislacionit vendor në praktikën gjyqësore.
Metodologjia e trajnimit është e karakterit të kombinuar me shpjegime teorike dhe diskutime interaktive duke prezantuar edhe raste praktike.
Përfitues janë: Gjyqtarë dhe prokurorë nga niveli themelor dhe i apelit si dhe hetues policor.

05/10/2026

𝐀𝐤𝐚𝐝𝐞𝐦𝐢𝐚 𝐞 𝐃𝐫𝐞𝐣𝐭𝐞̈𝐬𝐢𝐬𝐞̈ 𝐝𝐡𝐞 𝐏𝐫𝐨𝐠𝐫𝐚𝐦𝐢 𝐢 𝐒𝐡𝐤𝐞̈𝐦𝐛𝐢𝐦𝐢𝐭 𝐭𝐞̈ 𝐄𝐉𝐓𝐍-𝐬𝐞̈ 𝟐𝟎𝟐𝟕-𝐓𝐇𝐈𝐑𝐑𝐉𝐄 𝐏𝐄̈𝐑 𝐀𝐏𝐋𝐈𝐊𝐈𝐌📌

Akademia e Drejtësisë, në kuadër të bashkëpunimit me Rrjetin Evropian të Trajnimit Gjyqësor (EJTN), njofton gjyqtarët dhe prokurorët për hapjen e aplikimeve për Programin e Shkëmbimit të EJTN-së për vitin 2027 (2027 EJTN Exchange Programme) dhe i fton të interesuarit të aplikojnë për mundësitë e shkëmbimit dhe përvojës profesionale që ofrohen në kuadër të këtij programi.

Për Programin e Shkëmbimit të EJTN-së

Programi i Shkëmbimit i EJTN-së u ofron gjyqtarëve dhe prokurorëve mundësi për shkëmbim dhe përvojë profesionale në gjykata, prokurori dhe institucione homologe evropiane.
Përmes këtyre shkëmbimeve, pjesëmarrësit kanë mundësi të njihen drejtpërdrejt me punën dhe praktikat e institucioneve pritëse, të shkëmbejnë përvoja me kolegët e tyre, të zhvillojnë njohuritë dhe aftësitë profesionale, si dhe të krijojnë dhe forcojnë bashkëpunimin profesional me kolegë dhe institucione homologe evropiane.

Kosova, si pjesëmarrëse në Programin e Drejtësisë (Justice Programme), përfshihet në Programin e Shkëmbimit të EJTN-së për vitin 2027. Në bazë të vendimit të Grupit Punues të Programit të Shkëmbimit të EJTN-së, gjyqtarëve dhe prokurorëve nga Kosova u mundësohet të aplikojnë për kategoritë e shkëmbimeve të hapura në kuadër të këtij programi.
Në kuadër të Programit të Shkëmbimit 2027, për gjyqtarët dhe prokurorët nga Kosova janë të hapura këto kategori:

• Shkëmbime të përgjithshme (General Exchanges) – mundësojnë përvojë të drejtpërdrejtë profesionale në një gjykatë ose prokurori pritëse dhe njohjen me punën, praktikat dhe mënyrën e funksionimit të saj;
• Shkëmbime të specializuara (Specialized Exchanges) – të fokusuara në fusha apo tema të caktuara të së drejtës dhe në shkëmbimin e përvojës profesionale me kolegët dhe institucionet pritëse;
• Shkëmbime për udhëheqësit gjyqësorë (Exchanges for Judicial Leaders) – me fokus në shkëmbimin e përvojave dhe zhvillimin e aftësive në udhëheqje dhe menaxhim;
• Shkëmbime për trajnuesit (Exchanges for Trainers) – për gjyqtarë dhe prokurorë të angazhuar edhe në cilësinë e trajnuesve, me fokus në shkëmbimin e përvojave, praktikave të mira dhe metodologjive të trajnimit.
Për Kosovën, në kuadër të Programit të Shkëmbimit 2027, ndahet një (1) vend në njërën prej kategorive të mësipërme të shkëmbimit.

