Studim Kritikë Veprim

Studim Kritikë Veprim STUDIM KRITIKË VEPRIM për Universitet!

27/05/2026

Të nderuar kolegë studentë,

Me rastin e Festës së Kurban Bajramit, ju uroj nga zemra shëndet, lumturi, paqe dhe mbarësi në familjet tuaja. Qoftë kjo festë një moment gëzimi, solidariteti dhe afërsie me më të dashurit tuaj.

Për shumë mot Bajrami! 🤍

Të nderuar kolegë,Jemi të lumtur që pas kërkesës sonë të datës 11 dhjetor 2025 për largimin e kriterit të përvojës së pu...
20/05/2026

Të nderuar kolegë,

Jemi të lumtur që pas kërkesës sonë të datës 11 dhjetor 2025 për largimin e kriterit të përvojës së punës, sot është nënshkruar Udhëzimi i ri Administrativ për Shkollimin Specialistik, ku përvoja e punës tashmë vetëm do të poentohet dhe nuk do të jetë më kriter obligativ.

Ky është një hap shumë i rëndësishëm dhe i nevojshëm, duke pasur parasysh vështirësitë me të cilat përballen mjekët e rinj në gjetjen e një vendi pune pas përfundimit të studimeve.

Po ashtu, do të vazhdojmë me kërkesën tonë për pagesën e stazhit në vlerën e pagës minimale dhe shpresojmë që edhe këtë ta arrijmë së bashku.

Shprehim falënderimin tonë për Ministria e Shëndetësisë për gatishmërinë dhe mbështetjen në adresimin e kësaj çështjeje kaq të rëndësishme për mjekët e rinj.

SKV PËR MAQEDONINË E VERIUT ❤️Aktivistët e SKV morën pjesë në protestën e organizuar dje në Maqedoninë e Veriut, për të ...
19/05/2026

SKV PËR MAQEDONINË E VERIUT ❤️
Aktivistët e SKV morën pjesë në protestën e organizuar dje në Maqedoninë e Veriut, për të ngritur zërin kundër cenimit të së drejtës për përdorimin e gjuhës shqipe, një gjuhë autoktone, e rrënjosur ndër shekuj në trojet shqiptare të Maqedonisë së Veriut. 🇦🇱

Gjuha shqipe nuk është privilegj, por e drejtë themelore e çdo shqiptari që jeton dhe kontribuon në atë shtet. Tentimet për ta minimizuar, kufizuar apo larguar nga institucionet janë të papranueshme dhe bien ndesh me parimet bazë të barazisë dhe demokracisë.

Sot më shumë se kurrë, duhet unitet dhe reagim ndaj çdo përpjekjeje që cenon të drejtat tona kombëtare e gjuhësore. Zëri ynë nuk do të heshtë.

Ju njoftojmë se nga sonte, konviktet në Qendrën e Studentëve do të jenë të hapura 24 orë.Ky vendim është marrë pasi stud...
18/05/2026

Ju njoftojmë se nga sonte, konviktet në Qendrën e Studentëve do të jenë të hapura 24 orë.

Ky vendim është marrë pasi studentëve nuk u lejohej hyrja pas orës 00:00. Nga sot, ky kufizim hiqet, duke u mundësuar studentëve më shumë fleksibilitet dhe duke kontribuar në gjallërimin e jetës studentore.

Ju njoftojmë gjithashtu se studentët që hyjnë pas orës 00:00 do të evidentohen.

SKV për jetën studentore!

Të nderuar kolegë,Ju ftojmë të merrni pjesë në organizimin e eventit “Alumni Talk” që mbahet nesër nga ora 12:00 në holl...
18/05/2026

Të nderuar kolegë,

Ju ftojmë të merrni pjesë në organizimin e eventit “Alumni Talk” që mbahet nesër nga ora 12:00 në hollin e FIEK-ut.

Ky event ka për qëllim të bashkojë ish-studentët e FIEK-ut me studentët aktualë, duke krijuar një hapësirë për ndarjen e përvojave dhe inspirimin e gjeneratave të reja.

📍Holli i FIEK
🕣12:00
📅 19 maj (e martë)

17/05/2026

Bashkë me studentët shqiptarë në Shkup

Të dashur kolegë, ju njoftojmë që Parlamenti Studentor i Universitetit të Prishtinës do të jetë pjesë e protestës së studentëve shqiptarë në Shkup me datë 18 maj.

