Organizata e Veteranëve të Luftës së UÇK-së

Organizata e Veteranëve të Luftës së UÇK-së Faqja zyrtare e Organizatës së Veteranëve të Luftës së UÇK-së

Organizata e Veteranëve të Luftës së UÇK-së mbështet propozimin e ish-komandantit të UÇK-së dhe ish-kryeministrit Ramush...
22/08/2026

Organizata e Veteranëve të Luftës së UÇK-së mbështet propozimin e ish-komandantit të UÇK-së dhe ish-kryeministrit Ramush Haradinaj, që Hashim Thaçi të rimarrë mandatin nga Kuvendi i Kosovës dhe të zgjidhet President me t’u kthyer në Kosovë.

Propozimi mbart peshë kombëtare dhe institucionale dhe i shërben frymës unifikuese në vend. Roli i Hashim Thaçit në shërbim të luftës çlirimtare dhe më pas përgjegjësitë institucionale nëpër të gjitha proceset shtetformuese dhe shtetndërtuese janë garanci dhe siguri për ecjen përpara të Kosovës në krah me aleatët tanë strategjikë.

Kthimi i tij duhet pritur me dinjitet institucional dhe me zgjidhje të ligjshme, që nuk lejon që vakuumi i tanishëm institucional dhe rrethanat degraduese ta mbajnë Kosovën peng dhe ta shpien në drejtim të gabuar.

Institucionet relevante dhe forcat politike të Kosovës duhet ta shqyrtojnë seriozisht këtë propozim, përtej ndasive partiake. Sot Kosova ka nevojë më shumë se kurrë që të mbizotërojë interesi kombëtar, dinjiteti dhe siguria e shtetit, duke mos anashkaluar asnjëherë nderimin dhe respektin për ata që luftuan, sakrifikuan dhe fituan lirinë dhe shtetësinë e Kosovës.

20/08/2026

Gushti i lirisë u shkrua me gjakun e trimave që s'u gjunjëzuan kurrë. Në luftën për liri , bijtë e bijat më të devotshëm të këtij dheu dhanë jetën në altarin e atdheut, duke u bërë dritë e përjetshme mbi rrugën tonë. Sakrifica e tyre nuk harrohet, ajo është guri i qëndresës dhe vetë fryma e lirisë që fryn sot mbi Kosovë.

