Wikimedianët e Gjuhës Shqipe

09/06/2026

🚀 Po kërkojmë një Menaxher/e Projekti!

Organizata “Wikimedianët e Gjuhës Shqipe” është në kërkim të një personi energjik dhe të motivuar për t’iu bashkuar ekipit tonë në Shqipëri.

✨ Në këtë rol do të:

▪️Koordinosh aktivitetet tona
▪️Udhëheqësh punëtori dhe editathons
▪️Bashkëpunosh me institucione për të promovuar dijen e lirë në gjuhën shqipe

📅 Afati i aplikimit: 20 qershor 2026

🔗 Apliko përmes linkut në koment 👇

Nëse të pëlqen të bësh diferencë dhe të kontribuosh për dijen e hapur, kjo është mundësia jote! 🌍💡

Suksese të gjithëve 🙂

20/05/2026

Wiki Loves Pride… 🌈

Fushata që nuk lë në hije artikujt rreth informacionit të saktë, historisë dhe simboleve të komunitetit LGBT+.

Në bashkëpunim me PRO LGBT, do të shkruajmë e të përmirësojmë artikujt në Wikipedia dhe si të ngarkojmë fotografi në Wikimedia Commons nga aktivitete dhe evente të komunitetit LGBT+ në Shqipëri.

Ky event është i hapur për të gjithë, si për ata që kanë redaktuar më parë në Wikipedia, por edhe për ata që duan të redaktojnë artikuj për herë të parë.

Sepse Wikipedia nuk është thjesht një faqe enciklopedike. Ajo është një hapësirë, ku secili mund të japë një kontribut të vogël për dije të mira dhe të plota.

Mos e humbni rastin dhe bashkohuni me ne në këtë event social.

Kur: 30 maj 2026
Ku: Coolab, Tiranë
Regjistrimi: https://forms.gle/8nHTYiPoTJEFouWBA

Në kuadër të eventeve të EuroPride-it dhe Krenaria e Paradës Tiranë, Grupi i Përdoruesve Wikimedian-ët e Gjuhës Shqipe organizon editatonin “Wiki Loves EuroPride 2026”. Ky editaton (maratonë redaktimi) zhvillohet për të shkruar, përkthyer dhe përmirësuar artikuj të ndryshëm rret...

13/05/2026

Më 9-10 maj 2026, Kukësi u bë vendtakimi i dijes së lirë, turizmit dhe kontributit qytetar me editathonën “Summer of Wikivoyage”, i zhvilluar në Qendrën për Progres Rinor.

Gjatë këtij aktiviteti, 15 redaktorë aktivë punuan së bashku për të redaktuar, përmirësuar dhe pasuruar artikuj në Wikivoyage për destinacionet turistike të Shqipërisë dhe Kosovës.

Në Kukës, u ngarkuan 77 fotografi në Wikimedia Commons dhe u punuan 33 artikuj duke shtuar informacion për qytete, zona natyrore dhe vende tona me histori të përbashkët kulturore e turistike.

Falenderojmë të gjithë nxënësit dhe mësuesit nga "SKËNDERBEU"-Krumë.

Faleminderit të gjithëve që e bëtë këtë aktivitet kaq të bukur dhe produktiv. Shihemi në aktivitete të tjera.

30/04/2026

Coordinate Me 2026 është fushatë ndërkombëtare dhe garë online për të shtuar në Wikidata lokacionet e monumenteve historike e kulturore, institucioneve publike, spitaleve, shkollave e çdo objekti tjetër që ka prezencë fizike. E përshtatshme edhe për fillestarë.

Kohëzgjatja e fushatës: 1-30 maj.

Për më shumë info hyni këtu:
https://www.wikidata.org/wiki/Wikidata:Events/Coordinate_Me_2026

Bashkohu në Coordinate Me 2026!

28/04/2026

Sot në Afternoon Delight e ftuar ishte Era Qena nga Wikimedianët e Gjuhës Shqipe, ku foli për fushatën “Të 90-tat” që ka për qëllim me i ruajt kujtimet e asaj periudhe në formë digjitale në Wikimedia Commons, duke theksu sa e rëndësishme është që si shoqni mos me i lanë këto materiale me u harru ajo tregoi që iniciativa është e hapur dhe e thjeshtë për këdo që ka foto apo materiale nga vitet e 90-ta, ndërsa për privatësinë ka gjithmonë mundësi zgjedhjeje, me 29.04.2026 në StoryLab në Prishtinë ka me u mbajt eventi prej orës 14:00 deri në 17:00, ku pjesëmarrësit mund të mësojnë më shumë dhe me kontribu direkt duke sjellë dhe digjitalizu materialet e tyre.

