Oda e Infermierëve të Kosovës

20/08/2026

Ju keni fuqinë ta ndaloni fruthin.
Vaksinoni fëmijët për jetë më të shëndetëshme.

17/08/2026

Njoftim për provimin Profesional të Rilicencimit 31.08.2026

Të nderuar kandidatë që do t’iu nënshtroheni provimit profesional të rilicencimit.
Iu njoftojmë se provimi për të gjitha profilet do të mbahet me datë 31.08.2026, me fillim nga ora 10:00.
Aplikimi për këtë afat do të jetë i hapur deri me datë 26.08.2026 ora 16:00.

Aplikimi për Provimin Profesional të ri licencimit bëhet përmes platformës online (Për informata KLIKO KËTU https://oik-ks.org/licencimi/rilicencimi/)
Pas aplikimit me sukses dhe pas konfirmimit të pagesës, aplikimi fillimisht do të jetë në pritje për vlerësimin e pikëve të poseduara, dhe pas vlerësimit do të njoftoheni përmes e-mail për numrin e pikëve dhe do të pranoni faturën për provim.

Nga momenti i konfirmimit të pagesës për Provimin Profesional do të jeni në listë për të ju nënshtruar provimit.
Ju inkurajojmë të lexoni Rregulloren për Licencimin dhe Rilicencimin e Profesionistëve Shëndetësorë, posaçërisht nenin 9, i cili rregullon procedurën e Provimit Profesional.

Pyetjet e provimit mund ti gjeni këtu: https://bit.ly/403CMwb

Provimi do të mbahet në ambientet e OIK-ut.

Gjatë paraqitjes në provim duhet të keni me vete Dokumentin e Identifikimit(Leternjoftim/Pasaport) apo kartelën e anëtarësisë.

Me respekt,
OIK

https://oik-ks.org/njoftim-per-provimin-profesional-te-rilicencimit-31-08-2026/

01/08/2026

Reagim

Oda e Infermierëve, Mamive dhe Profesionistëve të tjerë Shëndetësorë dënon fuqishëm sulmin fizik ndaj infermieres së Qendrës Kryesore të Mjekësisë Familjare në Viti, e cila është sulmuar gjatë kryerjes së detyrës së saj.

Dhuna ndaj profesionistëve shëndetësorë është e papranueshme dhe cenon dinjitetin e profesionit, sigurinë në vendin e punës dhe funksionimin e sistemit shëndetësor. Asnjë rrethanë nuk mund të arsyetojë dhunën, kërcënimin apo presionin ndaj atyre që çdo ditë shërbejnë për shëndetin e qytetarëve.

Kryetarja e OIK-ut, znj. Nexhmije Gori, shpreh mbështetjen e plotë për infermieren e lënduar dhe kërkon nga organet kompetente që rasti të trajtohet me seriozitet, të zbardhet dhe autorët të vihen para përgjegjësisë.

OIK-u u bën thirrje qytetarëve të respektojnë profesionistët shëndetësorë dhe të kontribuojnë në krijimin e një ambienti të sigurt për ofrimin e shërbimeve shëndetësore.

24/07/2026

OIK mirëpret mbështetjen për mjekët dhe kërkon vlerësim të gjithë stafit shëndetësor

Prishtinë, 24 korrik -
Oda e Infermierëve, Mamive dhe Profesionistëve të tjerë Shëndetësorë e mirëpret vazhdimin e mbështetjes financiare për mjekët e sektorit publik dhe e vlerëson çdo masë që synon përmirësimin e pozitës së profesionistëve shëndetësorë.

Megjithatë, Oda rikujton se ka kërkuar edhe më herët që në kuadër të vendimmarrjes institucionale të shqyrtohet përfshirja edhe e infermierëve, mamive dhe profesionistëve të tjerë shëndetësorë.

Ndonëse Oda nuk është organizatë sindikale dhe nuk negocion për të drejtat financiare të punonjësve, ajo ka obligim ligjor dhe profesional të përfaqësojë interesat e anëtarëve të saj dhe të promovojë trajtim të barabartë për të gjitha profesionet shëndetësore.

Oda mbetet e gatshme të bashkëpunojë me institucionet përgjegjëse dhe me të gjithë akterët relevantë në funksion të gjetjes së zgjidhjeve që mbështesin dhe motivojnë të gjithë profesionistët shëndetësorë.

22/07/2026

Njoftim për provimin Profesional të Rilicencimit 30.07.2026

Të nderuar kandidatë që do t’iu nënshtroheni provimit profesional të rilicencimit.
Iu njoftojmë se provimi për të gjitha profilet do të mbahet me datë 30.07.2026, me fillim nga ora 10:00.
Aplikimi për këtë afat do të jetë i hapur deri me datë 27.07.2026 ora 16:00.