Kriteret dhe dokumentacioni për aplikim
Kandidatët duhet të plotësojnë kriteret e përcaktuara nga EJTN për kategorinë përkatëse të shkëmbimit dhe për vendin apo institucionin pritës të përzgjedhur. Kriteret konkrete mund të ndryshojnë varësisht nga mundësia e shkëmbimit.
• të ushtrojnë funksionin e gjyqtarit ose prokurorit dhe të kenë profilin profesional që kërkohet për shkëmbimin përkatës;
• për shkëmbimet për udhëheqësit gjyqësorë, të ushtrojnë funksionin përkatës udhëheqës;
• për shkëmbimet për trajnuesit, të jenë të angazhuar në cilësinë e trajnuesit;
• të kenë njohuri të mjaftueshme të gjuhës së përcaktuar për shkëmbimin përkatës, në nivel që mundëson pjesëmarrjen aktive dhe komunikimin profesional;
• të kenë përvojë profesionale relevante, kur kjo kërkohet për shkëmbimin përkatës;
• të plotësojnë kriteret dhe kërkesat e tjera të përcaktuara nga EJTN ose institucioni pritës për mundësinë konkrete të shkëmbimit.
Gjatë aplikimit, kandidati duhet të plotësojë të dhënat e kërkuara në platformën e EJTN-së dhe, sipas kategorisë dhe kërkesave të shkëmbimit për të cilin aplikon, mund t'i kërkohet të paraqesë edhe dokumentacion mbështetës, si CV, dëshmi për njohjen e gjuhës ose dokumente të tjera relevante.
Kandidatët rekomandohen që, para fillimit të aplikimit, të kontrollojnë me kujdes kriteret dhe dokumentacionin e kërkuar për mundësinë konkrete të shkëmbimit dhe t'i kenë të përgatitura paraprakisht dokumentet e nevojshme.

Aplikimi dhe procedura
Gjyqtarët dhe prokurorët e interesuar duhet të aplikojnë individualisht dhe drejtpërdrejt përmes platformës online të EJTN-së. Vetëm aplikimet e paraqitura përmes platformës online do të pranohen. Platforma e aplikimit është përshtatur në mënyrë që kandidatëve nga Kosova t'u shfaqen vetëm mundësitë e shkëmbimit për të cilat kanë të drejtë të aplikojnë, në bazë të profilit dhe të dhënave të plotësuara gjatë aplikimit.

Gjatë aplikimit, kandidati duhet të plotësojë, ndër të tjera, të dhënat lidhur me:
• shtetësinë dhe institucionin ku ushtron funksionin;
• pozitën ose funksionin profesional;
• kategorinë e shkëmbimit për të cilën aplikon;
• preferencën për shtetin pritës;
• gjuhën e shkëmbimit dhe nivelin e njohurive gjuhësore;
• përvojën profesionale relevante;
• kohëzgjatjen e shkëmbimit, sipas kategorisë përkatëse;
• motivimin për pjesëmarrje dhe përfitimet e pritshme profesionale nga shkëmbimi.

Kandidatët mund të paraqesin deri në tri preferenca për shkëmbim dhe mund të deklarojnë nëse pranojnë të caktohen edhe në një shtet tjetër, në rast se preferencat e tyre fillestare nuk mund të realizohen.

Procesi i aplikimit administrohet nga Sekretariati i EJTN-së. Pas përfundimit të afatit për aplikim, Akademisë së Drejtësisë, në cilësinë e pikës kombëtare të kontaktit për Programin e Shkëmbimit të EJTN-së, i vihen në dispozicion aplikimet e kandidatëve nga Kosova.

Akademia e Drejtësisë koordinon më pas procesin e parapërzgjedhjes në nivel kombëtar, përmes platformës së dedikuar për pikat kombëtare të kontaktit (NCP), dhe ia përcjell EJTN-së kandidatin e parapërzgjedhur për procedim të mëtejmë. Procesi i parapërzgjedhjes për Programin 2027 zhvillohet në periudhën 15 tetor – 27 nëntor 2026.

Duke pasur parasysh se për Kosovën ndahet një (1) vend, paraqitja e aplikimit nuk garanton parapërzgjedhjen në nivel kombëtar apo përzgjedhjen përfundimtare për pjesëmarrje në Program.

Afati i fundit për aplikim është 14 tetor 2026, ora 18:00 CEST (sipas kohës së Brukselit). Pas këtij afati, formularët online nuk do të jenë më të qasshëm.
Platforma online për aplikim:
https://exp-platform.ejtn.eu/
Mundësitë/vendet në dispozicion:
https://exp-platform.ejtn.eu/short-term-exchange-available-places
Informacion shtesë për shkëmbimet:
https://catalogue.ejtn.eu/exchanges-and-study-visits/listing?type=exchanges

Browse all available exchanges and study visits in the EJTN training catalogue.

