Oda e Infermierëve të Kosovës

05/10/2026

APLIKIMI PËR PROVIMIN PROFESIONAL TË RILICENCIMIT – AFATI TETOR 2026

Oda e Infermierëve, Mamive dhe Profesionistëve të tjerë Shëndetësorë të Kosovës njofton anëtarët se aplikimi për Provimin Profesional të Rilicencimit, për afatin e muajit tetor 2026, është i hapur deri më 23.10.2026, në ora 16:00.

Aplikimi bëhet online përmes profilit tuaj në platformën e OIK-ut. Pas kyçjes në profil, në menynë Licencat duhet të zgjidhni opsionin “Apliko për Provimin e Rilicencimit”.

Pas aplikimit dhe konfirmimit të pagesës, kërkesa do të kalojë në procesin e vlerësimit të pikëve të poseduara. Pas përfundimit të këtij procesi, do të njoftoheni përmes e-mailit për numrin e pikëve dhe do të pranoni faturën për provim.

Provimi mbahet në javën e fundit të muajit në ambientet e OIK-ut, ndërsa për datën dhe orën e saktë kandidatët do të njoftohen me kohë.

Për informata më të hollësishme, vizitoni webfaqen e OIK-ut, menynë Licencimi dhe nënmenynë Rilicencimi.

Ju rekomandojmë gjithashtu të lexoni Rregulloren për Licencimin dhe Rilicencimin e Profesionistëve Shëndetësorë, veçanërisht nenin 9, ku përcaktohet procedura e Provimit Profesional.

Gjatë paraqitjes në provim, duhet të keni me vete dokumentin e identifikimit, letërnjoftimin ose pasaportën, apo kartelën e anëtarësisë.

01/10/2026

Hapet aplikimi për EVP – Sesioni Vjeshtor 2026

Oda e Infermierëve, Mamive dhe Profesionistëve të tjerë Shëndetësorë të Kosovës (OIK) njofton të gjithë anëtarët se është hapur aplikimi për pjesëmarrje në EVP – Sesioni Vjeshtor 2026.

Aplikimi do të jetë i hapur në periudhën:
01 tetor 2026 – 18 tetor 2026

Aplikimi bëhet përmes profilit tuaj në platformën online të OIK-ut, në menynë “Trajnime”, duke klikuar butonin “Apliko”.

Gjatë aplikimit, secili aplikues duhet:
- të zgjedhë formën e pjesëmarrjes: fizike ose online;
- të zgjedhë regjionin në të cilin aplikon;
- të përfundojë aplikimin sipas hapave të paraqitur në platformë.

Për aplikuesit që përzgjedhin pjesëmarrjen fizike, pas aplikimit do të gjenerohet dhe dërgohet kodi QR për identifikim.

Për aplikuesit që përzgjedhin pjesëmarrjen online, informatat për qasje do të dërgohen me kohë.

Ju njoftojmë gjithashtu se për detaje tjera rreth mbajtjes dhe organizimit të aktivitetit do të informoheni me kohë.

Ky aktivitet është në proces të akreditimit nga KEVP.

Për aplikim, ju lutem qasuni në profilin tuaj në platformën online të OIK-ut.

Me respekt,
Oda e Infermierëve, Mamive dhe Profesionistëve të tjerë Shëndetësorë të Kosovës

29/09/2026

Paraqitja e kryetares së OIK, Nexhmije Gori në emisionin e pasditës në RTK.

Video zyrtare nga Radio Televizioni i Kosovës (RTK).Pasdite - Nex...

29/09/2026

NJOFTIM PËR APLIKIM PËR TRAJNIMIN PËR MBIKËQYRJE PROFESIONALE

Oda e Infermierëve, Mamive dhe Profesionistëve të tjerë Shëndetësorë të Kosovës (OIK) njofton të gjithë anëtarët e interesuar se, në zbatim të Rregullores për Mbikëqyrjen Profesionale dhe në bazë të Vendimit të Këshillit Drejtues të OIK-ut, Nr. Prot. 454, datë 28.08.2026, është hapur procedura për përzgjedhjen e kandidatëve për vijimin e Trajnimit për Mbikëqyrje Profesionale.

