Institute for Peace and Security / Instituti për Paqe dhe Siguri

28/07/2026

Instituti për Paqe dhe Siguri (IPS)

Koha për veprim të vendosur kundër armëve të paligjshme

Instituti për Paqe dhe Siguri (IPS) shpreh shqetësimin e thellë për shtimin e rasteve të përdorimit të armëve të vogla dhe të lehta në Kosovë, të cilat gjatë muajve dhe viteve të fundit kanë rezultuar me dhjetëra të plagosur dhe me humbje tragjike të jetëve njerëzore.

Është e papranueshme që, 27 vite pas përfundimit të luftës, armët e zjarrit vazhdojnë të jenë të pranishme në duart e qytetarëve dhe të përdoren në konflikte të përditshme, mosmarrëveshje personale, ahengje familjare apo ngjarje të tjera që në shumë raste përfundojnë me pasoja fatale.

Prania e armëve të paligjshme nuk është vetëm çështje e rendit publik, por një kërcënim serioz për sigurinë, për jetën e qytetarëve dhe për stabilitetin shoqëror. Çdo armë e paligjshme që mbetet në qarkullim përfaqëson një rrezik potencial që mund të shndërrohet në një tragjedi.

Sipas të dhënave të organizatave që monitorojnë kontrollin e armëve në Evropën Juglindore, Kosova vazhdon të përballet me një numër të konsiderueshëm incidentesh që përfshijnë armë zjarri, ndërsa trashëgimia e armëve të mbetura pas luftës vazhdon të jetë një sfidë për institucionet e sigurisë.

Në këtë kontekst, Instituti për Paqe dhe Siguri kërkon:

• Intensifikimin e operacioneve për identifikimin dhe konfiskimin e armëve të paligjshme.
• Fillimin e një fushate gjithëpërfshirëse kombëtare për dorëzimin vullnetar të armëve pa pasoja penale brenda afateve të përcaktuara me ligj.
• Hartimin dhe zbatimin e një strategjie të re shtetërore për reduktimin e armëve të vogla dhe të lehta në posedim të paligjshëm.
• Forcimin e edukimit dhe ndërgjegjësimit publik, veçanërisht tek të rinjtë, mbi pasojat që sjell posedimi dhe përdorimi i armëve.
• Bashkëpunim më të ngushtë ndërmjet institucioneve të sigurisë, sistemit të drejtësisë, shoqërisë civile dhe mediave për të ndërtuar një kulturë të mosdhunës.

IPS u bën thirrje të gjithë qytetarëve që posedojnë armë pa leje t’i dorëzojnë ato pranë institucioneve kompetente dhe të mos lejojnë që një moment zemërimi, pakujdesie apo papërgjegjësie të shkatërrojë jetë njerëzish dhe familje të tëra.

Një shoqëri demokratike nuk matet me numrin e armëve që posedon, por me nivelin e besimit që qytetarët kanë tek ligji dhe institucionet. Siguria nuk garantohet nga arma në brez, por nga sundimi i ligjit, drejtësia funksionale dhe kultura e dialogut.

Instituti për Paqe dhe Siguri do të vazhdojë të mbështesë çdo iniciativë që kontribuon në uljen e dhunës së armatosur, promovimin e paqes dhe ndërtimin e një mjedisi më të sigurt për të gjithë qytetarët e Republikës së Kosovës.

Instituti për Paqe dhe Siguri (IPS)

13/07/2026

🎓 Konferenca e Vlerësimit dhe Përmbylljes së Projektit

Më 16 qershor 2026, nga ora 11:00 deri në 12:30, në Qendrën për Zhvillim të Karrierës në Bibliotekën Kombëtare të Universitetit të Prishtinës, u mbajt Konferenca e Vlerësimit dhe Përmbylljes së projektit.

Konferenca mblodhi 30 të rinj të moshës 15 deri në 24 vjeç dhe shënoi përfundimin e një procesi disamujor të përkushtuar ndaj ndërtimit të paqes, sigurisë në komunitet dhe fuqizimit të të rinjve.

Gjatë aktivitetit u prezantuan rezultatet e projektit, u zhvillua reflektim i moderuar dhe diskutim mbi përvojat e pjesëmarrësve, ndikimin e aktiviteteve dhe mësimet e nxjerra gjatë zbatimit. Të rinjtë prezantuan rezultatet e punës së tyre, ndanë përvojat personale dhe vlerësuan mënyrën se si projekti kishte ndikuar në njohuritë, aftësitë dhe angazhimin e tyre.