Aplikimi për Provimin Profesional të ri licencimit bëhet përmes platformës online (Për informata KLIKO KËTU https://oik-ks.org/licencimi/rilicencimi/)
Pas aplikimit me sukses dhe pas konfirmimit të pagesës, aplikimi fillimisht do të jetë në pritje për vlerësimin e pikëve të poseduara, dhe pas vlerësimit do të njoftoheni përmes e-mail për numrin e pikëve dhe do të pranoni faturën për provim.

Nga momenti i konfirmimit të pagesës për Provimin Profesional do të jeni në listë për të ju nënshtruar provimit.
Ju inkurajojmë të lexoni Rregulloren për Licencimin dhe Rilicencimin e Profesionistëve Shëndetësorë, posaçërisht nenin 9, i cili rregullon procedurën e Provimit Profesional.

Pyetjet e provimit mund ti gjeni këtu: https://bit.ly/403CMwb

Provimi do të mbahet në ambientet e OIK-ut.

Gjatë paraqitjes në provim duhet të keni me vete Dokumentin e Identifikimit(Leternjoftim/Pasaport) apo kartelën e anëtarësisë.

Me respekt,
OIK
https://oik-ks.org/njoftim-per-provimin-profesional-te-rilicencimit-30-07-2026/

17/07/2026

THIRRJE PËR BOTIM NË REVISTËN "SHËNDETI DHE KUJDESI INFERMIEROR"
Numri i shtatë

Oda e Infermierëve, Mamive dhe Profesionistëve të tjerë Shëndetësorë të Kosovës (OIK) fton të gjithë anëtarët e saj, profesionistët shëndetësorë, studiuesit dhe bashkëpunëtorët akademikë të kontribuojnë me punimet e tyre për botim në numrin e shtatë të revistës "Shëndeti dhe Kujdesi Infermieror".

Revista ka karakter shkencor dhe informativ dhe synon të promovojë zhvillimin profesional, shkëmbimin e përvojave, hulumtimin shkencor dhe avancimin e praktikës infermierore dhe të profesioneve të tjera shëndetësore.

📝 Pranohen artikuj shkencorë dhe artikuj informativë.

Botimi i artikujve është pa pagesë, ndërsa punimet e pranuara do të vlerësohen në përputhje me Rregulloren për Vlerësimin e Pikëve Kredituese të OIK-ut.

📧 Punimet dërgohen në: [email protected]

📅 Afati i fundit për dorëzim: 20 tetor 2026.

Redaksia rezervon të drejtën e vlerësimit dhe redaktimit gjuhësor e teknik të punimeve, në përputhje me standardet shkencore, profesionale dhe etike të revistës.

Ju ftojmë të ndani përvojën, njohuritë dhe punën tuaj kërkimore, duke kontribuar në pasurimin e literaturës profesionale dhe në zhvillimin e vazhdueshëm të profesioneve shëndetësore në Kosovë.

Mirëpresim kontributin tuaj!

14/07/2026

OIK dhe APR nënshkruajnë Memorandum Mirëkuptimi për zbritje ekskluzive për anëtarët e OIK-ut

Oda e Infermierëve, Mamive dhe Profesionistëve të tjerë Shëndetësorë të Kosovës (OIK) ka nënshkruar Memorandum Mirëkuptimi me APR SH.P.K. – Asistencë e Përgjithshme Rrugore, me qëllim që anëtarëve aktivë të OIK-ut t'u ofrojë përfitime ekskluzive në shërbimet e asistencës rrugore në Kosovë, Rajon dhe Evropë.

Në kuadër të këtij bashkëpunimi, anëtarët e OIK-ut mund të përfitojnë këto paketa me çmime preferenciale:

🚘 APR Plus – 29.90 €/vit (çmimi i rregullt 39.90 €)
🚘 APR Family – 43.00 €/vit (çmimi i rregullt 55.00 €)
🌍 APR Travel – 56.90 €/vit (çmimi i rregullt 69.90 €)
🌍 APR Europe – 74.90 €/vit (çmimi i rregullt 89.90 €)

Përfitimi vlen edhe për një (1) automjet të regjistruar në emër të një anëtari të familjes së ngushtë të anëtarit të OIK-ut, sipas kushteve të Memorandumit të Mirëkuptimit. Anëtarët kanë gjithashtu mundësi të abonojnë të gjitha automjetet e regjistruara në emrin e tyre.

Ky partneritet është pjesë e angazhimit të vazhdueshëm të OIK-ut për të zgjeruar benefitet e anëtarësisë dhe për të krijuar mundësi që kontribuojnë në mirëqenien, sigurinë dhe mbështetjen e profesionistëve shëndetësorë, të cilët çdo ditë kujdesen për shëndetin dhe jetën e qytetarëve.

