04/09/2025
𝐒𝐡𝐞𝐤𝐮𝐣 𝐦𝐛𝐢 𝐤𝐫𝐚𝐡𝐞̈
Ekspozita e veshjeve tradicionale në Ulpiana Fest 2025
Ekspozita “Shekuj mbi krahë” solli në dritë pasurinë e trashëgimisë sonë përmes veshjeve tradicionale shqiptare, duke i vendosur ato në një nga hapësirat më të rëndësishme arkeologjike të Kosovës – Ulpianën 🏛️🇽🇰.
Ky dialog mes së kaluarës dhe së tashmes synon të tregojë se si tradita, arti dhe identiteti kulturor mbeten gjithnjë të gjallë mbi krahët tanë. Prandaj duhet të vazhdojmë t’i mbajmë.
Kjo ekspozitë u realizua nga Motiv nga Kosova nën udhëheqjen e Tolinda Gojani Asani, në bashkëpunim me Klubin e Kulturës Tradicionale nga gjimnazi “Xhevdet Doda” dhe studentet e Departamentit të Antropologjisë nga Fakulteti Filozofik i Universitetit të Prishtinës.
Një falënderim i posaçëm i drejtohet Departamentit të Antropologjisë të Fakultetit Filozofik për përkrahjen e dhënë, si dhe organizatorëve të Ulpiana Fest 2025 për mundësinë që kjo ekspozitë të bëhet pjesë e një festivali që kremton historinë dhe kulturën.
Ashtu siç bëjmë ne çdo ditë.