Trajnimi synon përgatitjen dhe certifikimin e profesionistëve shëndetësorë të cilët do të angazhohen në ushtrimin e mbikëqyrjes profesionale në kuadër të kompetencave të OIK-ut.

I. KRITERET PËR APLIKIM
Në pajtim me nenin 6 të Rregullores për Mbikëqyrjen Profesionale, kandidatët duhet t’i plotësojnë këto kushte:
1. Të kenë të përfunduar së paku nivelin Bachelor në infermieri, mami ose profesion tjetër shëndetësor dhe të jenë anëtarë të OIK-ut;
2. Të posedojnë licencë valide të lëshuar nga OIK-u;
3. Të kenë së paku 7 (shtatë) vjet përvojë pune në fushën përkatëse;
4. Të mos kenë shkelje të Kodit të Etikës dhe të mos jenë të dënuar me vendim të plotfuqishëm për vepra që lidhen me ushtrimin e profesionit;
5. Të mos jenë të dënuar me vendim të plotfuqishëm të gjykatës për vepra penale.

II. DOKUMENTET E NEVOJSHME PËR APLIKIM
Për të dëshmuar plotësimin e kritereve të mësipërme, kandidatët duhet të dorëzojnë:
1. Kopjen e diplomës së nivelit Bachelor ose të një niveli më të lartë të kualifikimit profesional;
2. Kopjen e licencës valide të lëshuar nga OIK-u;
3. Dëshmi për së paku 7 (shtatë) vjet përvojë pune në fushën përkatëse, të lëshuar nga punëdhënësi/punëdhënësit;
4. CV profesionale, me të dhëna mbi shkollimin, përvojën profesionale dhe angazhimin aktual;
5. Dëshmi nga gjykata kompetente se kandidati nuk është i dënuar me vendim të formës së prerë për vepra penale.
6. Kopjen e dokumentit valid të identifikimit të Republikës së Kosovës (letërnjoftim ose pasaportë)
Statusi i anëtarësisë, validiteti i licencës dhe eventuale shkelje të Kodit të Etikës do të verifikohen nga OIK-u përmes evidencave zyrtare të institucionit.

III. MËNYRA E APLIKIMIT
Dokumentacioni i plotë për aplikim mund të dorëzohet:
 në mënyrë elektronike, në adresën: [email protected]; ose
 fizikisht, drejtpërdrejt në Zyrën Ligjore të OIK-ut.
Në subjektin e emailit duhet të shënohet: “Aplikim për Trajnimin për Mbikëqyrje Profesionale – Emri dhe Mbiemri”
Aplikimet e dorëzuara pas afatit të përcaktuar nuk do të merren në shqyrtim.

IV. NUMRI DHE PËRZGJEDHJA E KANDIDATËVE
Në kuadër të këtij programi do të përzgjidhen gjithsej 30 kandidatë.
Përzgjedhja e kandidatëve do të bëhet në bazë të kualifikimit profesional dhe plotësimit të kritereve të përcaktuara me Rregulloren për Mbikëqyrjen Profesionale. Gjatë përzgjedhjes do të merret parasysh edhe përfaqësimi profesional dhe institucional, si dhe nevojat e sektorit publik dhe privat të sistemit shëndetësor.

V. AFATI PËR APLIKIM
Aplikimi do të jetë i hapur nga 30 shtator 2026 deri më 15 tetor 2026.
Të gjithë anëtarët e OIK-ut të cilët i plotësojnë kriteret e përcaktuara në nenin 6 të Rregullores për Mbikëqyrjen Profesionale ftohen të aplikojnë brenda afatit të përcaktuar.

VI. ZHVILLIMI I TRAJNIMIT
Trajnimi për kandidatët e përzgjedhur do të mbahet nga 2 deri më 6 nëntor 2026.
Trajnimi do të zhvillohet me angazhimin e ekspertëve klinikë të deleguar nga Oda e Infermierëve e Kroacisë, të cilët do të realizojnë programin e trajnimit dhe metodologjinë e vlerësimit të kandidatëve.
Pas përfundimit me sukses të programit të trajnimit, kandidatët do të certifikohen në cilësinë e Mbikëqyrësit Profesional.

