Instituti për Kërkime Ekonomike

01/11/2022

Prononcimi për Klan Kosova i Sefer Zogaj nga Instituti për Kërkime Ekonomike

Follow Klan Kosova on...• FB: https://smarturl.it/KlanKosovaFb• IG: https://smarturl.it/KlanKosovaIG• YT: https://smarturl.it/KlanKosovaSub• WEB: https://kla...

19/08/2022

Masat e kursimit të energjisë elektrike të jenë të obligueshme

Përkundër që gjendemi në muajin gusht, ku tradicionalisht nuk ka pasur reduktime të rrymës – tash Kosova po përballet me to, mandje shumë

Kjo situatë që mund të acarohet e do ta përkeqësojë edhe më tepër klimën e të bërit biznes në Kosovë.

Përpos që reduktimet do të jenë një pengesë e investitorëve potencialë për ta bartur një pjesë të kapitalit në Kosovë – kjo gjendje do të ndikojë që edhe investitorët e tashëm ta shqyrtojnë mundësinë e largimit, kjo pasi do të iu shtohen kostot e do të iu vështirësohet veprimaria afariste < si sipërmarrjes së huaj ashtu edhe asaj vendore.

Kjo për punësimin e makrostabilitetin nënkupton shumë – regres, këtë s’duhet ta lejojë Qeveria e Kosovës, në të kundërtën arsyetimi në ‘krizën energjetike globale’ nuk do të jetë justifikim racional.

Qeveria i ka disa mekanizma – mund që nga tash ta ndërtojë infrastrukturën ligjore që masat e kursimit të jenë obligative; shpenzimi i paarsyeshëm i energjisë duhet të gjobitet.

Një ashtu, vjedhja e rrymës mund të luftohet – si dhe duhet të ndahen mjete shtesë financiare që e ndihmojnë importin e rrymës.

Situata është emergjente – reduktimet po ndodhin në një kohë kur konsumi është i ulët, mund të imagjinohet sezoni i dimrit kur konsumi shtohet dukshëm shkak i nevojës për ngrohje.

Instituti për Kërkime Ekonomike
19 Gusht, Prishtinë

27/02/2022

Të shtohen rezervat e grurit

Duke pasur për bazë se rreth 30 për qind e eksportit global të grurit është nga Rusia dhe Ukraina atëherë Kosova duhet të përgatitet për shtimin e rezervave.

Deklaratat e zyrtarëve institucionalë se vendi ka rezerva për disa muaj nuk duhet të krijojë aspak komoditet – pasi konflikti e kriza potencialisht mund të zgjasin.

Pos që duhet të sigurohen rezerva – është e nevojshme dhe hartimi i politikave konkrete për mbështetjen e bujqve në mënyrë që kultivimi i grurit vendor të shtohet.

Në kohë krizash esenciale është sigurimi i ushqimit, kështu në rast nevoje duhet të ristrukturohen kornizat buxhetore që si top prioritet të vihen politikat për subvencionimin e shportave familjare.

13/06/2020

Hulumtim

Instituti për Kërkime Ekonomike ka realizuar një hulumtim me 1.000 respodentë për të ardhur me të dhëna të sakta në lidhje me qëndrimet e opinionit kosovar mbi preferencat për produktet vendore dhe ndërkombëtare.

A konsumoni më shumë produte vendre apo ndërkombëtare? 63.3% konsumojnë më shumë produkte vendore ndërsa 36.7% më shumë preferojnë të konsumojnë produktet ndërkombëtare.

Por, 63.7% mendojnë që produktet vendore nuk kanë cilësi të përafërta përkundër 36.3% që mendojnë që produktet vendore kanë cilësi të njejta/përafërta me produktet ndërkombëtare.

Këto dy statistika japin të kuptojmë për një nacionalizëm ekonomik në vendin tonë pasi një pjesë e madhe e të anketuarëve konsumojnë më shumë produkte vendore përkundër që besojnë qe nuk kanë cilësi të përafërta me produktet ndërkombëtare.

22/05/2020

Integrimi në Bashkimin Europian (BE) është ndër prioritetet kryesore të Republikës së Kosovës.

Kur kemi një prioritet kaq të rëndësishëm atëherë edhe roli i hulumtimit në matjen e opinionit kosovar për integrimin e Kosovës në BE duhet të jetë pjesë e hulumtimeve të shoqërisë civile.

Instituti për Kërkime Ekonomike ka realizuar një anketë me 1.000 respodentë ku shihet disponimi masiv i qytetarëve të Kosovës për integrim në Bashkimin Europian me 97.7% qe janë pro dhe vetëm 3.3% kundër.