Konferenca krijoi gjithashtu hapësirë për dialog mbi rekomandimet dhe vazhdimin e bashkëpunimit ndërmjet të rinjve, institucioneve dhe organizatave të shoqërisë civile në fushën e ndërtimit të paqes, sigurisë në komunitet dhe parandalimit të narrativave të dëmshme në hapësirat digjitale.

Ky aktivitet është mbështetur përmes skemës së granteve RYCOgnizing YPS, financuar nga German Cooperation dhe zbatuar nga RYCO.

────────────

🎓 Project Evaluation and Closing Conference

On 16 June 2026, from 11:00 to 12:30, the Project Evaluation and Closing Conference was held at the Career Development Center, National Library, University of Prishtina.

The conference brought together 30 young people aged 15 to 24 and marked the conclusion of a multi-month process focused on peacebuilding, community security, and youth empowerment.

During the event, the project results were presented, followed by a moderated reflection and discussion on participants’ experiences, the impact of the activities, and the lessons learned throughout implementation. Young people presented the results of their work, shared personal experiences, and assessed how the project had strengthened their knowledge, skills, and engagement.

The conference also created space for dialogue on recommendations and continued cooperation among young people, institutions, and civil society organizations in the areas of peacebuilding, community security, and the prevention of harmful narratives in digital spaces.

This activity is supported through the RYCOgnizing YPS granting scheme, funded by German Cooperation and implemented by RYCO.

13/07/2026

🌍 Peace Café në Mitrovicën e Veriut: Narrativat për migrantët

Më 13 maj 2026, në Mitrovicën e Veriut u organizua Peace Café i pestë, me temën Narrativat për migrantët.

Aktiviteti u realizua në partneritet me Youth Association Gračanica, YAG, dhe mblodhi 24 të rinj, 10 vajza dhe 14 djem, në një diskutim të hapur për mënyrën se si migrantët paraqiten në media, në rrjetet sociale dhe në diskutimet publike.

Pjesëmarrësit analizuan se si paragjykimet, informacionet e pasakta dhe narrativat përjashtuese mund të ndikojnë në perceptimin e migrantëve dhe të nxisin ndarje, mosbesim apo gjuhë të urrejtjes. Ata diskutuan gjithashtu rëndësinë e verifikimit të informacionit, përdorimit të gjuhës së kujdesshme dhe trajtimit të çdo personi me dinjitet dhe respekt.

Si pjesë e Fushatës kundër Gjuhës së Urrejtjes, Peace Café i inkurajoi të rinjtë të sfidojnë stereotipet, të promovojnë empatinë dhe të kontribuojnë në një komunikim publik më të drejtë, më të përgjegjshëm dhe më gjithëpërfshirës.

Ky aktivitet është mbështetur përmes skemës së granteve RYCOgnizing YPS, financuar nga German Cooperation dhe zbatuar nga RYCO.

────────────

🌍 Peace Café in North Mitrovica: Migrant Narratives

On 13 May 2026, the fifth Peace Café was held in North Mitrovica, focusing on the topic of migrant narratives.

Organized in partnership with Youth Association Gračanica, YAG, the activity brought together 24 young people, including 10 women and 14 men, for an open discussion on how migrants are represented in the media, on social platforms, and in public conversations.

Participants explored how prejudice, misinformation, and exclusionary narratives can shape perceptions of migrants and contribute to division, mistrust, or hate speech. They also discussed the importance of verifying information, using responsible language, and treating every person with dignity and respect.

As part of the Hate Speech Campaign, the Peace Café encouraged young people to challenge stereotypes, promote empathy, and contribute to public communication that is fairer, more responsible, and more inclusive.

This activity is supported through the RYCOgnizing YPS granting scheme, funded by German Cooperation and implemented by RYCO.

13/07/2026

🤝 Peace Café në Gjilan: Empatia dhe respekti

Më 8 prill 2026, në Gjimnazin Zenel Hajdini në Gjilan u organizua Peace Café i katërt, me temën Empatia dhe respekti.

Aktiviteti mblodhi 37 të rinj, 22 vajza dhe 15 djem, në një diskutim të hapur për rëndësinë e mirëkuptimit, respektit dhe komunikimit të kujdesshëm në marrëdhëniet e përditshme dhe në hapësirat digjitale.

Pjesëmarrësit diskutuan se si fjalët, komentet dhe reagimet në internet mund të ndikojnë te të tjerët, si dhe pse është e rëndësishme të dëgjojmë, të kuptojmë këndvështrime të ndryshme dhe të shmangim gjuhën që nxit përjashtim, paragjykim apo konflikt.