VII. FILLIMI I ZBATIMIT TË MBIKËQYRJES PROFESIONALE
Zbatimi i Mbikëqyrjes Profesionale në kuadër të OIK-ut do të fillojë nga 1 janari 2027.

OIK-u i fton të gjithë anëtarët që i plotësojnë kriteret e përcaktuara që ta shfrytëzojnë këtë mundësi dhe të aplikojnë brenda afatit të paraparë.

ODA E INFERMIERËVE, MAMIVE DHE PROFESIONISTËVE TË TJERË SHËNDETËSORË TË KOSOVËS (OIK)

https://oik-ks.org/njoftim-per-aplikim-per-trajnimin-per-mbikeqyrje-profesionale/

29/09/2026

RIKUJTIM – SHTYRJE E AFATIT PËR PROPOZIMET E EVP-së 2027

Oda e Infermierëve, Mamive dhe Profesionistëve të tjerë Shëndetësorë të Kosovës (OIK) njofton subjektet e autorizuara për organizimin e aktiviteteve të Edukimit të Vazhdueshëm Profesional (EVP) se është shtyrë afati për dërgimin e propozimeve për Planin Vjetor të Programeve të EVP-së për vitin 2027.

Afati i ri për dorëzimin e propozimeve është 15 tetor 2026.

Ftojmë subjektet që ende nuk i kanë dërguar propozimet që ta shfrytëzojnë afatin e shtyrë dhe t’i dorëzojnë ato në formë zyrtare, në Zyrën për EVP të OIK-ut ose përmes emailit në [email protected].

Propozimet do të shqyrtohen në kuadër të procesit të hartimit dhe përcaktimit të temave të EVP-së për vitin 2027.

27/09/2026

REAGIM

Oda e Infermierëve, Mamive dhe Profesionistëve të tjerë shëndetësorë shpreh shqetësimin e thellë lidhur me sulmin fizik ndaj një infermiereje të Qendrës Kryesore të Mjekësisë Familjare në Prishtinë, e cila ishte duke kryer detyrën e saj profesionale në shtëpinë e një pacienti në lagjen “Kalabria”.

OIK dënon fuqishëm çdo formë të dhunës ndaj profesionistëve shëndetësorë, veçanërisht ndaj atyre që janë në terren për t’u ofruar kujdes dhe ndihmë qytetarëve.

Profesionistët shëndetësorë duhet të jenë të mbrojtur dhe të sigurt gjatë ushtrimit të detyrës së tyre. Dhuna ndaj tyre është e papranueshme dhe cenon drejtpërdrejt ofrimin e sigurt dhe cilësor të shërbimeve shëndetësore.

OIK u bën thirrje organeve kompetente që rasti të hetohet me seriozitet dhe të ndërmerren të gjitha veprimet e nevojshme ligjore.

24/09/2026

OIK dhe QKMF-të forcojnë bashkëpunimin për kujdes shëndetësor më të qasshëm dhe cilësor

Prishtinë, 24 shtator 2026 – Oda e Infermierëve , Mamive dhe Profesionistëve tjerë shëndetësor të Kosovës (OIK) dhe Qendrat Kryesore të Mjekësisë Familjare (QKMF) nënshkruan Memorandum të Mirëkuptimit, me fasilitimin e Projektit “Kujdesi Shëndetësor i Qasshëm dhe Cilësor”.

Memorandumi synon forcimin e bashkëpunimit institucional dhe profesional ndërmjet OIK-ut dhe QKMF-ve, me fokus në avancimin e shërbimeve të kujdesit parësor shëndetësor dhe në krijimin e mundësive për zhvillim të mëtejshëm profesional të infermierëve.

Në ceremoninë e nënshkrimit, kryetarja e OIK, Nexhmije Gori, tha se ky memorandum përfaqëson më shumë sesa një dokument bashkëpunimi, duke e cilësuar atë si një hap konkret drejt një bashkëpunimi më të strukturuar në funksion të qytetarëve.