Ju ftojmë të gjithëve për mbështetje për kolegët tanë nga Maqedonia, për një të drejtë që ju takon dhe që duhet të ju mundësohet. Për gjuhën shqipe si e drejtë sublime për ta.

Bashkohuni me studentët, të gjithë një zëri!

Vendi: Para Urës së Gurit, Shkup
Data:18.05.2026
Ora:16:30

Me respekt
Parlamenti Studentor i Universitetit të Prishtinës

Faleminderit nga zemra secilit prej jush ❤️3225 vota nuk është diçka që merret si e mirëqenë. Secila votë ka peshë, ka b...
30/04/2026

Faleminderit nga zemra secilit prej jush ❤️

3225 vota nuk është diçka që merret si e mirëqenë. Secila votë ka peshë, ka besim pas saj, dhe për ne kjo do të thotë shumë. Keni zgjedhur të na besoni, të na përkrahni dhe të na jepni mundësinë t’ju përfaqësojmë e kjo është një përgjegjësi e madhe.

Ky është rezultati më i mirë që SKV ka arritur që prej kur garon në zgjedhje. Nuk është thjesht rekord, por dëshmi që puna, angazhimi dhe qëndrimi ynë kanë pasur kuptim dhe janë vlerësuar nga ju.

Faleminderit secilit që ka votuar, secilit që ka folur për ne, që ka shpërndarë fjalën dhe që ka qëndruar me ne gjatë gjithë kësaj kohe.

Ky është vetëm fillimi. Puna vazhdon, edhe më fort, edhe më drejt.

Faleminderit shumë! ❤️

Të nderuar kolegë,Pas shpalljes së rezultateve preliminare, ju njoftojmë se SKV është rikonfirmuar si lëvizja më e madhe...
29/04/2026

Të nderuar kolegë,

Pas shpalljes së rezultateve preliminare, ju njoftojmë se SKV është rikonfirmuar si lëvizja më e madhe studentore, duke arritur rezultatin më të mirë që nga pjesëmarrja në zgjedhje.

Kemi rikonfirmuar Fakultetin e Inxhinierisë Elektrike dhe Kompjuterike me 90% të votave (960 vota), si dhe FSHMN-në me 62%. SKV do të përfaqësohet me 5 deputetë në Parlamentin Studentor, duke dëshmuar edhe njëherë se është e vetmja lëvizje studentore serioze brenda Universitetit të Prishtinës.

Faleminderit secilit anëtar dhe aktivist faleminderit për një fushatë të mrekullueshme dhe ndryshe nga të tjerat.

3225 herë faleminderit ❤️

29/04/2026

Sot është dita! 🙌
Votimi është tashmë i hapur.

Keni plot 10 orë në dispozicion - ndaj gjeni kohën tuaj dhe mos e lini pa e shfrytëzuar këtë mundësi. Vota juaj ka peshë.

Votoni tani në http://e-votimi.uni-pr.edu
Votoni SKV me numrin 3! ❤️

SKV PËR VITIN E PARËSot, para Rektoratit, studentët treguan se kur zëri bashkohet, ai bëhet i pamohueshëm.Kjo protestë n...
27/04/2026

SKV PËR VITIN E PARË
Sot, para Rektoratit, studentët treguan se kur zëri bashkohet, ai bëhet i pamohueshëm.

Kjo protestë nuk ishte vetëm reagim ndaj një rregulloreje, por dëshmi e vetëdijes dhe guximit studentor për të kërkuar të drejtat që u takojnë. Çdo hap i ndërmarrë sot ishte një mesazh i qartë: studentët nuk janë spektatorë, por pjesë aktive e vendimmarrjes që i prek drejtpërdrejt.

Ne besojmë në një universitet më të drejtë, më transparent dhe më gjithëpërfshirës — dhe nuk do të ndalemi derisa ky standard të bëhet realitet.

Si SKV, theksojmë se faza e tranzicionit duhet të respektohet si pjesë e një procesi të rregullt dhe legjitim. Respektimi i saj është thelbësor për garantimin e një përfaqësimi të drejtë dhe funksional për të gjithë studentët.

Zëri i studentëve nuk ndalet. Ai vetëm sa forcohet.
VOTO 3 ✅
VOTO SKV ❤️
BASHKË PËR UP !

Address

Pristina
10000

Website

Alerts

Be the first to know and let us send you an email when Studim Kritikë Veprim posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Studim Kritikë Veprim:

Shortcuts

Share

Category