📌 Për të përfituar çmimet preferenciale, anëtarët duhet të paraqesin kartelën valide të anëtarësisë së OIK-ut në momentin e abonimit në APR.

📞 Për informata shtesë rreth përmbajtjes së paketave dhe procedurës së abonimit, kontaktoni APR.

07/07/2026

📘 MANUAL PËR APLIKIMIN DHE ZHVILLIMIN E PRAKTIKËS PROFESIONALE

Të nderuar kandidatë,

Për të filluar procedurën e praktikës profesionale, fillimisht duhet të hyni në Platformën e Praktikës Profesionale në adresën:

🌐 https://praktika.oik-ks.org

Ky proces i praktikës profesionale vlen vetëm për kandidatët që kanë përfunduar shkollimin e mesëm apo të lartë në profilet e përfaqësuara nga OIK dhe që aplikojnë për kryerjen e praktikës profesionale me qëllim të pajisjes me licencë pune për herë të parë.

Në platformë duhet të plotësoni formularin elektronik të aplikimit duke vendosur të dhënat e kërkuara dhe duke ngarkuar dokumentet përkatëse. Pas përfundimit të aplikimit, klikoni "Dërgo Aplikimin", me ç'rast aplikimi juaj regjistrohet në sistem dhe përcillet automatikisht për shqyrtim në administratën e Odës së Infermierëve, Mamive dhe Profesionistëve të tjerë Shëndetësor të Kosovës (OIK).

Pas regjistrimit të suksesshëm, në adresën tuaj elektronike do të pranoni konfirmimin e aplikimit, formularin e aplikimit në format PDF, si dhe të dhënat për qasje në profilin tuaj në platformë. Përmes këtij profili do të mund të ndiqni statusin e aplikimit në çdo fazë të shqyrtimit.

Nëse gjatë verifikimit të dokumentacionit administrata e OIK-ut konstaton se nevojitet plotësim ose korrigjim i të dhënave, do të njoftoheni përmes emailit dhe në profilin tuaj do të shfaqet komenti me udhëzimet përkatëse. Pas përditësimit të të dhënave ose dokumenteve të kërkuara, aplikimi do të rikthehet automatikisht për rishqyrtim.

Pas aprovimit të aplikimit, do të pranoni njoftim përmes emailit, ndërsa në profilin tuaj do të jenë të disponueshme për shkarkim Libreza e Praktikës Profesionale dhe Planprogrami i Praktikës Profesionale sipas profilit përkatës. Libreza përmban numrin unik të praktikës, të dhënat e kandidatit dhe QR Code për verifikimin e autenticitetit të saj.

Libreza duhet të shkarkohet dhe të printohet në format A4, me cilësi të lartë, në mënyrë që të gjitha të dhënat dhe QR Code të jenë qartë të lexueshme. Më pas, kandidati duhet të paraqitet në institucionin shëndetësor ku do të zhvillojë praktikën profesionale, së bashku me librezën dhe planprogramin përkatës. Gjatë zhvillimit të praktikës, mbikëqyrësi dhe institucioni shëndetësor do të evidentojnë në librezë periudhat e praktikës, nënshkrimet dhe vulat, në përputhje me planprogramin e profilit.

Libreza e Praktikës Profesionale është dokument zyrtar dhe përgjegjësia për ruajtjen e saj i takon kandidatit. Ajo duhet të ruhet fizikisht në gjendje optimale gjatë gjithë periudhës së praktikës profesionale dhe të paraqitet sa herë që kërkohet nga institucioni shëndetësor ose nga OIK.

Për çdo pyetje ose paqartësi lidhur me aplikimin, statusin e praktikës, planprogramet apo procedurat e zhvillimit të praktikës profesionale, mund të na kontaktoni në:

📧 [email protected]
🌐 https://praktika.oik-ks.org

07/07/2026

Është publikuar numri 6 i revistës në versionin e shtypur.

Ju ftojmë, të njejtën ta shfletoni dhe të njiheni me temat rreth reformave të OIK dhe aktivitetet më të fundit të Odës së infermierëve, mamive dhe profesionistëve tjerë shëndetësor.

https://oik-ks.org/wp-content/uploads/2026/07/Revista-Oda-e-infermiereve-te-Kosoves-V6.pdf

https://oik-ks.org/publikime/revista/

29/06/2026

Kryetarja e Odës së infermierëve, mamive dhe profesionistëve tjerë shëndetësor, Nexhmije Gori, ishte e ftuar në programin e mëngjesit të RTK-së, ku prezantoi reformat e reja të ndërmarra nga Oda në funksion të mbështetjes së anëtarëve.

Video zyrtare nga Radio Televizioni i Kosovës (RTK).Ndiqni RTK pë...