Organizata FACEDOG KOSOVA ka ardhur si rezultat i trajtimit çnjerëzor të këtyre qenve në vendin tonë. Për të përmirësuar këtë gjendje, Facedog Kosova avokon për të ndaluar vrasjen e tyre, promovuar adoptimin e qenve endacak dhe ndërtimin e strehimoreve për strehimin dhe trajtimin e tyre. Facedog Kosova, fillimisht fushatën e saj e zhvillon nëpërmjet rrjeteve sociale, duke promovuar kujdes, dashuri
dhe humanitet ndaj këtyre kafshëve. Target i kësaj iniciative janë të gjithë qytetarët e Kosovës, duke i dhënë theks të shtuar moshave të reja. Ne po ashtu dëshirojmë të ndërtojmë raporte partneriteti me institucionet qeveritare, për të ndikuar në adoptimin e politikave të cilat do të ndryshonin këtë situatë. Aktivitetet e saj Facedog Kosova i zhvillon në baza vullnetare, duke synuar të shtoj sa më shumë bazën e vullnetarëve të cilët do të bëjnë që kjo iniciativë të ketë ndikim cilësor për të përmirësuar formën aktuale të trajtimit të qenve endacak.
