https://www.facebook.com/529656946891556/

Federata Basketbollit në Karroca e Kosovës

Home
Kosovo
Pristina
Federata Basketbollit në Karroca e Kosovës

Contact information, map and directions, contact form, opening hours, services, ratings, photos, videos and announcements from Federata Basketbollit në Karroca e Kosovës, Non-Governmental Organization (NGO), Prishtinë, Pristina.

14/07/2026

Federata e Basketbollit në Karroca e Kosovës mbajti trajnimin me temën: i-Protect – Ngacmimet dhe Abuzimet në Sport, me ligjërues Gezim Brahimin.

Ky trajnim kishte për qëllim rritjen e vetëdijes për parandalimin e ngacmimeve dhe abuzimeve në sport, promovimin e një mjedisi të sigurt, gjithëpërfshirës dhe të bazuar në respekt për të gjithë sportistët, trajnerët dhe zyrtarët sportivë.

Përmes aktiviteteve të tilla, Federata vazhdon të forcojë kapacitetet e komunitetit sportiv dhe të promovojë vlerat e integritetit, barazisë dhe mbrojtjes së çdo sportisti.

Falënderojmë ligjëruesin Gezim Brahimi për prezantimin profesional dhe kontributin e tij në këtë trajnim.

Ky trajnim u mundësua me mbështetjen e Ministrisë së Sportit dhe Rinisë.

04/07/2026

Federata e Basketbollit në Karroca e Kosovës organizoi trajnimin me temë “Përgatitjet fizike dhe parandalimi i lëndimeve”, të udhëhequr nga fizioterapeutja Xhemile Sahiti Canolli.

Trajnimi kishte për qëllim ngritjen e njohurive mbi rëndësinë e përgatitjes fizike, parandalimin e lëndimeve dhe ruajtjen e performancës së sportistëve, duke kontribuar në zhvillimin profesional të sportistëve dhe trajnerëve.

Ky trajnim u realizua me mbështetjen nga Ministria e Sportit dhe Rinisë, të cilën e falënderojmë për përkrahjen e vazhdueshme në zhvillimin e sportit dhe basketbollit në karroca.

Falënderojmë fizioterapeuten Xhemile Sahiti Canolli për ligjërimin profesional dhe të gjithë pjesëmarrësit për angazhimin dhe pjesëmarrjen aktive.

Së bashku vazhdojmë të punojmë për një sport më të fortë, më të sigurt dhe më gjithëpërfshirës.
♿️🏀😇

28/06/2026

Filloi Kampionati i Basketbollit në Karroca i Kosovës!

Me sukses u zhvillua xhiroja e parë e Kampionatit të Basketbollit në Karroca, duke shënuar fillimin e një sezoni të ri garues dhe një hap të rëndësishëm në zhvillimin e këtij sporti në vendin tonë.

Në këtë xhiro morën pjesë katër klube:
🏀. Gjilani
🏀. Prishtina
🏀. Kamenica
🏀. Ferizaj

Fitues të ndeshjeve të xhiros së parë u shpallën klubet Gjilani dhe Ferizaj, të cilat e nisën kampionatin me fitore. Urime për paraqitjet dhe sukseset e tyre, si dhe respekt për të gjitha ekipet pjesëmarrëse për garën e zhvilluar në frymë sportive.

Ky kampionat është mundësuar me mbështetjen e Ministrisë së Kulturës, Rinisë dhe Sportit, të cilën e falënderojmë për përkrahjen e vazhdueshme në zhvillimin dhe promovimin e sportit për personat me aftësi të kufizuara.

Federata e Basketbollit në Karroca e Kosovës mbetet e përkushtuar për të promovuar sportin, barazinë dhe gjithëpërfshirjen, duke krijuar mundësi që çdo sportist të tregojë talentin dhe vlerat e tij.

Urojmë suksese të gjitha skuadrave në vazhdim të kampionatit!
❤️🏀♿

❤️
❤️

27/05/2026

Pa ngjyrime politike, por me krenari dhe respekt për një rrugëtim që e kemi ndërtuar bashkë ndër vite për të mirën e personave me aftësi të kufizuara.

Federata e Basketbollit në Karroca ka qenë gjithmonë më shumë se sport. Ka qenë zë i barazisë, i përfshirjes dhe i forcës për të gjithë ata që çdo ditë përballen me sfida, por nuk ndalen asnjëherë së luftuari për ëndrrat dhe të drejtat e tyre.

Sot ndihemi krenarë që Elmi Fazliu, nënkryetar i federatës sonë, po vazhdon këtë rrugëtim edhe në një përgjegjësi më të madhe publike. Përkushtimi i tij ndaj sportit, komunitetit dhe personave me aftësi të kufizuara ka qenë gjithmonë i sinqertë dhe i palodhshëm.

Besojmë se zëri i tij do të jetë zë i të gjithëve i sportistëve, i të rinjve dhe i çdo personi që kërkon më shumë përfaqësim, barazi dhe mundësi në shoqërinë tonë.

Në këto zgjedhje, Elmi Fazliu kandidon për deputet me numrin 64 nga radhët e Partisë Demokratike të Kosovës (PDK).