05/10/2026

𝐙𝐛𝐚𝐭𝐢𝐦𝐢 𝐢 𝐭𝐞̈ 𝐃𝐫𝐞𝐣𝐭𝐚𝐯𝐞 𝐏𝐫𝐨𝐧𝐞̈𝐬𝐨𝐫𝐞 𝐈𝐧𝐭𝐞𝐥𝐞𝐤𝐭𝐮𝐚𝐥𝐞, 𝐦𝐚𝐫𝐤𝐚𝐭 𝐭𝐫𝐞𝐠𝐭𝐚𝐫𝐞 𝐝𝐡𝐞 𝐩𝐚𝐭𝐞𝐧𝐭𝐚𝐭

Më 05-06 Tetor 2025, Akademia e Drejtësisë, në kuadër të Programit për Trajnime të Vazhdueshme është duke realizuar trajnimin me temë “Zbatimi i të Drejtave Pronësore Intelektuale, markat tregtare dhe patentat”.

Trajnues të angazhuar janë: z. Mahir Tutuli, Kryetar në Gjykatën Komerciale dhe znj. Njomëza Zejnullahu, eksperte.

Qëllimi i këtij trajnimi është të fuqizojë kapacitetet e gjyqtarëve dhe profesionistëve të tjerë juridikë në fushën e të drejtave të pronësisë intelektuale, me fokus të veçantë në markat tregtare dhe patentat.

Metodologjia e trajnimi do të aplikohet përmes ligjëratave, ushtrimeve dhe diskutimeve si dhe përmes rasteve konkrete nga praktika gjyqësore për mënyrën e vendosjes meritore për rastet konkrete.

Përfitues të këtij trajnimi janë: Gjyqtarët dhe bashkëpunëtorët profesional nga Gjykata Komerciale.

01/10/2026

𝐏𝐫𝐚𝐤𝐭𝐢𝐤𝐚 𝐞 𝐆𝐣𝐲𝐤𝐚𝐭𝐞̈𝐬 𝐄𝐯𝐫𝐨𝐩𝐢𝐚𝐧𝐞 𝐩𝐞̈𝐫 𝐭𝐞̈ 𝐃𝐫𝐞𝐣𝐭𝐚𝐭 𝐞 𝐍𝐣𝐞𝐫𝐢𝐮𝐭 𝐧𝐞̈ 𝐜̧𝐞̈𝐬𝐡𝐭𝐣𝐞𝐭 𝐞 𝐤𝐨𝐧𝐟𝐥𝐢𝐤𝐭𝐢𝐭 𝐚𝐝𝐦𝐢𝐧𝐢𝐬𝐭𝐫𝐚𝐭𝐢𝐯 - 𝐌𝐞̈𝐧𝐲𝐫𝐚 𝐞 𝐳𝐛𝐚𝐭𝐢𝐦𝐢𝐭 𝐭𝐞̈ 𝐯𝐞𝐧𝐝𝐢𝐦𝐞𝐯𝐞 𝐭𝐞̈ 𝐆𝐉𝐄𝐃𝐍𝐉 𝐧𝐞̈ 𝐠𝐣𝐲𝐤𝐚𝐭𝐚𝐭 𝐧𝐚𝐜𝐢𝐨𝐧𝐚𝐥𝐞

Më 01 Tetor 2026, Akademia e Drejtësisë në bashkëpunim me Këshillin e Evropës – Mbështetja e Gjykatës Kushtetuese në zbatimin dhe shpërndarjen e standardeve të Gjykatës Evropiane për të Drejtat e Njeriut në kuadër të Programit për Trajnime të Vazhdueshme janë duke realizuar trajnimin me temë “Praktika e Gjykatës Evropiane për të Drejtat e Njeriut në çështjet e konfliktit administrativ - Mënyra e zbatimit të vendimeve të GJEDNJ në gjykatat nacionale”.

Trajnuese të angazhuar në këtë trajnim janë: znj. Delushe Halimi, gjyqtare në Gjykatën Supreme të Kosovës dhe z. Faton Ademi, gjyqtar në Gjykatën Supreme të Kosovës.

Synim kryesor i këtij trajnimi është avancimi i njohurive të gjyqtarëve lidhur me vendimet kryesore në praktikën aktuale të Gjykatës Evropiane për të Drejtat e Njeriut GJEDNJ në Strasburg në çështjet e konfliktit administrativ dhe mënyra e zbatimit të këtyre vendimeve në gjykatat nacionale (vendore).