Dëshmorët e rënë në muajin gusht gjatë luftës sonë çlirimtare: Faik Mjeku, Fatmir Hoti, Qamil Hoti, Sadik Hoti, Bajram Zymberi, Idriz Gucati, Ilir Xhemajli, Isuf Ahmeti, Jeton Hoxha, Kapllan Ahmeti, Muharrem Xhemajli, Musa Ahmeti, Rexhep Kadrijaj, Smajl Hyseni, Adem Jasiqi, Afrim Gashi, Agim Zekaj, Aze Brahimaj, Beqir Mehmetaj, Hilmi Shala, Idriz Gucati, Isë Balaj, Milazim Zekaj, Mustafë Geci, Naim Gjukaj, Naim Bajraktari, Ramush Shala, Ruzhdi Haxhaj, Ruzhdi Haxhiaj, Sami Geci, Zenel Mëziu, Avni Zhabota, Ismail Bytyqi, Rexhep Morina, Zejnije Krasniqi, Bashkim Leku, Jeton Tersana, Jeton Tërstena, Kolë Lleshi, Mark Lleshi, Abedin Vojvoda, Asllan Rexhepaj, Bashkim Emini, Dinë Aliaj, Muhamet Zenunaj, Sokol Zenuni, Sokol Mustafaj, Sylejman Bajramaj, Agim Bajrami, Arben Hajdaraj, Bedri Shala, Bekim Berisha, Besnik Begunca, Jusuf Kelmendi, Përmet Vula, Xheladin Kurtaj, Agron Thaqi, Arton Hasanaj, Azem Ukaj, Elton Zherka, Enver Halilaj, Gezim Dervishaj, Haki Sejfijaj, Halil Sejfijaj, Hasan Osmani, Maxhun çekaj, Naim Nimanaj, Naser Idrizaj, Nexhat Humaj, Orhan Halilaj, Bajram Hoxha, Halil Berisha, Arben Ahmetaj, Malë Zejnaj, Besart Kadrija, Shkëlzen Berisha, Adem Berisha, Ahmet Krasniqi, Ahmet Shala, Remzi Ademaj, Sadri Zeqiraj, Skender çeku, Valon Shala, Agim Metaj, Muharrem Isufi, Nazmi Gashi, Shaban Demnika, Bastri Beqiri, Cenë Dugolli, Fadil Balaj, Sabit Lushaj, Zenel Curraj, Avni Sinanaj, Basri Beqiri, Din Temaj, Hazir Selimaj, Sabit Lushaj, Bekim Bekteshi, Hazir Selimaj, Njazi Ferizaj, Shaqë Ferizaj, Avni Saraqi, Hajdar Pepaj, Abedin Sumaj, Bahri Gollopeni, Bislim Zekolli, Ganimete Xhylani, Adem Morina, Afrim Buqaj, Agron Gjocaj, Gani Kastrati, Gani Murseli, Hajriz Morina, Mehmet Bytyqi, Mehmet Lumi, Milaim Gjocaj, Mustafë Lajçi, Nuhi Mazreku, Safet Kicaj, Xhemail Rexha, Astrit Rrushi, Besmir Brati, Fatmir Nika, Habib Zogaj, Ismet Jashari, Naim Qema, Ramiz Ukzmajli, Sabri Morina, Shaban Gashi, Zenun Mataj, Besim Krasniqi, Besmir Brati, Hamzi Bytyqi, Naim Berisha, Naim Qema, Esat Berlajolli, Ismet Rrahmani, Zenel Morina, Besnik Krasniqi, Bilall Shala, Hamz Bytyqi, Nexhmedin Elshani, Abedin Salihaj, Arben Salihaj, Bilall Shala, Hysen Salihaj, Hysni Salihaj, Isa Salihaj, Milaim Salihaj, Nazmi Gashi, Shaban Salihaj, Mehmet Rrustemaj dhe Rexhep Musa.

Organizata e Veteranëve të Luftës së UÇK-së i kujton me krenari dhe përulësi të gjithë dëshmorët e kombit. Sakrifica e tyre është amanet i shenjtë dhe emrat e tyre nuk do të harrohen kurrë.

12/08/2026

Organizata e Veteranëve të Luftës së UÇK-së dënon pa rezervë gjuhën e urrejtjes dhe kërcënimet e drejtpërdrejta ndaj Ramush Haradinajt, Komandantit të Zonës Operative të Dukagjinit. Thirrjet publike për dhunë janë akte kriminale. Ato godasin sigurinë publike, rendin kushtetues dhe vetë vlerat mbi të cilat u ngritën liria dhe shtetësia e Kosovës.

Përgëzojmë Policinë dhe Prokurorinë e Kosovës për punën e shpejtë në identifikimin dhe arrestimin e të dyshuarit. Ky veprim tani kërkon një proces ligjor po aq të rreptë, pa asnjë hapësirë për kompromis.
Çdo kërcënim i tillë duhet të përballet me gjithë forcën e ligjit.

Ngurrimi në këtë rast do të krijonte një precedent të rrezikshëm, duke trimëruar ata që duan të minojnë stabilitetin e Kosovës. Ky shtet ngrihet mbi sakrificën e atyre që e fituan lirinë, dhe kërcënimet ndaj tyre nuk do të tolerohen. Drejtësia duhet të veprojë me vendosmëri, t’i vërë shkelësit para përgjegjësisë dhe të shqiptojë dënimin që kërkon ligji.

08/08/2026

z. Zelenski, deklarata juaj anti-Kosovë në Beograd, shpërfaq profesionin tënd para se të bëheshe president!