Ky është një moment i rëndësishëm për komunitetin tonë dhe një hap tjetër drejt një shoqërie më gjithëpërfshirëse dhe më të barabartë për të gjithë.

Elmi Fazliu👏🏻

15/05/2026

Sot, kryetarja e Federatës së Basketbollit në Karroca, Diana Hoti, së bashku me nënkryetarin Elmi Fazliu, vizituan Shkollen “7 Shtatori”, ku sot ishte një ditë e veçantë për Riad Canollin.

Në ditën e 18-vjetorit të tij, Riadi u bë zyrtarisht pjesë e Federatës së Basketbollit në Karroca. Me shumë dashuri dhe respekt, federata i dhuroi fanellën zyrtare dhe një karrocë , duke i dhënë mbështetje në fillimin e rrugëtimit të tij në basketboll.

Federata e uron nga zemra Riadin për ditëlindjen e tij të 18-të, duke i dëshiruar shëndet, lumturi, suksese dhe shumë fitore në jetë e në sport. Qoftë kjo ditë fillimi i një kapitulli të ri, plot forcë, motivim dhe ëndrra të realizuara.

Falënderim i veçantë shkon për Shkurta Haxhiun për donacionin e karrocës për Riadin, një gjest me shumë vlerë që do ta ndihmojë në rrugëtimin e tij sportiv.

Gjithashtu, falënderojmë drejtoreshën, mësimdhënësit dhe në veçanti shoqërinë e Riadit të Shkolles “7 Shtatori,” të cilët po dëshmojnë çdo ditë se mbështetja dhe shoqëria e sinqertë janë forca më e madhe për çdo të ri.

Federata e Basketbollit në Karroca do të vazhdojë të jetë pranë çdo të riu që zgjedh sportin si forcë, motivim dhe rrugë drejt suksesit. Elmi Fazliu

14/05/2026

Sot, kryetarja e Federatës së Basketbollit në Karroca të Kosovës, Diana Hoti, ka nënshkruar Memorandum Bashkëpunimi me Shoqatën Humanitare “Bereqeti”, të përfaqësuar nga drejtori Xheladin Fazliu.

Kjo marrëveshje përfaqëson një hap të rëndësishëm drejt forcimit të bashkëpunimit në mbështetje të sportit, humanizmit dhe përfshirjes sociale. Përmes këtij memorandumi synohet realizimi i aktiviteteve dhe projekteve të përbashkëta që ndikojnë pozitivisht në jetën e personave me aftësi të kufizuara dhe komunitetit në përgjithësi.

Falënderojmë drejtorin Xheladin Fazliu dhe Shoqatën Humanitare “Bereqeti” për gatishmërinë dhe mbështetjen ndaj misionit tonë.

🤲🏻❤️🤝🏀

07/05/2026

Sot, kryetarja e Federatës së Basketbollit në Karroca të Kosovës, Diana Hoti, mori pjesë në nënshkrimin e memorandumit të bashkëpunimit me Ministrin e Sportit dhe Rinisë, Blerim Gashani.

Ky memorandum shënon një hap të rëndësishëm për zhvillimin e basketbollit në karroca në Kosovë, duke sjellë rritje të mbështetjes institucionale dhe rritje të buxhetit për Federatën e Basketbollit në Karroca, me qëllim avancimin e aktiviteteve sportive dhe përmirësimin e kushteve për sportistët.

Federata mbetet e përkushtuar në fuqizimin e sportistëve dhe promovimin e sportit gjithëpërfshirës në nivel vendor dhe ndërkombëtar.

Falënderojmë Ministrin e Sportit dhe Rinisë, për përkrahjen dhe bashkëpunimin e vazhdueshëm ndaj sportit paralimpik në Kosovë. 🏀♿

29/04/2026

Në kuadër të aktiviteteve për fuqizimin e rinisë, Federata e Basketbollit në Karroca, së bashku me parasportistët tanë, mori pjesë në prezantimin e gjetjeve të Indeksit të Pjesëmarrjes së të Rinjve nga D4D.

Diskutimet nxorën në pah sfida reale nga mungesa e mundësive e deri te përfshirja e kufizuar në vendimmarrje. Për ne, këto nuk janë vetëm statistika, por përditshmëri që kërkon angazhim dhe veprim konkret.

Përmes sportit, ne vazhdojmë të promovojmë barazi, qasje dhe përfaqësim për të gjithë të rinjtë, duke dëshmuar se secili meriton hapësirë për të ecur përpara dhe për t’u dëgjuar.

17/04/2026

Wheels of Voice: Empowering Young Wheelchair Athletes for Participation & Advocacy, i organizuar nga YouthHUB dhe i mbështetur nga European Union.

Ky aktivitet synon fuqizimin e të rinjve sportistë në karroca, duke rritur pjesëmarrjen e tyre dhe zërin në shoqëri.

Ky projekt është financuar nga Democracy for Development (D4D).

Democracy for Development (D4D)😇

Address

Prishtinë
Pristina
10000

Telephone

+38345920242

Website

facebook.com

Alerts

Be the first to know and let us send you an email when Federata Basketbollit në Karroca e Kosovës posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Federata Basketbollit në Karroca e Kosovës:

Want your organization to be the top-listed Non Profit Organization in Pristina?