16/01/2025
Turneu memorial “Ditët e Reçakut” kushtuar 26 vjetorit të Masakrës së Reçakut 15.01.1999
Të nderuar pjesëmarrës të turneut “Ditët e Reçakut”
Këshilli Organizativ i turneut do t’ju falënderojë të gjithëve për pjesëmarrjen dhe angazhimin tuaj të jashtëzakonshëm. Keni treguar një frymë të lartë sportive, korrektësi dhe respekt të ndërsjellë, duke e bërë këtë ngjarje të paharrueshme për të gjithë, njeherit duke respektuar edhe qëllimin e turneut. Loja juaj ishte një shembull i shkëlqyer i shpirtit të pastër sportiv.
Faleminderime të veçanta i shkon gjithashtu institucioneve komunale për mbështetje financiare, që e mundësuan realizimin e këtij turneu. Po ashtu, një falënderim i veçantë shkon për grupet e bizneseve lokale në Shtime, të cilat dhanë kontribut financiar dhe krijuan atmosfere tejet familjare me ne si këshill organizativ dhe me të gjithë pjesëmarrësit, e cila atmosferë ishte shumë e rëndësishëm për zhvillimin e këtij aktiviteti.
Një mirënjohje e thellë shkon edhe për deputetin gjerman njëherit qytetar nderi të Shtimes z. Hartmut Ganzke, i cili na nderoi me vizitën e tij dhe ofroi kontributin e tij të vlefshëm në realizimin e turneut.
Për më tepër, dëshirojmë të shprehim nderimin dhe respektin tonë të thellë për veteranët e UÇK-së, për familjet e dëshmorëve, martirëve dhe invalidët e luftës. Falë sakrificës dhe guximit të tyre, ne mund të realizojmë aktivitete të tilla dhe të jetojmë në një realitet të lirë dhe demokratik.
Urime ekipeve fituese të turneut:
Vendi i parë: FC Vjosa
Vendi i dytë: FC Infra Ing
Vendi i tretë: FC Mishtore Mentori
Suksese të mëtutjeshme të gjithë sportistëve, shihemi në turne të tjerë!
Me respekt,
Këshilli Organizativ i Turneut “Ditët e Reçakut”
