02/06/2026
Ndoshta nuk është vetëm ndjenjë.
Një studim i kryer nga Music and Movement is Medicine, i udhëhequr nga Emma Marshall bashkë me Prof. Paul Dolan nga London School of Economics, ka analizuar se si trupi reagon ndaj muzikës elektronike dhe lëvizjes.
Studimi u mbajt në Drumsheds, Londër, me 60 pjesëmarrës në dy sesione njëorëshe. Ata kaluan nga dëgjimi i qetë dhe ushtrimet e frymëmarrjes, te lëvizjet ulur, ecja ritmike dhe në fund vallëzimi i lirë.
Gjatë gjithë procesit, studiuesit matën rrahjet e zemrës dhe variabilitetin e tyre për të parë si reagon sistemi nervor.
Rezultatet treguan 18.5% rritje të variabilitetit të rrahjeve të zemrës gjatë fazave më të qeta, që lidhet me uljen e stresit dhe kalimin e trupit në gjendje më të qetë.
Ndërsa gjatë vallëzimit të lirë, pjesëmarrësit arritën rreth 75% të rrahjeve personale të zemrës, që e vendos aktivitetin në nivel të ushtrimit të fuqishëm fizik.
Të dhënat e vetë pjesëmarrësve treguan edhe rënie të ankthit, rritje të gëzimit dhe më shumë ndjenjë lidhjeje me njerëzit përreth.
Pra, ndoshta ‘dancefloor’ ka më shumë vlerë sesa mendojmë.