Si pjesë e Fushatës kundër Gjuhës së Urrejtjes, Peace Café i inkurajoi të rinjtë të tregojnë më shumë empati, të respektojnë dallimet dhe të kontribuojnë në krijimin e një mjedisi më të sigurt, më gjithëpërfshirës dhe më mbështetës për të gjithë.

Ky aktivitet është mbështetur përmes skemës së granteve RYCOgnizing YPS, financuar nga German Cooperation dhe zbatuar nga RYCO.

────────────

🤝 Peace Café in Gjilan: Empathy and Respect

On 8 April 2026, the fourth Peace Café was held at Zenel Hajdini Gymnasium in Gjilan, focusing on the topic of empathy and respect.

The activity brought together 37 young people, including 22 women and 15 men, for an open discussion on the importance of understanding, respect, and thoughtful communication in everyday relationships and digital spaces.

Participants discussed how words, comments, and online reactions can affect others, as well as why it is important to listen, understand different perspectives, and avoid language that promotes exclusion, prejudice, or conflict.

As part of the Hate Speech Campaign, the Peace Café encouraged young people to show greater empathy, respect differences, and contribute to creating a safer, more inclusive, and more supportive environment for everyone.

This activity is supported through the RYCOgnizing YPS granting scheme, funded by German Cooperation and implemented by RYCO.

13/07/2026

📲 Peace Café në Kaçanik: Bullizimi përmes shpërndarjes së përmbajtjeve

Më 3 prill 2026, në Qendrën e Karrierës të IAAP-it në Kaçanik u organizua Peace Café i tretë, me temën Bullizimi përmes shpërndarjes së përmbajtjeve.

Aktiviteti mblodhi 28 të rinj, 12 vajza dhe 16 djem, në një diskutim të hapur rreth mënyrës se si shpërndarja e fotografive, videove, mesazheve apo publikimeve mund të përdoret për të tallur, poshtëruar ose dëmtuar të tjerët në internet.

Pjesëmarrësit diskutuan për pasojat që mund të sjellë shpërndarja e përmbajtjeve pa pëlqimin e personit, rolin e rrjeteve sociale në përhapjen e bullizimit dhe përgjegjësinë që secili ka para se të shpërndajë ose komentojë një përmbajtje të dëmshme.

Si pjesë e Fushatës kundër Gjuhës së Urrejtjes, Peace Café i inkurajoi të rinjtë të mendojnë para se të shpërndajnë, të reagojnë ndaj bullizimit dhe të kontribuojnë në krijimin e një hapësire digjitale më të sigurt, më të respektueshme dhe më mbështetëse.

Ky aktivitet është mbështetur përmes skemës së granteve RYCOgnizing YPS, financuar nga German Cooperation dhe zbatuar nga RYCO.

────────────

📲 Peace Café in Kaçanik: Bullying Through Content Sharing

On 3 April 2026, the third Peace Café was held at the IAAP Career Center in Kaçanik, focusing on bullying through the sharing of online content.

The activity brought together 28 young people, including 12 women and 16 men, for an open discussion on how photos, videos, messages, or posts can be shared to mock, humiliate, or harm others online.

Participants discussed the consequences of sharing content without a person’s consent, the role of social media in spreading bullying, and the responsibility everyone has before sharing or commenting on harmful content.

As part of the Hate Speech Campaign, the Peace Café encouraged young people to think before they share, speak up against bullying, and contribute to creating a safer, more respectful, and more supportive digital environment.

This activity is supported through the RYCOgnizing YPS granting scheme, funded by German Cooperation and implemented by RYCO.

13/07/2026

💻 Peace Café në Prishtinë: Mirëqenia e të rinjve në internet

Më 25 mars 2026, në Qendrën për Zhvillim të Karrierës të Universitetit të Prishtinës u organizua Peace Café i dytë, me temën Mirëqenia e të rinjve në internet.

Aktiviteti mblodhi 30 të rinj, 20 vajza dhe 10 djem, në një diskutim të hapur për mënyrën se si përdorimi i internetit dhe mediave sociale ndikon në mirëqenien e tyre emocionale, sociale dhe mendore.

Pjesëmarrësit diskutuan mbi presionin social në platformat digjitale, përmbajtjet e dëmshme, gjuhën e urrejtjes dhe ndikimin që ndërveprimet në internet mund të kenë në vetëbesimin dhe marrëdhëniet mes të rinjve. Ata ndanë përvojat dhe idetë e tyre për krijimin e hapësirave më të sigurta, më pozitive dhe më gjithëpërfshirëse në internet.