Për informacionin tuaj, lexo në vijim ngjarjet që demantojnë deklaratën tuaj, e që janë mbështetur nga të gjitha shtetet që po mbështesin përpjekjet tuaja për t'i dhënë fund pushtimit rus:

1) Pas luftës së zhvilluar në vitet 1998–1999 dhe rezistencës së popullit të Kosovës, vendi u çlirua nga sundimi dhe regjimi opresiv i Serbisë.
2) Bota demokratike, e udhëhequr nga Shtetet e Bashkuara të Amerikës dhe partnerët e NATO-s, ndërhyri ushtarakisht në pranverën e vitit 1999 për të ndalur spastrimin etnik dhe gjenocidin e ndërmarrë nga forcat serbe.
3) Më 17 shkurt 2008, Kosova shpalli zyrtarisht pavarësinë e saj. Deri më sot, pavarësia e Republikës së Kosovës është njohur nga 121 shtete anëtare të OKB-së.
4) Legjitimiteti i pavarësisë u konfirmua nga organet më të larta të drejtësisë globale. Më 22 korrik 2010, Gjykata Ndërkombëtare e Drejtësisë (GJND) në Hagë dha mendimin këshillimor ku konstatoi se Deklarata e Pavarësisë së Kosovës nuk ka shkelur të drejtën e përgjithshme ndërkombëtare, Rezolutën 1244, e as Kornizën Kushtetuese.

06/08/2026

Shprehim kundërshtimin tonë të plotë ndaj çdo përpjekjeje për ta mbajtur Kosovën peng të llogarive partiake të Albin Kurtit. Pas zgjedhjeve, Kuvendi ende nuk funksionon dot, ndërsa vendi mbetet pa qeveri me mandat të plotë. Kjo nuk është strategji. Është sulm ndaj rendit institucional dhe ndaj vetë sigurisë së shtetit.

Përgjegjësinë kryesore e mban Albin Kurti. Refuzimi i tij për ta vënë interesin kombëtar mbi pushtetin partiak e thellon paqëndrueshmërinë dhe dëmton lidhjet me aleatët tanë strategjikë, mbi të gjitha me Shtetet e Bashkuara të Amerikës. Veteranët tashmë mbajnë mbi supe barra të rënda administrative dhe ligjore; ndërkohë Kosovës i duhen institucione që funksionojnë sa më parë.

Kosova nuk është pronë e asnjë udhëheqësi.
As e ndonjë partie.

OVL UÇK i bën thirrje Albin Kurtit dhe subjektit të tij që të ndërpresin lojërat me fatin e vendit, t’i hapin rrugë krijimit të institucioneve dhe të mos e mbajnë Kosovën peng të agjendave personale. Kosova nuk ka kohë për të humbur e as luks për të pësuar dëme të mëtejshme diplomatike e ekonomike.

Përfaqësuesit e Institutit të Kosovës për Drejtësi (IKD) u pritën sot nga udhëheqësit e Organizatës së Veteranëve të Luf...
05/08/2026

Përfaqësuesit e Institutit të Kosovës për Drejtësi (IKD) u pritën sot nga udhëheqësit e Organizatës së Veteranëve të Luftës së UÇK-së.

Në takim u diskutua ofrimi i ndihmës juridike falas nga IKD-ja dhe u shpreh shqetësimi për moszbatimin e aktgjykimeve të formës së prerë për pensionet e dyfishta nga Ministria përkatëse. Përsëritja e procedurave administrative me arsyetime të hedhura poshtë nga gjykatat cenon sigurinë juridike dhe parimin res judicata, ndaj kjo praktikë duhet të ndërpritet menjëherë.

IKD-ja prezantoi nismën legjislative qytetare për ndryshimin e Kodit Penal, e cila synon përcaktimin e përgjegjësisë penale për moszbatimin e qëllimshëm të vendimeve të Gjykatës Kushtetuese dhe për përdorimin e fondeve publike për përfitime elektorale.