“Mjekësia familjare është pika e parë e kontaktit të qytetarëve me sistemin shëndetësor, ndërsa infermierët janë një pjesë e pandashme e këtij shërbimi”, tha Gori, duke theksuar rolin e infermierëve në komunitet, familje dhe institucionet e kujdesit shëndetësor.

Ajo vlerësoi se forcimi i rolit të infermierëve, mbështetja profesionale dhe mundësitë për zhvillim të vazhdueshëm përbëjnë investim të drejtpërdrejtë në cilësinë e shërbimeve shëndetësore.

Sipas OIK-ut, memorandumi krijon mundësi për ndërtimin e urave më të forta të bashkëpunimit me QKMF-të, shkëmbimin e përvojave profesionale dhe kontributin në zhvillimin e mëtejshëm të praktikës infermierore në kujdesin parësor.

Kryetarja e OIK-ut falënderoi fascilituesit e projektit “Kujdesi Shëndetësor i Qasshëm dhe Cilësor” për mbështetjen e këtij bashkëpunimi, duke shprehur besimin se memorandumi do të konkretizohet përmes aktiviteteve dhe rezultateve të prekshme për profesionistët shëndetësorë dhe qytetarët.

Ceremonia mblodhi përfaqësues të Ministrisë së Shëndetësisë, drejtues të institucioneve shëndetësore, drejtues të QKMF-ve, përfaqësues të projektit dhe profesionistë shëndetësorë.

24/09/2026

OIK organizon punëtori për mbikëqyrjen profesionale dhe zbatimin e Rregullores

Prishtinë, 24 shtator 2026 – Oda e Infermierëve, Mamive dhe Profesionistëve të tjerë Shëndetësorë (OIK), me mbështetjen e IHS Project, organizoi punëtorinë me temë “Mbikëqyrja profesionale dhe zbatimi i Rregullores së OIK-ut”.

Në aktivitet morën pjesë kryetarja e OIK-ut, Nexhmije Gori, drejtori i Përgjithshëm i SHSKUK-së, Elvir Azizi, kryeinspektori shëndetësor, Labinot Zeqiri, kryetar i gjykates administraticeve Kreshnik Kaçiu, përfaqësuesi i Ministrisë së Shëndetësisë, Shaban Osmanaj, përfaqësuesja e IHS-së, Fikrije Hasani, si dhe profesionistë të tjerë shëndetësorë. Në mënyrë online u kyçën edhe ekspertë nga Kroacia, të cilët ndanë përvojat e tyre profesionale në fushën e mbikëqyrjes profesionale.

Diskutimet u përqendruan në rolin e mbikëqyrësit profesional, zbatimin e Rregullores së OIK-ut dhe qartësimin e roleve, përgjegjësive dhe kompetencave të profesionistëve shëndetësorë. U theksua nevoja për përcaktim të kujdesshëm të kompetencave, në përputhje me përgjegjësitë profesionale dhe kuadrin ligjor në fuqi.

Pjesëmarrësit vlerësuan rëndësinë e bashkëpunimit ndërinstitucional ndërmjet OIK-ut, institucioneve shëndetësore, Ministrisë së Shëndetësisë dhe Inspektoratit Shëndetësor për forcimin e mbikëqyrjes profesionale dhe përmirësimin e cilësisë së shërbimeve shëndetësore.

Në përfundim, u shpreh pritja që diskutimet e punëtorisë dhe shkëmbimi i përvojave me ekspertët ndërkombëtarë të rezultojnë në një produkt konkret për avancimin e mbikëqyrjes profesionale dhe zbatimin e Rregullores së OIK-ut.

18/09/2026

Njoftim për provimin Profesional të Rilicencimit 29.09.2026

Të nderuar kandidatë që do t’iu nënshtroheni provimit profesional të rilicencimit.
Iu njoftojmë se provimi për të gjitha profilet do të mbahet me datë 29.09.2026, me fillim nga ora 10:00.
Aplikimi për këtë afat do të jetë i hapur deri me datë 25.09.2026 ora 16:00.

