YARL

05/02/2026

Demokracia ndërtohet me veprim. ✨

Aplikoni ose nominoni iniciativa që sjellin ndryshim përmes Çmimit për Demokraci 2025 nga KCSF

Angazhimi për Veprim të Përbashkët (EJA Kosovë) është program i KCSF-së që mbështet nismat e shoqërisë civile përmes granteve dhe ngritjes së kapaciteteve me synimin e përgjithshëm për të dhënë kontribut domethënës në zhvillimin demokratik dhe socioekonomik të Kosovës. E the...

31/01/2025

🌿 U zhvillua me sukses Konferenca përmbyllëse të projektit dhe publikimit të raportit “Dizajnimi i Hapësirave Publike për Ndërtesat Historike”

Prezantuam gjetjet nga dy rastet studimore dhe ndamë ide mbi sfidat dhe mundësitë për krijimin e hapësirave funksionale, gjithëpërfshirëse dhe të qasshme. Këto të dhëna u prezentuan nga bashkëautorët e raporit hulumtues Ark. Kosovare Sadiku Ahmeti dhe Ark.Ibrahim Beqiri.

Një falënderim i veçantë për Prof. Dr. Ark. Flaka Xërxa Beqiri për ekspertizën dhe kontributin e saj në panelin e diskutimit.

Faleminderit të gjithë pjesëmarrësve për diskutimet e vlefshme mbi rëndësinë e hapësirave publike në ndërtesat e trashëgimisë kulturore.

Ky është vetëm një hap drejt një qasjeje më të qëndrueshme dhe inovative në ruajtjen dhe aktivizimin e hapësirave publike të ndërtesave historike.

Ky projekt u implementuar nga YARL dhe u mbështet financiarisht nga Ministria e Kulturës Rinisë dhe Sportit.

24/01/2025

📽️ Dokumentar i Punës së YARL dhe Laureatës së Çmimit për Demokraci 2023 🏆

Kemi kënaqësinë të ndajmë me ju dokumentarin e përgatitur nga KCSF për punën dhe arritjet e YARL dhe Drejtores sonë, znj. Kosovare Sadiku, laureate e Çmimit për Demokraci 2023.

Ju ftojmë të ndjekni këtë rrëfim frymëzues dhe të bashkoheni me ne në angazhimin për një të ardhme ku çdo hapësirë publike është e qasshme dhe gjithpërfshirëse. 💛

🎥 Shikoni dokumentarin këtu: https://www.youtube.com/watch?v=Gzqn1X6hYxA&ab_channel=KCSF

Aktivistes së shoqërisë civile, znj. Kosovare Sadiku, gjatë vitit që lëmë pas, KCSF i ndau Çmimin për Demokraci 2023, për angazhimin dhe punën në zgjerimin ...

09/12/2024

Pas tre javësh pune intensive dhe angazhimi maksimal, përfundoi me sukses projekti “Dizajnimi i Hapësirave Publike për Ndërtesa Historike” 🏛️🎉

Në këtë ditë të fundit, studentët, të mbështetur nga mentori i tyre, prezantuan dhe finalizuan projektet e tyre gjithëpërfshirëse. Këto projekte përfshinin koncepte kreative, analiza të detajuara të lokacionit, vlerësime të elementeve të gjelbërimit, zgjidhje për aksesibilitetin, si dhe propozime për përmirësimin e hapësirave publike që ruajnë dhe pasurojnë vlerat e ndërtesave historike.
Ky projekt u ofroi pjesëmarrësve mundësinë të zhvillojnë aftësi të vlefshme në proceset e dizajnimit, analizës kritike dhe zbatimit të ndërhyrjeve në hapësirat publike përreth ndërtesave historike.

Ceremonia përmbyllëse u shënua me ndarjen e certifikatave për të gjithë pjesëmarrësit, si një vlerësim për përkushtimin dhe përpjekjet e tyre të palodhura. Ky moment ishte jo vetëm një njohje e arritjeve të tyre, por edhe një inkurajim për të vazhduar të kontribuojnë në ruajtjen dhe zhvillimin e trashëgimisë kulturore 📚.

Ky projekt u implement nga YARL dhe u mbeshtet financiarisht nga Ministria e Kulturës, Rinisë dhe Sportit.

03/12/2024

🌍 Dita Ndërkombëtare e Personave me Aftësi të Kufizuara – 3 Dhjetor 🌍

Te dashur miq,

Sot, në nder të kësaj dite të veçantë, duam të theksojmë rëndësinë e gjithëpërfshirjes në hapërat publike për fëmijët dhe të rriturit me Aftësi të Kufizuara (PAK), dhe nevojën e angazhimit ndaj integrimit dhe mundësive të barabarta 🌱.

Përgjatë këtyre viteve, YARL, çdo herë e më shumë ka punuar për të krijuar qasje të reja në krijimin e hapësirave publike gjithëpërfshirëse dhe të qasshme për Personat me Aftësi të Kufizuara (PAK), duke filluar që nga implementimi i Këndeve për Lojëra për Fëmijë me Aftësi të Kufizuara (PAK)- tri kënde tashmë në Prishtinë dhe deri tek zgjerimi i mundësive dhe për grupmoshat e rritura përmes hulumtimit të mundësive të reja për të ofruar hapësira të qasshme dhe miqësore.

Bashkohuni me ne në këtë rrugëtim për një shoqëri më gjithëpërfshirëse! Bashkë mund të arrijmë shumë më shumë.