Udhëheqësit e OVL të UÇK-së konfirmuan mbështetjen e plotë për këtë iniciativë në shërbim të sundimit të ligjit e qeverisjes së mirë.
Gjithashtu, palët nënvizuan nevojën e miratimit të Ligjit për Mbrojtjen dhe Ruajtjen e Vlerave të Luftës. Nderimi i Luftës Çlirimtare dhe i luftëtarëve u vlerësua si detyrim themelor shtetëror dhe jo si preferencë administrative.

Në historinë e luftës sonë çlirimtare, vend të veçantë zënë edhe nënat që me guxim, përkushtim dhe dashuri për Atdheun u...
03/08/2026

Në historinë e luftës sonë çlirimtare, vend të veçantë zënë edhe nënat që me guxim, përkushtim dhe dashuri për Atdheun u bënë pjesë e rrugës drejt lirisë.

Me respekt të thellë përkujtojmë Nënën Aze Brahimaj dhe nderojmë sakrificën e saj heroike, si dhe atë të nënës së saj Zize Syla.
Kujtimi dhe vepra e tyre do të mbeten përherë pjesë e historisë sonë kombëtare.

02/08/2026

Reagim

Nderimi i njësive ushtarake serbe, ndërsa vazhdohet të mbahen të mbyllura arkivat shtetërore të Serbisë dhe të fshihen provat për krimet e luftës, nuk është përkujtim.
Është institucionalizim i mohimit dhe mbrojtje e pandëshkueshmërisë.
Të vërtetën nuk e varrosin dot as medaljet, as nderimet shtetërore, e as rrëfimet e rishkruara. Hapja e arkivave ushtarake e policore të Beogradit dhe zbardhja e fatit të të zhdukurve mbetet detyrim i domosdoshëm. Heshtja përballë glorifikimit vetëm sa ushqen mohimin.
Kosova do të vazhdojë të kërkojë të vërtetën dhe llogaridhënien, pa kompromis.

31/07/2026

Organizata e Veteranëve të Luftës së UÇK-së hedh poshtë çdo përpjekje për hapjen e proceseve të Hagës kundër Ushtrisë Çlirimtare Kombëtare. Këto janë manovra të revizionizmit politik, që synojnë ta shpallin kriminale një luftë të drejtë çlirimtare dhe të minojnë themelet e Marrëveshjes së Ohrit.

Luftëtarët shqiptarë paguan çmimin që siguroi dinjitet, barazi dhe stabilitet. Plagët e vjetra nuk duhet të ngacmohen me qëllimin për të goditur vlerat e luftës apo për të destabilizuar rajonin.

Qarqet shoviniste të Maqedonisë së Veriut nuk duhet të tentojnë shtrembërimin e historisë për hesapet e tyre politike.

Sot zhvilluam një takim pune me zyrtarë të Ambasadës së SHBA-së në Kosovë, ku diskutuam për temat dhe preokupimet kryeso...
31/07/2026

Sot zhvilluam një takim pune me zyrtarë të Ambasadës së SHBA-së në Kosovë, ku diskutuam për temat dhe preokupimet kryesore të veteranëve tanë. Në këtë takim theksuam rëndësinë e jashtëzakonshme që ka miqësia e përhershme dhe partneriteti ynë me partnerin tonë më të madh e të pazëvendësueshëm, Shtetet e Bashkuara të Amerikës.

Address

Rruga UÇK
Pristina
10000

Opening Hours

Monday 09:00 - 17:00
Tuesday 09:00 - 17:00
Wednesday 09:00 - 17:00
Thursday 09:00 - 17:00
Friday 09:00 - 17:00

Telephone

+38349999920

Website

Alerts

Be the first to know and let us send you an email when Organizata e Veteranëve të Luftës së UÇK-së posts news and promotions. Your email address will not be used for any other purpose, and you can unsubscribe at any time.

Shortcuts

Share

Category