Si pjesë e Fushatës kundër Gjuhës së Urrejtjes, Peace Café inkurajoi të rinjtë të komunikojnë me përgjegjësi, të mbështesin njëri-tjetrin dhe të kontribuojnë në ndërtimin e një mjedisi digjital ku respektohen mirëqenia, dinjiteti dhe diversiteti.

Ky aktivitet është mbështetur përmes skemës së granteve RYCOgnizing YPS, financuar nga German Cooperation dhe zbatuar nga RYCO.

────────────

💻 Peace Café in Prishtina: Youth Well-being Online

On 25 March 2026, the second Peace Café was held at the University of Prishtina Career Center, focusing on the topic of Youth Well-being Online.

The activity brought together 30 young people, including 20 women and 10 men, for an open discussion on how internet and social media use can affect their emotional, social, and mental well-being.

Participants discussed social pressure on digital platforms, harmful content, hate speech, and the impact that online interactions can have on young people’s confidence and relationships. They also shared their experiences and ideas for creating safer, more positive, and more inclusive online spaces.

As part of the Hate Speech Campaign, the Peace Café encouraged young people to communicate responsibly, support one another, and contribute to a digital environment where well-being, dignity, and diversity are respected.

This activity is supported through the RYCOgnizing YPS granting scheme, funded by German Cooperation and implemented by RYCO.

13/07/2026

🌿 Peace Café në Graçanicë: Të rinjtë në dialog për lumin Graçanka

Më 13 mars 2026, Peace Café në Graçanicë mblodhi 30 të rinj, 14 vajza dhe 16 djem, për të diskutuar mbi gjendjen e lumit Graçanka dhe mënyrën se si ndërtohen e përhapen narrativat mjedisore.

Aktiviteti u organizua në partneritet me Youth Association Gračanica, YAG, duke krijuar një hapësirë të hapur ku pjesëmarrësit ndanë shqetësimet dhe këndvështrimet e tyre për ndotjen e lumit, ndikimin e saj në jetën e komunitetit dhe mënyrën se si çështjet mjedisore paraqiten në publik dhe në mediat sociale.

Diskutimi trajtoi gjithashtu ndikimin që narrativat e dëmshme ose përçarëse mund të kenë në marrëdhëniet ndërmjet komuniteteve. Si pjesë e Fushatës kundër Gjuhës së Urrejtjes, aktiviteti i inkurajoi të rinjtë të përdorin komunikim të përgjegjshëm, të rrisin ndërgjegjësimin mjedisor dhe të ndërtojnë dialog konstruktiv rreth çështjeve që prekin komunitetet e tyre.

Ky aktivitet është mbështetur përmes skemës së granteve RYCOgnizing YPS, financuar nga German Cooperation dhe zbatuar nga RYCO.

────────────

🌿 Peace Café in Gračanica: Young people in dialogue about the Graçanka River

On 13 March 2026, the Peace Café in Gračanica brought together 30 young people, including 14 women and 16 men, to discuss the condition of the Graçanka River and the way environmental narratives are created and shared.

Organized in partnership with Youth Association Gračanica, YAG, the activity created an open space where participants shared their concerns and perspectives on river pollution, its impact on community life, and the way environmental issues are presented in public discussions and on social media.

The discussion also explored how harmful or divisive narratives can affect relations between communities. As part of the Hate Speech Campaign, the activity encouraged young people to communicate responsibly, raise environmental awareness, and promote constructive dialogue around issues affecting their communities.

This activity is supported through the RYCOgnizing YPS granting scheme, funded by German Cooperation and implemented by RYCO.

04/07/2026

12/06/2026

🕊️ Dita e Paqes dhe Çlirimit të Kosovës

Sot, në Ditën e Çlirimit të Kosovës, kujtojmë sakrificën, qëndresën dhe përkushtimin e jashtëzakonshëm të popullit tonë për liri, dinjitet dhe paqe.

Çlirimi i Kosovës nuk përfaqëson vetëm një moment historik të lirisë sonë. Ai është edhe një kujtesë e fuqishme se paqja është themeli mbi të cilin ndërtohet shteti, demokracia, siguria dhe e ardhmja e qytetarëve tanë.

Paqja nuk është vetëm mungesë e konfliktit. Paqja është përgjegjësi institucionale, shoqërore dhe qytetare. Ajo kërkon drejtësi, dialog, respekt të ndërsjellë, bashkëpunim ndërmjet komuniteteve dhe institucione që punojnë në shërbim të qytetarit.

