Artpolis - Art and Community

01/06/2026

Prezantohen gjetjet e Studimit të Fizibilitetit për teknikë të ndriçimit dhe zërimit

Më 25 maj, 2026, në Qendrën e Kompetencës në Prizren, u prezantuan gjetjet kryesore të Studimit të Fizibilitetit në kuadër të projektit “Hartimi, Zhvillimi dhe Prezantimi i një Kurrikule Profesionale 3-Vjeçare për Profilet e Teknikëve të Ndriçimit dhe Zërimit në Sistemin Formal të Edukimit”.

Prezantimi u realizua nga Zana Hoxha dhe Berat Bajrami nga Artpolis, ndërsa Standardi i Profesionit u prezantua nga profesoresha universitare, Besa Luzha. Gjatë aktivitetit u prezantuan të gjeturat kryesore të studimit, të cilat dëshmojnë mungesën kritike të teknikëve të kualifikuar të ndriçimit dhe zërimit në industrinë kreative, rreziqet në sigurinë në punë, si dhe hendekun ndërmjet tregut të punës dhe sistemit arsimor.

Studimi evidenton gjithashtu potencialin e madh ekonomik të industrisë kreative dhe nevojën urgjente për krijimin e profileve profesionale që do t’i përgjigjeshin kërkesave të tregut të punës në teatro, media, festivale, film dhe industrinë e argëtimit. Sipas të gjeturave, tregu ka nevojë për qindra teknikë të rinj të ndriçimit dhe zërimit, ndërsa programi i propozuar synon të krijojë mundësi të qëndrueshme punësimi dhe zhvillimi profesional për të rinjtë.

Gjatë diskutimit, pjesëmarrësit dhanë rekomandime për avancimin e studimit dhe programit të propozuar, duke theksuar rëndësinë e rritjes së investimeve në laboratorë praktikë, forcimit të komponentës së sigurisë dhe shëndetit në punë, harmonizimit të kurrikulës me standardet ndërkombëtare, si dhe krijimit të një programi gjithëpërfshirës dhe të qasshëm për të gjithë të rinjtë.
Ky prezantim shënoi një hap të rëndësishëm drejt zhvillimit të arsimit profesional në industrinë kreative dhe krijimit të një modeli të qëndrueshëm që lidh arsimin me tregun e punës.

Kjo iniciativë është pjesë e projektit Industria Kreative, i financuar nga Dukati i Madh i Luksemburgut dhe zbatohet nga UNDP Kosovo. Projekti synon të avancojë aftësitë dhe kompetencat e të rinjve dhe të rejave duke hartuar, përshtatur dhe prezantuar kurse pilot brenda sistemit të arsimit formal, të cilat adresojnë boshllëqet e aftësive në industritë kreative (IK).

Përmes partneriteteve mes institucioneve arsimore dhe industrisë, projekti ofron gjithashtu programe për zhvillimin e aftësive dhe rifreskimin e tyre, mundësi për të mësuar gjatë gjithë jetës, si dhe mbështetje në formë trajnimi dhe mentorimi.

26/05/2026

“Du Studime, Pa Ngacmime!”, takim avokues me përfaqësues të studentëve

Artpolis zhvilloi takim avokues me përfaqësues të organizatave studentore dhe Parlamentit Studentor të Universitetit të Prishtinës, në kuadër të angazhimit për avancimin e zbatimit të Rregullores për Parandalimin e Ngacmimeve Seksuale dhe Ngacmimeve në UP.

Në takim morën pjesë Venera Ismaili dhe Drilona Hamiti nga Artpolis, Dr. Ariana Qosaj-Mustafa, eksperte në politikat publike, sundimin e ligjit dhe barazinë gjinore, Melisa Kadolli nga Rrjeti i Grave të Kosovës (RrGK), përfaqesues të organizatave studentore Reforma dhe Studim Kritik Veprim, si dhe anëtarë të Parlamentit Studentor.