Përmes këtij hulumtimi mësohet se motivet ekonomike/biznesore janë arsyet e shumicës që mendojnë që Kosova duhet të integrohet në BE dhe përbën 59.1%. Për motive arsimore/profesioanle e duan integrimin në BE si arsye kryesore 18.2%. Më pas motivet politike/diplomatike me 13.6% e krejt në fund motivet kulturore/civilizuese mee 9.1%..

Në anën tjetër 41.2% e pakicës që janë kundër integrimit në BE-së e kanë për motive politike. 29.4% për motive fetare. 17.6% për motive kulturore dhe vetëm 11.8% për motive historike.

Rruga për integrime europiane duhet të jetë ndërlidhje me prioritetet e brendshme që kanë të bëjnë me sundimin e ligjit, zhvillimin ekonomik dhe luftimin e diskriminimit të të gjitha llojeve.

12/05/2020

Hulumtim

Instituti për Kërkime Ekonomike përmes një hulumtimi me 1.000 respodentë ka arritur matjen e opinionit kosovar në lidhje me vlerësimin e sektorit publik dhe sektorit privat.

75.8% besojnë se sektori publik qëndron më mirë në Kosovë për dallim prej 24.2% që i japin përparësi sektorit privat

Në këtë hulumtim janë mësuar arsyet pse kaq shumë preferohet sektori publik në Kosovë. 47.2% e preferojnë për shkak benifiteve të shumta si pushime vjetore dhe shëndetësore, trajnime etj. 30.6% për shkak të pagës dhe 22.2% shkak i orarit fleksibil të punës.

Qasja më e lehtë në punësim është arsyeja pse 53.1% e vlerësojnë sektorin privat. 28.1% për shkak të avancimit profesional dhe 18.8% për shkak të pagës.

Në bazë të hulumtimit në sektorin privat ka shumë hapësira për përmirësime, sidomos në benifite, paga, orar fleksibil të punës. Diferenca shumë e madhe në mes sektorit publik dhe privat në perspektivat e qytetarëve dëshmon që në të ardhmen fokusi duhet të jetë tek sektori privat si një potencial i madh për zhvllimin e ekonomisë kombëtare.

01/05/2020

Instituti për Kërkime Ekonomike uron punëtorët për 1 MAJIN ditën kur vëmendja e botës është mbi të drejtat e punëtorëve. Në Kosovë ka shkelje të të drejtave të punëtorëve diçka e tillë është cenim i dinjitetit të njeriut. INKE do të angazhohet për të fuqizuar të drejtat e punëtorëve si kategoria bazike e zhvillimit të ekonomisë dhe shoqërisë!

17/03/2020

Instituti për Kërkime Ekonomike shtyen publikimin e hulumtimeve. Asnjë temë tash nuk ka rëndësi sa ka shëndeti dhe jeta qytetarëve.

Me respekt!

16/03/2020

Koronavirusi

Të anulohen investimet kapitale për t’u ndihmuar bizneset dhe familjet me të ardhura të ulëta.

Instituti për Kërkime Ekonomike me shqetësim po i ndjek rrethanat e krijuara pas përhapjes së virusit Covid-19 në Kosovë. Parimisht jeta e njeriut është gjëja më e shtrejt, por përpos kësaj edhe mirëqenia sociale është tejet e rëndësishme për jetën e njeriut. Instituti për Kërkime Ekonomike beson që mbyllja e bizneseve përkohësisht do të ketë pasoja në projekt-buxhetet e ardhshme dhe në mirëqenien sociale në përgjithësi.

Ne nuk e kundërshtojmë këtë masë të domosdoshme, por besojmë që duhet një rishikim i buxhetit duke i anuluar disa projekte kapitale për t’i zëvendesuar ato linja buxhetore me rigjallërim të bizneseve pas përfundimit të kësaj situate.

Investimet kapitale janë rrjedhojë e të ardhurave buxhetore, e të ardhurat buxhetore janë të lidhura ngusht me profitin e bizneseve prej të cilave kalkulohen obligimet tatimore. Në këto momente ndërtimi rrugëve e shkollave është luks, derisa stabiliteti i ekonomisë është jetik.

Nëse nuk ndërmarren masa për përkrahje të bizneseve atëherë në vitin tjetër nuk do të ketë as investime kapitale por do të ketë edhe deficit buxhetor.

Po ashtu, nëse situata vazhdon të përkeqsohet, është tejet e nevojshme që t’i sigurohen produkte ushqimore familjeve me të ardhura tejet të ulëta. Njerëzit do të detyrohen të dalin jashtë për të siguruar mbijetesën, e kjo e rrezikon edhe jetën e të tjerëve.

Meqenese jemi në një situatë të jashtëzakonshme, nuk ka rrugë tjetër përpos rishikimit të buxhetit dhe anulimi i shumë projekteve kapitale në përputhje me kornizat ligjore.

Investimet kapitale mund të presin, por rënia e ekonomisë nuk pret – ajo shkaktohet shpesh pikërisht nga gjendjet e jashtëzakonshme.