Instituti për Paqe dhe Siguri, IPS, beson se ruajtja dhe forcimi i paqes në Kosovë është detyrë e përditshme. Ajo ndërtohet përmes edukimit, përfshirjes së të rinjve, fuqizimit të dialogut, respektimit të të drejtave të njeriut dhe angazhimit të përbashkët për një shoqëri më të drejtë, më demokratike dhe më të sigurt.

Në këtë ditë të rëndësishme për vendin tonë, nderojmë të kaluarën, vlerësojmë lirinë dhe riafirmojmë përkushtimin tonë për një Kosovë paqësore, të bashkuar dhe të zhvilluar.

Liria na kujton sakrificën. Paqja na tregon përgjegjësinë për të ardhmen. 🇽🇰🕊️

24/04/2026

Ratifikimi i anëtarësimit të Kosovës si një nga shtetet themeluese në Bordin e Paqes, përbën një hap të rëndësishëm strategjik dhe diplomatik, me implikime të gjera për pozicionimin ndërkombëtar të vendit dhe për avancimin e agjendës së paqes dhe sigurisë në nivel global.

Ky zhvillim nuk është vetëm një njohje e progresit të Kosovës në ndërtimin e institucioneve demokratike dhe në promovimin e stabilitetit, por edhe një konfirmim i rolit të saj si kontribuese aktive në arkitekturën ndërkombëtare të paqes. Duke qenë pjesë e një mekanizmi të tillë që në fazën themeluese, Kosova fiton mundësinë që të ndikojë drejtpërdrejt në formësimin e politikave, prioriteteve dhe qasjeve globale ndaj ndërtimit të paqes dhe parandalimit të konflikteve.

Një nga përfitimet kryesore që rrjedh nga ky anëtarësim është rritja e kredibilitetit ndërkombëtar të Kosovës. Pjesëmarrja në struktura të nivelit të lartë jo vetëm që forcon subjektivitetin ndërkombëtar të vendit, por gjithashtu krijon hapësira të reja për bashkëpunim me shtete dhe organizata të tjera që ndajnë të njëjtat vlera dhe objektiva. Kjo kontribuon në zgjerimin e rrjetit diplomatik dhe në thellimin e partneriteteve strategjike.

Po ashtu, anëtarësimi i Kosovës në Bordin e Paqes sjell përfitime konkrete në aspektin e shkëmbimit të përvojave dhe praktikave më të mira. Duke qenë se Kosova ka kaluar një proces të veçantë të transformimit pas konfliktit, ajo mund të ofrojë ekspertizë të vlefshme në fusha si ndërtimi i paqes, pajtimi shoqëror dhe forcimi i institucioneve. Në të njëjtën kohë, përfshirja në këtë bord i mundëson Kosovës të përfitojë nga përvojat e vendeve të tjera dhe të përmirësojë politikat e saj të brendshme.

Një dimension tjetër i rëndësishëm është ndikimi në zhvillimin socio-ekonomik. Përmes këtij anëtarësimi, Kosova mund të përfitojë nga qasje më e lehtë në iniciativa ndërkombëtare, programe financimi dhe mbështetje teknike që lidhen me paqen dhe zhvillimin e qëndrueshëm. Kjo ndihmon në forcimin e kapaciteteve vendore dhe në avancimin e reformave kyçe.

Në këtë kontekst, shprehim mirënjohje të veçantë ndaj Presidentit Donald Trump dhe Shteteve të Bashkuara të Amerikës për mbështetjen dhe ftesën që Kosova të jetë ndër shtetet e para pjesëmarrëse në këtë nismë të rëndësishme. Ky akt përforcon edhe një herë partneritetin e qëndrueshëm dhe strategjik ndërmjet dy vendeve, si dhe rolin e SHBA-ve në avancimin e paqes dhe stabilitetit në rajon dhe më gjerë.

Në përfundim, ratifikimi i anëtarësimit të Kosovës si një nga shtetet themeluese në Bordin e Paqes nuk është vetëm një arritje simbolike, por një investim strategjik në të ardhmen e vendit. Ai e vendos Kosovën në një pozitë të favorshme për të ndikuar në proceset globale të paqes, duke e konsoliduar njëkohësisht rolin e saj si faktor stabiliteti dhe partner i besueshëm në arenën ndërkombëtare.

Burim Korqa

Instituti për Paqe dhe Siguri.