15/10/2026
KUTITË E SADAKASË NË TË GJITHA PIKAT E MARKETEVE - DURMART-
Nga sot, në të gjitha pikat e marketeve Durmart L.L.C. do të jenë të vendosura kutitë e sadakasë, përmes të cilave qytetarët do të kenë mundësi të kontribuojnë në ndihmë të familjeve dhe personave në nevojë në Kosovë.
Mjetet e mbledhura përmes këtyre kutive do të shërbejnë për të ndihmuar familjet në gjendje të vështirë ekonomike, duke sjellë më shumë shpresë, solidaritet dhe humanitet në shoqërinë tonë.
Shoqata Humanitare “Bereqeti”, në kuadër të Bashkësisë Islame të Kosovës, shpreh mirënjohjen dhe falënderimin e sinqertë për menaxhmentin e Marketeve Durmart L.L.C., për mundësinë, lehtësinë dhe bashkëpunimin e ofruar në realizimin e këtij aktiviteti humanitar.
Falënderojmë gjithashtu të gjithë qytetarët që do të kontribuojnë përmes këtyre kutive. Çdo kontribut, sado i vogël, ka vlerë të madhe për dikë që ka nevojë për ndihmë.
Së bashku, me zemër dhe solidaritet, për një shoqëri më humane!
