Mbroje, Duaje, Mbaje

Home
Kosovo
Pristina
Mbroje, Duaje, Mbaje

Contact information, map and directions, contact form, opening hours, services, ratings, photos, videos and announcements from Mbroje, Duaje, Mbaje, Community Organization, Qyteza Pejton, Rruga 'Sejdi Kryeziu', Pristina.

'Mbroje, Duaje, Mbaje' është fushata kombëtare e vetdijësimit mjedisor e cila udhëhiqet nga Community Development Fund (CDF), në kuadër të projektit “Environmental Engagement for Civil Society in Kosovo (EECSOK)”, të mbështetur nga Ambasada Suedeze. “Mbroje, Duaje, Mbaje” është fushata kombëtare e vetdijësimit mjedisor e cila udhëhiqet nga Community Development Fund (CDF), në kuadër të projektit “

Environmental Engagement for Civil Society in Kosovo (EECSOK)”, të mbështetur nga Ambasada Suedeze. Qëllimi i fushatës është të mobilizojë qytetarët, bizneset dhe institucionet në mbrojtjen e mjedisit përmes veprimeve konkrete, edukimit dhe bashkëpunimit të gjerë. Me mesazhe të qarta dhe përfshirje të komunitetit, “Mbroje, Duaje, Mbaje” synon të krijojë një kulturë të qëndrueshme të kujdesit për natyrën dhe të nxisë përgjegjësinë kolektive për një Kosovë më të pastër e më të gjelbër.

30/03/2026

Në kuadër të projektit “Fuqizimi i Organizatave të Shoqërisë Civile
Mjedisore në Kosovë” (EECSOK), Forumi Lokal i Veprimit "Mbroje, Duaje, Mbaje" u mbyll me shumë sukses

Mbi 50 pjesëmarrës nga Mitrovica, Prishtina, Peja dhe Prizreni diskutuan çështjet mjedisore, identifikuan shkaqet dhe zhvilluan rekomandime konkrete për veprim lokal. Secila komunë prezantoi prioritetet e saj në seancën plenare.

Organizatat partnere të projektit Rilindja Gjelbër, 7 Arte, Balkan Green Foundation dhe EC Ma Ndryshe, facilituan diskutimet dhe do të përgatisin plane veprimi për zbatimin e rekomandimeve. Rezultatet do të dokumentohen në raporte komunale dhe do te ndahen me institucione lokale.

08/12/2025

Peja, a po diskutojmë për mjedisin? ❤️

Diskutojmë sfidat mjedisore të Komunës së Pejës, ndahen përvoja, shqetësime konkrete, parashtrohen ide dhe propozime që mund të çojnë në përmirësime të prekshme përmes veprimit komunitar.

Shihemi të enjten, në ora 10:00 në Kuvendin Komunal 📍

04/12/2025

Në Universitetin e Prizrenit “Ukshin Hoti” prezantuam fushatën “Mbroje, Duaje, Mbaje” dhe zhvilluam një ligjëratë me mbi 50 studentë mbi temën “Legjislacioni i Mjedisit dhe Qasjet Ndërdisiplinare në Kosovë”.

Shend Boshnjaku nga Green Energy Kosova, solli raste nga terreni. Ai shpjegoi si funksionon legjislacioni mjedisor në praktikë, ku ngec zbatimi dhe pse afrimi me standardet e BE-së është i domosdoshëm. Ai e theksoi qartë: mjedisi, përveq qështje ekologjike është ekonomi, shoqëri dhe profesion. Studentët do të japin drejtim kësaj fushe në vitet që vijnë.

Studentët ngritën tema si ndotja, mbeturinat, ruajtja e resurseve dhe përgjegjësia e tyre profesionale. U diskutua edhe raporti mes sanksioneve dhe incentivave si mjete që ndryshojnë sjelljet dhe rrisin kujdesin ndaj mjedisit.

Faleminderit Universitetit të Prizrenit për bashkëpunimin.

03/12/2025

Ditën e filluam në Mitrovicë, tek 7 Arte për kafe e bisedë për mjedisin ❤️

Ideja ishte e thjeshtë. Të uleshim, të dëgjonim njëri-tjetrin dhe të flisnim hapur për problemet që prekin qytetin.

Gjatë diskutimit u ngritën tema të rëndësishme. Ndotja industriale. Gjendja e lumenjve dhe ujërave të zeza. Mungesa e inspektimeve. Nevoja për përfshirje më të madhe të të rinjve.

Mitrovica ka nevojë për kujdes të vazhdueshëm dhe këto takime do të vazhdojnë, që zëri i komunitetit të dëgjohet dhe të kthehet në veprim.

01/12/2025

Në kuadër të fushatës “Mbroje, Duaje, Mbaje”, po mbajmë takimin komunitar për mjedisin në Mitrovicë. Qytetarët i ftojmë të ndajnë shqetësime, ide dhe propozime për mjedisin.