Gjatë trajnimit pjesëmarrësit patën mundësin që përmes bashkëbisedimit interaktiv dhe shpjegimeve të trajnuesve pjesëmarrësit të përfitojnë njohuri të reja mbi vendimet kryesore në praktiken aktuale të Gjykatës Evropiane për të Drejtat e Njeriut (GJEDNJ) sipas ankesave në lëmin administrative – konflikteve administrative. Fokusi do të jetë edhe në ofrimin e udhëzimeve dhe rekomandimeve për të drejtat individuale të njeriut që mbrohen nga legjislacioni në fuqi dhe jurisprudenca e GJEDNJ.

Përfitues të këtij trajnimi ishin: Gjyqtarët e departamentit administrativ të Gjykatës së Apelit dhe Gjykatës Themelore si dhe bashkëpunëtorë profesional.

30/09/2026

𝐌𝐣𝐞𝐭𝐞𝐭 𝐉𝐮𝐫𝐢𝐝𝐢𝐤𝐞 𝐝𝐡𝐞 𝐏𝐫𝐨𝐜𝐞𝐝𝐮𝐫𝐚𝐭 𝐞 𝐯𝐞𝐜̧𝐚𝐧𝐭𝐚

Me datë 30.09.2026, Akademia e Drejtësisë në kuadër të Programit për Trajnime të Vazhdueshme është duke e realizuar trajnimin nga Moduli Bazik për bashkëpunëtor profesional dhe zyrtar ligjor në fushën penale me temë “Mjetet Juridike dhe Procedurat e veçanta”.

Trajnues të angazhuar në këtë trajnim janë: z. Skender Çoçaj, Gjyqtar në Gjykatën e Apelit dhe z. Valdet Gashi, Prokuror në Prokurorinë Speciale.

Qëllimi i këtij trajnimi është:
🔸Avancimi i njohurive të pjesëmarrësve lidhur me procedurën penale ku përfshihen kryerësit me çrregullime mendore;
🔸Urdhrin për ekzaminim psikiatrik;
🔸Paraburgimin;
🔸Masat e trajtimit të detyrueshëm dhe vendimet gjyqësore.

Metodologjia e zbatuar është e karakterit të kombinuar, me shpjegime teorike dhe diskutime interaktive.
Përfitues të këtij trajnimi janë: Bashkëpunëtor profesional dhe zyrtar ligjor nga Gjykatat dhe Prokuroritë nga të gjitha Regjionet e Kosovës.

29/09/2026

𝐊𝐮𝐩𝐭𝐢𝐦𝐢 𝐢 𝐃𝐡𝐮𝐧𝐞̈𝐬 𝐧𝐞̈ 𝐅𝐚𝐦𝐢𝐥𝐣𝐞 𝐧𝐞̈ 𝐭𝐞̈ 𝐃𝐫𝐞𝐣𝐭𝐞̈𝐧 𝐂𝐢𝐯𝐢𝐥𝐞: 𝐔𝐫𝐝𝐡𝐫𝐚𝐭 𝐌𝐛𝐫𝐨𝐣𝐭𝐞̈𝐬 𝐝𝐡𝐞 𝐊𝐨𝐧𝐬𝐢𝐝𝐞𝐫𝐢𝐦𝐞𝐭 𝐞 𝐭𝐞̈ 𝐝𝐫𝐞𝐣𝐭𝐞̈𝐬 𝐟𝐚𝐦𝐢𝐥𝐣𝐚𝐫𝐞

Më 29-30 Shtator 2026, Akademia e Drejtësisë në bashkëpunim me Këshillin e Evropës, Projekti Përafrimi i ligjeve dhe politikave me Konventën e Stambollit në kuadër të Programit për Trajnime të Vazhdueshme janë duke e realizuar trajnimin “Kuptimi i Dhunës në Familje në të Drejtën Civile: Urdhrat Mbrojtës dhe Konsiderimet e të drejtës familjare”.
Trajnues të angazhuar janë: z. Faton Ademi, Gjyqtar në Gjykatën Supreme, z. Fahret Vellija, Gjyqtar në Gjykatën Themelore në Prizren dhe znj. Ariana Qosaj Mustafa, Eksperte vendore e angazhuar nga Këshilli i Evropës.