Gjatë diskutimit u prezantua puna shumëvjeçare e Artpolis në fushën e parandalimit të ngacmimeve seksuale në UP, duke rikujtuar procesin e hartimit të Rregullores në vitin 2021, sfidat që kanë përcjellë zbatimin e saj, si dhe nevojën urgjente për avancim të mekanizmave mbrojtës për studentët/et.

Fokus i takimit ishin disa prioritete konkrete që synohen të shtyhen përpara deri në fillim të vitit të ri akademik 2026–2027:

· Përmirësimi i mekanizmave raportues për ngacmime seksuale;

· Promovimi i rregullores dhe informimi më i madh i studenteve/ëve;

· Fuqizimi i studenteve/ëve për raportim.

Përfaqësuesit studentorë shprehën mbështetje të plotë për bashkëpunim dhe u zotuan që ta shtyjnë përpara në Senat propozimin që informacioni për ngacmimet seksuale dhe mekanizmat raportues të përfshihet në kontratat e studentëve.

Artpolis mbetet e përkushtuar në forcimin e mekanizmave mbrojtës dhe nxitjen e përgjegjësisë institucionale, me qëllim që Universiteti të jetë një hapësirë e sigurt, gjithëpërfshirëse dhe dinjitoze për çdo student/e.

21/05/2026

Rikthehet në skenë “KABARE 1999”!

Më 25 maj 2026, nga ora 20:00, në Teatrin e Qytetit të Gjilanit, ju pret repriza e radhës e shfaqjes me regji nga Zana Hoxha – një udhëtim mes kujtimeve, humorit dhe muzikës që rikthen atmosferën e Prishtinës së pasluftës.

Mos e humbisni këtë mbrëmje teatrore – rezervoni vendin tuaj dhe bëhuni pjesë e “KABARE 1999”!

Sh*tja e biletave ka nisur!
🎟Rezervoni me kohë vendet tuaja në numrin: +383 45 222 525

20/05/2026

THIRRJE E HAPUR

OJQ-të Equality dhe Artpolis ftojnë të rinjtë/rejat (15–25 vjeç) nga komuniteti boshnjak dhe të gjitha komunitetet që jetojnë në Kosovë, të bëhen pjesë e punëtorisë 3-ditore: “Edukimi i Bazuar në Teatër”.

Punëtoria organizohet në kuadër të projektit BIG – Barabar Grassroots Initiative dhe projektit: “Historitë tona, skena jonë: Forum Teatri si mjet për dialog dhe ndryshim tek të rinjtë”.

Përmes aktrimit, dialogut dhe shprehjes kreative, pjesëmarrëset/it do të kenë mundësinë të trajtojnë tema të rëndësishme për të rinjtë, si:
• të drejtat e njeriut • barazia gjinore • paqja • dhe çështje të tjera sociale

Punëtoria do të udhëhiqet nga artistet: Zana Hoxha dhe Maja Mitić

Ky trajnim është vetëm fillimi i një procesi kreativ, i cili do të vazhdojë me krijimin e një shfaqjeje Forum Teatër së bashku me pjesëmarrëset/it.

Vendi: Reçan
Data: 4, 5 dhe 6 qershor, 2026.
Pjesëmarrja është falas

Për aplikim, në këtë email: [email protected], dërgoni: • emrin dhe mbiemrin, • moshën • Numrin e telefonit • vendbanimin• një arsye të shkurtër pse dëshironi të bëheni pjesë e këtij trajnimi

20/05/2026

Themelohet Klubi Teatror në Kamenicë

Më 24 prill, 2026 në Kamenicë kanë filluar sesionet e klubit teatror, i krijuar nga Artpolis në bashkëpunim me gjimnazin "Ismail Qemali", nën mentorimin e aktorëve profesionist Kushtrim Qerimi dhe Fitore Jashari. Ky klub po sjell një mundësi të re për të rinjtë e Kamenicës që të angazhohen në aktivitete artistike dhe krijuese përmes teatrit dhe artit.