28/04/2026

Sot e martë në Afternoon Delight vjen pak ma ndryshe, këtë herë në studio kemi mysafire Era Qena Menaxhere e projektit nga Wikimedianët e Gjuhës Shqipe.

Flasim për fushatën “Të 90-tat”, që ka për qëllim me dokumentu jetën e atyre viteve dhe me i sjell ato kujtime në formë digjitale në Wikimedia Commons, si një hapësirë e hapur për të gjithë. Po ashtu, ndalemi edhe te aktiviteti që mbahet me 29.04.2026 në StoryLab në Prishtinë, ku diskutohet për rëndësinë e arkivave digjitale dhe pjesëmarrësit kontribuojnë duke shtuar materiale të ndryshme online.

Kyçu në radio prej orës 15:00 deri në 17:00 bashk me Xhura & Fresco.

Tune in.

Urban FM 103.5

www.radiourban.fm

27/04/2026

24 prill, një e premte ndryshe në Shkolla "VIKTOR HYGO" Tiranë.

Bashkë me nxënësit e gazetës së shkollës, ne folëm për dijen e lirë të Wikipedia-s, mendimin kritik, inteligjencën artificiale, etj.

Mësuam dhe praktikuam se si redaktohen e përkthehen artikujt, si përpunohet informacioni i verifikueshëm dhe se si nxënësit mund të bëhen pjesë e këtij komuniteti.

Sepse shkolla nuk është vetëm vendi ku mësohet, por edhe vendi ku fillon vullnetarizmi.

Fillim i mbarë, gjysma e punës!

Shihemi në aktivitetin e ardhshëm. 🤗

23/04/2026

Me 29 prill prej orës 14:00, po mblidhemi në StoryLab për me diskutu rreth arkivave digjitale, promovimit të dijes së lirë dhe të skenojmë e publikojmë foto në platformën e Wikimedia Commons. Synimi ynë është që të dokumentojmë, ndajmë dhe ndërtojmë një arkiv publik digjital të kujtimeve e përjetimeve nga vitet e 90-ta në Kosovë.

Nëse keni albume familjare, fotografi personale ose materiale audiovizuale nga vitet e 90-ta, ky është momenti i duhun t'i ndajmë ato me të tjerët, dhe t'i bëjmë të qasshme për krejt botën.

Ky event mbahet në kuadër të fushatës “Të 90-tat”, organizuar dhe implementuar nga “Wikimedianët e Gjuhës Shqipe” dhe zhvillohet në kuadër të programit “Storylab Communities”

18/04/2026

Në Muajin e Diplomacisë Kulturore të Ukrainës patëm kënaqësinë të bashkëpunojmë me një grup rinor në një editathon të zhvilluar në shkollën “Jeronim de Rada”, Elbasan.

Ne përkthyem dhe përmirësuam në shqip artikuj për kulturën dhe figurat e njohura ukrainase në mbështetje të kësaj nisme.

Falenderojmë të gjithë pjesëmarrësit që jo vetëm punuan me shumë përkushtim, por edhe mësuan më shumë për kulturën e përgjithshme ukrainase.

Falenderime të përzemërta për shkollën Shkolla 9-vjeçare "Jeronim de Rada" Elbasan Faqja Zyrtare për mbështetjen dhe zhvillimin e aktivitetit.

Ky konkurs është i hapur deri më 30 prill.

Nëse dëshironi të bëheni pjesë e tij, hidhini një sy listës së artikujve dhe rregullave këtu:
https://meta.wikimedia.org/wiki/Ukraine%27s_Cultural_Diplomacy_Month_2026/List

Shihemi së shpejti në nisma të tjera të bukura. 🙏

11/04/2026

Opre Roma! ✊️

Gjatë ditës së sotme grupi i wikipedian-ëve të gjuhës shqipe u mblodh në Tiranë për të përkthyer dhe për të redaktuar artikuj rreth komunitetit rom në Ditën Ndërkombëtare të Romëve. 🤗

Puna për saktësimin e të dhënave dhe të artikujve të tjerë do të vazhdojë në ditët në vijim.

Nëse doni të kontribuoni për kauzën e komunitetit rom, klikoni linkun: https://meta.wikimedia.org/wiki/International_Roma_Day_Edit-a-thon_2026/Article_lists

Regjistrimi këtu:
https://outreachdashboard.wmflabs.org/courses/WoALUG/International_Roma_Day_2026_in_Tirana/home