Aplikimi për Provimin Profesional të ri licencimit bëhet përmes platformës online (Për informata KLIKO KËTU https://oik-ks.org/licencimi/rilicencimi/)
Pas aplikimit me sukses dhe pas konfirmimit të pagesës, aplikimi fillimisht do të jetë në pritje për vlerësimin e pikëve të poseduara, dhe pas vlerësimit do të njoftoheni përmes e-mail për numrin e pikëve dhe do të pranoni faturën për provim.

Nga momenti i konfirmimit të pagesës për Provimin Profesional do të jeni në listë për të ju nënshtruar provimit.
Ju inkurajojmë të lexoni Rregulloren për Licencimin dhe Rilicencimin e Profesionistëve Shëndetësorë, posaçërisht nenin 9, i cili rregullon procedurën e Provimit Profesional.

Pyetjet e provimit mund ti gjeni këtu: https://bit.ly/403CMwb

Provimi do të mbahet në ambientet e OIK-ut.

Gjatë paraqitjes në provim duhet të keni me vete Dokumentin e Identifikimit(Leternjoftim/Pasaport) apo kartelën e anëtarësisë.

Me respekt,
OIK

https://oik-ks.org/njoftim-per-provimin-profesional-te-rilicencimit-29-09-2026/

17/09/2026

NJOFTIM PËR IDENTIFIKIMIN DHE TRAJTIMIN E CERTIFIKATAVE TË FALSIFIKUARA TË EVP-së

Oda e Infermierëve, Mamive dhe Profesionistëve të tjerë Shëndetësorë të Kosovës (OIK) njofton anëtarët dhe opinionin publik se, në kuadër të proceseve të rregullta të verifikimit të dokumentacionit të Edukimit të Vazhdueshëm Profesional (EVP), janë identifikuar raste të paraqitjes së certifikatave të dyshuara si të falsifikuara.

Personat e përfshirë në rastet e identifikuara janë intervistuar nga Prokurorja e OIK-ut dhe Këshilli Etik, ndërsa pas zhvillimit të procedurave përkatëse, deri më tani ndaj tre anëtarëve është shqiptuar masa e revokimit të licencës profesionale për periudhën prej gjashtë (6) muajsh:
• L.V.D., nr. i licencës KO-0698-06-1 – Bachelor i Mamisë;
• H.S., nr. i licencës KO-32811/A-06-20 – Bachelor i Infermierisë;
• A.B., nr. i licencës KO-33553/A-05-20 – Infermiere e Përgjithshme.

OIK-u posedon mekanizmat e nevojshëm për verifikimin e autenticitetit të certifikatave të EVP-së, përfshirë verifikimin pranë organizatorëve dhe institucioneve që i kanë lëshuar ato. Çdo dokument për të cilin paraqitet dyshim do t'i nënshtrohet verifikimit.

Në rastet kur konstatohet se një certifikatë është e falsifikuar, OIK-u do të ndërmarrë të gjitha masat dhe procedurat që janë në kompetencën e tij, përfshirë inicimin e procedurave përkatëse profesionale dhe disiplinore.

Njëkohësisht, rastet për të cilat ekzistojnë elemente që mund të përbëjnë vepër penale do t'u referohen institucioneve kompetente të Republikës së Kosovës, për trajtim të mëtejmë dhe inicimin e procedurave sipas legjislacionit në fuqi.

OIK-u u bën thirrje të gjithë anëtarëve që të mos paraqesin dokumente të falsifikuara, të ndryshuara apo dokumente që nuk dëshmojnë pjesëmarrjen reale në aktivitetet e EVP-së. Veprime të tilla cenojnë integritetin profesional dhe mund të rezultojnë në masa disiplinore, revokim të licencës profesionale, si dhe pasoja juridike pranë institucioneve kompetente.

OIK-u do të vazhdojë me verifikimin rigoroz të dokumentacionit të EVP-së, me qëllim të ruajtjes së integritetit të sistemit të licencimit dhe rilicencimit dhe mbrojtjes së standardeve profesionale.

Oda e Infermierëve, Mamive dhe Profesionistëve të tjerë Shëndetësorë të Kosovës (OIK)