Përmes trajnimit “Edukimi i Bazuar në Teatër” të rinjtë do të kenë mundësinë të eksplorojnë forma të ndryshme të shprehjes artistike, të zhvillojnë kreativitetin dhe të fuqizojnë komunikimin e tyre përmes lojërave teatrale, improvizimit dhe proceseve të përbashkëta krijuese.

Gjatë takimeve, pjesëmarrësit do të angazhohen në aktivitete që nxisin reflektimin, bashkëpunimin dhe ndërtimin e besimit në vetvete.

Në fund të këtij procesi, klubi synon të kulmojë me një prezantim artistik të përbashkët në skenë teatrale duke krijuar një platformë ku të rinjtë mund të ndajnë idetë, përvojat dhe zërin e tyre përmes teatrit.

Ky aktivitet organizohet nga Artpolis në bashkëpunim me Komunën e Kamenicës me mbështetjen e Frieda - die feministische Friedensorganisation dhe Ministria e Kulturës dhe Turizmit

20/05/2026

Faleminderit Frieda - die feministische Friedensorganisation për mbështetjen dhe besimin në fuqinë transformuese të teatrit. Së bashku po krijojmë hapësira ku të rinjtë gjejnë zërin e tyre, ndërtojnë vetëbesim dhe bëhen pjesë e ndryshimit shoqëror.

Die Frieda-Partnerorganisation Artpolis schafft im ganzen Land kreativen Raum für junge Stimmen – im März dieses Jahres in Podujevë im Nordosten des Kosovos: Ein Theaterclub soll mit der transformativen Kraft der Kunst eine Brücke schlagen zwischen der Jugend und dem gesellschaftlichen Bewusst...

18/05/2026

Jemi krenare të ndajmë publikimin e Përmbledhjes së Politikave “Dialogu kundër rrjedhës në gjendje pezullimi: Dialogu i Udhëhequr nga Gratë në Kosovë”, i zhvilluar në kuadër të projektit hulumtues “Dialogu pas paqes? Një perspektivë gjinore mbi dialogët e shtegut të dytë në Kolumbi, Kosovë dhe Filipine”, i udhëhequr nga Swisspeace - https://www.swisspeace.ch/?utm_source=chatgpt.com.

Kjo përmbledhje e politikave trajton mënyrën se si hapësirat e dialogut të udhëhequra nga gratë në Kosovë vazhdojnë të krijojnë mundësi për lidhje, solidaritet dhe ndërtim të paqes përtej negociatave formale politike. Në kontekste të karakterizuara nga pasiguria dhe tensionet e pazgjidhura, këto iniciativa dëshmojnë rolin transformues të qasjeve feministe, angazhimit nga baza dhe dialogut komunitar në ruajtjen e proceseve të paqes.

Përmbledhja e politikave për Kosovën është shkruar nga Dana Landau, Milica Andrić, Zana Hoxha, Vjollca Krasniqi dhe Jovana Radosavljevic.

Lexoni publikimin këtu:
https://www.swisspeace.ch/assets/publications/Policy-Briefs/2026/PB32026-Landau-Rakic-Hoxha-Krasniqi-Radosavljevic_ALB.pdf?utm_source=chatgpt.com

Falënderojmë Swiss Network for International Studies për mbështetjen e këtij projekti të rëndësishëm hulumtues dhe të gjithë ata që kontribuojnë në avancimin e paqendërtimit feminist dhe praktikave të dialogut.

----

We are proud to share the publication of the policy brief “Countercurrent Dialogue in a State of Limbo: Women-Led Dialogue in Kosovo”, developed within the research project “Dialogue After Peace? A Gender Perspective on Track Two Dialogues in Colombia, Kosovo, and the Philippines” led by Swisspeace.