Qëllimi i përgjithshëm i këtij trajnimit është ngritja e njohurive të kuadrit ligjor mbi kuptimin e dhunës në familje në të Drejtën Civile, me fokus në urdhrat mbrojtës dhe konsiderimet e të drejtës familjare.
Metodologjia e këtij trajnim përfshinë shqyrtimin e dispozitave përkatëse ligjore dhe politike, parime dhe koncepte ndërkombëtare që lidhen me temën, rishikimi i hulumtimeve më të fundit mbi DhF, DhNG dhe DhBGJ, dhe punë zhvillimin e aftësive praktike përmes shembujve dhe rasteve të studimit.
Përfitues të këtij trajnimi janë: Gjyqtarët e Gjykatave Themelore nga të gjitha regjionet e Kosovës.

29/09/2026

𝐏𝐚𝐫𝐢𝐦𝐞𝐭 𝐞 𝐩𝐫𝐨𝐜𝐞𝐝𝐮𝐫𝐞̈𝐬 𝐧𝐝𝐚𝐣 𝐭𝐞̈ 𝐦𝐢𝐭𝐮𝐫𝐯𝐞 𝐝𝐡𝐞 𝐦𝐚𝐬𝐚𝐭 𝐝𝐡𝐞 𝐝𝐞̈𝐧𝐢𝐦𝐞𝐭 𝐧𝐝𝐚𝐣 𝐭𝐞̈ 𝐦𝐢𝐭𝐮𝐫𝐯𝐞

Më datë 29.09.2026, Akademia e Drejtësisë në kuadër të Programit për Trajnime të Vazhdueshme është duke e realizuar trajnimin nga Moduli Bazik për bashkëpunëtor profesional dhe zyrtar ligjor në fushën penale me temë “Parimet e procedurës ndaj të miturve dhe masat dhe dënimet ndaj të miturve ”
Trajnues i angazhuar në këtë trajnim është: z. Ramadan Gashi, Trajnues i përhershëm në Akademinë e Drejtësisë.
Qëllimi i këtij trajnimi është avancimi i njohurive të pjesëmarrësve me dispozitat ligjore që rregullojnë masat dhe dënimet për të mitur.
Metodologjia e trajnimit: Kombinim i shpjegimit teorik dhe diskutime interaktive
Përfitues të këtij trajnimi janë: Bashkëpunëtor profesional dhe zyrtar ligjor nga Gjykatat dhe Prokuroritë nga të gjitha Regjionet e Kosovës

28/09/2026

𝐃𝐫𝐞𝐣𝐭𝐨𝐫𝐢 𝐢 𝐀𝐤𝐚𝐝𝐞𝐦𝐢𝐬𝐞̈ 𝐬𝐞̈ 𝐃𝐫𝐞𝐣𝐭𝐞̈𝐬𝐢𝐬𝐞̈ 𝐭𝐚𝐤𝐨𝐢 𝐊𝐨𝐨𝐫𝐝𝐢𝐧𝐚𝐭𝐨𝐫𝐢𝐧 𝐞 𝐓𝐈𝐊𝐀-𝐬 𝐧𝐞̈ 𝐊𝐨𝐬𝐨𝐯𝐞̈

Drejtori i Akademisë së Drejtësisë z. Enver Fejzullahu zhvilloi takim me Koordinatorin e ri të Agjencisë Turke për Bashkëpunim dhe Koordinim (TIKA) TİKA Kosova në Kosovë z. Mehmed Taha Doğan, me ç’rast e uroi për marrjen e detyrës së re dhe i dëshiroi suksese në angazhimin e tij.

Gjatë takimit u diskutua për mundësitë e bashkëpunimit ndërmjet Akademisë së Drejtësisë dhe TIKA-s, me fokus në shkëmbimin e përvojave dhe praktikave profesionale ndërmjet gjyqtarëve dhe prokurorëve të Kosovës dhe atyre të Turqisë.⚖️ 🇽🇰🤝🇹🇷

Në veçanti, u diskutua për realizimin e aktiviteteve të përbashkëta që do të kontribuonin në ngritjen e kapaciteteve trajnuese dhe profesionale të gjyqtarëve dhe prokurorëve, përmes shkëmbimit të përvojave, praktikave dhe njohurive profesionale.
Të dyja palët shprehën gatishmërinë për të vazhduar dhe avancuar bashkëpunimin në fusha me interes të përbashkët.