01/12/2024

Puna intensive dhe e palodhshme po vazhdon në ditën e pestë të projektit "Dizajnimi i Hapësirave Publike për Ndërtesa Historike." Gjatë kësaj faze, studentët, me ndihmën e mentorit, ka vazhduar perpunimi i koncepteve fillestare për lokacionet e përzgjedhura. Këto ide janë rezultat i procesit të javëve të kaluara që përfshin ligjërata, diskutime, dhe skica që formësojnë bazën e tyre konceptuale.

Përgjatë javës, studentët do të vazhdojnë të finalizojnë projektet e tyre dhe dizajnet gjithpërfshirëse. Ky proces përfshin edhe diskutime mbi zgjedhjen e materialeve, funksionalitetin e hapësirave dhe ndikimin në komunitet, duke e bërë çdo koncept sa më të qëndrueshëm dhe të realizueshëm.

Ky project implementohet nga YARL dhe mbështetet financinarisht nga Ministria e Kulturës, Rinisë dhe Sportit.

24/11/2024

Me shumë entuziazem e përkushtim puna po vazhdon…

Gjatë ditës së katërt në kuadër të projektit “Dizajnimi i hapësirave publike për ndërtesa historike”, grupi i studentëve vazhduan punën e tyre me ligjerata, mbledhja e të dhënave, skica dhe diskutime grupore, të cilat janë paraqitur përmes diagrameve, tabelave dhe hartave të ndryshme.

Gjatë javës do të përgatiten konceptet e para për lokacionet e përzgjedhura për trajtim.

Ky projekt u mbështet financinarisht nga Ministria e Kulturës Rinisë dhe Sportit.

23/11/2024

Faleminderojmë AGORA food & coffee për mbështetjen e treguar përmes furnizimit me ushqim për pjesëmarrësit në punëtorinë:

"Dizajnimi i Hapësirave Publike për Ndërtesat Historike"🏦🍀

23/11/2024

Gjatë ditës së tretë në kuadër të projektit “Dizajnimi i hapësirave publike për ndërtesa historike”, grupi i studentëve vizitoi shtëpinë-shkollë në lagjen Kodra e Trimave, objekt ky që ka një histori të pasur dhe ka luajtur një rol kyç në zhvillimin e arsimit dhe kulturës shqiptare gjatë periudhës së luftës në Kosovë.
Kjo shkollë arsimoi qindra fëmijë përgjatë kohës kur u mbyllën shkollat.

Studentët u informuan rreth mënyrës se si u mbajt mësimi në këtë shtëpi-shkollë, lëndët të cilat janë mbajtur dhe se si lindi nevoja për një objekt me funksion të tillë.
Më pas studentët vazhduan me hulumtime dhe me strukturimin e informatave të mbledhura gjatë pjesës së parë të ditës, duke dhënë ide dhe koncepte të mëtejshme.

Ky projekt u mbështet financinarisht nga Ministria e Kulturës, Rinisë dhe Sportit.

17/11/2024

Gjatë ditës së dytë në kuadër të projektit “Dizajnimi i hapësirave publike për ndërtesa historike”, grupi i studentëve vizitoi shkollën e parë shqipe në Kosovë, e cila ndodhet në Stubëll. Ky objekt ka një histori të pasur dhe ka luajtur një rol kyç në zhvillimin e arsimit dhe kulturës shqiptare.

Studentët kishin mundësinë të mblidhnin informacione të rëndësishme rreth historikut të shkollës, duke u njohur me fillesat e saj, si dhe sfidat që ka hasur ndër vite, përfshirë ndryshimet që kanë ndodhur në strukturën dhe përdorimin e hapësirave të saj. Ky informacion i vlefshëm do t'u mundësojë studentëve të zhvillojnë hulumtime për të krijuar ide dhe koncepte për aktivitetet që mund të ndodhin rreth objektit, duke synuar jo vetëm ruajtjen e trashëgimisë kulturore, por edhe përmirësimin e funksionalitetit dhe lidhjen e saj me komunitetin, përmea dizajnimit të hapësirës publike tek këto objekte.

Ky projekt u mbështet financiarisht nga Ministria e Kulturës, Rinisë dhe Sportit.

16/11/2024

Punëtoria 'Ridimensionimi Kulturor përmes Dizajnimit të Hapësirave Publike në Ndërtesat e Trashëgimisë Arkitekturore' ka nisur me sukses! 🏛️🌍

Dita e parë e punëtorisë solli një ligjeratë informuese nga arkitekti Ibrahim Beqiri, i cili ndau eksperiencat e tij të pasura të punës në Turqi dhe analizoi raste studimore nga e gjithë bota. Fokusi kryesor ishte tek mënyrat se si mund të dizajnohen hapësirat publike për të ruajtur trashëgiminë arkitekturore dhe për ta sjellë atë në një kontekst të ri dhe modern, duke respektuar vlerat kulturore 🏛️✨.

Studentët e arkitekturës, të cilët përbëjnë grupin e punëtorisë, kanë filluar tashmë hulumtimet për lokacionet që do të vizitojnë në ditët në vazhdim. Ky proces i detajuar do t'u mundësojë të kuptojnë më mirë sfidat dhe mundësitë që ofrojnë këto hapësira të trashëgimisë, për të zhvilluar ide kreative dhe funksionale për transformimin e tyre.

Ky projekt u mbështet financiarisht nga MMinistria e Kulturës, Rinisë dhe Sportit

11/11/2024

Faleminderit për mbështetjen e treguar përmes furnizimit me ushqim dhe lëngje freskuese për pjesëmarrësit e Ceremonisë së Inagurimit të Këndit të Lojërave për Fëmijë me Aftësi të Kufizuara, në Lagjen Dardania 🎈🧸. Një aktivitet kaq i rëndësishem për fëmijët PAK 🍀😊