The policy brief explores how women-led dialogue spaces in Kosovo continue to create possibilities for connection, solidarity, and peacebuilding beyond formal political negotiations. In contexts marked by uncertainty and unresolved tensions, these initiatives demonstrate the transformative role of feminist approaches, grassroots engagement, and community dialogue in sustaining peace processes.

The Kosovo policy brief was authored by Dana Landau, Milica Andrić, Zana Hoxha, Vjollca Krasniqi, and Jovana Radosavljevic.

Read the policy brief: Countercurrent Dialogue in a State of Limbo: Women-Led Dialogue in Kosovo

We thank Swiss Network for International Studies for supporting this important research project and everyone involved in advancing feminist peacebuilding and dialogue practices.

15/05/2026

“Prapa Ekranit” në Viti, nxit debat mbi abuzimet online

Më 8 maj 2026, në Gjimnazi “Kuvendi i Lezhës”-Viti, u prezantua shfaqja forum-teatër “Prapa Ekranit”, e cila trajtoi fenomenet e abuzimit online, kontrollit emocional, bullizmit dhe shtypjes së grave në hapësirat digjitale dhe në jetën e përditshme.

Përmes metodës së forum-teatrit, publiku u bë pjesë aktive e reflektimit dhe diskutimit me personazhet, duke kontribuar në hapjen e dialogut mbi sfidat që të rinjtë përballin në botën digjitale. Atmosfera e shfaqjes nuk përfundoi me mbylljen e skenës — përkundrazi, ajo vazhdoi të jetonte përmes pyetjeve, reflektimeve dhe diskutimeve të nxënësve/eve, të cilët/at nisën të sfidojnë perceptimet mbi dashurinë, kontrollin, dhunën emocionale dhe përgjegjësinë kolektive ndaj padrejtësive.

“Prapa Ekranit” solli në vëmendje ndikimin që dhuna psikologjike dhe manipulimi mund të kenë tek të rinjtë, duke nxitur reflektim mbi përgjegjësinë kolektive, empatinë dhe rëndësinë e reagimit përballë padrejtësive.

“Pse mendon që duhet me e pas këtë kontroll me njeriun që e don?” ishte pyetja nga nxënësja Leonita Ademi e cila ngriti diskutim rreth idesë së kontrollit dhe kujdesit. Ndërsa këshilla e Dafinës (Qëndresa Kajtazi) për audiencën ishte “Me i vrejtë sjelljet ose indikatorët e vegjël, sepse mrapa vetes tregojnë sene të mëdha për një person. Për problemin ma të vogël, bisedoni me prind ose me shoqni, me dikë që është i besueshëm”.

Në këtë shfaqje interpretuan aktorët: Ismail Kasumi, Qendresa Kajtazi, Anisa Ismaili, Edlir Gashi dhe Albana Gashi. Pozicionimi i aktorëve brenda roleve të tyre, veçanërisht gjatë pjesës së diskutimit me audiencën, ndikoi që nxënësit/et të reflektonin më thellë mbi realitetet e paraqitura në skenë. Përmes ndërveprimit të drejtpërdrejtë me personazhet, audienca pati mundësinë jo vetëm të informohej më shumë për pasojat që sjellin kontrolli emocional, manipulimi dhe dhuna psikologjike, por edhe të kuptojë rëndësinë e reagimit, mbështetjes dhe ndërgjegjësimit përballë këtyre fenomeneve.

E organizuar nga Artpolis – Qendra për Art dhe Komunitet, me mbështetje të Kosova Women's Network dhe East-West Management Institute, kjo shfaqje tregon se arti, kur përdoret me qëllim dhe vetëdije, mund të ndikojë në ndryshime shoqërore dhe në rritjen e ndërgjegjësimit tek të rinjtë.

Në këtë kuptim, “Prapa Ekranit” mbetet një thirrje e fortë për të parë përtej ekranit dhe për të kuptuar realitetin që shpesh fshihet pas tij.