Qëllimi është të dëgjojmë zërin e komunitetit dhe të nxisim veprime të qarta për një Mitrovicë më të pastër.

Ju presim ❤️

24/11/2025

Si pjesë e aktiviteteve në universitete, vizituam Fakultetin e Bujqësisë dhe Mjedisit të UBT - Higher Education Institution, ku mbajtëm një ligjëratë mbi lidhjen mes mjedisit, prodhimit ushqimor dhe zhvillimit ekonomik të vendit.

Ardora Bilibani nga Rilindja Gjelbër prezantoi shembuj konkretë se si sfidat mjedisore ndikojnë drejtpërdrejt në sektorin e bujqësisë, nga lumenjtë e ndotur që prekin ujitjen, te deponitë ilegale që dëmtojnë tokën bujqësore dhe humbja ekonomike që rezulton nga këto fenomene.

Në fund, së bashku me studentët dhe profesorin e Shkencave të Mjedisit, Sami Makolli, vazhduam diskutimin mbi ndotësit kryesorë, praktikat e qëndrueshme dhe rolin që secili mund të ketë në mbrojtjen e mjedisit dhe zhvillimin e komuniteteve.

Faleminderit UBT-së për organizimin dhe mikpritjen!

23/11/2025

Në kuadër të fushatës “Mbroje, Duaje, Mbaje”, po mbajmë takimin komunitar për mjedisin në Prizren.

Qytetarët ndajnë shqetësime, ide dhe propozime për mjedisin. Qëllimi është të dëgjojmë zërin e komunitetit dhe të nxisim veprime të qarta për një Prizren më të pastër.

Ju presim!

21/11/2025

Në Fakultetin e Turizmit dhe Mjedisit të Universitetit të Pejës “Haxhi Zeka”, mbi 50 studentë morën pjesë në ligjëratën “Mbroje, Duaje, Mbaje: Formësimi i Turizmit të Qëndrueshëm në Kosovë”, një diskutim i hapur mbi mënyrën se si mbrojtja e mjedisit ndikon drejtpërdrejt në zhvillimin e turizmit dhe ekonomisë lokale.

Profesoresha e Ekonomisë në Universitetin AAB, Kosovare Ukshini, solli shembuj të qartë mbi mënyrën se si zhvillimi ekonomik lidhet ngushtë me mbrojtjen e mjedisit, duke nënvizuar se ndotja, menaxhimi i dobët i mbeturinave dhe degradimi i peizazheve krijojnë humbje të drejtpërdrejta ekonomike për sektorin e turizmit. Ajo theksoi se kthimi drejt modeleve të qëndrueshme ekonomike, ku burimet përdoren me efikasitet dhe natyra mbrohet, është jo vetëm një domosdoshmëri mjedisore, por edhe një nxitës i fuqishëm për zhvillimin e turizmit modern dhe krijimin e mundësive të reja për punësim dhe biznese.

Kuptimi i këtyre parimeve është thelbësor për studentët që po përgatiten të hyjnë në botën profesionale, pasi rolet e tyre të ardhshme në turizëm dhe mjedis do të kërkojnë marrje vendimesh që respektojnë dhe promovojnë qëndrueshmërinë.

Faleminderit Universitetit të Pejës për mikpritjen dhe bashkëpunimin!

19/11/2025

Në Universitetin AAB, mbi 100 studentë morën pjesë në ligjëratën “Mbroje, Duaje, Mbaje: Energjia e pastër dhe një ekonomi konkurruese për Kosovën”, gjatë së cilës u prezantua para tyre lidhja mes zhvillimit ekonomik dhe tranzicionit energjetik.

Adnan Reka, CEO i kompanisë Teravolti, e specializuar në sistemet fotovoltaike për sektorin rezidencial, afarist dhe industrial në Kosovë, solli shembuj të qartë se si investimet në fotovoltaikë dhe efikasitet energjetik ulin kostot, rrisin konkurrueshmërinë dhe hapin vende të reja pune. Ai theksoi gjithashtu rëndësinë e aktivizmit qytetar për përmirësimin e mjedisit dhe vetëqëndrueshmërinë e komuniteteve, që i kthejnë mesazhet e “Mbroje, Duaje, Mbaje” në veprime konkrete.

Këto parime janë veçanërisht të rëndësishme për profesionistët e rinj, sepse integrimi i ndikimit mjedisor në vendimmarrje dhe bashkimi i akademisë me sektorin privat përmes praktikave, projekteve të përbashkëta dhe mentorimit, i kthen njohuritë në zgjidhje konkrete në të mirë të ambientit.

Address

Qyteza Pejton, Rruga 'Sejdi Kryeziu'
Pristina
10000

Telephone

+38338249677

Website

http://www.mbrojeduajembaje.com/

Alerts

Be the first to know and let us send you an email when Mbroje, Duaje, Mbaje posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Mbroje, Duaje, Mbaje:

Shortcuts

Want your organization to be the top-listed Non Profit Organization in Pristina?