Propozim në rrethana të jashtëzakonshme

07/03/2020

Instituti për Kërkime Ekonomike (INKE) ka bërë një hulumtim në lidhje me emigracionin me të cilin mund të përballet Kosova në rast të një stabiliteti të mundshëm ekonomik.

Debati që ka përfshirë Bashkimin Europian për shkak të mundësive më të mira për jetë ka bërë që kjo temë përpos trajtimit të jetë edhe komponent shumë i rëndësishëm I politikbërjes.

1.000 respodentë janë përgjigjur në anketën( teren dhe online) e organizuar nga Instituti për Kërkime Ekonomike që për qëllim ka pasur matjen e opinonit Kosovar rreth temës e cila pritet të jetë prezente në dekadat e ardhshme.

71.4% e të anketuarëve kanë pasur qëndrim pro pranimit të emigrantëve në Kosovë përkundër 28.6% që janë shprehur kundër.

Në këtë hulumtim është arritur të zbulohen arsyet kryesore që kanë ndikuar në këtë qëndrim.

Të anketuarit që shprehën qëndrim pro emigrantëve 38.6% si arsye kryesore e kishin çështjen humane. 37.1% si arsye kryesore e kishin rritjen e ekonomisë kombëtare. 17.1% për shkak të rritjes së fuqisë punëtore, kjo kryesisht kërkesë nga bizneset dhe 7.2% kanë pasur një arsye tjetër.

Në anën tjetër siguria publike mbetet arsyeja e 29.4% të anketuarëve që janë kundër pranimit të emigrantëve në Kosovë. Frika nga rrezikimi i vendeve të punës ishte arsye e 23.5 të anketuarëve. Derisa heterogjeniteti I kulturës ishte arsye e 20.6% të anketuarëve dhe 26.5% kishin arsye të tjera për kundërshtimin e tyre ndaj emigrantëve.

Ky hulumtim si synim ka t’i paraprijë diskutimit të ardhshëm që me gjasa të mëdha do të jetë pjesë e diskursit publik në Kosovë.

29/01/2020

Trajnimi, "Trendet e Globalizmit" i organizuar nga Instituti për Kërkime Ekonomike!

20/01/2020

Nëse jeni 18-26 vjeç dhe jeni student keni një mundësi për ngritjen e njohurive tuaja në lidhje me trendet e globalizmit. Periudha në të cilen po jetojmë është periudha e globalizmit dhe qasja konstruktive ndaj tij është e domosdoshme për zhvillim individual dhe kolektiv.

Aplikoni!

13/01/2020

04/10/2019

Në Lajmet Qëndrore në RTK, prononcim dha një përfaqësues i Institutit për Kërkime Ekonomike në lidhje me përfshirjen e të rinjëve në politikë!

Publisher: OnAir Media http://smarturl.it/OnAirMusic LAJMET QENDRORE 03.10.2019 Follow RTK: Facebook: http://smarturl.it/RTKfb WEB: http://smarturl.it/RTKweb

13/09/2019

Instituti për Kërkime Ekonomike me vëmendje po e përcjell aktualitetin politik në Kosovë, ku vetëm për problemet reale të qytetarëve nuk po diskutohet.

Kosova ka probleme serioze ekonomike që janë rrjedhë e problemeve shoqërore e me të cilat qytetarët po përballen çdo ditë.

Subjektet politike duhet të garojnë përmes planeve konkrete politike, specifikisht duhet të paraqesin metodat e tyre stratregjike për zgjidhjen e problemeve ekonomike.

Trajtimi ndaj ekonomisë është pak i diskutuar, duke i parë problemet ekonomike si sekondare një temë që është primare për tejkalimin e gjendjes së mjerueshme sociale në vend.

Ikja masive e të rinjve po bëhet kryesisht për shkaqe sociale, e nga një këndvështrim tjetër largimi i fuqisë punëtore po e zbeh edhe më shumë çdo tendencë për zhvillim.

Po largohen ndërmarrësit e konsumatorët, që domethënë se do të kemi më pak ofertë e më pak kërkesë – një treg edhe më të vogël, që nuk siguron stabilitet ekonomik.

Subjektet politike duhet të paraqesin planet serioze ekonomike, përndryshe mungesa e qasjes ndaj problemit kryesor do të ndikojë që ky problem të rritet edhe më shumë.

19/06/2019

Mund ta gjeni edhe vlerësimin e Institutit për Kërkime Ekonomike

18/03/2019

23/11/2018

Deklarata e Sefer Zogaj në emer të Institutit për Kërkime Ekonomike për Agjencinë e Lajmeve, Kosovapress!

Fushata agresive diplomatike që është duke e bërë Serbia karshi Kosovës, bëri që Qeveria e Kosovës të rritë taksën 100 përqind për