15/05/2026

Takim Transnacional në Durrës, Shqipëri | 08–09 maj 2026

Nga 8 deri më 9 maj 2026, tetë pjesëmarrës/e që përfaqësonin katër organizata partnere u mblodhën në Durrës, Shqipëri, për takimin e parë transnacional të projektit WAVES – Women’s Artistic Voices for Equality and Solidarity.

I organizuar nga Eja në Teatër (Shqipëri), takimi bashkoi të gjithë partnerët: Artpolis (Kosovë), Mi-Fugue Mi-Raison (Francë) dhe ART-Playback (Ukrainë), për të nisur zyrtarisht iniciativën 24-mujore të Creative Europe.

Gjatë dy ditëve intensive të punës, partnerët u fokusuan në planifikimin e detajuar të aktiviteteve në kuadër të gjashtë pakove të punës. Diskutimet kryesore përfshinë finalizimin e identitetit vizual dhe strategjisë së komunikimit, si dhe koordinimin e afateve urgjente për hulumtimin artistik në kuadër të WP4 — duke përfshirë realizimin e 40 intervistave gjysmë të strukturuara dhe katër punëtorive pjesëmarrëse me grupe të margjinalizuara deri në korrik–gusht 2026.

Partnerët gjithashtu hartuan planin për pesë trajnimet e ngritjes së kapaciteteve të planifikuara për vitin 2026, sqaruan rolet për zhvillimin e manualeve mbi organizimin e ngjarjeve dhe sigurinë kibernetike, si dhe diskutuan çështje praktike që lidhen me buxhetimin e rezidencës afatshkurtër artistike.

Takimi përfundoi me dakordimin e përbashkët mbi rezultatet konkrete dhe afatet kohore për secilin partner, si dhe me caktimin e një takimi online koordinues për të ruajtur ritmin e bashkëpunimit dhe koordinimit të vazhdueshëm.

I mbështetur mbi parimet feministe të transparencës dhe udhëheqjes së përbashkët, takimi në Durrës vendosi një frymë të fortë bashkëpunimi për projektin WAVES, duke riafirmuar përkushtimin e partnerëve për të fuqizuar zërat e margjinalizuar përmes artit feminist pjesëmarrës në Kosovë, Shqipëri, Francë dhe Ukrainë.

Ky projekt është bashkëfinancuar nga Bashkimi Evropian. Pikëpamjet dhe opinionet e shprehura janë megjithatë vetëm ato të autorëve/eve dhe nuk pasqyrojnë domosdoshmërisht ato të Bashkimit Evropian apo të Agjencisë Ekzekutive Evropiane për Arsim dhe Kulturë (EACEA). As Bashkimi Evropian dhe as EACEA nuk mund të mbahen përgjegjës për to.

15/05/2026

Takim informues i Koalicionit K10

Në takimin e Koalicionit morën pjesë organizatat anëtare , , Artpolis - Art and Community , dhe .

Gjatë takimit u diskutua për planin e punës së Koalicionit, projektet dhe iniciativat e reja, si dhe për shënimin e 10-vjetorit të punës dhe misionit të K10.

Të drejtat riprodhuese mbeten një sfidë në vendin tonë, prandaj misioni ynë për ngritjen e vetëdijes së qytetarëve dhe avokimin për këto të drejta vazhdon me përkushtim.

Koalicioni mbeshtet nga Fondi per Popullesi i Kombeve te Bashkuara - zyra ne Prishtinë.

--

The Coalition meeting was attended by member organizations including KOPF, PRAK, Artpolis, SIT, and AMC.

Discussions during the meeting focused on the Coalition's work plan, upcoming projects and initiatives, and the commemoration of K10’s 10th anniversary, marking a decade of its mission.

Reproductive rights continue to face challenges in our country; consequently, our mission to enhance public awareness and advocate for these rights remains a steadfast commitment.

The Coalition is supported by the United Nations Population Fund — UNFPA office in Pristina.