Federata për Rowing e Kosovës - Rowing Kosova

06/10/2026

Dajana Mehmetaj - Jelinčić

Dajana Mehmetaj - Jelinčić është një rowiste me prejardhje shqiptare, por që jeton në Zagreb/Kroaci, e cila garon për VK Neretvanski Rowing Club, si në kategorinë seniore, ashtu edhe në kategorinë Masters për peshat e lehta.

Ajo e nisi rowingun në moshën 11–12 vjeç dhe, si juniore, garoi në regata vendase dhe ndërkombëtare.

Dajana ka marrë pjesë në Croatia Open, Kampionatin Kroat në rowing, dhe në regata të tjera kombëtare. Gjithashtu, ajo ka garuar në World Masters Regatta në Bled/Slovenia.

Ajo stërvitet nga ora 6:00 e mëngjesit, duke kombinuar seancat në ujë, punën në ergometër, çiklizmin dhe vrapimin. Duke garuar në kufirin e kategorisë së peshës së lehtë, ajo po ndërton formën për sezonet e ardhshme përmes një programi të plotë stërvitor gjatë dimrit.

Dajana po bashkëpunon me Federatën për Rowing e Kosovës në kuadër të përgatitjeve dhe zhvillimit të kanotazhit për Lojërat Mesdhetare Prishtina 2030.

06/10/2026

Genti Gjyshinca nga Vushtrria / Kosovë

Genti filloi të merrej me rowing në moshën 15-vjeçare në Walbrook Rowing Club në Londër, Angli.

Ai u zhvillua gradualisht nga garat lokale dhe rajonale deri në nivelin kombëtar si junior në Angli dhe u përzgjodh në GB Youth Rowing Academy, pjesë e sistemit të British Rowing për zhvillimin e talenteve të reja.

Në vitin 2012, duke garuar me GB Youth Rowing Academy, ai fitoi garën e katërshes në London Youth Games.

Më pas, gjatë vitit të parë të studimeve në Oxford Brookes University, një prej programeve universitare më të suksesshme të rowingut në botë, ai vazhdoi të stërvitej dhe të garonte për një periudhë të shkurtër.

Pas përfundimit të universitetit, Genti u rikthye për një vit në Walbrook Rowing Club, ku shërbeu si kapiten i ekipit të meshkujve.

Aktualisht, Genti vazhdon të stërvitet në mënyrë të pavarur, duke ndjekur një program të strukturuar që përfshin punë në ergometër dhe stërvitje force.

Ai po bashkëpunon me Federata për Rowing e Kosovës për të kontribuar në zhvillimin e këtij sporti në vend, në kuadër të përgatitjeve dhe synimeve për Lojërat Mesdhetare Prishtina 2030.

07/09/2026

✅️

05/09/2026

🇽🇰🇦🇱

😍🇽🇰

04/08/2026

🇦🇱🇽🇰

27/07/2026

Më 24–26 Korrik 2026 u mbajt dhe u përmbyll me sukses kursi për Administratorë të Sportit, i organizuar nga Akademia Olimpike e Komitetit Olimpik të Kosovës.

Në këtë trajnim morën pjesë edhe anëtarë të Federatës për Rowing e Kosovës, duke zgjeruar njohuritë e tyre në fushën e administrimit dhe menaxhimit sportiv.

Ligjërues në këtë kurs ishin: Drejtori i Departamentit të Sportit në Ministrinë e Sportit dhe Rinisë, Ibër Alaj (MEMOS XIX), anëtari i Komitetit Ekzekutiv të Komitetit Ndërkombëtar të Lojërave Mesdhetare, Stavri Bello, si dhe koordinatori për edukim në Akademinë Olimpike, Fitim Arifi.

25/07/2026

Më 25 korrik 2026, Federata për Rowing e Kosovës mori pjesë në ditën e parë të Kursit për Administratorë të Sportit, të organizuar nga Komiteti Olimpik i Kosovës.

Kursi vazhdon nesër me ditën e dytë të programit.

🇦🇱🇽🇰

18/07/2026

Video përmbledhëse e ditës në Liqenin e Ohrit, më 28 Qershor 2026.

Federata për Rowing e Kosovës
Rowing Kosova

28/06/2026

Sot, më 28 Qershor 2026, Federata për Rowing e Kosovës organizoi seminarin për licencimin e instruktorëve të rowingut, Kategoria C, në bashkëpunim me Rowing Club Gorica Remo nga Ohri dhe trajneren Aleksandra Malenko.

Shprehim mirënjohjen tonë të sinqertë për kryesinë dhe të gjithë anëtarët e Rowing Club Gorica Remo për mikpritjen, respektin dhe bashkëpunimin e shkëlqyer.

Trajnerëve të rinj u urojmë shumë suksese në rrugëtimin e tyre profesional dhe punë të mbarë në zhvillimin e sportit të rowingut.

Falënderojmë Komunën e Deçanit për mbështetjen e vazhdueshme, si dhe sponsorin tonë Ujë Juniku për kontributin dhe përkrahjen e tyre.

Së bashku për zhvillimin e rowingut në Kosovë! 🚣🇽🇰

28/06/2026

Sot, më 28 Qershor 2026 në Liqenin e Ohrit, u shkrua një faqe e re në historinë e sportit më të ri në Kosovë – Rowing.

Ekipi i parë Quad Team, i përbërë nga ,Mirland Gashi, Fatlir Kamerolli, Osman Islami dhe Dardan Kushaj në disiplinën Quad Sculls (4x), lundroi duke shënuar një moment historik për zhvillimin e këtij sporti në vendin tonë.

Ky është vetëm fillimi i një rrugëtimi që synon ta vendosë Kosovën në hartën ndërkombëtare të rowing. 🚣🇽🇰